Fréttablaðið - 06.12.2004, Blaðsíða 6
6 6. desember 2004 MÁNUDAGUR
Þjóðarhreyfingin:
Söfnun fer vel af stað
SÖFNUN Hans Kristján Árnason,
forsvarsmaður Þjóðarhreyfing-
arinnar, segir söfnun fyrir aug-
lýsingu í bandaríska stórblaðinu
New York Times sem hrundið
var af stað á fimmtudaginn
ganga betur en menn þorðu að
vona.
Hans Kristján sagðist þó ekki
gefa upp tölur um hversu mikið
hafi safnast fyrr en að loknum
fundi aðstandenda söfnunar-
innar í dag. „Stjórnin þarf bara
að samræma upplýsingagjöfina,
en við erum feykilega ánægð
með undirtektirnar, sem koma
okkur þægilega á óvart,“ sagði
Hans Kristján og bætti við að
ekki væri það síst í ljósi þess að
margir væru til að bítast um
buddur landsmanna á þessum
árstíma. „Ég get þó sagt þér að
miðað við Norðmenn sem gerðu
svipaða hluti í sumar og birtu
sína auglýsingu í Washington
Post 12. október, þá förum við
miklu hraðar af stað. Áhuginn er
mun meiri hjá fjöldanum hér,“
segir hann og telur að stuðningur
ríkisstjórnarinnar við innrásina
í Írak liggi þungt á samvisku
Íslendinga.
Upplýsingar um söfnun Þjóð-
arhreyfingarinnar er að finna á
vef samtakanna, thjodarhreyf-
ingin.is. - óká
Aðför að
atvinnuvegunum
Einar Oddur Kristjánsson telur hækkun Seðlabankans á stýrivöxtum
tefla framtíð útflutningsgreinanna í tvísýnu og gagnrýnir bankann
harðlega fyrir að stemma ekki stigu við innstreymi erlends lánsfjár.
VAXTAHÆKKUN Skiptar skoðanir
eru um vaxtahækkun Seðlabank-
ans frá því í síðustu viku. Einar
Oddur Kristjánsson telur þær
auka á ójafnvægið í samfélaginu
og tefla framtíð atvinnuveganna
í tvísýnu. Seðlabankastjóri segist
ekki tjá sig um gagnrýni stjórn-
málamanna á aðgerðir bankans.
Seðlabanki Íslands hækkaði
stýrivexti talsvert í síðastliðinni
viku og bar málið á góma í um-
ræðum um fjárlög á Alþingi fyr-
ir helgi. Einar Oddur Kristjáns-
son, varaformaður fjárlaga-
nefndar, gagnrýndi bankann
harkalega vegna þeirra gengis-
hækkana sem af framtakinu
leiða. „Það hlýtur að vera mjög
ámælisvert og ástæða til þess að
tala til þessara manna í fullri al-
vöru,“ sagði hann á föstudaginn.
Einar Oddur finnur vaxta-
hækkununum flest til foráttu.
„Vaxtahækkanir auka á það
ójafnvægi sem er í þessu þjóðfé-
lagi. Gengið hækkar og setur
framleiðsluatvinnuvegina alveg
út á gaddinn,“ segir hann og
kveðst ekki skilja hvers vegna
Seðlabankinn hafi í tvö ár horft
aðgerðalaus á viðskiptabankana
taka hundruðir milljarða króna í
erlendum lánum til að lána ein-
staklingum landinu. „Mér finnst
þetta ofboðslegur glannaháttur,“
bætir hann við og segir að hægur
vandi sé fyrir bankann að hækka
kröfur um eiginfjárhlutfall lána-
stofnana eða beita svonefndri
bindiskyldu þannig að stærri
hluti fjármagns sé bundinn inni í
bankanum.
Engum dylst að þensluáhrifa
er farið að gæta í samfélaginu,
einkum vegna hækkunar elds-
neytisverðs og íbúðarverðs. Ein-
ar telur orsök íbúðarverðs vera
aukið framboð lánsfjár. „Seðla-
bankinn horfir á það brostnum
augum að allt þetta fé streymi
inn í landið. Síðan þykist þessi
sami seðlabanki geta sagt okkur
sem erum að halda utan um rík-
isfjármálin til syndanna. Mér
gremst þetta. Það
verður að tala við þessa menn
með tveimur hrútshornum,“ seg-
ir hann en telur þó ofmælt að
hann hafi stungið upp á að
bankastjórarnir yrðu reknir, því
hafi hann eingöngu varpað fram
í hálfkæringi í andsvörum.
Birgir Ísleifur Gunnarsson
seðlabankastjóri sagði í samtali
við blaðið að bankinn tjái sig
aldrei um gagnrýni stjórnmála-
manna á störf sín. Á þeirri reglu
verði ekki gerð undantekning nú.
sveinng@frettabladid.is
Kirkjugarðar:
Gestum
leiðbeint
ÞJÓNUSTA Eins og undanfarin ár
munu starfsmenn Kirkjugarða
Reykjavíkurprófastsdæma aðstoða
fólk sem huga að leiðum ástvina um
jólin. Á Þorláksmessu og aðfangadag
leiðbeina starfsmenn gestum í Foss-
vogs-, Gufunes- og Hólavallagarði.
Fólk sem ætlar að heimsækja
kirkjugarðana og er ekki öruggt um
að rata getur nálgast staðsetningu
leiða á vefsíðunni gardur.is, hringt í
Kirkjugarðana með góðum fyrirvara
eða sótt upplýsingar og ratkort á
skrifstofu Kirkjugarðanna alla virka
daga frá klukkan hálf níu á morgn-
ana til klukkan fjögur á daginn.
- þlg
Skortur á fatafellum í
Kanada:
Veronica
fékk leyfi
WASHINGTON POST Veronica, 31 árs
gömul fatafella frá Rúmeníu, er í
sviðsljósinu í Kanada um þessar
mundir eftir að innflytjenda-
ráðherra landsins, Judy Sgro,
ákvað að veita henni landvistar-
leyfi á undan öðrum umsækjend-
um. Ástæðan er sú að Veronica
vann sjálfboðastarf fyrir Sgro
þegar hún barðist fyrir endur-
kjöri á þingi.
Stjórnvöld í Kanada hafa lagt
mikla áherslu á að veita erlendum
fatafellum landvistarleyfi vegna
skorts á vinnuafli í faginu. Hefur
ákvörðunin valdið miklum deilum
í landinu. „Þetta er frábært starf,“
sagði Veronica. „Það hefur veitt
mér betri tækifæri í lífinu en mig
hafði órað fyrir.“ ■
■ LÖGREGLUFRÉTTIR
VEISTU SVARIÐ?
1Hvað er geymt í búrinu sem umhverf-isráðherra vígði í Kópavogi um helg-
ina?
2Hvað heitir dúkkan sem Bríet, félagungra femínista, kynnti í gær?
3Í hvaða stéttarfélögum eru konur meðhærri heildarlaun en karlar?
Svörin eru á bls. 30
Fyrsta bókin
um íslenska
stjörnuhimininn
Loksins er fáanleg handbók fyrir þá sem hafa unun af því að horfa
til himins á vetrarkvöldum. Með myndum og kortum og
greinargóðum upplýsingum er kennt hvernig best er að standa að
stjörnuskoðun hérlendis. Bók sem ekkert heimili getur verið án.
Í fyrsta sinn á Íslandi!
• 53 stjörnumerki sem sjást frá Íslandi
• Allt um stjörnuskoðun
• Örnefnakort af tunglinu
• Mikill fjöldi mynda og stjörnukorta
Stjörnuskífa
fylgir með!
9. sæti
Handbækur
Penninn Eymundsson
og Bókabú›ir MM
24. – 30. nóv.
SAMNINGURINN HANDSALAÐUR
Þórunn Reynisdóttir, forstjóri Avis á Íslandi,
og Sigrún Árnadóttir, framkvæmdastjóri
Rauða kross Íslands, handsala samning
um söfnunarbauka fyrir smápeninga í bíla-
leigubílum Avis.
Avis og Rauði krossinn:
Samið um
söfnunarbauka
HJÁLPARSTARF Viðskiptavinum Avis
á Íslandi gefst brátt tækifæri til
að losa sig við smápeninga sem
þeir eiga afgangs og styðja um
leið mannúðar- og hjálparstarf
Rauða krossins.
Í gær gerðu Avis og Rauði
krossinn með sér samning um að í
öllum Avis bílaleigubílum hér
verði askja frá Rauða krossinum
fyrir afgangsaur. Búist er við að
erlendir ferðamenn muni nota
tækifærið til að losa sig við
íslenska mynt og seðla fyrir brott-
för frá landinu.
Í tilkynningu kemur fram að
féð eigi að nota til að styrkja verk-
efni Rauða krossins hér á landi.
- óká
Innbrot í Vogahverfi og Hafnarfirði:
Sömu þjófar stálu sömu hlutum
LÖGREGLA Tilkynnt var um innbrot
í iðnaðarhúsnæði í Súðarvogi
snemma á sunnudagsmorguninn.
Fljótlega kom í ljós að þjófarnir
voru hinir sömu og handteknir
voru í Breiðholti aðfaranótt
sunnudags, vegna innbrots
í Hafnarfirði. Þaðan höfðu þre-
menningarnir stolið fyrirtækis-
bíl sem þeir klesstu á ljósastaur í
Seljahverfi og skemmdu mikið.
Að sögn lögreglu fannst þýfi
úr innbrotinu í Súðarvogi í bíln-
um og reyndist samskonar og
tekið hafði verið ófrjálsri hendi
í Hafnarfirði; eða tölvubúnaður
og rafsuðuvélar. Þjófarnir unnu
mikil skemmdarverk á báðum
stöðum, spörkuðu upp hurðum
og brutu og brömluðu, auk þess
sem blaðið veit til þess að á báð-
um stöðum hafi verið skitið í
ruslafötur.
Lögregla segir fótspor hafa
komið upp um þjófana, sem og
varningurinn sérstæði sem stolið
var. Mennirnir voru allir undir
áhrifum áfengis og hafa ekki
komið við sögu lögreglunnar
áður. Þeir voru handteknir á
Nikkabar í Efra-Breiðholti, en
sjónarvottar bentu lögreglu á
þann felustað þjófanna.
- þlg
Rauði krossinn:
Dagur sjálf-
boðaliðans
HJÁLPARSTARF Mikið var um dýrðir
á degi sjálfboðaliðans í gær þegar
Reykjavíkurdeild Rauða kross
Íslands var með opið hús í nýju
húsnæði deildarinnar að Lauga-
vegi 20. Hundruð sjálfboðaliða
voru sérstaklega kallaðir til sam-
kvæmisins þar sem boðið var upp
á jólaleiki, tískusýningu úr L-12
verslun Rauða krossins, tónlistar-
atriði og fleira. Með samkomunni
vildi Reykjavíkurdeildin þakka
sjálfboðaliðum gott starf og gefa
þeim tækifæri til að kynnast og
eiga góða stund saman.
- þlg
ÓVENJULEGAR AÐFARIR
Innbrotsþjófar sem létu greipar sópa á
tveimur stöðum á höfuðborgarsvæðinu
unnu mikil skemmdarverk, auk þess að
gera stykkin sín í ruslafötur á báðum stöð-
um. Myndin er sviðsett.
HANS KRISTJÁN ÁRNASON
Hans Kristján vísar á bug gagnrýni í þá
veru að þjóðarhreyfingin ætli að auglýsa
umboðslaust í New York Times í nafni
þjóðarinnar. „Þjóðarhreyfingin skrifar undir
auglýsinguna,“ segir hann og bætir við að
þjóðerni aðstandenda auglýsingarinnar
komi fram í upphafi meginmáls hennar.
EINAR ODDUR KRISTJÁNSSON
„Það er ástæða til að tala til þessara
manna í fullri alvöru.“
BIRGIR ÍSLEIFUR GUNNARSSON
Seðlabankinn tjáir sig ekki um gagnrýni á
bankann.
BÍLVELTA VIÐ HÖFN Bíll valt í
mikilli hálku á þjóðvegi 99 um
tíuleytið á laugardagskvöld. Veg-
urinn er tengivegur Hafnar í
Hornafirði við þjóðveg eitt. Tveir
voru í bílnum en sakaði ekki.
Bíllinn er talsvert skemmdur.