Fréttablaðið - 02.09.2004, Blaðsíða 19
FIMMTUDAGUR 2. september 2004
ÍSRAEL, AP Ísraelskir hermenn tóku
sér stöðu í kringum Hebron á
Vesturbakkanum og lokuðu borg-
ina af. Tveir ungir menn sem
bjuggu í Hebron stóðu að sjálfs-
morðsárásinni í Beersheba í
fyrradag. Heimili annars árás-
armannsins var eyðilagt og þrír
bræður hans handteknir. Frændi
hans er foringi undirdeildar Ham-
as-hreyfingarinnar sem skipu-
lagði árásirnar.
Ariel Sharon hét því í gær að
hraða uppbyggingu veggsins sem
verið er að reisa á milli Ísraela og
Palestínumanna. Með þessu vill
hann auka öryggi Ísraela en ísra-
elsk dagblöð sögðu í gær að
sprengjuárásirnar hefðu grafið
undan öryggistilfinningunni sem
veggurinn milli Ísraela og Palest-
ínumanna eigi að veita.
Síðla í gær fundaði Sharon með
varnarmálaráðherranum og hátt-
settum herforingjum og ákvað að
auka hernaðaraðgerðir í Hebron.
Þeirra á meðal voru áætlanir um
að ráða vígamenn af dögum. Hins
vegar á ekki að hefja meiriháttar
hernaðaraðgerðir. ■
Í RÚSTUM HEIMILISINS
Heimili annars árásarmannsins var eyðilagt. Frændi hans, Mohammed Kawasmeh, rótaði í
rústunum.
Ísraelar bregðast við árásunum í Beersheba:
Herinn um-
kringdi Hebron
BÆKUR Kristín Steinsdóttir og Halla
Sólveig Þorgeirsdóttir hljóta
Barna- og unglingabókmenntaverð-
laun Vestnorræna ráðsins árið 2004
fyrir bókina Engill í Vesturbænum.
Verðlaunin verða afhent í Skála Al-
þingis klukkan fjögur í dag.
Einnig voru tilnefnd til verðlauna
færeyska kvæðasafnið „Loppugras“
eftir Sólrúnu Michelsen og græn-
lenska bókin „Inuk - og eitraður gos-
drykkur“ eftir Jokum Nielsen.
Bók Kristínar og Höllu Sólveig-
ar var valin á fundi dómnefndar
Vestnorræna ráðsins í Kaupmanna-
höfn 17. júlí síðastliðinn og verður
verðlaunafénu 60 þúsund dönskum
krónum, tæpum 710 þúsund ís-
lenskum, skipt milli rithöfundarins
og myndlistarmannsins.
Barna- og unglingabókmennta-
verðlaun Vestnorræna ráðsins voru
fyrst afhent árið 2002 og eru veitt
annað hvert ár. Tilnefnd verk frá
Grænlandi, Íslandi og Færeyjum
verða þýdd á öll vestnorrænu
tungumálin, svo og á eitt skandin-
avískt mál. ■
Barna- og unglingabókmenntaverðlaun:
Engill í Vesturbæn-
um fær verðlaun
KRISTÍN STEINSDÓTTIR
Bókin Engill í Vesturbænum, eftir Iðunni Steinsdóttur, myndskreytt af Höllu Sólveigu Þorgeirs-
dóttur, fær í dag barna- og unglingabókmenntaverðlaun Vestnorræna ráðsins.
France Telecom:
Ríkið selur
9,6% hlut
FRAKKLAND, AP Frönsk stjórnvöld
hafa ákveðið að selja 9,6 prósenta
hlut í franska símafyrirtækinu
France Telecom. Eftir söluna á rík-
ið minnihluta í fyrirtækinu. Franska
ríkið fær sem nemur 55 milljörðum
króna eftir söluna. Hagnaðinn á að
nota til að greiða niður hluta af
skuldum ríkisins, sem metnar eru á
þúsund milljarða króna.
France Telecom hefur verið
mjög skuldugt og fyrr í sumar
komust samkeppnisyfirvöld Evr-
ópusambandsins að þeirri niður-
stöðu að franska ríkisstjórnin
hefði með ólögmætum hætti stutt
starfsemina. ■
Orkufyrirtækið Enron:
Leiðslur á
uppboð
HOUSTON, AP Verðmætustu eigur
orkufyrirtækisins Enron, sem
varð gjaldþrota í kjölfar hneyksl-
ismála tengdum fjársvikum, eru
nú komnar á uppboð.
Eignirnar sem um ræðir eru
lagnakerfi félagsins sem dælir
jarðgasi.
Heildarverðmæti lagnakerfis-
ins er álitið vera ríflega 150 millj-
arðar króna. Þessi upphæð er þó
aðeins dropi í skuldahaf olíufyrir-
tækisins. Félagið er sagt skulda
meira en 7.400 milljarða íslenskra
króna. Áætlanir gera ráð fyrir að
lánadrottnar fái um fimmtung af
kröfum sínum greiddar. ■