Fréttablaðið - 22.09.2004, Blaðsíða 15
Einkennilegur þankagangur
Nokkuð hefur borið á því undanfarna
mánuði að því hefur verið haldið fram að
jafnréttislögin séu úrelt og jafnvel óþörf,
því að jafnrétti falli undir almenn mann-
réttindi. Þetta er alveg rétt, að sjálfsögðu er
jafnrétti bara sjálfsögð mannréttindi, en
það er einkennilegur hugsanaháttur að
ætla það að ekki sé ástæða til að beita
taktískum aðferðum eins og jafnréttis-
lögunum sem lið í því að ná fram almenn-
um mannréttindum fyrir konur.
Ásta G. Harðardóttir á tikin. is
Örvænting Strætó
Það er skiljanlegt að stjórn Strætó bs. geri
nú örvæntingarfullar tilraunir til að fá íbúa
höfuðborgarsvæðisins aftur upp í vagna
sína en notkun vagnanna hefur minnkað
jafnt og þétt í seinni tíð. Þrátt fyrir að
strætisvagnaferðir séu niðurgreiddar um
60% af sveitarfélögunum en fólksbílar
skattlagðir meira en nokkuð annað, að
brennivíni og tóbaki frátöldu, taka flestir
þann kost að nota fólksbíl. Háir skattar á
fólksbíla og bensín hafa í byrjun án efa ver-
ið hugsaðir sem einhvers konar „lúxus-
skattur“ á „breiðu bökin“. Slíkir skattar
enda yfirleitt með því að vera útilokun á
efnaminna fólk frekar en sérstök refsing
fyrir auðmenn. Háir skattar á bíla koma
verst við þá sem þeirra vegna geta ekki
keypt sér bíl og þá sem verða að sætta sig
við smábíl fyrir stóra fjölskyldu.
Vefþjóðviljinn á andriki.is
Talsmenn kvótabraskkerfisins
með sjávarútvegsráðherra í
broddi fylkingar hafa nú látið frá
sér fara þá skoðun að nú verði
sátt um kvótakerfið þar sem búið
sé að ljúka því að færa öllum sín-
ar réttlátu kvótagjafir. Kerfið sé
orðið eitt og heildstætt með
framseljanlegum kvótum (lesist:
sala á atvinnuréttindum sjávar-
byggða). Þar með megi áfram
vinna markvisst að frekari sam-
þjöppun aflakvóta á færri hend-
ur og einkum sé þörf á enn
stærri fyrirtækjum sem geti
hagrætt með fækkun skipa og
sem gerði veiðiskipin stærri og
öflugri en þau sem við notum í
dag. Á hagræðingin að nást með
ofursóknargetuþróun flotans?
Nýr forsætisráðherra vill síðan
opna fyrir erlent fjármagn inn í
sjávarútveginn sem getur selt
auðlindina (Aflakvótana, þ.e.
óveiddan fiskinn í sjónum) á
fiskimiðum við Ísland til þeirra
enn stækkandi fyrirtækja sem
eru, að því er séð verður, fram-
tíðarsýn þeirra sem stærstir eru
í útgerð í dag.
Oft hafa þeir, sem mesta ofur-
trú hafa á alfrjálsu kvótabrask-
kerfi bent á að Nýja Sjáland
sé fyrirmynd þess hagræðis
sem náist með frjálsri sölu
kvótans (atvinnuréttar sjávar-
byggða). Hagræðing fiskveiða
hefur verið í þá átt að fiskiskip
þeirra stærstu hafa stækkað,
burðargeta vaxið, og þó einkum
það afl sem notað er við veiðar
aukist. Sem dæmi má nefna að
Vilhelm Þorsteinsson EA, nýlegt
fjölveiðiskip (skip sem veiðir
bæði uppsjávarfisk eins og síld,
sem og allan botnfisk, þorsk,
karfa og grálúðu), er með sjö-
faldan aflvísi meðalskuttogara
af minni gerðinni sem voru hér
við veiðar á botnfiski við upphaf
kvótakerfis 1984. Ef eingöngu er
litið á togkraftinn er um fjórföld-
un að ræða úr 18-22 tonnum í 88
tonn hjá áðurnefndu fjölveiði-
skipi sem jafnframt er full-
vinnsluskip sem flokkar og
frystir aflann um borð ef því er
að skipta og er um 80 metrar á
lengd.
En nú er svo komið að í fyrir-
myndarríkinu Nýja Sjálandi
spyrna menn við fótum og ofbýð-
ur hagræðing sem hægt er að ná
fram með því að leyfa frjálst
framsal og láta fáa veiða mikið
með stórum ofurskipum. Í
erlendum sjávarútvegsfréttum
þann 13. sept. sl. var þessi frétt:
„Annar stærsti togari heims
fær ekki að stunda veiðar við
Nýja Sjáland vegna ótta við lang-
tíma áhrif hans á umhverfið og
afkomu fiskiðnaðarins þar í
landi. Skipið er 106 metra langt
og það gæti tekið allan kvóta
snurpunótarveiða í einu, sem er
tæp 1.700 tonn. Áhöfn skipsins er
50 manns og um borð eru þrjár
vinnslur fyrir afla þess.“
Það er full ástæða til þess að
staldra við og spyrja ráðherra
sjávarútvegsmála sem og hinn
nýja forsætisráðherra hvort
stefna þeirra um óhefta sam-
þjöppun kvótans á fáar hendur
sé sú framtíð sem er farsæl
fyrir okkar þjóð. Sem betur fer
er þjóðin á allt annarri skoðun
um samþjöppun kvótans, sbr.
nýlega Gallup-könnun, en þessir
herramenn sem vilja aukin um-
svif og völd þeirra fáu og stóru í
íslenskum sjávarútvegi. Það þarf
ekki aukið afl til uppkaupa á
kvótum þeirra smærri með inn-
streymi erlends fjármagns í fisk-
veiðar okkar. Algjört skilyrði
þess að hægt sé að leyfa erlenda
fjárfestingu í sjávarútvegi okkar
er að aðskilja veiðar og vinnslu í
tvö sjálfstæð fyrirtæki. Þá mætti
hugsanlega opna á erlent fjár-
magn í vinnslunni en alls ekki í
sölukerfi kvótans. Samþjöppun
kvótans á fáar hendur með allar
fisktegundir í kvótasölukerfi er
alröng stefna. Það er kominn
tími til að biðja fyrir þjóðinni í
kirkjum landsins. Við erum á
háskaleið. ■
Samþjöppun kvót-
ans á fáar hendur
með allar fisktegundir í
kvótasölukerfi er alröng
stefna. Það er kominn tími
til að biðja fyrir þjóðinni í
kirkjum landsins.
Ofursóknargeta
fiskveiðiflotans
MIÐVIKUDAGUR 22. september 2004
GUÐJÓN A. KRISTJÁNSSON
FORMAÐUR FRJÁLSLYNDA FLOKKSINS
UMRÆÐAN
FISKVEIÐISTJÓRN
,,
Bakpoki fundinn
Í Fréttablaðinu á mánudaginn var
greint frá því að bakpoka hefði
verið stolið úr tollinum í Leifsstöð
af sextán ára stúlku sem var að
koma til landsins úr ferð á vegum
Íþrótta- og tómstundaráðs Reykja-
víkur. Í fréttinni kemur fram að
tollverðir hefðu afhent ókunnugri
manneskju bakpokann. Það er ekki
rétt því bakpokinn var afhentur
manneskju sem var í sömu ferð
með ÍTR og hefur honum nú verið
komið til eigandans. Beðist er vel-
virðingar á þessu.
Starfsheiti og nafn
Rangt var farið með starfsheiti
Soffíu Pálsdóttur, æskulýðsfulltrúa
Íþrótta- og tómstundaráðs Reykja-
víkur (ÍTR) í frétt á síðu 2 þriðju-
daginn 21. september. Þá gerðust
þau leiðu mistök að Soffía var
margnefnd Ólöf í meginmáli frétt-
arinnar, sem fjallaði um aukna
óvissu frístundaheimila.
■ LEIÐRÉTTING
Við hvetjum lesendur til að senda okkur
línu og leggja orð í belg um efni
Fréttablaðsins eða málefni líðandi stundar.
Greinar og bréf skulu vera stutt og gagn-
orð. Ritstjórn áskilur sér rétt til að stytta
aðsent efni. Einnig áskilur ritstjórn sér rétt
til að birta aðsent efni að meginhluta á
vefsíðu blaðsins, sem er Vísir.is, og vísa
þá til þess með úrdrætti í blaðinu sjálfu.
Vinsamlega sendið efni í tölvupósti á
greinar@frettabladid.is. Þar er einnig
svarað fyrirspurnum um lengd greina.
AF NETINU