Fréttablaðið - 13.12.2004, Blaðsíða 55
Á meðan þörf er
talin fyrir innanlands-
flug er óhjákvæmilegt að við-
urkennt sé að þótt Vatnsmýr-
in sé dýrmætt byggingaland
er hún ómetanlegt land allra
landsmanna undir flugvöll.
Flugvöllinn áfram til framtíðar
Einar Kr. Guðfinnsson alþingis-
maður fjallaði nýverið um
Reykjavíkurflugvöll í Frétta-
blaðinu. Það varð til þess að and-
stæðingar flugvallarins ruku
upp og mótmæla nú enn ákaft
því að hann skuli standa og
leggja gífurlega áherslu á að
hann skuli burt. Suðurnesja-
menn grípa tækifærið og lýsa
því yfir að afar lítið mál sé að
taka við öllu innanlandsflugi á
Keflavíkurflugvöll.
Ég sé ekkert að því að þetta
fólk viðri þessar skoðanir en tel
það hafa rangt fyrir sér. Að
Vatnsmýrin sé dýrmætt bygg-
ingarsvæði má sjálfsagt til
sanns vegar færa en rangt að
ætla að fórna flugvellinum að-
eins vegna þess. Mikilvægi þess
að hafa flugvöllinn þar sem hann
er nú sjá þeir sem gera sér að
fullu grein fyrir því hvernig
hann fullnægir þörfum lands-
manna þar sem hann er nú og að
enginn annar staður finnst betri
til þess. Guðmundur heitinn
Sveinsson netagerðarmaður og
bæjarfulltrúi á Ísafirði opnaði
augu mín fyrir mikilvægri legu
flugvallarins þegar hann sagði
mér frá eftirfarandi reynslu
sinni, á þessa leið: „Ég hef lent í
því að vera 10 daga að komast
heim á Ísafjörð frá Reykjavík
með flugvél. Þrisvar fórum við í
loftið og komumst tvisvar alla
leið vestur í Djúp áður en flug-
vélin varð að snúa við og eitt
sinn styttra. Á tíunda degi tókst
loks að fljúga vestur og lenda
þar.“ Sögunni fylgdi ekki hversu
marga daga það tók að komast
suður, enda annað mál að vera þá
heima. Þetta gæti komið fyrir
Reykvíking sem væri fyrir vest-
an, þó með öfugum formerkjum,
þ.e.a.s. að vera 10 daga að kom-
ast suður frá Ísafirði.
Að þurfa að leita flugs alla
leið til Keflavíkur þann árstíma
sem veður eru válynd og dagar
skammir eru óraunhæfar álykt-
anir. Yrði það niðurstaðan mætti
hætta öllu innanlandsflugi,
a.m.k. að vetrum. Það fólk sem
berst fyrir því er beðið um að
gera sér grein fyrir því að
Reykjavík er höfuðborg allra
landsmanna og ber íbúum henn-
ar að taka tillit til þess. Á meðan
þörf er talin fyrir innanlands-
flug er óhjákvæmilegt að viður-
kennt sé að þótt Vatnsmýrin sé
dýrmætt byggingarland er hún
ómetanlegt land allra lands-
manna undir flugvöll. Loks má
nefna að borg eftir borg erlend-
is, fjölmennari en Reykjavík,
hefur flugvelli innan borgar-
marka sinna og það jafnvel fleiri
en einn og með miklu meiri flug-
umferð en okkar höfuðborgar-
flugvöllur hefir. Áfram til fram-
tíðar, flugvöll í Vatnsmýri. ■
19MÁNUDAGUR 13. desember 2004
Flóttafólk á Íslandi
Ef fólk sem flýr pólitískar og trúarlegar
ofsóknir í Afghanistan og Úsbekistan
uppfyllir ekki skilyrði Útlendingastofn-
unar fyrir því að fá hæli hér á landi, þá
er eitthvað mikið að. Útlendingalögin
sem sett voru á Alþingi á síðasta ári voru
framfaraspor hvað varðar skilgreiningar
á viðurkenndum ástæðum fyrir hælis-
umsókn. Þess sér þó ekki stað í af-
greiðslu Útlendingastofnunar á um-
sóknunum og kærur til dómsmálaráðu-
neytis virðast því miður nær tilgangs-
lausar.
Steinþór Heiðarsson á murinn.is
Skólinn og strákarnir
Ég hef aðallega kynnst íslenskum
grunnskólum í gegnum eigið nám, en
einnig hef ég starfað sem kennari í
skamman tíma. Sú tilfinning sem ég
hef er að íslenskt skólakerfi sé einmitt
alls ekki „drengjavænt“. Stúlkur í ís-
lenskum skólum eru almennt duglegri
og iðnari við námið og er því kannski
ekki skrítið að þær nái betri árangri en
drengirnir. Hins vegar hlýtur maður að
spyrja af hverju það stafi, þ.e. að íslensk-
ar stúlkur séu iðnari við námið. Ein
helsta ástæðan er sú að þarfir drengja
og stúlkna eru afar misjafnar og tel ég
að þörfum drengja sé ekki mætt sem
skyldi í íslenskum grunnskólum. Í raun
er mjög ósanngjarnt að setja kynin
undir sama hatt og beita sömu aðferð-
um við að ná sama árangri.
Eyjólfur Magnús Kristinsson á sell-
an.is
Tungumálanám í skólum
Fyrir örfáum árum var sú hárrétta
ákvörðun tekin að breyta áherslum í
tungumálanámi íslenskra grunnskóla-
nema þegar upphaf enskukennslu var
fært úr 7. bekk niður í þann 5. Upphaf
dönskukennslu var á sama tíma fært úr
6. bekk yfir í 7. bekk. Enskan var þar
með gerð að öðru tungumáli í stað þess
þriðja, þótt ef til vill hafi hún þegar ver-
ið annað tungumál Íslendinga um árabil
sökum engilsaxneskra áhrifa í dægur-
menningu landans. Það má síðan færa
fyrir því rök að hefja tungumálakennslu,
þá sérstaklega enskukennslu, enn fyrr
heldur en tíu ára en flest börn ættu
þegar að hafa náð ákveðnum orðaforða
úr textuðu barnaefni fyrir þann tíma.
Fanney Rós Þorsteinsdóttir á deigl-
an.com
Aðförin að Kristjáni
Harpa Karlsdóttir kerfisstjóri skrifar:
Íslendingar eru að sýna það og sanna,
að þeir eru ekki ennþá komnir út úr
öldudalnum og vitna ég þar með í sög-
una af Bör Börssyni. Það er ótrúlega
stutt í smáborgaraháttinn hjá okkur.
Skrif og umtal um að Kristján Jóhanns-
son, okkar ástsælasti söngvari, hafi
þegið laun fyrir hlutverk sitt í Hallgríms-
kirkju í þágu krabbameinssjúkra barna
eru dæmi um lágkúrulega umræðu
fólks sem ekki líður vel innra með sér.
Ég spyr: Af hverju gefa ekki krabba-
meinslæknar vinnu sína? Kristján hefur
borið höfuð sitt hátt með framkomu
sinni undanfarin ár og hefur eflaust
þurft að gjalda þess. Ég efa að hann erfi
þetta við þjóðina – hann er einfaldlega
of hamingjusamur maður til þess. Að
lokum: Íslendingar einskis meta, alla þá
sem þeir geta.
KRISTINN SNÆLAND
UMRÆÐAN
REYKJAVÍKURFLUG-
VÖLLUR
,,
BRÉF TIL BLAÐSINS
AF NETINU