Fréttablaðið - 13.12.2004, Blaðsíða 58
22 13. desember 2004 MÁNUDAGUR
Við hrósum ...
... Eiði Smára Guðjohnsen sem var allt í öllu í
sóknarleik Chelsea í toppslagnum í gær og
skoraði síðan markið sem taldi í lokin. Eiður Smári
er orðinn einn af markahæstu mönnum deildarinnar.sport@frettabladid.is
HVAÐ? HVENÆR? HVAR?
10 11 12 13 14 15 16
Mánudagur
DESEMBER
„Þetta var dæmigerður baráttuleikur og það var
virkilega sætt að vinna svona, sérstaklega í ljósi orð-
bragðsins á gömlu félögunum hérna í Njarðvík. Það
er alltaf mikið af vitleysingum sem sækir leiki hér.“
Valur Ingimundarson, þjálfari Skallagríms eftir
sigurinn á Ljónunum í Ljónagryfjunni í gær.
Stórmeistarajafntefli á Highbury
Stórskemmtilegum leik Arsenal og Chelsea lauk með jafntefli á heimavelli Arsenal í gær. Eiður Smári
skoraði jöfnunarmark Chelsea en úrslitin þýða óbreytta stöðu á toppi ensku úrvalsdeildarinnar.
jbs-nærföt
Aldrei spurning
Karlmenn á öllum aldri og um allt land treysta á gæði jbs-nærfatanna. En fáa grunar hvað
úrvalið er í raun mikið.
Þú færð einhvern hluta af hinni breiðu jbs-línu á eftirtöldum sölustöðum:
Höfuðborgarsvæðið: Debenhams - Guðsteinn Eyjólfsson - Herrahúsið - Íslenskir karlmenn -
Herra Hafnarfjörður - Hagkaup - 66°norður • Akranes: Bjarg • Blönduós: Húnakaup
Borgarnes: KB • Hellissandur: Blómsturvellir • Ísafjörður: Olíufélag útvegsmanna - Silfurtorg
Hvammstangi: KVH • Sauðárkrókur: Sparta • Dalvík: Úrval • Akureyri: J.M.J. Akureyri - Joes
Akureyri - Úrval, Hrísalundi • Egilsstaðir: Samkaup Úrval • Neskaupstaður: Lækurinn
Höfn: Lónið • Kirkjubæjarklaustur: Kjarval • Hvolsvöllur: 11-11 • Hella: 11-11
Selfoss: Nóatún - Barón - Efnalaug Suðurlands • Vestmannaeyjar: H. Sigurmundsson, Smart
Keflavík: Samkaup Úrval - Flugstöð Leifs Eiríkssonar • Grindavík: Samkaup Úrval
■ ■ LEIKIR
19.15 KA mætir ÍBV í KA-heimilinu
í SS-bikar karla í handbolta.
■ ■ SJÓNVARP
15.30 Helgarsport á RÚV.
15.55 Ensku mörkin á RÚV.
17.30 Þrumuskot á Skjá einum.
18.30 Ameríski fótboltinn á Sýn.
Leikur Steelers og New York Jets.
20.30 Boltinn með Guðna Bergs á
Sýn. Evrópuboltinn frá ýmsum
hliðum.
22.00 Olíssport á Sýn. Íþrótta-
viðburðir heima og erlendis.
22.45 Enski boltinn á Skjá Einum.
Sýnt frá leik Fulham og
Manchester United.
23.15 Knattspyrnusagan á Sýn.
FÓTBOLTI Einum stærsta leik ensku
úrvalsdeildarinnar á þessari leik-
tíð, leik meistara Arsenal og Chel-
sea, lauk með jafntefli 2-2 eftir
æsispennandi 90 mínútur á High-
bury í gær. Gríðarlegur hraði ein-
kenndi leikinn frá upphafi til enda
og verður að telja úrslitin sann-
gjörn miðað við gang hans.
Thierry Henry skoraði bæði mörk
heimaliðsins en John Terry og
Eiður Smári Guðjohnsen jöfnuðu
fyrir þá bláklæddu.
Fyrri hálfleikur gat ekki byrjað
með betri hætti þegar Henry skor-
aði fyrsta markið fyrir Arsenal
þegar aðeins rúm mínúta var liðin
af leiknum. Markið kom nánast út
úr engu þegar boltinn endaði hjá
Henry eftir skyndisókn og lyfti
hann knettinum af ísköldu öryggi
framhjá Petr Cech, markverði
Chelsea. Markið galopnaði leikinn
og er langt síðan jafnmikill hraði
sást síðast í knattspyrnuleik á
enskri grund. Hófu leikmenn
Chelsea gagnsókn og sextán mín-
útum seinna endaði knötturinn í
neti Arsenal eftir skalla frá
markamaskínunni John Terry.
Kom markið eftir hornspyrnu
Arjen Robben en enginn vaktaði
Terry, sem þó hefur skorað
grimmt undanfarið.
Aðdáendur Arsenal gátu þó
fljótlega andað léttar á ný á 29.
mínútu þegar Henry skoraði aftur
og kom liði sínu yfir á ný. Skoraði
hann beint úr aukaspyrnu fyrir
framan vítateig Chelsea meðan
Cech markvörður var enn að stilla
upp varnarveggnum. Urðu hinir
bláklæddu æfir en dómaranum
varð ekki haggað og markið stóð.
Það tók Eið Smára Guðjohnsen
aðeins tólf sekúndur að skora ann-
að jöfnunarmark Chelsea strax í
upphafi seinni hálfleiks. Aftur
kom markið eftir fast leikatriði.
Frank Lampard tók aukaspyrnu
fyrir sem William Gallas skallaði
svo fyrir markið þar sem Eiður
beið færis og jafnaði.
Leikurinn jafnaðist aðeins eftir
mark Eiðs og fór að bera meira á
tæklingum og harðari leik en lið
Chelsea var þó meira með boltann
og skapaði sér hættulegri færi en
þó ekkert sem olli Almunia mark-
verði Arsenal vandræðum. Í lok
leiksins blésu leikmenn Arsenal til
sóknar en vörn Chelsea stóðst
pressuna. Stórmeistarajafntefli
var niðurstaðan. albert@frettabladid.is
Jose Mourinho, framkvæmdastjóri Chelsea:
Sorglegt að ná ekki
fleiri stigum en einu
FÓTBOLTI Báðir stjórarnir voru
svekktir í leikslok á leik Arsenal
og Chelsea í gær en það var þó
örugglega auðveldara fyrir Jose
Mourinho að sætta sig við eitt stig
því fyrir vikið er enn fimm stiga
munur á liðunum.
„Fyrir leikinn taldi ég að jafntefli
væru góð úrslit fyrir mína menn
en eftir að honum lauk og við átt-
um fleiri og betri möguleika þá
finnst mér sorglegt að ná ekki
fleiri stigum en einu,“ voru við-
brögð Jose Mourinho, fram-
kvæmdastjóra Chelsea, eftir leik-
inn við Arsenal í gær.
„Þrátt fyrir að ég geti sett út á
eitt og annað er því hins vegar
ekki að neita að úrslitin eru já-
kvæð fyrir okkur. Leikurinn sjálf-
ur var góður og spennandi fyrir
áhorfendur og ekki of mikið um
slæmar tæklingar eða meiðsli.“
Áttum að gera betur
„Við áttum að gera betur í
vörninni þegar mörk Chelsea
komu og bæði hefðum við átt að
koma í veg fyrir,“ sagði Arsene
Wenger, stjóri Arsenal. „Þetta er
svekkjandi enda komumst við
tvisvar yfir og fengum tækifæri
til að bæta við mörkum. Hins veg-
ar var mjög ungt lið inni á vellin-
um og það ber að fagna því að
leikmennirnir stóðu sig frábær-
lega í erfiðum leik.“
MIKILVÆGU MARKI FAGNAÐ Eiður Smári Guðjohnsen tryggði Chelsea dýrmætt stig út úr
leiknum gegn Arsenal á Highbury í gær. Hér fagnar okkar maður markinu sínu. Mynd/AP