Fréttablaðið - 06.12.2004, Blaðsíða 57
MÁNUDAGUR 6. desember 2004
AF NETINU
Ófriður um heiðurslaun
Annað árið í röð kýs formaður mennta-
málanefndar Alþingis að slíta sundur
friðinn um heiðurslaun listamanna, sem
Alþingi veitir árlega. Í atkvæðaskýringu
sinni um málið í dag kallaði formaðurinn
fulltrúa stjórnarandstöðunnar í nefnd-
inni „gamlar nöldurskjóður“ vegna
þeirrar gagnrýni sem við höfum leyft
okkur að setja fram á vinnubrögð hans
við tilnefningu á heiðurslaunalistann. Sú
gagnrýni sem fulltrúar stjórnarandstöð-
unnar í nefndinni hafa nú sett fram er af
sama toga og fyrir ári síðan, en þessi
tvö síðustu skipti hefur hefðbundnum
vinnubrögðum við ákvörðun um heið-
urslaunin verið kastað fyrir róða. Strax og
menntamálanefnd þingsins tók að hlut-
ast til um það hvaða einstaklinga úr hópi
listamanna Alþingi sæi ástæðu til að
heiðra sérstaklega, hefur verið reynt að
ná um niðurstöðuna víðtækri sátt í
nefndinni. Það hafa menn gert með því
að eiga samtal um alla hugsanlega
möguleika í þessum efnum. Í ár og í fyrra
hefur sá háttur hins vegar verið hafður á
að formaður hefur lagt fram fullmótaða
tillögu í upphafi fundar og ekki heimilað
um hana eðlilegar umræður, heldur
látið nægja að leyfa stjórnarandstöðu-
þingmönnum að halda eintöl um tillög-
una og eftir atvikum velta upp þeim
nöfnum öðrum sem nefndarmönnum
hafa borist ábendingar um að gætu átt
heima á lista heiðurslistamanna. Þessar
athugasemdir okkar hafa hins vegar ekki
kallað fram málefnaleg skoðanaskipti og
hafa engu breytt um vilja formannsins
og stjórnarliðanna sem fylgt hafa honum
að málum athugasemdalaust. Eftir að til-
laga formannsins var kynnt í gær, varð
sem sagt engu breytt.
Kolbrún Halldórsdóttir á
althingi.is/kolbrunh
Forsjárhyggja
Jón Kristjánsson heilbrigðisráðherra
hyggst leggja fram frumvarp er bannar
allar reykingar á veitingastöðum. Nú vill
svo til að ég hef blessunarlega aldrei
fiktað við sígarettureykingar og hef því
ekki áhyggjur af því hvar ég fái að
kveikja í rettunni. En ég lít svo á að ég
hafi engu að síður mikilvægra hags-
muna að gæta í málinu. Þeir hagsmunir
felast í því að taka ákvarðanir um mitt
eigið líf sjálfur. Stjórnmálamenn sem
alltaf vilja hafa vit fyrir fólki, alltaf
stjórna því hvað aðrir eru að gera, fara
alveg óskaplega í taugarnar á mér. Af
hverju má eigandi veitingahúss ekki
leyfa reykingar inni á staðnum sínum?
Er einhver neyddur til þess að eiga við
hann viðskipti eða sækja um vinnu hjá
honum? Augljóslega ekki. Hvert er þá
vandamálið? Ef fólk vill heldur borða á
reyklausum veitingastað blasir við að
staður sem framfylgir slíku banni af
sjálfsdáðum mun laða til sín viðskipta-
vini.
Hafsteinn Þór Hauksson á sus.is