Fréttablaðið - 23.08.2004, Blaðsíða 44

20 23. ágúst 2004 MÁNUDAGUR
Erla Steinunn Arnardóttir átti góða innkomu:
Þær gengu á lagið
FÓTBOLTI Erla Steinunn Arnardótt-
ir, sem leikur með Stattena IF í
Svíþjóð, kom inn á í seinni hálf-
leik í sínum fyrsta landsleik
fyrir Ísland.
Erla sýndi mikinn kraft í leik
sínum og reif framlínuna vel
upp, þótt ekki hafi náðst að
skora mark. Hún var svekkt yfir
að tapa leiknum og sagði að þær
hefðu getað gert betur. „Ég er
kraftböggull og þoli ekki að
tapa,“ segir Erla og brosir.
„En það var svekkjandi að
tapa þessum leik. Við vorum
duglegar að láta boltann rúlla
okkar á milli og spiluðum á köfl-
um alveg feiknavel, sérstaklega
í fyrri hálfleik. Við náðum hins
vegar ekki að skjóta neitt að
ráði á markið og uppskárum
eftir því. Hefðum mátt sækja
fastar og setja meiri pressu á
þær.
Með reynslumikið lið
Við vorum mjög frískar til að
byrja með í leiknum en náðum
ekki að fylgja því eftir og Rúss-
arnir gengu á lagið. Þær eru
með reynslumikið lið og biðu í
rólegheitum eftir að geta tekið
leikinn föstum tökum. Það tókst
og því fór sem fór.“
Erla Steinunn sagði að þær
þyrftu að staldra við og athuga
hvað mætti betur fara. „Við
getum gert betur en þetta og
munum setja meiri kraft í næsta
leik.“
RÚSSARNIR Í LYKILSTÖÐU Rússneska
kvennalandsliðið er í góðum málum í
okkar riðli. Fréttablaðið/Róbert
ÚR ÍÞRÓTTAHEIMINUM
Gríski kraftlyft-ingamaðurinn
Leonidas Sampan-
is var sviptur brons-
verðlaunum sínum
og verður að öllum
líkindum dæmdur í
bann af Alþjóðakraftlyftingasam-
bandinu. „Ég get sagt í einlægni að á
tíu ára ferli hef ég aldrei notað þetta
lyf,“ sagði Sampanis grátandi.
Sampanis bar fyrir sig að hannhefði verið sprautaður með
óþekktu efni vegna meiðsla en ólík-
legt er að mark verði tekið á þeirri af-
sökun. Þetta er enn eitt áfallið fyrir
Grikki á Ólympíuleikunum því sprett-
hlaupararnir Kostas Kenteris og Ka-
terina Thanou sviðsettu bílslys í
þeim tilgangi að sleppa við lyfjapróf.
Ba n d a r í s k aDraumaliðið í
k ö r f u k n a t t l e i k
stendur svo sannar-
lega ekki undir nafni
á Ólympíuleikunum
í ár. Í liðinu má
finna nokkur af
stærstu nöfnum körfuboltans í dag,
t.d. Allen Iverson, Tim Duncan,
Stephon Marbury og LeBron
James. Það eitt og sér virðist ekki
duga til því Bandaríkjamenn hafa
tapað tveimur leikjum og eru hvorki
né fugl né fiskur miðað við það sem
búist var við af þeim.
Draumaliðið tapaði nú síðast fyrirLitháum en lengst af leit út fyrir
að Bandaríkjamenn myndu ná að
knýja fram sigur. Litháar, drifnir áfram
af Sarunas Jasikevicius, skoruðu 15
stig gegn 6 á lokakafla leiksins og
stóðu uppi sem sigurvegarar, 94-90.
„Við létum dómarana fara í taugarn-
ar á okkur,“ sagði Richard Jefferson,
leikmaður Draumaliðsins. „Það var
eins og Litháarnir fengju allt dæmt
sér í hag á tímabili.“
Að sögn aðstandenda Ólympíu-leikanna hefur miðasala gengið
vonum framar. Búist er við að tak-
markið náist, að selja 3,4 milljón
miða. Dýrustu miðarnir eru á 21 þús-
und krónur en þeir ódýrustu á tæpar
þúsund. Forráðamenn Ólympíuleik-
anna ætla ekki að gefa afslátt á mið-
um til að þeir seljist betur.
Ekki eru allir jafnstressaðir að
komast á verð-
launapall á Ólymp-
íuleikunum heldur
láta sér það eitt
nægja að taka þátt í
herlegheitunum og
bera sig af miklu stolti. Ines
Melchor, 17 ára gömul stelpa frá
Perú, var hæstánægð með að vera
rúmum hring á eftir þeim fyrstu í
5000 metra hlaupi. „Það var frábært
að heyra fólkið klappa þrátt fyrir að
ég ætti heilan hring eftir,“ sagði
Melchor. „En það var ekki það sem
skipti máli heldur að vera þátttak-
andi í Ólympíuleikunum“.