Fréttablaðið - 06.12.2004, Blaðsíða 13

13MÁNUDAGUR 6. desember 2004
Böðullinn og dauðadæmdir
uggandi vegna dauðadóma
Böðullinn á Sri Lanka óttast um líf sitt eftir að bann við því að framfylgja dauðadómum var
numið úr gildi. Hann óttast að glæpagengi reyni að ráða sig af dögum. 28 ár eru liðin frá síðustu
aftöku og á þeim tíma hafa aftökutækin látið á sjá og reynslan af aftökum glatast niður.
SRI LANKA, AP Fangar á dauðadeild-
um fangelsa í Sri Lanka eru ugg-
andi eftir að forseti landsins nam
úr gildi forsetatilskipun sem lagði
blátt bann við því að dauðadómum
yrði framfylgt. Hinir dauða-
dæmdu eru þó ekki þeir einu sem
óttast um líf sitt, það gera líka
böðull landsins og fangelsismála-
stjórinn.
„Ég er berskjaldaður fyrir
árás,“ sagði hinn 25 ára böðull,
Suramimala Wijetunge, sem ótt-
ast að glæpagengi reyni að ráða
hann af dögum nú þegar hann
þarf að fara að taka menn af lífi.
Þar til fyrir fáeinum vikum síðan
var böðulsstarfið einfalt og þægi-
legt fyrir Wijetunga sem tók við
starfinu af föður sínum sem fór á
eftirlaun án þess að hafa nokkurn
tíma tekið mann af lífi. Nú þarf
hann hvort tveggja að búa sig
undir að taka mann af lífi í fyrsta
sinn og gæta að sér af ótta við
banatilræði.
Yfirmaður Wijetunge óttast
líka um líf sitt. „Ég hef vopnaða
verði með mér hvert sem ég fer
og breyti ferðavenjum til að
forðast hugsanlegar árásir,“ sagði
Rumy Marzook fangelsismála-
stjóri sem telur sig í hættu hvort
tveggja vegna þess að dauðarefs-
ing sé tekin upp á ný og vegna
þess hversu gagnrýninn hann hef-
ur verið á spillingu í fangelsum.
Stutt er síðan Chandrika
Kumaratunga, forseti Sri Lanka,
nam úr gildi forsetatilskipun um
bann við því að framfylgja dauða-
dómum. Þrátt fyrir að dauðadóm-
ar hafi verið kveðnir upp á Sri
Lanka í 120 ár hefur engum þeirra
verið framfylgt frá því í júní 1976.
Forsetinn ákvað hins vegar eftir
morðið á hæstaréttardómara sem
var þekktur fyrir að taka af hörku
á glæpamönnum að ógilda for-
setatilskipunina sem kom í veg
fyrir aftökur.
Ákvörðun forsetans setur
fangelsismálayfirvöld í nokkurn
vanda fyrst um sinn. Á þeim 28
árum sem ekki hefur mátt taka
menn af lífi hafa gálgarnir grotn-
að niður, reipin sem menn voru
hengdir í rotnað og böðlarnir
sem hafa reynslu af starfinu eru
allir látnir eða hafa látið af störf-
um. Því þarf að endurnýja bún-
aðinn og búa nýja böðulinn undir
að inna af hendi starfið sem hann
hefur haft með höndum í fjögur
ár en aldrei þurft að fram-
kvæma.■
■ AFRÍKA
Síðasti öruggi skiladagur
á jólakortum til landa utan Evrópu
er miðvikudagurinn
á jólakortum til Evrópu
er miðvikudagurinn
á jólakortum innanlands
er þriðjudagurinn

8.12.
15.12.
21.12.
www.postur.is
Komdu tímanlega
Finndu pósthúsið næst þér á
ÍS
LE
N
SK
A
A
U
G
LÝ
SI
N
G
A
ST
O
FA
N
E
H
F.
/S
IA
.I
S
-
IS
P
25
98
4
1
1/
20
04
með jólakortin
DISKAR ÁRITAÐIR
Kristján Jóhannsson söngvari áritaði diska í
heimabæ sínum á föstudaginn og var vel
tekið af gestum og gangandi.
Kristján Jóhannsson:
Stórsöngvari
á heimavelli
AKUREYRI Kristján Jóhannsson
söngvari var staddur í sínum
gamla heimabæ síðast liðinn
föstudag og áritaði nýja diskinn
sinn, Portami Via, í verslun Hag-
kaups og á Glerártorgi.
Fjöldi fólks notaði tækifærið
og heilsaði upp á Kristján og engu
var líkara en stórsöngvarinn væri
staddur á ættarmóti því hann virt-
ist þekkja annan hvern mann.
-kk
NÝ SÓMALÍUSTJÓRN Ali Mo-
hammed Gedi forsætisráðherra
kynnti um miðja síðustu viku 27
ráðherra nýrrar ríkisstjórnar
Sómalíu. Fyrir nýju ríkisstjórn-
inni liggur að koma á friði og
stöðugleika í landinu, en það
hefur búið við stjórnleysi í um
þrettán ár.
JAFNA SIG EFTIR HAMFARIR
Íbúar bæjarins Infanta sem er staðsettur
austur af Manila, höfuðborg Filippseyja,
bera varning til heimilis síns. Miklar aur-
skriður og flóð gengu yfir Filippseyjar í síð-
ustu viku. Að minnsta kosti 640 fórust auk
þess sem 400 er enn saknað.
Náttúrufræðistofnun:
Nær ekki að sinna lög-
bundnum verkefnum
RÍKISSTOFNUN Ríkisendurskoðun
hefur greint þrjár meginástæður
rekstrar- og fjárhagsvanda Nátt-
úrufræðistofnunar undanfarin
þrjú ár. Þar kemur fram að helstu
ástæður fjárhagsvanda stofnunar-
innar séu að framlög ríkisins til
hennar hafi ekki fylgt verðþróun,
sértekjur hennar hafi lækkað veru-
lega. Einnig hafi laun og húsaleiga
hækkað. Því nægja árlegar fjár-
veitingar ekki fyrir rekstri, auk
þess sem stofnunin hefur safnað
upp skuldum vegna rekstrarhalla.
Því leggur Ríkisendurskoðun til að
stjórnvöld lagi starfsemi Náttúru-
fræðistofnunar að fjárhagsramma
með verulegum niðurskurði eða
auki fjárveitingar til hennar.
Jón Gunnar Ottósson, forstjóri
Náttúrufræðistofnunar, segir stofn-
unina hafa mjög umfangsmikið
verksvið og að kröfur um upplýsing-
ar um náttúruna séu alltaf að aukast.
Sem dæmi um lögbundin verkefni
sem ekki hafi verið hægt að sinna
með fullnægjandi hætti sé að kort-
leggja náttúru Íslands. Einnig hafi
ekki verið hægt að fylgjast með
stofnum refa og minka á Íslandi.
Hvað varðar lækkun sértekna
segir Jón að stór hluti þeirra komi
frá öðrum ríkisstofnunum og ráðu-
neytum og því sé erfitt að hafa
stjórn á slíkum tekjum .
Sigríður Anna Þórðardóttir um-
hverfisráðherra segist ekki hafa séð
skýrslu Ríkisendurskoðunar og vill
því ekki tjá sig um hana.
- ghs
NÁTTÚRUFRÆÐISTOFNUN Í KRÖGGUM
Jón Gunnar Ottósson, forstjóri Náttúrufræðistofnunar Íslands, segir ekki hafa verið hægt
að sinna lögbundnum verkefnum stofnunarinnar.
FANGELSISMÁLASTJÓRINN Á SKRIFSTOFU SINNI
Rumy Marzook, fangelsismálastjóri Sri Lanka, segir mikilvægt að vel takist til þegar fyrsta
aftakan í 28 ár á sér stað en er þó uggandi um að reynsluleysi kunni að valda vandræðum.