Fréttablaðið - 02.09.2004, Blaðsíða 2

Ræstingar fyrir Hafnarfjarðarbæ:
Samningur ekki samþykktur
og vísað aftur til bæjarráðs
VIÐSKIPTASKÝRSLAN Þrjú frumvörp
sem samin verða í anda nýrrar
skýrslu nefndar um íslenskt við-
skiptaumhverfi eru í smíðum í við-
skiptaráðuneytinu og eru þau til
breytinga á hlutafélagalögum, lög-
um um einkahlutafélög og sam-
keppnislögum. Vonast er til að frum-
vörpin verði tilbúin á næstu tveimur
vikum og hægt verði að leggja þau
fyrir Alþingi í upphafi þings.
Samkvæmt upplýsingum frá við-
skiptaráðuneytinu er líklegt að í
frumvörpunum felist allar þær til-
lögur er nefndin setti fram í skýrsl-
unni en Valgerður Sverrisdóttir við-
skiptaráðherra hefur lýst því yfir að
í niðurstöðum nefndarinnar sé ekk-
ert sem hún sé ósátt við.
Breytingarnar verða þríþættar. Í
fyrsta lagi varða þær stjórnhætti
fyrirtækja. Lagt verður til að lág-
marksfrestur stjórnar hlutafélags til
að boða hlutafélagafund verði lengd-
ur í tvær vikur og frambjóðendum
til stjórnar beri að tilkynna framboð
minnst tveimur dögum fyrir stjórn-
arkjör. Hlutafélögum verði gert
kleift að kjósa bréfleiðis eða með
rafrænum hætti og hægt verði að
halda fundi með rafrænum hætti. Þá
þurfi samþykki hluthafafundar á
starfskjarastefnu fyrir stjórnendur.
Enn fremur verði stjórnarformanni
hlutafélags ekki heimilt að taka að
sér önnur störf fyrir félagið en þau
sem falli undir „eðlileg störf stjórn-
arformanns“. Jafnframt verði
stjórnarmönnum gert kleift að funda
án framkvæmdastjóra. Upplýsa
verði stjórn um öll veruleg viðskipti
félagsins við tengda aðila. Einnig er
lagt til að tíundi hluti hluthafa í
hlutafélögum og einkahlutafélögum
geti farið fram á sérstaka rannsókn á
starfsemi félags og sömuleiðis höfð-
að skaðabótamál í nafni félags gegn
tjónvöldum í starfi.
Í öðru lagi gerir nefndin tillögur
um breytingar á Samkeppnisstofnun
og að hún fari jafnframt með núver-
andi hlutverk samkeppnisráðs, sem
verði lagt niður. Samkeppnisstofnun
verði veitt aukið rekstrarfé, henni
verði skipt upp og sá hluti hennar er
hefur eftirlit með samkeppnishöml-
um á markaði verði settur undir sér-
staka stofnun.
Í þriðja lagi leggur nefndin til að
Samkeppnisstofnun verði veitt
heimild til að stokka upp fyrirtæki
sem brotið hafa gegn ákvæðum sam-
keppnislaga eða skapa aðstæður sem
hafa skaðleg áhrif á samkeppnina.
Þá verði stofnuninni veittar ríkari
heimildir til vettvangsrannsókna.
sda@frettabladid.is
SVEITARSTJÓRNARMÁL Bæjarstjórn
Hafnarfjarðar afgreiddi ekki
samning um ræstingar fyrir
bæinn á fundi sínum í fyrra-
kvöld eins og til stóð.
Samningnum var vísað aftur
til bæjarráðs til frekari umfjöll-
unar og skoðunar þrátt fyrir að
bæjarráð hefði fyrir tæpri viku
vísað honum til afgreiðslu í
bæjarstjórninni.
Mikil óánægja hefur verið á
meðal ræstingafólks sem star-
far hjá bænum, um 120 manns, í
kjölfar útboðs á ræstingum í öll-
um stofnunum bæjarins. Talið
var að bærinn gæti sparað 60 til
70 milljónir króna á ári með því
að taka lægsta tilboðinu.
Forsvarsmenn verkalýðsfélags-
ins Hlífar óttuðust hins vegar
að sparnaðurinn myndi bitna á
launum ræstingafólks.
Kolbeinn Gunnarsson, for-
maður félagsins, segist vera
ánægður með ákvörðun bæjar-
stjórnar. Hann reiknar með því
að tilboðin verði endurskoðuð og
teknar upp viðræður við verka-
lýðsfélagið til að tryggja hags-
muni starfsfólksins. ■
2 2. september 2004 FIMMTUDAGUR
Tóku allt að 400 börn og fullorðna í gíslingu:
Hótuðu að drepa
fjölda barna
RÚSSLAND, AP Hryðjuverkamenn
tóku allt að 400 manns í gíslingu,
stóran hluta þeirra ung skólabörn,
þegar þeir hertóku skóla í bænum
Beslan í Norður-Ossetíu. Þeir hót-
uðu að myrða 50 börn fyrir hvern
gíslatökumann sem félli fyrir
hendi hermanna og tuttugu börn
fyrir hvern gíslatökumann sem
særðist. Þá hótuðu þeir að sprengja
bygginguna í loft upp ef hermenn
reyndu að ná henni á sitt vald.
Nákvæmur fjöldi gíslanna er á
reiki. Fulltrúi innanríkisráðuneytis
Norður-Ossetíu sagði að þeir gætu
verið á bilinu 120 til 300. Einnig
hefur heyrst að áætlað sé að um
400 manns hafi verið hneppt í gísl-
ingu. Einhverjum tókst að flýja
þegar hryðjuverkamennirnir létu
til skarar skríða, alla vega tólf
börnum og einum fullorðnum, að
sögn yfirvalda. Rússneskir fjöl-
miðlar segja að allt að 50 börn hafi
sloppið.
Einhverjir létu lífið í árásinni
en engar öruggar tölur hafa
fengist um fjölda þeirra, heyrst
hafa tölur frá tveimur og upp í
átta.
Gíslatökumennirnir krefjast
þess að föngum sem haldið er í ná-
grannaríkinu Ingúsetíu verði
sleppt úr haldi. Þeir voru hand-
teknir vegna árása á lögreglustöðv-
ar þar. Seint í gær lýstu embættis-
menn því yfir að samband hefði
náðst við gíslatökumenn og að
samningaviðræður væru hafnar.
Ekki höfðu borist fregnir um að
þær hefðu borið árangur þegar
blaðið fór í prentun. ■
■ ATVINNA
„Jú, það finnst mér líklegt – en þó
ekki bara sænska – en tæplega
finnska.“
Sigurður Karlsson leikari hefur stundað nám í
Finnlandi og segir að gott sé að kunna finnsku því
að sú tunga sé töluð í himnaríki.
SPURNING DAGSINS
Sigurður, heldurðu að það sé töluð
sænska í helvíti?
SAUTJÁN SÓTTU UM Sautján sóttu
um stöðu Þjóðleikhússtjóra en
umsóknarfrestur rann út í gær.
Þjóðleikhússtjóri stýrir öllu
starfi leikhússins og ber fulla
ábyrgð á listrænum og fjárhags-
legum rekstri. Í stöðuna er skip-
að til fimm ára í senn, en núver-
andi leikhússtjóri situr til ára-
móta. Enn er beðið umsókna sem
borist gætu í pósti og því fékkst
ekki uppgefið hverjir sóttu um
stöðuna.
VALGERÐUR SVERRISDÓTTIR OG GYLFI MAGNÚSSON
Samkvæmt upplýsingum frá viðskiptaráðuneytinu er líklegt að í frumvörpunum felist allar
þær tillögur er nefndin setti fram í skýrslunni en Valgerður Sverrisdóttir viðskiptaráðherra
hefur lýst því yfir að í niðurstöðum nefndarinnar sé ekkert sem hún sé ósátt við.
KOLBEINN GUNNARSSON
Formaður verkalýðsfélagsins
Hlífar er ánægður með sinnaskipti
bæjarstjórnarinnar.
Franskir gíslar:
Dauðaleit að
gíslum
FRAKKLAND, AP Frönsk stjórnvöld
leita allra leiða við að fá tvo
franska blaðamenn leysta úr gísl-
ingu íraskra vígamanna. Franskir
sendimenn þeysast á milli höfuð-
borga Mið-Austurlanda, íslamsk-
ur hópur sem tengist frönsku
stjórninni hefur sent sendinefnd
til Bagdad og talið er að njósnarar
sem þekkja vel til í Mið-Austur-
löndum séu á fullu að leita upplýs-
inga og setja sig í samband við þá
sem gætu vitað eitthvað um gísl-
ana tvo.
Gíslatökumennirnir hótuðu að
myrða gíslana ef Frakkar felldu
ekki úr gildi lög sem banna trúar-
tákn í skólum en það þvertaka
stjórnvöld fyrir að gera. Frestur
til að verða við kröfunum rann út
í gærkvöld en óvíst er með örlög
gíslanna. ■
SKORAÐ Á GÍSLATÖKUMENN
Frönsk kona skrifar undir áskorun um
lausn tveggja franskra gísla í Írak.
Þrjú frumvörp
í smíðum
Viðskiptaráðuneytið undirbýr þrjú frumvörp sem endurspegla tillögur
nefndar um íslenskt viðskiptaumhverfi. Tillögurnar varða breytingar á
hlutafélagalögum, lögum um einkahlutafélög og samkeppnislögum.
BÍLVELTA Í BISKUPSTUNGUM
Tveir bandarískir hermenn af
Keflavíkurflugvelli voru fluttir á
slysamóttöku Landspítala - há-
skólasjúkrahúss eftir að bíll
þeirra valt í Biskupstungum. Bíll-
inn fór út af Biskupstungnabraut
nærri Borg í Grímsnesi og fór
nokkrar veltur áður en hann
stöðvaðist. Meiðsl mannanna
voru talin minni háttar en bíllinn
eyðilagðist í veltunum.
FÉLL AF HJÓLI Piltur meiddist
þegar hann féll af reiðhjóli á
gatnamótum Borgarvegs og Vík-
urvegs í Grafarvogi í Reykjavík
snemma í gærkvöldi. Talið var að
hann hefði farið úr axlarlið. Pilt-
urinn var fluttur á slysamóttöku
Landspítalans þar sem gert var
að sárum hans.
ÍSLENDINGUR FÉKK FYLGD Vík-
ingaskipið Íslendingur var flutt
úr Reykjanesbæ austur í Þorláks-
höfn í nótt þaðan sem skipið á að
sigla til Vestmannaeyja og þaðan
austur í Dyrhólaey þar sem hann
tekur þátt í gerð kvikmyndar.
Lögregla fylgdi skipinu austur og
hafði ferðin gengið vel þegar
blaðið fór í prentun.
ÁHYGGJUFULLIR ÍBÚAR
Gíslatakan var mikið áfall fyrir Rússa, einkum íbúa bæjarins Beslan í Norður-Ossetíu, sem
biðu í ofvæni frétta af gangi mála.
Loftárás á Fallujah:
Níu létust
ÍRAK, AP Níu óbreyttir borgarar
létu lífið og sex særðust þegar
bandarískar herflugvélar skutu
flugskeytum að íbúðarhúsi í borg-
inni Fallujah skömmu eftir mið-
nætti að staðartíma. Meðal þeirra
sem létust voru þrjú börn.
Bandaríski herinn hefur gert
fjölda loftárása á Fallujah frá því
Bandaríkjaher lauk þriggja vikna
umsátri sínu um borgina síðasta
vor. Yfirmenn hersins segja víga-
menn úr röðum súnnímúslima
nota borgina sem griðastað til að
skipuleggja sig og undirbúa árás-
ir á Bandaríkjaher og stuðnings-
menn írösku bráðabirgðastjórnar-
innar. ■
■ LÖGREGLUFRÉTTIR