Fréttablaðið - 28.12.2004, Blaðsíða 2
2 28. desember 2004 ÞRIÐJUDAGUR
Sjö taílenskar fjölskyldur leita hjálpar Rauða krossins:
Áhyggjur af ættingjum
á hamfarasvæðum
JARÐSKJÁLFTI Sjö taílenskar fjöl-
skyldur hafa leitað til Rauða
krossins eftir aðstoð við að finna
ættingja á hamfarasvæðum flóð-
bylgjunnar á ströndum Taílands.
Somjai Sirimekha, túlkur hjá Al-
þjóðahúsi, aðstoðar fólkið. Fjöl-
skylda hennar býr skammt frá
Phatong-strönd þar sem
skemmdir urðu miklar. Þau
sluppu óhult.
„Frænka mín og frændi búa
við Phatong ströndina. Þau náðu
að keyra í burtu en húsið þeirra
og veitingastaður hrundi,“ segir
Somjai.
Somjai segir fólk við strönd-
ina hafa fengið áfall. Það sé
margt heimilislaust og hræðist
að fara aftur að þeim svæðum
þar sem heimili þeirra hafi stað-
ið.
Þórir Guðmundsson, upplýs-
ingafulltrúi Rauða krossins, seg-
ir um tólf til fimmtán hundruð
landsmenn eiga rætur sínar að
rekja til þeirra landa sem illa
urðu úti í jarðskjálftanum. Þeir
geti fengið aðstoð Rauða krossins
við að hafa upp á ættingjum sín-
um. Þeirra sé leitað í leitarvélum
samtakanna. - gag
Heilu þorpin horfin
og einnig fólkið
Alþjóðlegar hjálpastofnanir keppast við að fjarlægja lík og skipuleggja flótta-
mannabúðir til að koma í veg fyrir farsóttir. Helen Ólafsdóttir starfar í nor-
rænni friðargæslu á Srí Lanka á vegum utanríkisráðuneytisins.
FLÓÐBYLGJA „Heilu þorpin á austur-
strönd Srí Lanka eru horfin. Fólkið
líka,“ segir Helen Ólafsdóttir sem
stödd er í höfuðborginni Colombo.
Hún hóf störf á Srí Lanka hjá nor-
rænu friðargæslunni á vegum ut-
anríkisráðuneytisins 12. desember.
Dánartölur í Indlandi eru komn-
ar yfir tólf þúsund manns, sam-
kvæmt fréttamiðlinum AP. Helen
segir þær tölur enn geta hækkað.
Landið sé erfitt yfirferðar þar sem
mikil rigningarflóð hafa verið fyr-
ir flóðbylgjuna. Erfitt sé því að ná
til fólksins sem búi á svæðinu.
Nokkrar vikur geti tekið að meta
manntjón hamfaranna:
„Núna er kapphlaupið hjá al-
þjóðlegum hjálparstofnunum,
hernum, lögreglu og öllum þeim
sem koma að málum að fjarlægja
lík og skipuleggja flóttamannabúð-
ir svo hægt sé að koma í veg fyrir
farsóttir. Það er svo erfitt því stór
hluti af landinu er mjög erfiður yf-
irferðar og skelfilegt að ná til
fólksins.“
Auk rigningarflóðanna segir
Helen að flóðbylgjan hafi fært
jarðsprengjubelti sem grafið var í
jörð á átakasvæðum Tamil Tígra
og stjórnvalda úr stað. Enginn viti
nákvæmlega hvar sprengjurnar
séu niðurkomnar.
Skrifstofur norrænu friðar-
gæslunnar sem Helen starfar hjá
eru á austurströnd Srí Lanka.
Helen segir ástandið þar verst.
Gæslan starfi við friðareftirlit og
skrái brot á vopnahléssamningi
sem Tamíl Tígrum og stjórnvöld-
um hafi verið sett. Helen segir
fylkingarnar tvær vinna vel sam-
an. Það sé ljósið í myrkri hamfar-
anna. Norræna friðargæslan hafi
milligöngu um samskiptin.
Auk Helenar starfa Björn Rú-
riksson og Magnús Norðdahl með
friðargæslunni á Sri Lanka. Þeir
eru í Ampara-héraði þar sem
ástandið er verst: „Ég veit að
strákarnir voru að hjálpa á ökrun-
um og að hjálpa fólki að komast á
spítala.“
Sjá einnig frásögn á síðu 16
gag@frettabladid.is
Jarðskjálftar í Asíu:
Ráðherra
vottar samúð
HAMFARIR Halldór Ásgrímsson for-
sætisráðherra sendi í gær samúð-
arkveðjur til stjórnvalda þeirra
ríkja sem verst urðu úti vegna
náttúruhamfaranna sem áttu sér
stað í Asíu á annan í jólum.
Neðansjávarjarðskjálfti upp á
níu á Richter olli flóðbylgjum
með þeim afleiðingum að tugþús-
undir létust og á aðra milljón
manns missti heimili sitt. Kveðj-
ur voru sendar til stjórnvalda á
Indlandi, Srí Lanka, Indónesíu,
Taílandi, Maldíveyjum, Malasíu,
Bangladess, Myanmar og Sómal-
íu.
- óká
Skiptinemi:
Er óhultur
í Indónesíu
JARÐSKJÁLFTI Einn Íslendingur, Guð-
mundur Jakobsson, er á vegum
skiptinemasamtakanna AFS í
Indónesíu. Er hann eini nemi sam-
takanna í sunnanverðri Asíu.
Móðir Guðmundar, Dagbjört
Magnúsdóttir, segir það hafa verið
óhugnanlegt að heyra af flóðbylgj-
unni sem varð í kjölfar eins stærsta
jarðskjálfta sögunnar og því mikla
manntjóni sem varð. Við nánari at-
hugun hafi hún séð að hans svæði
hafi sloppið.
Dagbjört náði ekki sambandi við
fjölskylduna fyrr en í gær. - gag
■ MIÐAUSTURLÖND
Umboðsmaður Alþingis:
Lög brotin
LÖGREGLA Umboðsmaður Alþingis
komst að þeirri niðurstöðu að dóms-
málaráðuneytið hefði brotið lög
með úrskurði sem staðfesti synjun
fangelsisyfirvalda á umsókn fanga
um dagsleyfi.
Ráðuneytið óskaði eftir umsögn
fangelsisyfirvalda í kjölfar kæru
fangans til ráðuneytisins. Fangan-
um var hins vegar ekki kynnt efni
umsagnarinnar sem ný atriði komu
fram í og gátu haft þýðingu við mat
á því hvort bæri að staðfesta synjun
fangelsisyfirvalda. Taldi umboðs-
maður því að ráðuneytið hefði brot-
ið 13. gein stjórnsýslulaga með því
að gefa fanganum ekki kost á að tjá
sig um umsögnina. - hrs
Söfnunarsíminn er 907 2020
Með því að hringja í söfnunarsímann leggur þú fram 1.000 kr. til hjálparstarfsins
í Asíu. Einnig er hægt að leggja fram fé með kreditkorti á www.redcross.is,
eða millifærslu á bankareikning 1151-26-000012, kt. 530269-2649.
M
Á
T
T
U
R
IN
N
&
D
Ý
R
Ð
IN
kostar birtingu auglýsingarinnar
„Nei, við erum vaxnir upp úr þessum
vandamálum, sem betur fer.“
Lúðvík Geirson er bæjarstjóri í Hafnarfirði. Fyrir
um 10 árum hættu árleg ólæti í Hafnarfirði í
kringum þrettándabrennur. Á jóladag voru ólæti í
Grindavík þegar kveikt var í áramótabrennunni
fimmtu jólin í röð.
SPURNING DAGSINS
Lúðvík, eru Gaflarar minni menn en
Grindvíkingar?
FR
ÉT
TA
B
LA
Ð
IÐ
/A
P
JARÐSKJÁLFTI Aðstæður á flóða-
svæðunum við Indlandshaf eru
víða slæmar. Neyðaraðstoð berst
nú alls staðar að úr heiminum,
bæði frá ríkisstjórnum og hjálp-
arsamtökum.
Á þeim svæðum sem verst
urðu úti í hamfaraflóðunum hafa
menn miklar áhyggjur af út-
breiðslu hættulegra sjúkdóma.
Hreint vatn er af skornum
skammti og því aukast líkurnar á
að fjöldi fólks smitist af sjúkdóm-
um á borð við malaríu og ýmsum
niðurgangspestum. Fólk er hungr-
að og því er kalt og aðstæður bág-
bornar.
Neyðaraðstoð hófst strax í
kjölfar skjálftanna og hafa hjálp-
argögn og peningar borist alls
staðar að úr heiminum. Alþjóða-
samband Rauða krossins og
Rauða hálfmánans ætlar að leggja
til að minnsta kosti rúmar fjögur
hundruð milljónir króna og hefur
sent hjálpargögn á svæðið. Evr-
ópusambandið hefur boðist til að
láta um þrjá milljarða króna af
hendi rakna. Ýmsar stofnanir
Sameinuðu þjóðanna eru þegar
farnar á kreik og þá er ótalinn
stuðningur fjölda ríkisstjórna
landa á borð við Kína og Ástralíu.
Söfnunarsími Rauða kross Ís-
lands er 907 2020.
- shg
Íslensk stjórnvöld:
Setja peninga
í hjálparstarf
NEYÐARAÐSTOÐ Aðstæður á flóða-
svæðunum við Bengalflóa eru víða
skelfilegar og þar ríkir sannkallað
neyðarástand. Hjálparsamtök og
ríkisstjórnir víða um heim hafa
brugðist hratt við og sent á vett-
vang hjálparstarfsmenn, matvæli,
lyf og aðrar nauðsynjar. Íslensk
stjórnvöld láta ekki sitt eftir liggja
því í gær ákváðu þau að veita þegar
í stað fimm milljónum króna til
mannúðar- og neyðaraðstoðar á
þeim svæðum sem verst hafa orðið
úti. Fjárveitingunni er veitt til
Rauða kross Íslands sem mun sjá
um að stuðningurinn komist til
réttra aðila. - shg
SOMJAI SIRIMEKHA
Leitar ættingja landsmanna í Taílandi. Fjöl-
skylda hennar býr við Phatong-strönd. Þau
sluppu en frændi hennar og frænka
misstu eignir sínar.
FR
ÉT
TA
B
LA
Ð
IÐ
/H
EI
Ð
A
Neyð ríkir á flóðasvæðum:
Aðstoð berst alls staðar að
Á LEIÐ TIL SRÍ LANKA
Franskir starfsmenn á vegum alþjóðlegra hjálparsamtaka lögðu af stað í gærmorgun til
Colombo á Srí Lanka hlaðnir útbúnaði.
FR
ÉT
TA
B
LA
Ð
IÐ
/A
P
COLOMBO Á SRÍ LANKA
Í það minnsta 300 manns létust í höfuð-
borg Srí Lanka, Colombo. Flóðbylgjan náði
til 100 þúsund manna, samkvæmt alþjóð-
legu fréttastofunni AP.
FJÓRIR Í PLATÍNU Að minnsta kosti
fjórir geisladiskar seldust í platínu-
sölu fyrir jólin. Sálmar Ellenar
Kristjánsdóttur, Vetrarljóð Ragn-
eiðar Gröndal, Vertu ekki að horfa
með Ragnari Bjarnasyni og Perlur
Birgittu Haukdal seldust allar í
meira en tíu þúsund eintökum.
Tónlistinn segir sölu 30 vinsælustu
titlanna hafa aukist um rúmlega 20
prósent milli ára.
■ TÓNLISTARSALA
BÆRINN HIKKADUWA
Er í 70 kílómetra fjarlægð suður af Colombo. Hann rústaðist við flóðbylgjuna. Tala látinna
nær rúmlega 11.500 manns á Srí Lanka.
FR
ÉT
TA
B
LA
Ð
IÐ
/A
P
FRAMBJÓÐANDI HANDTEKINN Ísra-
elska lögreglan tók forsetafram-
bjóðanda Palestínumanna, Mustafa
Barghouti, á kosningafundi í Jer-
úsalem í gær. Lögreglan gaf þá
skýringu að Barghouti hefði einung-
is leyfi til þess að ferðast í gegnum
Jerúsalem en ekki til þess að vera í
borginni.
Ráðherra í Úkraínu:
Lést eftir
byssuskot
ÚKRAÍNA, AP Heorhiy Kirpa, sam-
gönguráðherra Úkraínu, fannst í
gær látinn eftir byssuskot. Kirpa
var stuðningsmaður forsætisráð-
herrans Viktors Janúkovitsj í for-
setakosningunum, en hann tapaði
fyrir Viktor Júsjenko.
Fjölmiðlar í Úkraínu hafa ýjað
að því að um sjálfsvíg hafi verið að
ræða, en það hefur ekki fengist
staðfest hjá yfirvöldum. Stjórnar-
andstæðingar hafa haldið því fram
að Kirpa hafi notað lestarkerfi
landsins til að ferja stuðningsmenn
Janúkovitsj á milli kjörstaða í kosn-
ingunum sem fram fóru í síðasta
mánuði og hæstiréttur landsins
ógilti. ■