Fréttablaðið - 13.12.2004, Blaðsíða 64

28 13. desember 2004 MÁNUDAGUR
Það er svolítið skemmtilegt hvað
það er allt í einu passað upp á það
hjá Destiny’s Child að hafa
stórstirnið Beyoncé Knowles ekki
í miðjunni. Framan á umslaginu í
nýja myndbandinu og inni í
hulstrinu er allt gert til þess að
leggja áherslu á að Beyoncé sé
ekki aðal, hún er það nú samt enn
þá.
Þegar Destiny’s Child ruddist
upp á yfirborðið voru það frum-
legar taktpælingar, raddútsetn-
ingarnar og grípandi lagasmíð-
arnar sem heilluðu ... hmm, og út-
litið kannski líka. En það fór ekk-
ert á milli mála að þarna voru
virkilega hæfileikaríkar stúlkur á
ferð, og eru enn.
Nýja platan á að vera endur-
koma sveitarinnar. Sterk heild
eftir að ein söngkonan er orðin að
stórstirni, svo gífurlegu að hún
bræðir hinar nánast bara með því
að vera nálægt þeim. Hér er glás
af grípandi lögum, og þær eiga ef-
laust eftir að negla út nokkrum
slögurum til viðbótar með þessari
plötu. Best fannst mér Through
With Love.
Allir textarnir hljóma eins og
þær séu allar illa brenndar af ást-
armálunum. Textarnir hér eru
nánast andstæða textans úr laginu
frábæra Independent Women ...
þessar hnátur eru háðar ástinni,
hljóma eins og fíklar. Lofa því að
vera ofurkonur, þegar þær eru að
reyna að vera lokkandi, ... og
gráta svo sáran í rólegri „alvar-
legri“ lögunum. Svo eru þær svo
ósmekklegar að hafa lag um „her-
manninn sinn“... líklegast til þess
að styðja strákana sína í vitleys-
unni í Írak.
Þessi plata rennur í gegn án
greinilegra toppa. Allt mjög
smekklega gert og unnið og ætti
ekki að valda neinum aðdáendum
Destinyís Child vonbrigðum.
Hún á heldur ekki eftir að verða
sveitinni sú endurreisn sem hún
þráir.
Birgir Örn Steinarsson
Allt og ekkert
DESTINY’S CHILD
DESTINY FULFILLED
NIÐURSTAÐA: Fjórða eiginlega plata Destiny’s
Child er allt og ekkert. Mettir aðdáendur en
bætir líklegast ekki nýjum í hópinn. Tími fyrir
Beyoncé að einbeita sér alfarið að sólóferlin-
um?
[ TÓNLIST ]
UMFJÖLLUN
salkaforlag.is
Stíllinn þjónar efninu ... gott vald á
ljóðrænum stílnum ... kostulegar lýsingar
... En kannski er einfaldara að segja að
Laufskálafuglinn (eftir Margréti Lóu
Jónsdóttur) sé vel skrifuð bók um
tilfinningar og þrá sem flestir þekkja;
sígilt efni og sívinsælt ...
Hrund Ólafsdóttir, Mbl.
Bókin sem talað er um!
- mest lesna blað landsins
Á FÖSTUDÖGUM
Auglýsingasíminn er 550 5000
auglysingar@frettabladid.is
„Þetta gengur þrusuvel hjá okkur
úti í London en við erum orðin
ansi lúin. Við sýnum átta sinnum í
viku og tvisvar sinnum á dag svo
þetta er hörkukeyrsla, við erum
að verða komin í helvíti gott
form,“ segir Gísli Örn Garðars-
son, leikstjóri og aðalleikari.
„Það er mesta furða hvað Eng-
lendingar taka vel í þetta. En það
er gaman hvað þetta gengur vel
og við erum auðvitað hrikalega
stolt af sýningunni. Við fáum líka
fína dóma í fjölmiðlum sem er alls
ekkert gefið hérna úti. Ég hef tek-
ið eftir því að fjölmiðlar taka sum-
ar sýningar og gjörsamlega slátra
þeim. Við vorum frekar hrædd
við þetta vegna þess að enskan
okkar er auðvitað ekkert laus við
hreim og við héldum kannski að
það myndi ekki falla í kramið en
gagnrýnendur taka okkur vel
þrátt fyrir það.“
Ótrúleg tilþrif
Gagnrýnandi Daily Telegraph,
Dominic Cavendish, sagði ís-
lenska hópinn bæta virkilega
miklu við þetta gamla leikrit sem
honum finnst oftast vera allt of
venjulegt og flutt eftir bókinni.
Hann segir leikhópinn leysa leik-
ritið úr sínum föstu skorðum með
fimleikum og ótrúlegum tilþrif-
um. Það sem honum finnst skorta
í enskum framburði er hann á því
að hann fái bætt upp með sjón-
rænni fegurð sýningarinnar.
Cavendish minnist jafnvel á það
að The Royal Shakespeare
Company gæti lært ýmislegt af
Íslendingunum. Hápunktarnir
finnst honum vera Ólafur Darri
Ólafsson í hlutverki fóstrunnar og
hin magnaða brúðkaupssena.
Hjálpar að vera bilaður
Keith Watson hjá Metro þykir
texti leikritsins erfiður fyrir. En
að fara með hann hangandi úr
loftinu á meðan fimleikar eru
stundaðir þegar enska er ekki
einu sinni móðurmál leikarans,
það þykir honum merkilegt. „Þú
þarft ekki að vera bilaður til þess
að vera í þessari frábæru íslensku
sýningu en það hjálpar örugglega
til,“ segir hann. Sýninguna segir
hann vera fulla af skemmtilegum
húmor og þó hún sé sett fram á
djarfan og nýstárlegan hátt missi
hún aldrei sjónar á upphaflega
verkinu. Í lokin segir hann sýn-
inguna virkilega fljúga á vængj-
um ástarinnar.
Áhorfendur gapa
Nýjasta gagnrýnin birtist í Daily
Mail gærdagsins. Þar segir gagn-
rýnandinn, Patrick Marmion, að
íhaldssamir Shakespeare-aðdá-
endur gætu gagnrýnt þessa útgáfu
af leikritinu. „En jafnvel með
hippalegum Rómeó, sem minnir á
Jesú, leikara í rólum, frjálslegri
túlkun á leikritinu og greinilegum
íslenskum hreim þá fer sýningin
með fólk í hæstu hæðir.“ Hann
segir einnig svalasta Rómeóinn
vera frá Íslandi. Hann nefnir sér-
staklega frábæra frammistöðu
Gísla, Nínu Daggar Filippusdótt-
ur, Ólafs Darra Ólafssonar, Björns
Hlyns Haraldssonar og síðast en
ekki síst dásamar hann frammi-
stöðu Árna Péturs Guðjónssonar.
Marmion hvetur fólk í lokin til
þess að fara með opnum huga á
þessa dáleiðandi útgáfu af Rómeo
og Júlíu en ábyrgist að hún skilji
áhorfendur eftir gapandi af hrifn-
ingu.
Stíf jólatörn
Gísli segir engin slys hafa orðið á
sýningunni í London en margir
séu orðnir þreyttir og þá aukist
hættan á slysum. „Ég held að
flestir yrðu alveg sáttir við að
klára þetta í janúar, þetta er ansi
mikið púl en samt erum við búin
að uppskera vel. Það er því ekkert
að því að skilja við sýninguna í
bili. Við vorum svo að fá styrk úr
kvikmyndasjóð heima og erum að
vinna handrit með Ragnari Braga-
syni. Næsta verkefni hópsins
verður því í formi kvikmyndar.
Einnig höfum við átt í viðræðum
við menn í New York um að flytja
sýninguna þangað en það er ekki
enn komið á hreint heldur veltur
það á því hvað við viljum gera í
þeim efnum. Nú tekur bara jóla-
törnin við sem verður stíf og við
sýnum alls tíu sýningar um jólin.
Við sýnum meira að segja á að-
fangadag! En það er bara
skemmtileg upplifun og við kvört-
um sko ekki.“
hilda@frettabladid.is
RÓMEÓ OG JÚLÍA Uppsetning leikfélagsins Vesturports fer vel í gagnrýnendur ytra og
verður að minnsta kosti sýnd til 9. janúar.
Svalasti Rómeóinn er frá Íslandi
Sýningin Rómeó og Júlía sló aldeilis í gegn hérlendis og er nú í fullum gangi í London.
Sýningar standa að minnsta kosti fram til 9. janúar.