Fréttablaðið - 23.12.2004, Blaðsíða 2

2 23. desember 2004 FIMMTUDAGUR
Stjórnvöld aðhafast ekki frekar:
Enn dragast mál Fischers
LANDVISTARLEYFI Ekki varð af fundi
Masako Suzuki, lögmanns skák-
meistarans Bobby Fischer, með
fulltrúum japanska utanríkisráðu-
neytisins í gær, en á honum stóð
til að ræða mögulega lausn hans
úr haldi og komu hingað til lands.
Íslensk stjórnvöld hafa sem
kunnugt er boðið Fischer land-
vistarleyfi, en bandarísk innflytj-
endayfirvöld hafa haldið honum
frá því í sumar þegar hann var
handtekinn með ógilt vegabréf.
Sæmundur Pálsson, vinur
Fischers, ræddi við hann í gær-
morgun og kvað vera ágætt í
honum hljóðið. Útlit er þó fyrir að
málarekstur vegna hans taki enn
nokkurn tíma ytra. Ekki verður af
fundi með yfirvöldum í dag þar
sem í Japan er frídagur vegna
afmælis keisarans. Þá þykir ólík-
legt að teknar verði afgerandi
ákvarðanir á föstudaginn, verði af
fundi þá.
Gunnar Snorri Gunnarsson,
ráðuneytisstjóri í utanríkisráðu-
neytinu, segir íslensk yfirvöld
ekki munu aðhafast frekar í mál-
efnum Fischers á meðan honum
er haldið í Japan, það sé undir
stjórnvöldum þar komið hver
næstu skref yrðu. „Við erum búin
að gera það sem við getum. Málið
er hjá Japönunum,“ sagði hann.
- óká
VIÐSKIPTI Hreinn Loftsson, stjórn-
arformaður Baugs, telur að fréttir
um að skattrannsóknarstjóri hafi
vísað hluta af skattrannsókn á
Baugi aftur til Ríkislögreglustjóra
hafi ekki áhrif á nýjustu viðskipti
félagsins erlendis, til dæmis kaup-
in á Big Food Group, BFG, og þar
áður Magasin du Nord.
„Öllum er kunnugt um þessar
rannsóknir, þær hafa verið opin-
berar fréttir í nokkur misseri,“
segir Hreinn og bendir á að kaupin
á BGF séu „bara staðgreiðsluboð í
ákveðin bréf með aðstoð virtra
lánastofnana þannig að við getum
ekki séð að það eigi að hafa nein
truflandi áhrif, vonum það alla-
vega ekki. Hluthafar hafa nú tíma
til að ákveða hvort þeir taka þessu
boði eða ekki, það er búið að mæla
með því og öllum viðræðum er
lokið,“ segir Hreinn og vill ekki tjá
sig um málið að öðru leyti.
Baugur hefur ekki fengið niður-
stöðu frá embætti Ríkisskattstjóra
en búist er við því fyrir áramót.
Ekki er vitað hvaða hluti rann-
sóknarinnar hefur verið sendur
aftur til embættis Ríkislögreglu-
stjóra þó að einhverjar getgátur
virðist vera um það innan Baugs.
Hreinn vill ekki staðfesta þetta né
segja út á hvað þær getgátur
gangi. Hann vill heldur ekki koma
með bollaleggingar um það hvert
framhald málsins verður eða
hvenær endanleg niðurstaða liggi
fyrir. Þó er ljóst að það skiptir
Baug máli að niðurstaða berist úr
skattrannsókninni.
Baugur hefur áður gagnrýnt
tímasetninguna á fréttum um
skattrannsóknina og hefur Hreinn
sagt að tímasetningin veki undrun,
fréttir um rannsóknina berist
þegar jákvæðar fréttir eru um
fyrirtækið.
Jón H. B. Snorrason, yfirmaður
efnahagsbrotadeildar Ríkislög-
reglustjóra, vildi ekki gefa neinar
upplýsingar um málið. Hann segir
að 20-30 mál séu til rannsóknar hjá
embættinu og 15 manna lögreglu-
sveit sinni þeim á vegum embætt-
isins, tveir til sex í hverju máli.
ghs@frettabladid.is
Landhelgisgæslan:
Georg
ráðinn
LANDHELGISGÆSLA Georg Kr. Lárus-
son forstjóri Útlendingastofu var
í gær skipaður
forstjóri Land-
helgisgæslu Ís-
lands frá og með
1. janúar.
Um áramót
mun Hafsteinn
Hafsteinsson láta
af starfi forstjóra
Landhelgisgæsl-
unnar eftir ellefu
ára starf.
Helstu verkefni
sem Georg sér
fyrirhuguð hjá
Landhelgisgæslunni segir hann
endurnýjun tækjabúnaðar og sér-
staklega skipakosts. „Þó þarf að
vinna með þeim fjármunum sem
stjórnvöld hafa ákveðið, til að nú-
tímavæða starfsemina fyrir land
og þjóð.“
Hann segir ráðninguna hafa
borið brátt að og hann hafi ekki
tekið ákvörðun um að sækja um
fyrr en á síðasta degi umsóknar-
frestsins. „Ráðningin kemur ekki
á óvart miðað við reynslu og fyrri
störf. Ég er bara ákaflega þakk-
látur fyrir það traust sem mér
hefur verið sýnt.“ - ss
JÓLAKORTIÐ AFHENT
Börnin í frístundaheimilinu Selinu afhentu
Steinunni Valdísi veglegt jólakort.
Jólakveðjur:
Kort handa
borgarstjóra
JÓL Um 100 krakkar úr fyrstu bekkj-
um Melaskóla sem sækja frístunda-
heimilið tóku sig til og föndruðu
jólakort handa Steinunni Valdísi
Óskarsdóttur borgarstjóra. Kortið
var skreytt myndum eftir öll börnin
og tók föndurgerðin um þrjá daga.
Steinunn Valdís kom svo í heimsókn
í gær til að taka við kortinu. Ásta
Friðriksdóttir, leiðbeinandi í Selinu,
segir að auk jólakveðjunnar hafi
jólakortið verið þakklætisvottur til
borgarstjóra fyrir þjónustu frí-
stundaheimilanna. - ss
Rætt um
kjör í Alcan
KJARAMÁL Kjaraviðræður eigenda
og starfsmanna Alcan, álversins í
Straumsvík, standa yfir. Samtök
atvinnulífsins fyrir eigendurna og
fulltrúar sex verkalýðsfélaga
starfsmanna hafa setið á fundum
frá því seinni part nóvembers.
Þeim miðar eftir áætlun. Kjara-
samningur starfsmannanna rann
út um síðustu mánaðarmót. ■
Nei, ég verð búinn að gefa börnunum
í skóinn áður en farið verður að
kveikja undir skötunni. Ég fer eitthvað
út úr bænum til að forðast þetta eitur-
bras og finn mér vænan sauð.
Ketkrókur kom til byggða í nótt. Hann kemur rétt í
þann mund sem Íslendingar sporðrenna mörgum
tonnum af kæstri skötu.
SPURNING DAGSINS
Ketkrókur, borðarðu kæsta skötu?
Tony Blair fundaði með Sharon og Abbas:
Vill endurvekja friðarviðræður
HÁDEGISFUNDUR UM FISCHER Í IÐNÓ
Sagt var frá ævi Bobby Fischer á hádegis-
fundi í Iðnó í gær. Sjá má Sæmund Pálsson
halda ræðu, en sitjandi eru Guðmundur G.
Þórarinsson, fyrrverandi forseti Skáksam-
bandsins og Hrafn Jökulsson.
FR
ÉT
TA
B
LA
Ð
IÐ
/S
TE
FÁ
N
Stuðningsfólk Fischers:
Biðlar til
ráðherrans
TÓKÝÓ, AP Stuðningshópur sem vinn-
ur að frelsun Bobby Fischer í Japan
sendi Junichiro Koizumi, forsætis-
ráðherra Japans, bréf í gær þar sem
hann er hvattur til að leyfa Fischer
að fara til Íslands þannig að hann
sleppi við lögsókn í Bandaríkjunum.
Í bréfinu er því haldið fram að
vegabréf Fischers hafi verið ógilt
með ólögmætum hætti og að
japönsk lög heimili brottför hans til
Íslands. Þá er hann „grátbeðinn“
um að leyfa Fischer, „að eyða ævi-
kvöldinu þannig að hann fái notið
frelsis og friðar.“ Undir bréfið ritar
John Bosnitch, formaður Nefndar-
innar um frelsun Fischers. ■
FR
ÉT
TA
B
LA
Ð
IÐ
/G
VA
PALESTÍNA, AP Tony Blair, forsætis-
ráðherra Bretlands, hefur lagt til
að haldin verði eins dags alþjóð-
leg ráðstefna í London í mars um
málefni palestínsku stjórnarinn-
ar. Blair, sem heimsótti bæði Ísra-
el og Palestínu í gær, vill að rætt
verði hvernig hægt sé að styrkja
stjórnina og bæta og endurvekja
með því friðarviðræðurnar sem
legið hafa niðri vegna átaka
Palestínumanna og Ísraelsmanna.
Mahmoud Abbas, forsætisráð-
herra Palestínu, tók vel í hug-
mynd Blair. Líkt og breski
forsætisráðherrann segir Abbas
mikilvægt að koma friðarviðræð-
unum af stað aftur. Hann segir þó
mikilvægt að hafa fleiri mál á
dagskrá en bara málefni palest-
ínsku stjórnarinnar. Hann vill
ræða helstu deilumál Ísraela og
Palestínumanna, eins og til dæmis
Jerúsalem og örlög palestínskra
flóttamanna.
Blair segir að það þurfi að bíða
betri tíma og Arial Sharon, for-
sætisráðherra Ísrael, tekur undir
það. Blair segir að eins og staðan
sé nú sé brýnna að ræða það
hvernig hægt sé að endurskipu-
leggja efnahags- og öryggismál
Palestínumanna. ■
TONY BLAIR OG ARIEL SHARON
Forsætisráðherrar Bretlands og Ísraels hittust í gær. Blair hitti einnig Mahmoud Abbas, for-
sætisráðherra Palestínu.
Kennarar fá
laun leiðrétt
KJARAMÁL Grunnskólakennarar í
Reykjavík fá greidda yfirvinnu og
leiðréttingar samkvæmt nýjum
kjarasamningi í dag. Kennarar á
eftirágreiddum launum fá auk
þess mánaðarlaun fyrir desember
greidd. Sesselja G. Sigurðardóttir,
varaformaður Félags grunnskóla-
kennara, segir það margra ára
hefð að greiða yfirvinnu kennara
fyrir jól en ekki fimmtánda dag
næsta mánaðar eins og annars
tíðkist. ■
YFIRSTJÓRN BAUGS
Jón Ásgeir Jóhannesson, forstjóri Baugs, og Hreinn Loftsson stjórnarformaður. Hreinn telur að fréttir af skattrannsókn og rannsókn Ríkis-
lögreglustjóra á Baugi hafi ekki áhrif á viðskipti félagsins erlendis.
FR
ÉT
TA
B
LA
Ð
IÐ
/G
VA
Ekki truflandi áhrif
Fréttir af rannsókn lögreglu og skattyfirvalda hafa ekki áhrif á viðskipti fé-
lagsins erlendis. Þetta er mat Hreins Loftssonar, stjórnarformanns Baugs.
GEORG KR.
LÁRUSSON
Nýráðinn forstjóri
Landhelgisgæsl-
unnar.