Fréttablaðið - 27.08.2004, Blaðsíða 38

30 27. ágúst 2004 FÖSTUDAGUR
Við hneykslum á ...
... öllum þeim íþróttamönnum sem hafa fallið á lyfjaprófi á Ólympíu-
leikunum. Á hverjum degi kemur fram nýr svartur sauður meðal bestu
íþróttamanna heims og setur um leið svartan blett á leikana og íþróttir
almennt. Sem betur fer komast fáir orðið upp með þetta svindl.
„Ég vil sjá Wayne Rooney
verða að afa hjá Everton.“
Bill Kenwright, stjórnarformaður enska
úrvalsdeildarliðsins Everton.sport@frettabladid.is
Við fullyrðum...
... að argentínska landsliðið í knatt-
spyrnu sé hið eina sanna draumalið á
Ólympíuleikunum í Aþenu. Liðið hefur
unnið alla sína fimm leiki með saman-
lagðri markatölu 16-0.
FÓTBOLTI Það efast enginn um það að
fáir íslenskir knattspyrnumenn
eru að spila jafn vel og Gylfi Ein-
arsson um þessar mundir. Gylfi
hefur farið á kostum með norska
liðinu Lilleström í sumar og til að
taka af allan vafa um raunveru-
lega getu hans var hann besti mað-
ur vallarins þegar Ísland vann
Ítalíu fyrir skömmu. Þar skoraði
hann eitt mark, lagði upp annað og
vann flest þau návígi sem hann fór
í. Hluti af ástæðu þess að hann er
að spila jafn vel og raun ber vitni
er að hann er loksins farinn að
spila þá stöðu sem hentar honum
best, sem framliggjandi miðju-
maður.
Gylfi hefur átt erfitt uppdrátt-
ar frá því að hann kom til Noregs í
október árið 2000, verið inni og úti
úr liði Lilleström og aldrei náð að
festa sig í sessi í íslenska landslið-
inu. Allt þar til nú. Í dag er hann á
toppi ferils síns, með lausan samn-
ing eftir að tímabili lýkur og hefur
þegar hafnað nýju tilboði frá Lille-
ström. Hann hefur gefið það út að
hann vilji spila í sterkari deild þar
sem spilaðir eru fleiri leikir en í
norsku úrvalsdeildinni.
Það er skiljanlegt að Gylfi vilji
notfæra sér sterka stöðu sína í
augnablikinu en hann skal þó vara
sig á því að færast ekki of mikið í
fang. Hjá Lilleström passar hann
vel inn í liðið og allt leikur í lyndi
en það er engin trygging fyrir því
að að það sama verði uppi á ten-
ingnum ef hann færir sig um set,
ég tala ekki um ef hann fer í ein-
hverja af stærstu deildum Evrópu.
Það hefur verið landlægur
ósiður hjá íslenskum knatt-
spyrnumönnum að taka stærri
skref en þeir raunverulega valda
og margir leikmenn hafa einfald-
lega fryst feril sinn með illa
ígrunduðum ákvörðunum um
eigin framtíð. Arnar Gunnlaugs-
son byrjaði tímabilið 1998-1999
frábærlega með Bolton í ensku 1.
deildinni. Hann skoraði glæsileg
mörk og var kominn í guðatölu
hjá stuðningsmönnum liðsins.
Það leið ekki á löngu þar til hann
fór að krefjast launahækkunar
eða að vera settur á sölulista.
Hann var seldur til Leicester
City í febrúar 1999 en þau
draumafélagaskipti snerust fljót-
lega upp í martröð fyrir Arnar
sem enn sér ekki fyrir endann á.
Hann spilaði fáa leiki fyrir félag-
ið, fór þaðan til skoska liðsins
Dundee United þar sem það sama
var uppi á teningnum og endaði
síðan í KR þar sem smám saman
hefur fjarað undan ferli þessa
eitt sinn frábæra knattspyrnu-
manns.
Gylliboðið freistaði
Þórður Guðjónsson var kóngur
í Belgíu þegar hann lék þar með
Genk og átti stóran þátt í því að
liðið varð belgískur meistari árið
1999 og bikarmeistari ári seinna.
Þórður freistaðist af gylliboði
spænska liðsins Las Palmas vorið
2000 en þrátt fyrir að kosta mikið
spilaði hann aðeins átta leiki fyrir
félagið þau tvö tímabil sem hann
dvaldi hjá liðinu. Hann fór að
lokum til Bochum en þar hefur
hann aldrei náð sömu hæðum og
hjá Genk forðum daga og var til
að mynda sá eini í byrjunarliði Ís-
lands gegn Ítölum sem ekki átti
fast sæti í sínu félagsliði.
Jóhannes á Spáni
Bróðir Þórðar, Jóhannes Karl,
fetaði í fótspor bróður síns ári
seinna. Hann átti hreint út sagt
frábært tímabil með hollenska
liðinu RKC Waalwijk leiktíðina
2000-2001 eftir að hafa komið til
liðsins frá Genk og var af mörg-
um talinn vera einn af bestu
miðjumönnum hollensku deildar-
innar. Honum bauðst að fara til
spænska stórliðsins Real Betis
haustið 2001 og eftir tólf leiki þar
var ljóst að hann var ekki inni í
framtíðarplönum félagsins. Þá
tók við kapphlaupið mikla hjá
honum þar sem hann var lánaður
til enskra úrvalsdeildarliða, fyrst
Aston Villa og síðan Wolves.
Hann spilaði nánast ekkert með
Wolves í fyrra jafnvel þótt liðið
væri án nokkurs vafa það léleg-
asta í ensku úrvalsdeildinni og
það hafði sín áhrif á knattspyrnu-
manninn Jóhannes Karl. Nú er
hann hins vegar laus úr spænsku
prísundinni og kominn til Leicest-
er en eftir stendur að hann hefur
bætt sig meira í golfi en fótbolta
undanfarin þrjú ár.
För Helga til Grikklands
Helgi Sigurðsson skoraði
grimmt með norska liðinu Stabæk
sumarið 1999. Hann hafði skorað
fjórtán mörk í átján leikjum með
félaginu það tímabil þegar hann
var seldur til gríska stórliðsins
Panathinaikos fyrir 140 milljónir
íslenskra króna. Helgi átti aldrei
möguleika að festa sig í sessi hjá
hinu geysisterka gríska liði og
varð því fegnastur þegar hann var
keyptur til norska liðsins Lyn
sumarið 2002.
Þar náði hann sér ekki á strik,
var hálfdrættingur miðað við
þann Helga Sigurðsson sem lék í
Stabæk áður en hann fór til
Grikklands og spilar nú með dan-
ska liðinu AGF. Það eru svo sem
ekki slæm örlög að spila í Árósum
en varla sá staður sem menn
hefðu búist við að Helgi myndi
spila fimm árum eftir að hann var
einn heitasti framherji norsku úr-
valsdeildarinnar. Hér hafa verið
taldir upp fjórir snjallir leikmenn
sem liðu annað hvort fyrir það að
vera fórnarlömb aðstæðnanna
eða ofmátu sjálfa sig.
Að sjálfsögðu hafa margir
nokkrir íslenskir leikmenn tekið
skrefið upp á við eins og Eiður
Smári Guðjohnsen og Heiðar
Helguson. Gylfi Einarsson gæti
vel leikið það eftir en hann verður
að hafa í huga að það er nauðsyn-
legt að sníða sér stakk eftir vexti,
velgengni á einum stað tryggir
hana ekki á öðrum.
oskar@frettabladid.is
Að sníða sér stakk eftir vexti
Gylfi Einarsson vill nota sterka stöðu sína hjá Lilleström til þess að komast í betri deild en hann
má passa sig á því að færast ekki of mikið í fang.
ÚR ÍÞRÓTTAHEIMINUM
Haile Gebr-s e l a s s i e ,
eþíópíski lang-
hlauparinn, kennir
lélegri æfingabraut
um lélega frammi-
stöðu sína í 10 þús-
und metra hlaupi á
Ólympíuleikunum. Gebrselassie,
sem er tvöfaldur ólympíumeistari og
fjórfaldur heimsmeistari, segir braut-
ina afleita. „Þetta er ein versta æf-
ingabraut heims“ sagði hlauparinn.
„Það eru steinar og holur úti um allt
á henni, sem gerir manni mjög erfitt
fyrir“. Gebrselassie skaddaðist á
hásin mánuði fyrir leikana og gat því
ekki beitt sér af fullum styrk.
Lið Argentínu-manna í fótbolt-
anum hefur lagt
öðrum liðum lín-
urnar með framúr-
skarandi leik og ef
fram fer sem horfir
mun fátt koma í veg
fyrir sigur þess á
Ólympíuleikunum. Argentína hefur
skorað 16 mörk í fimm leikjum og
haldið marki sínu hreinu. Carlos
Tevez, nýráðinn leikmaður Boca
Juniors næstu fjögur árin, hefur skor-
að 7 af sextán mörkum sinna
manna. Gárungarnir segja þetta að-
eins vera byrjunina á glæsilegu tíma-
bili sem fram undan er hjá þessu
unga og skemmtilega liði og að það
verði illviðráðanlegt á HM í Þýska-
landi 2006. Þjálfari liðsins, Marcelo
Bielsa, sagði liðsheildina skipta
mestu máli. „Tevez er frábær leik-
maður en við erum fyrst og fremst
gott lið,“ sagði Bielsa.
Hamish Carterfrá Nýja-Sjá-
landi sigraði í þrí-
þraut á Ólympíu-
leikunum. Félagi
hans, Nýsjálending-
urinn Bevan
Docherty, var annar
eftir að hafa haldið í
við Carter megnið af keppninni.
Carter endaði í tuttugasta og sjötta
sæti á leikunum í Sydney fyrir fjórum
árum en hefur æft grimmt síðan og
er nú orðinn einn þeirra bestu. Sviss-
lendingurinn Sven Riederer hamp-
aði þriðja sætinu.
GYLFI ERFIÐUR VIÐ AÐ EIGA Marco Materazzi, leikmaður Inter, réð ekkert við Gylfa
Einarsson í landsleik Íslands og Ítalíu eins og sjá má hér fyrir ofan. Fréttablaðið/Hari
ÓSKAR HRAFN ÞORVALDSSON
ÍÞRÓTTABLAÐAMAÐUR
ÍÞRÓTTASKÝRING
Knattspyrnumaðurinn Gylfi
Einarsson hjá Lilleström í
Noregi hyggst breyta til.
38-39 (30-31) SPORT 26.8.2004 18:02 Page 2