Fréttablaðið - 23.12.2004, Blaðsíða 36
24 23. desember 2004 FIMMTUDAGUR
„Leikmennirnir sem slíkir þurfa á allri hjálp að halda til að styrkjast og vaxa og dafna. Góður þjálfari þarf að búa
yfir mörgum kostum. Eitt af því er að vera föðurlegur en hann þarf líka að vera hvass og ákveðinn. Í uppeldi barna
þarf að sýna ákveðnar hliðar. Þú klappar þeim ekki alltaf en það er ekki alltaf hægt að vera með svipuna á lofti.“
Guðjón Þórðarson, nýráðinn þjálfari Keflvíkinga, hefur komið þremur atvinnumönnum til vits og ára í uppeldinu og veit hvað hann syngur í þeim efnum.sport@frettabladid.is
HVAÐ? HVENÆR? HVAR?
20 21 22 23 24 25 26
Fimmtudagur
DESEMBER
HANDBOLTI „Auðvitað eru það mikil
vonbrigði að hafa ekki verið val-
inn. Ég hef mikinn metnað sem
leikmaður og hluti af því er að
spila á alþjóðlegum vettvangi með
landsliðinu. En Viggó er virkilega
fær þjálfari og velur það lið sem
hann telur best hverju sinni. Ég
verð bara að taka því,“ segir
Snorri Steinn Guðjónsson, hand-
knattleiksmaður hjá Grosswall-
stadt í Þýskalandi.
Sem kunnugt er ákvað Viggó
Sigurðsson landsliðsþjálfari að
velja Snorra ekki í landsliðshóp-
inn sem tekur þátt fyrir Íslands
hönd á heimsmeistaramótinu í
Túnis í febrúar. Arnór Atlason,
leikmaður Magdeburg, hlaut
hnossið fram yfir Snorra í leik-
stjórnandastöðuna og vakti það
töluverða undrun á meðal hand-
boltaáhugamanna, sérstaklega í
ljósi þess að Snorri hefur í þó
nokkurn tíma verið fastamaður í
landsliðinu og spilar reglulega
með félagsliði sínu á meðan Arnór
er að stíga sín fyrstu spor í alþjóð-
legum handknattleik og leikur
nær eingöngu með B-liði Magde-
burg í þýsku 3. deildinni.
„Ég get ekki annað gert en
reynt að líta málið jákvæðum aug-
um. Ég hef tekið þátt í tveimur
stórmótum á stuttum tíma og
þetta þýðir að ég fá smá tíma til
að anda og hugsa um eitthvað ann-
að en handbolta. Ég tel mig eiga
heima í liðinu en það þýðir ekkert
að væla yfir þessu. Þetta þýðir
bara að ég verði að leggja enn
harðar að mér til að vinna sæti í
liðinu á nýjan leik. Ég ætla mér að
koma sterkur til baka,“ sagði
Snorri í samtali við Fréttablaðið í
gær.
Þegar Viggó tilkynnti lands-
liðshópinn á þriðjudag sagði
Viggó að hann teldi Snorra hafa
verið í lægð í töluverðan tíma og
oft leikið betur. Þá þurfti Snorri
einnig að þola töluverða gagnrýni
fyrir frammistöðu sína á heims-
bikarmótinu í Svíþjóð í nóvember
þó að sumir hafi talið að tækifæri
Snorra í leikjunum þar hafi verið
af skornum skammti.
„Ef ég ber saman tímabilið hjá
mér í ár og það sem ég átti í fyrra
get ég alveg að mörgu leyti tekið
undir það. Ég hef ekki verið að
spila eins vel í ár og á síðasta
tímabili, sem var að öllu leyti
mjög gott. Ég hef átt svolítið mis-
jafna leiki á meðan ég var
stöðugri í fyrra,“ segir Snorri að-
spurður um hvort hann telji gagn-
rýni Viggós hafa átt rétt á sér.
Snorri segir að íslenska liðið
geti vel náð einu af efstu sex sæt-
unum á HM, sem einmitt er það
markmið sem Viggó hefur sett lið-
inu.
„Þetta eru allt frábærir strákar
og frábærir leikmenn. Liðið er
vissulega ungt og reynslulítið en
þetta er lið sem getur hiklaust
komið á óvart. Ég vona bara inni-
lega að þeim gangi sem allra
best.“
vignir@frettabladid.is
Kem sterkur til baka
Snorri Steinn Guðjónsson, leikmaður Grosswallstadt í Þýskalandi, segist sár
og svekktur yfir því að hafa ekki verið valinn í íslenska landsliðið í handbolta
fyrir HM í Túnis en er staðráðinn í að vinna sér sæti í liðinu á nýjan leik.
■ ■ SJÓNVARP
16.30 Þrekmeistarinn á RÚV.
17.30 Þrumuskot - ensku mörkin
á Skjá einum.
19.00 World’s Strongest Man á
Sýn. Sýnt frá keppninni um
sterkasta mann heims.
19.30 European PGA Tour á Sýn.
Sýnt frá Dunhill-mótinu á
evrópsku mótaröðinni í golfi.
20.30 NFL-tilþrif á Sýn.
23.30 Boltinn með Guðna Bergs á
Sýn.
Íslenska kvennalandsliðið í hand-knattleik bar sigurorð af úrvalsliði
Katalóníu, 36-34,
í framlengdum
vináttuleik rétt
fyrir utan
Barcelona á
þriðjudagskvöld-
ið. Dagný Skúla-
dóttir var marka-
hæst í íslenska
liðinu með ellefu
mörk, Hanna Guðrún Stefánsdóttir
skoraði sjö mörk og Hrafnhildur
Skúladóttir skoraði fimm mörk.
Miðherjinn tröllvaxni ShaquilleO’Neal lék ekki með sínum
mönnum í Miami Heat aðfaranótt
m i ð v i k u d a g s
vegna meiðsla á
kálfa. Það kom
þó ekki í veg fyr-
ir að Miami ynni
sinn níunda sig-
ur í röð en lið
Boston Celtics
var ekki mikil fyr-
irstaða. Heat
vann leikinn, 108-100, og skoraði
Dwayne Wade 33 stig fyrir Miami.
Meiðsli O’Neals eru ekki talin alvar-
leg og þykir líklegt að hann verði klár
í slaginn gegn Sacramento Kings í
kvöld.
Gunnar Pettersen, þjálfari norskakarlalandsliðsins í handbolta,
hefur látið hafa eftir sér að karlaliðið
geti lært mikið af
norska kvennalið-
inu sem vann Evr-
ópumeistaratitil
um síðustu helgi.
Pettersen sagði
að útfærsla
kvennaliðsins á
hraðaupphlaup-
um hefði verið
fullkomin á EM og hann hefði þegar
sagt sínum mönnum að læra af
konunum. Norska liðið tekur, líkt og
það íslenska, þátt í heimsmeistara-
mótinu í Túnis og binda Norðmenn
miklar vonir við liðið.
Eþíópíski langhlauparinn KenenisaBekele var í gær kjörinn frjálsí-
þróttamaður ársins af Alþjóða frjálsí-
þróttasambandinu.
Bekele setti heims-
met í fimm þúsund
og tíu þúsund metra
hlaupi á árinu og
vann tvenn verðlaun
á Ólympíuleikunum
í Aþenu. Hann vann
gull í tíu þúsund
metra hlaupi og silfur í fimm þúsund
metra hlaupi. Millivegalengda-
hlauparinn Hichem El-Guerrouj frá
Marókkó varð annar og sænski há-
stökkvarinn Stefan Holm varð
þriðji.
Rússneska stangarstökksdrottning-in Jelena Ysinbajeva var við
sama tækifæri
valin frjálsíþrótta-
kona ársins. Ysin-
bajeva bar höfuð
og herðar yfir
keppinauta sína í
stangarstökki á
árinu, vann gull á
Ólympíuleikun-
um í Aþenu og
setti sjö heims-
met. Breski millivegalengdahlaupar-
inn Kelly Holmes varð önnur og hin
rússneska Jelena Slesarenko, sem
vann gull í hástökki á Ólympíuleikun-
um í Aþenu, varð þriðja.
Argentínska ungstirnið CarlosTevez, sem er nýgenginn í raðir
brasilíska liðsins Corinthians frá Boca
Juniors í Argentínu, er hreinskilinn
ungur drengur og
hann var ekki að
afla sér neinna
vinsælda strax á
fyrstu dögum sín-
um í Brasilíu þeg-
ar hann lýsti því
yfir að Diego
Maradona hefði
verið betri leik-
maður en sjálfur Pele. Í Brasilíu kall-
ast þetta guðlast en það er eins gott
fyrir Tevez að standa sig inni á vellin-
um eftir þessi ummæli - annars verð-
ur lífið eriftt fyrir hann.
ÚR ÍÞRÓTTAHEIMINUM
Kantmaðurinn Joaquin:
Chelsea þarf
að bíða til
sumars
FÓTBOLTI Svo gæti farið að Chelsea
þurfi að bíða fram á sumar eftir
spænska kantmanninum Joaquin
sem leikur með Real Betis en
Chelsea hefur gert fimm árang-
urslausar tilraunir til að kaupa
kappann.
Manuel Ruiz de Lopera, forseti
Betis, veit að stuðningsmenn liðs-
ins vilja ekki missa helstu stjörnu
liðsins og hann hefur tilkynnt for-
ráðamönnum enska toppliðsins að
þeir verði að bíða í það minnsta
fram til næsta sumars.
Jose Mourinho, knattspyrnu-
stjóri Chelsea, vill ólmur fá einn
kantmann til viðbótar þar sem
hann er með aðeins með tvo slíka,
Arjen Robben og Damien Duff, og
hefur Shaun Wright-Phillips hjá
Manchester City verið nefndur til
sögunnar. ■
JOAQUIN Fer ekki til Chelsea frá Real
Betis fyrr en í fyrsta lagi næsta sumar.
Frakkinn Thierry Henry óttast að erfitt verði fyrir Arsenal að ná Chelsea:
Vonar að Chelsea komi til jarðar
FÓTBOLTI Frakkinn frábæri Thierry
Henry hefur viðurkennt að það
geti orðið erfitt fyrir Arsenal að
ná hinu frábæra liði Chelsea aftur
til jarðar. Hann sagði við fjöl-
miðla í gær að það eina sem and-
stæðingar Chelsea gætu gert væri
að vona að liðið misstigi sig.
Hann sagði hins vegar að
reynsla Arsenal í að vinna og tapa
titlum á undanförnum árum hefði
fært þeim heim sanninn um að
ekkert sé öruggt í boltanum.
„Við höfum unnið upp mikið
forskot á endasprettinum en við
höfum líka tapað þegar við höfum
haft forystu. Það er því ekki hægt
að gefa sér neitt í þessum efnum.
Ég er viss um að fólk spurði sig að
því fyrir mánuði hvort hægt væri
að stoppa Arsenal en núna er
spurningin hvort hægt sé að
stoppa Chelsea? Þetta verður að
hafa sinn gang. Þeir verða að fá að
vera á flugi. Þeir eru fljúgandi
núna og allt sem við getum gert er
að bíða og vona að Chelsea komi
til jarðar,“ sagði Henry.
„Það verður að hrósa Chelsea-
liðinu því að það var gagnrýnt
mikið í byrjun tímabilsins fyrir að
spila ekki vel. Liðið vann samt þá
leiki og núna valtar það yfir and-
stæðinga sína. Það verður að taka
Chelsea alvarlega því það er með
leikmenn eins og Makelele innan-
borðs, leikmenn sem þekkja það
að vinna titla auk þess sem
hungrið er mikið.“ ■
THIERRY HENRY Vonast til að Chelsea misstígi sig og segir það einu von Arsenal til að
vinna meistaratitilinn.
MIKIL VONBRIGÐI Snorri segist hafa orðið sár og svekktur þegar hann komst að því að hann yrði ekki valinn í landsliðshópinn. Hér
sést hann í eldlínunni með íslenska liðinu á Ólympíuleikunum í Aþenu í sumar. Fréttablaðið/Teitur
Stjörnuleikur KKÍ:
Netkosning
hófst í gær
KÖRFUBOLTI Hinn árlegi Stjörnuleik-
ur Körfuknattleikssambands Ís-
lands fer fram í Valsheimilinu 15.
janúar næstkomandi.
Auk leiksins verður troðslu-
keppni og þriggja stiga skot-
keppni í hálfleik en stefna sam-
bandsins er að gera daginn að fjöl-
skyldudegi.
Að þessu sinni munu bestu ís-
lensku leikmennirnir í Intersport-
deildinni mæta bestu erlendu
leikmönnunum en það er í fyrsta
skipti sem það gerist.
Körfuboltaáhugamenn geta
valið byrjunarlið liðanna á kki.is
en síðan munu íþróttafréttamenn
velja fimm leikmenn í hvort lið en
þjálfarar liðanna, Sigurður Ingi-
mundarson hjá Keflavík og Einar
Árni Jóhannsson hjá Njarðvík,
velja tvo síðustu menn liðanna.
Netkosningin hófst í gær og er
rétt að benda á að velja þarf tvo
bakverði og þrjá framherja/mið-
herja í liðið. ■