Fréttablaðið - 01.11.2004, Blaðsíða 56

20 1. nóvember 2004 MÁNUDAGUR
Við hrósum...
...fimleikakappanum Bjarka Ásgeirssyni úr Ármanni en þessi fjórtán ára
gamli drengur vann til þriggja verðlauna á Norðurlandamóti drengja í
Helsinki í Finnlandi um helgina. Bjarki vann gull á bogahesti og brons í
fjölþraut og á tvíslá.
Við hrósum...
...línumanninum Vigni Svavarssyni hjá Haukum. Hann átti frábæran leik
gegn franska liðinu Creteil í meistaradeildinni í gær, skoraði átta mörk úr
níu skottilraunum og það sem meira er þá tókst honum að sleppa við
rautt spjald í fyrsta sinn í deildinni í vetur en hann hafði fengið að líta þrjú
rauð spjöld í fyrstu þremur leikjunum.sport@frettabladid.is
HVAÐ? HVENÆR? HVAR?
29 30 31 1 2 3 4
Mánudagur
NÓVEMBER
HANDBOLTI Haukar unnu glæsilegan
sigur á franska liðinu US Creteil í
Meistaradeild Evrópu í hand-
knattleik á Ásvöllum síðdegis í
gær. Þetta er fyrsti sigur þeirra
en áður hafði liðið gert eitt jafn-
tefli og tapað tveimur leikjum.
Greinilegt var á öllu að Haukarn-
ir voru tilbúnir í þennan slag og
ætluðu sér bersýnilega ekkert
annað en sigur.
Reyndar skoruðu Frakkarnir
tvö fyrstu mörkin en eftir það
tóku Haukarnir frumkvæðið og
juku muninn jafnt og þétt og
mestur varð hann í fyrri hálfleik
sjö mörk, 17-10. Frakkarnir náðu
að minnka muninn í þrjú mörk
snemma í síðari hálfleik en þá
tóku Haukarnir aftur við sér og
breyttu stöðunni úr 19-16 í 22-16
og skoruðu meðal annars tvö
mörk í röð einum leikmanni færri.
Þrátt fyrir að Frakkarnir
breyttu um vörn seinni part síðari
hálfleiks, með því að taka Ásgeir
Örn Hallgrímsson og Andra Stef-
an úr umferð, riðlaði það ekki leik
Haukanna. Þeir héldu uppteknum
hætti og innbyrtu glæsilegan og
mjög verðskuldaðan sigur, 37-30.
Það var virkilega gaman að fylgj-
ast með Haukunum í þessum leik,
leikmenn voru einbeittir og
ákveðnir og spiluðu fjölbreyttan
sóknarleik. Vörn og markvarsla
var í ágætu lagi. Miðað við hversu
ungir flestir leikmenn liðsins eru
er hreint með ólíkindum hvað þeir
eru þroskaðir og þátttaka Hauka í
Evrópukeppnunum undanfarin ár
er því greinilega að skila sér með
afgerandi hætti til baka – sýnir
svart á hvítu hversu mikilvægt
það er fyrir íslenskan handbolta
að félögin taki þátt í Evrópu-
keppnunum.
Það var hvergi veikan hlekk að
finna hjá Haukum en þeir Ásgeir
Örn Hallgrímsson, Þórir Ólafs-
son, Andri Stefan og fyrirliðinn,
Vignir Svavarsson, voru burðar-
ásarnir. Þeir hljóta með frammi-
stöðu sinni að hafa glatt augu
Viggós Sigurðssonar, nýráðins
landsliðsþjálfara, eins og reyndar
allra sem sáu þennan leik.
Ásgeir Örn Hallgrímsson var
enda sáttur þegar Fréttablaðið
náði tali af honum rétt eftir leik.
„Þetta var meiriháttar sigur,
við vorum vel stemmdir og ætluð-
um okkur að klára þetta verkefni
með sóma. Við vorum virkilega
svekktir eftir jafnteflið gegn
Savehof um síðustu helgi en ég er
ekki frá því að það hafi, þegar á
allt er litið, gert okkur gott – við
vorum því enn þá meira á tánum í
dag þess vegna og enn þá stað-
ráðnari í að vinna hér sigur. Svona
leikir gefa okkur mjög mikið og
eru á við 10-15 deildarleiki í
reynslu talið, maður mætir þess-
um bestu og sér virkilega hvar
maður stendur og það er gaman
og lærdómsríkt,“ sagði Ásgeir
Örn.
Í sama streng tók félagi hans,
Andri Stefan:
„Við fáum heilmikið út úr
svona Evrópuleikjum, þetta er
stórt og skemmtilegt dæmi sem
skilar sér margfalt til baka þegar
til lengri tíma er litið. Ég bjóst við
meiri spennu en þetta var alveg
frábært. Það var að duga eða
drepast fyrir okkur í þessum leik
og við vildum bæta fyrir jafn-
teflið gegn Svíunum, þar sem
sigrinum var hreinlega rænt af
okkur. Við nýttum okkur hins
vegar þau vonbrigði á jákvæðan
hátt og sýndum hvað í okkur býr.“
Þegar blaðamaður minnist á ung-
an aldur flestra Haukamanna er
Andri ekki lengi til svars. „Þetta
er ekki spurning um aldur, þetta
er spurning um getu.“
- sms
■ ■ LEIKIR
 19.00 Njarðvík og Grindavík
mætast í Njarðvík í Hópbílabikar
kvenna í körfubolta.
 19.00 Breiðablik og Keflavík
mætast í Smáranum í
Hópbílabikar kvenna í körfubolta.
 19.30 ÍS og Ármann/Þróttur
mætast í Kennaraháskólanum í 1.
deild karla í körfubolta.
■ ■ SJÓNVARP
 16.10 Ensku mörkin á RÚV.
 18.00 Þrumuskot - ensku mörkin
á Skjá Einum.
 18.30 á Sýn. Útsending frá leik
Denver Broncos og Atlanta
Falcons í NFL-deildinni.
 20.30 Boltinn með Guðna Bergs á
Sýn.
 22.00 Olíssport á Sýn.
 22.50 Enski boltinn á Skjá Einum.
Útsending frá leik Manchester
City og Norwich í ensku úrvals-
deildinni í fótbolta.
 23.15 Ensku mörkin á RÚV.
Hefur þú
fengið þér
sextíu
sjö í dag&
Ísafjörður
Bjarki vann þrenn verðlaun á Norðurlandamóti í fimleikum:
Með gull á bogahesti
FIMLEIKAR Ármenningurinn Bjarki
Ásgeirsson stóð sig mjög vel á
Norðurlandamóti drengja í fim-
leikum sem fór fram í Helsinki
um helgina.
Bjarki vann brons í fjölþraut á
laugardeginum þegar hann fékk
44,9 stig en gerði enn betur í gær
þegar hann vann gull á bogahest-
inum þar sem hann hlaut 7,35 og
bætti síðan öðru bronsi við á tví-
slánni þar, hans einkunn hljóðaði
upp á 7,45. Bjarki komst einnig í
úrslit í hringjum þar sem hann
endaði í fimmta sæti.
Þorsteinn Eggertsson í Ár-
manni varð sjötti á bogahesti og
Ingvar Jochumsson í Gerplu átt-
undi á tvíslá. Ingvar varð 15. í
fjölþrautinni með 36,1 stig. Ís-
lenska liðið varð síðan í fimmta og
neðsta sæti með 152,15 stig.
Finnska liðið sigraði með 180,65
stig.
EITT GULL OG TVÖ BRONS Bjarki Ás-
geirsson stóð sig mjög vel á Norðurlanda-
móti drengja í fimleikum.
Mynd/fimleikar.is
Norski boltinn:
Árni Gautur
einu marki
frá titlinum
FÓTBOLTI Rosenborg frá Þrándheimi
varð norskur meistari í 13. sinn í
röð um helgina þegar lokaum-
ferðin í norsku úrvalsdeildinni
fór fram. Það gat þó ekki munað
minna á Rosenborg og Valerenga,
liði Árna Gauts Arasonar lands-
liðsmarkvarðar. Bæðin liðin unnu
góða sigra í lokaumferðinni og
þau voru jöfn að stigum og með
jafnmörg mörk í plús í markatölu.
Það sem réði úrslitum var það að
Rosenborg skoraði fleiri mörk, 52
gegn 40 hjá Valerenga en Rosen-
borg hefur unnið alla titla síðan
1992.
Með þessum ótrúlega árangri
jafnaði Rosenborg-liðið evrópu-
metið yfir flesta meistaratitla
unna í röð því letneska liðið
Skonto Riga vann einnig 13 meist-
aratitla í röð á árunum 1991-2003.
Riga-liðið er sem stendur í öðru
sæti í letnesku deildinni þremur
stigum á eftir Liepajas Metalurgs
þegar tvær umferðir eru eftir og
getur því bætt metið.
Frode Johnson var hetja liðs-
ins en hann skoraði þrjú mörk og
lagði upp það fjórða í 4-1 sigri Lyn
þar af síðasta markið mínútu
fyrir leikslok en á þeirri stundu
var titilinn á leiðinni til Osló.
Þrátt fyrir meistaratitil fær þjálf-
arinn Ola By Rise ekki að halda
áfram með liðið en það gekk á
ýmsu í lok mótsins þar sem Ros-
enborg var nálægt því að missa
titilinn til Árna Gauts og félaga
hans en Árni Gautur hafði orðið
norskur meistari með Rosenborg-
liðinu sex síðustu tímabil.
Árni Gautur átti mjög mikinn
þátt í árangri Valerenga í sumar
en liðið bjargaði sér frá falli tíma-
bilið á undan með því að vinna
umspil gegn liðinu í 3. sæti í b-
deildinni. Árni lék 12 síðustu leiki
liðsins og fékk aðeins níu mörk á
sig og hélt hreinu í fimm leikjum
þar af tveimur þeim síðustu þeg-
ar spennan var mest í fallbarátt-
unni. Það voru því Steffen Iver-
sen og aðrir sóknarmenn liðsins
sem klikkuðu á úrslitastundu því
liðið vantaði aðeins eitt mark í
viðbót til að vinna sinn fyrsta
meistaratitil í 20 ár. - ooj
ÁRNI RÉTT MISSTI AF NORSKA TITL-
INUM Árni Gautur Arason hefur orðið níu
sinnum meistari á tólf ára ferli, þrisvar á
Íslandi og sex sinnum í Noregi.
Enska úrvalsdeildin:
Bolton sökkti
Newcastle
FÓTBOLTI Bolton Wanderers sýndi
og sannaði í gær að góð byrjun
þeirra í ensku úrvalsdeildinni var
engin tilviljun. Þá gerðu þeir sér
lítið fyrir og sigruðu Newcastle á
heimavelli, 2-1, og skutu sér um
leið í fjórða sæti deildarinnar á
nýjan leik. Þegar ellefu umferðir
eru búnar af ensku úrvalsdeild-
inni er Bolton aðeins fimm stigum
á eftir Arsenal og Chelsea.
Ekkert var skorað í fyrri hálf-
leik í leiknum en hlutirnir gerðust
í síðari hálfleik. Senegalinn El-
Hadji Diouf kom Bolton yfir á 52.
mínútu þegar hann svo gott sem
fórnaði ferlinum til þess að skalla
boltann í netið af stuttu færi.
Bolton-menn voru ekki lengi í
paradís því ungstirnið Darren
Ambrose jafnaði fyrir Newcastle
þrem mínútum síðar með stór-
kostlegu marki. Hamraði boltann
fyrir utan teig beint upp í mark-
hornið. Algjörlega óverjandi.
Það var mikið fjör í leiknum á
lokamínútunum en aðeins eitt mark
skorað. Það gerði Kevin Davies fyr-
ir Bolton á 70. mínútu er hann
potaði boltanum í markið og tryg-
gði Bolton um leið stigin þrjú. ■
SIGURMARKIÐ Kevin Davies fagnar hér
sigurmarki sínu í leiknum.
LÍNUMAÐURINN STERKI VIGNIR SVAVARSSON Sést hér skora eitt af átta mörkum
sínum í leiknum gegn franska liðinu Creteil án þess að hinn frábæri línumaður Creteil
Gueric Kervadec komi nokkrum vörnum við. Fréttablaðið/Vilhelm
Öruggur sigur Hauka
Íslandsmeistarar Hauka unnu sinn fyrsta sigur í meistaradeildinni í gær
er franska liðið Creteil kom í heimsókn. Haukarnir höfðu frumkvæðið
nánast allan leikinn og unnu sanngjarnan sjö marka sigur.