Fréttablaðið - 23.12.2004, Blaðsíða 28
Myndir í sól Farðu vel með myndirnar þínar með því að koma þeim
fyrir á stað þar sem sólin skín ekki á þær, svo þær fölni ekki. Ef þú vilt koma
þeim fyrir á vegg þar sem sólin skín mikið skaltu láta setja filmu inn á glerið
sem dregur úr áhrifum útfjólublárra geisla og verndar myndirnar. [
Finnur postulíns-
muni fyrir fólk
„Ég er með litla antíkverslun í
kjallara í Skipasundi 82 í Reykja-
vík þar sem ég sel antíkborðbún-
að. Síðan tek ég líka að mér að
leita uppi gömul stell. Það er ekki
mikil traffík í versluninni en leit-
arþjónustan er heldur betur að
hlaða utan á sig. Áhugasamir geta
því haft samband við mig og ég
get fundið það sem vantar inn í
stellin fyrir þá. Ég held að ég sé
sú eina á Íslandi sem býð upp á
svona þjónustu. Ég er með sam-
bönd í Danmörku og Bretlandi en
antíkmarkaðurinn er gríðarlega
stór. Ég var að leita á netinu að að-
ilum sem ég gæti keypt af þegar
ég rakst á vöruhús í Bretlandi
sem sérhæfir sig í gömlu postu-
líni. Ég ákvað að fara að heim-
sækja fyrirtækið, sem var gjör-
samlega ótrúleg upplifun. Það
hafði nýlega verið fjallað um
vöruhúsið í The Telegraph og því
var alveg brjálað að gera þar,“
segir Ester, sem getur varla fært
það í orð hve hrifin hún er af póst-
versluninni. „Þarna eru kílómetr-
ar af hillum með bresku postulíni
síðustu fimmtíu ára. Þarna vinna
þrjátíu konur og einn karlmaður
og allt er handvætt – þau eru ekki
einu sinni með ritvél. Þau eru með
eina og hálfa milljón muna og allt
er handskráð í möppur og númer-
að eftir munstrum. Þetta er gam-
aldags bókhald og mjög hægvirkt
en þessi eini karlmaður á að tölvu-
væða allt saman.“
Mikil gæðastjórnun er í póst-
versluninni og munirnir skoðaðir
í þaula eins og Ester komst að.
„Þau skoða alla muni gaumgæfi-
lega og senda ekkert út úr húsi
nema það sé hundrað prósent í
lagi. Síðan pakka þær yfir sig
eins og þær segja en þær pakka
hverjum mun afskaplega vel inn.
Þeim fannst mjög spennandi að
fá heimsókn frá Íslandi og gáfu
sér tíma í öllu amstrinu að tala
við mig og fræðast um mitt starf.
Ég var þarna í þrjá tíma en þær
voru svo hrifnar af Íslandi að
þær beina öllum fyrirspurnum
um postulín frá Íslandi til mín
þannig að ég er eins konar
tengiliður fyrir þetta vöruhús,“
segir Ester.
Ester byrjaði með verslun sína,
Ömmu Ruth, fyrir nokkrum árum
þegar hún erfði postulín, silfur og
kristal. „Ég vissi ekki hvað ég átti
að gera við þetta en mig hafði
alltaf langað að vera búðarkona.
Síðan keypti ég lager af konu sem
hafði rekið verslunina Hjá ömmu
antik og fólk héðan og þaðan hefur
einnig selt mér gamla muni. Ég er
með mikið frá Danmörku, Bret-
landi, Þýskalandi, Japan, Ítalíu og
Ungverjalandi sem ég sel í versl-
uninni. Langmest af vörunum mín-
um er gamlir munir en ég er einnig
með eitthvað nýtt,“ segir Ester.
Ester segir konurnar sem
koma til að kaupa í gömul stell
skiptast í tvo hópa. „Annar hópur-
inn er eldri konur sem hafa keypt
sín stell sjálfar eða fengið í gjöf.
Á þeim tíma kostuðu stell náttúr-
lega eins og tvenn mánaðarlaun í
dag. Þær vantar kannski einn
bolla og þegar ég segi þeim verð-
ið eru þær steinhissa yfir því hve
ódýrt þetta sé. Hinn hópurinn er
ungar stúlkur sem hafa erft stell
en eru vanar að kaupa sitt í IKEA.
Þeim finnst verð á einum bolla
hrikalega hátt. Stellin sem ég sel
eru náttúrlega handmáluð og
vönduð og sum framleidd síðan á
18. öld. Ódýr stell í IKEA fást
bara í eitt ár og síðan ekki söguna
meir þannig að það er ekkert
hægt að fá inn í þau ef eitthvað
brotnar. Það er samt ánægjulegt
að sjá hve margar ungar stúlkur
heimsækja mig og vilja fá sér
gömul og ömmuleg stell.“
Ester er með heimasíðuna
ammaruth.is þar sem hægt er að
sjá allar vörur í versluninni. „Síð-
an er svo að fólk úti á landi geti
nálgast vörunar mínar. Það getur
hringt ef það er áhugasamt og ég
get sent því fleiri myndir. Ég hef
nokkrum sinnum sent út á land og
fólk hefur verið mjög ánægt. Ég
er með breiða flóru í postulíni og
því ættu margir að geta fundið
eitthvað við sitt hæfi.“
lilja@frettabladid.is
Ester Elíasdóttir rekur verslunina Ömmu Ruth og komst nýlega í samband
við breska antík postulínspóstverslun þar sem úrvalið er gríðarlegt. Þar
getur hún fundið muni fyrir fólk á Íslandi og selt á vægu verði.
]
Deco Art
Garðatorgi
Full búð af föndur- og
gjafarvörum. Ráðgjöf og
leiðbeiningar á staðnum.
Afsláttur af jólaföndri.
Sími 555-0220
BLÓMÁLFURINN
Íslandsmeistari
í blómaskreytingum
Vesturgötu 4 sími 562 2707
Ester rekur verslunina Ömmu Ruth í kjallara í Skipasundi 82.
Hér sjást frá vinstri Anna, starfsmaður verslunarinnar í Bret-
landi, Ester Elíasdóttir og Jackie, eigandi verslunarinnar í
Bretlandi, að ræða saman.
Ein og hálf milljón muna eru á boðstólum í póstversluninni
sem Ester skiptir við.