Fréttablaðið - 01.11.2004, Blaðsíða 18
„Ég flutti alfarið hingað að Helga-
stöðum I þegar ég varð sjötugur
og hætti í Borgarleikhúsinu 1992
og hef því verið hér í tólf ár,“ seg-
ir Jón Sigurbjörnsson leikari og
söngvari sem verður 82 ára í dag.
Jörðina keypti hann, ásamt fyrr-
verandi eiginkonu sinni, Þóru,
árið 1969, en segir ástæðuna ekki
hafa verið þá að hann hafi verið
svo mikill sveitadrengur í sér.
„Hestamennskan sótti reyndar
á mig en það var allt eins hug-
mynd konunnar minnar fyrrver-
andi að kaupa jörðina. Svo endaði
ég hér þegar við skildum. Hér er
hitaveita og allt til alls og mér
líður vel.“
Jón hefur leikið í einni og einni
kvikmynd frá því að hann kvaddi
leikhúsið – en ekki stigið á leik-
svið síðan. Þegar hann er spurður
hvort hann vilji ekki leika á sviði
aftur, segir hann að færi nú eftir
verkefninu sem í boði væri. „Það
sem hrakti mig í burtu var að ég
fékk ekkert við mitt hæfi sem ég
kærði mig um. Mér fannst ég
ekkert eiga að hanga þarna lengur
fyrst ég hafði ekki þá ánægju af
þessu sem ég hafði haft í um það
bil 45 ár.“
Í tilefni af afmælinu segist Jón
ekki ætla að gera neitt, þetta sé
ekki svo merkilegt afmæli. „En ég
fór niður á Selfoss til að kaupa
mér ostatertu og eina djöflatertu,
síðan koma dætur mínar og við
drekkum saman kaffi. Ég átti,
hins vegar, stórafmæli fyrir
tveimur árum og fór þá til Rómar-
borgar.“
Það er óhætt að segja að Jón
lifi því lífi sem alla dreymir um.
Hann fer í göngutúra í náttúrunni,
les bókmenntir og hlustar á tón-
list. „Ég hef tekið upp á því síð-
ustu vikurnar að fara í göngut-
úra,“ segir hann. „Dætur mínar
hafa verið að reka mig til að
hreyfa mig og ég sé að það er
gáfulegt. Ég fer því í nokkuð
langa göngutúra á hverjum degi.
Ég heyrði í útvarpinu í síðustu
viku að maður ætti að hreyfa sig í
45 til 60 mín á dag og geri það. Ég
fer bara eftir því sem mér er sagt.
Svo les ég mikið. Á meðan ég
var í leikhúsinu las ég bara leik-
rit. Síðan ég hætti þar, hef ég bara
verið í bókmenntunum. Ég er bú-
inn að lesa mikið af skáldverkum,
íslenskum og erlendum, alveg
þrusugóðum. Ég var að enda á
Einari Má rétt í þessu, bók sem ég
hafði ekki lesið og hafði gaman af.
Einar Már er góður höfundur og í
miklu uppáhaldi hjá mér – sem og
auðvitað Laxness. Ég hef verið að
lesa hann allan upp á nýtt síðan ég
kom hingað. Svo leik ég töluvert
mikið af tónlist. Ég lifi drauma-
lífi. Mig hefði aldrei dreymt það
þegar ég var strákur í Borgarfirði
og gæti bara lifað í svona lúxus.
sussa@frettabladid.is
18 1. nóvember 2004 MÁNUDAGUR
JENNY MCCARTHY
Leikkona og sjónvarpsstjarna er 32 ára í dag.
Fékk ekki hlutverk við hæfi
JÓN SIGURBJÖRNSSON: BORÐAR DJÖFLATERTU Á AFMÆLISDAGINN
„Þú þarft enga pikkup línu. Gefðu konu
auga frá hinum enda herbergisins.
Gefðu henni auga – ekki stara.“
Jenny McCarthy þykir sérstaklega kynþokkafull.
timamot@frettabladid.is
AFMÆLI
Guðmundur Hjartarson
fyrrum seðlabankastjóri verður níræður
mánudaginn 1. nóvember og af því til-
efni verður opið hús fyrir fjölskyldu, vini
og samferðafólk, í Gyllta sal Hótel Borg-
ar kl. 16. sama dag.
Guðmundur Hjartarson fæddist 1. nóv-
ember árið 1914 á Litla-Fjalli í Borgar-
hreppi í Mýrarsýslu. Hann fluttist til
Reykjavíkur á fjórða áratugnum og var
lögregluþjónn í Reykjavík á árunum
1942-46. Hann var síðar starfsmaður
Sósíalistaflokksins 1946-56 og forstjóri
Innflutningsskrifstofunnar 1956-60.
Guðmundur vann ýmis störf fyrir Sósía-
listaflokkinn frá 1960. Hann var seðla-
bankastjóri í áratug, frá 1974 til 1984.
Guðmundur hefur átt langa og farsæla
ævi enda einkar traustur maður sem
hefur verið samferðafólki sínu stoð og
stytta. Hann hefur verið til staðar fyrir
aðra og glatt fjölskyldu sína og vini með
ýmsum hætti og hlakkar til að hitta gott
fólk á afmælisdaginn sinn.
Gunnhildur Hrólfsdóttir er 57 ára.
Sveinbjörn Hákonarson, knattspyrnu-
maður er 47 ára.
Hrafn Jökulsson er 39 ára.
ANDLÁT
Guðný Ásdís Hilmarsdóttir Hvassaleiti
58, Reykjavík, lést að heimili sínu
fimmtudaginn 28. október.
Kristján Björn Guðmundsson frá Ísa-
firði, áður Grandavegi 47, Reykjavík, lést
á Vífilsstöðum sunnudaginn 24. október.
Rolf Kutcher Hamborg, áður til heimilis
á Ísafirði, lést í Hamborg í apríl sl. Jarð-
arförin hefur farið fram.
JARÐARFARIR
15.00 Halldór Ingólfsson fyrrverandi
flugstjóri, verður jarðsunginn frá
Fossvogskirkju.
JÓN SIGURBJÖRNSSON Keypti ostatertu og djöflatertu í tilefni afmælisins, og drakk kaffi með dætrum sínum. Hann segir þetta ekki
stórafmæli og því ekki tilefni til að gera mikið. fyrir tveimur árum hafi hann hins vegar farið til Rómar.
Á þessum degi árið 1993 tók Maastricht sáttmálinn
gildi sem varð til þess að Evrópusambandið var form-
lega stofnað. Sáttmálinn var skrifaður árið 1991 af
sendifulltrúum frá fundi Evrópuríkjanna í Maastricht í
Hollandi og undirritaður árið 1992. Sáttmálinn kallaði
á sterkara Evrópuþing, stofnun sameiginlegs evrópsk
banka, og sameiginlega utanríkis- og öryggisstefnu.
Einnig lagði sáttmálinn grundvöllinn að stofnun hinnar
sameiginlegu evrópsku myntar, Evrunnar. Um aldir log-
aði Evrópa í styrjöldum og þá sérstaklega á tímabilinu
1870 til 1945. Frakkland og Þýskaland börðust þrisvar
á þeim tíma og létu fjölmargir lífið. Margir leiðtogar í
Evrópu voru á því að ekki næðist friður nema löndin
yrðu sameinuð á sviði stjórnmála og economically.
Árið 1950 sameinaðist kola- og stáliðnaðurinn í sex
Evrópuríkjum með stofnun bandalags þeirra á milli
sem gekk það vel að fleiri bandalög spruttu upp sem
skref fyrir skref leiddi til stofnunar Evrópusambandsins. 1.NÓVEMBER 1993 Evrópusambandið er form-lega stofnað þegar Maastricht sáttmálinn tekur gildi.
ÞETTA GERÐIST MERKISATBURÐIR
1512 Málverk Michelangelos
undir þaki Sixtínsku kapell-
unnar var í fyrsta sinn sýnt
almenningi.
1604 Harmleikurinn Óþelló eftir
Shakespeare var frumsýnd-
ur í Whitehall Palace-leik-
húsinu í London.
1611 Rómantíski gamanleikurinn
Óveðrið eftir Shakespeare
er frumsýndur í Whitehall
Palace-leikhúsinu í
London.
1755 Um 60,000 manns láta líf-
ið í jarðskjálfta í Lissabon í
Portúgal.
1800 John Adams er fyrsti
Bandaríkjaforsetinn sem
kemur inn í Hvíta húsið til
að búa þar.
1931 Strætisvagnar Reykjavíkur
hefja akstur. Fyrsta leiðin er
Lækjartorg-Kleppur.
1954 Algería byrjar að mótmæla
frönskum yfirráðum.
„Stóra málið er tónleikar Nýdönsk og Sinfó og byrjum við
strax í dag að hljóðprufa en hittum svo sinfó fyrst á þriðju-
dag,“ segir Stefán Hjörleifsson meðlimur í hljómsveitinni
Nýdönsk og mun hann verða við strangar æfingar út vikuna
vegna fyrirhugaðra tónleika sveitarinnar ásamt Sinfóníuhljóm-
sveit Íslands í lok vikunnar. „Við fengum símtal í vor frá sinfó
og þá fæddist hugmyndin enda röðin kannski komin að
okkur,“ segir Stefán en hljómsveitin ákvað að fara nýjar leiðir í
útsetningu laga sinna í tengslum við verkefnið og fengu tvo
þekkta útsetjara í verkið þá Kjartan Valdimarsson og Samúel
Jón Samúelsson. „Lagavalið var þannig að við ákváðum að
velja ekki okkar útjöskuðustu lög heldur þá tónlist sem okkur
fannst eiga skilið annað líf og passa í þessu samhengi. Við
vildum falla inn í Sinfóníuhljómsveitina þannig að við notum
engin rafmagnshljóðfæri,“
segir Stefán. Að öðru leyti
verð ég að reka vefinn minn
tonlist.is eftir hádegi og fram
á nótt þannig að vikan er
þéttsetin auk þess sem við
ætlum að gefa út dvd disk og
geisladisk í kjölfarið og leggst
sú vinna mest á mig. „Ég er
kominn með smá fiðring en
ekki haft tíma til að hugsa
mikið um þetta en það á ef-
laust eftir að koma og gæsahúðin á eftir að láta sjá sig þegar
maður heyrir í hljómsveitinni,“ segir Stefán. ■
VIKAN SEM VERÐUR
STEFÁN HJÖRLEIFSSON VERÐUR ALLA VIKUNA AÐ UNDIRBÚA TÓNLEIKA NÝDANSKRAR OG SINFÓ
Kominn með fiðring fyrir sinfó
Evrópusambandið stofnað
Eiginmaður minn,
Guðni Þór Andrews
Vatnsnesvegi 28, Keflavík,
verður jarðsunginn miðvikudaginn 3. nóvember
frá Keflavíkurkirkju kl. 13:30.
Fyrir mína hönd og barna okkar,
Maria Andrews.
Tilkynningar um
andlát og jarðarfarir
eru velkomnar á síður
Fréttablaðsins.
Sími: 550 5000