Fréttablaðið - 31.01.2005, Blaðsíða 14
14 31. janúar 2005 MÁNUDAGUR
STJÓRNMÁL Enginn efast um að
ofurforstjórar Íslands eru ekki
vanhaldnir í hlunnindum, en laus-
leg könnun Fréttablaðsins bendir
til að enginn þeirra geti státað af
því sem ráðherrar Íslands geta: Að
hafa einkabílstjóra. Á hverjum
þriðjudegi og föstudegi þegar rík-
isstjórnin þingar, má sjá á annan
tug glæsibifreiða – yfirleitt í gangi
– fyrir utan „hvíta húsið“ – stjórn-
arráðið við Lækjartorg. Inni í bíl-
unum sitja einkabílstjórar ráð-
herranna tólf því allir ráðherrar
núverandi ríkisstjórnar nýta sér í
botn þau réttindi sem þeir hafa
lögum samkvæmt: Að hafa einka-
bílstjóra.
„Nei, okkar menn hafa ekki
einkabílstjóra,“ segir Jónas Sigur-
geirsson hjá KB banka. „Ég hef
aldrei heyrt að Jón Ásgeir hafi
einkabílstjóra,“ segir Sara Lind
Þorsteinsdóttir upplýsingafulltrúi
Baugs. Sama gildir um Björgólfs-
feðga. Seðlabankastjórar haf þó
löngum haft einkabílstjóra.
Þorgerður Katrín Gunnarsdótt-
ir menntamálaráðherra segir að
„praktískar“ ástæður séu fyrir því
að ráðherrar hafi bíl til umráða og
einkabílstjóra. „Þetta er einfald-
lega spurning um að gera okkur
kleift að helga okkur skyldustörfum
okkar eins mikið og mögulegt er.“
Hvorki Jóhanna Sigurðardóttir
né Össur Skarphéðinsson, forkólfar
Samfylkingarinnar, nýttu sér rétt-
indi til að hafa einkabílstjóra í síð-
ustu ríkisstjórn sem þáverandi
flokkur þeirra, Alþýðuflokkurinn,
átti aðild að. Jóhanna Sigurðardótt-
ir segir að kostnaður við bílaflotann
og laun bílstjóranna nemi hálfum
milljarði á sex árum samkvæmt
svari við fyrirspurn hennar á Al-
þingi: „Ráðherrar eru sífellt að
krefjast aðhalds og ættu að sjálfir
að sýna gott fordæmi með slíkri
ráðdeild.“
Vegfarendur geta síðan reynt að
þreyta kappgöngu við ráðherrabíl-
ana, þegar þeir fara frá stjórnar-
ráðshúsinu eftir ríkisstjórnarfundi
og bjóða einstefnugötum miðbæj-
arins birginn í ráðuneytinu og er
hætt við að þeir hafi
betur. Langflest
ráðuneytin eru
nefnilega í göngu-
fjarlægð jafnt
frá stjórnarráðinu
sem alþingishús-
inu.
- ás
„Það er alltaf hellingur að
frétta en þó ekki neitt. Það er
bara sól og sumarylur,“ segir
Bílddælingurinn Guðmundur
Sævar Guðjónsson, forseti
bæjarstjórnar Vesturbyggðar.
Hann segir allan snjó á bak
og burt, í bili í það minnsta,
eftir óvenju snjóþungar vikur
um alla Vestfirði. „Við glímd-
um við krapaflóð úr tveimur
giljum fyrir ofan bæinn og
þurftum því að láta rýma
fjögur hús um daginn,“ segir
Guðmundur Sævar en sjald-
gæft er að rýma þurfi hús á
Bíldudal vegna ofanflóða-
hættu. „Áttirnar eru þannig
hér að við höfum ekki haft
mikinn snjó fyrir ofan okkur.“
Miklar framkvæmdir hafa
staðið yfir við höfnina á
Bíldudal en þar á kalkþör-
ungaverksmiðja að rísa í
sumar. Á dögunum voru
opnuð tilboð í frágang nýju
hafnarinnar og var lægsta
boði tekið. „Það heitir KNH
og að því standa Kubbur á
Ísafirði, Norðurtak á Sauðár-
króki og Höttur í Hólmavík,“
segir Guðmundur Sævar um
fyrirtækið sem hreppti hnoss-
ið, ljómandi ánægður með
niðurstöðurnar enda lægsta
tilboð nokkuð innan við
kostnaðaráætlun, rúmar 42
milljónir króna.
„Það er rífandi gangur í
þessu, Írarnir eru á leiðinni til
að ganga frá lóðarleigusamn-
ingum og það er stefnt að
því að vinnsla geti hafist á
haustmánuðum.“ Meirihluti
félagsins sem stendur að
kalkþörungavinnslunni er
írskt fyrirtæki sem er stórt á
sínu sviði í heimalandinu.
„Annars gæti þessu seinkað
örlítið því það þarf mjög stór-
an spenni sem þarf að prufu-
keyra áður en vinnsla hefst,“
segir Guðmundur Sævar að
lokum.
Það er rífandi gangur
HVAÐ ER AÐ FRÉTTA? GUÐMUNDUR SÆVAR GUÐJÓNSSON FORSETI BÆJARSTJÓRNAR VESTURBYGGÐAR
„Mér líst mjög vel á þessa fyrirætlan. Það
yrði stórslys ef ekki yrði af þessu,“ sagði
Eggert feldskeri Jóhannsson um fyrirhug-
aða byggingu mörg þúsund fermetra
íbúðarhúsnæðis á milli Laugavegar og
Hverfisgötu. „Það er rétt sem fram hefur
komið um bygginguna sem fyrir er,
þarna er að fara kofadrasl í bland við
merkileg hús með sögulegt minjagildi.
Þetta er spurning um hvort á að meta
meira, hús sem söguleg minjaverðmæti
eða aukið líf í miðborginni. Hvað varðar
heildarmynd borgarinnar þá sé ég ekki
að sé verið að gæta neins ósamræmis
með þessari fyrirhuguðu byggð, því
sunnan megin við Laugaveginn er búið
að byggja upp. Ég held því að götumynd-
in verði enn heildstæðari ef vel tekst til
með hönnunina á þessari einingu. Ég sé
fyrir mér að umhverfið þarna verði enn
skemmtilegra heldur en það er núna.“
Eggert sagði viss vandamál uppi í mið-
bænum í dag hvað varðaði umfangsmik-
ið skemmtanahald sem ekki tæki tillit til
þeirra sem byggju á svæðinu. „Ég býst
við að búseta verði gerð þægilegri fyrir
íbúana ef þeim fjölgar svo um munar
þarna, bæði hvað varðar endurskoðun á
opnunartíma til samræmis sem eðlilegt
er og að tekið verði hressilega til hend-
inni í bílastæðamálum í miðbænum.“
EGGERT FELDSKERI
Enn heildstæð-
ari götumynd
ÍBÚÐABYGGÐ Í MIÐBÆNUM
SJÓNARHÓLL
GÆÐAVARA Á BETRA VERÐI!
FÓLKSBÍLADEKK • JEPPADEKK • FÓLKSBÍLADEKK • JEPPADEKK • FÓLKSBÍLADEKK • JEPPADEKK
LEIÐANDI Í LÆGRA DEKKJAVERÐI
Dekkjalagerinn er nú á 12 stöðum um land allt!
Sólbakka 8
310 Borgarnesi
Miðási 23
700 Egilsstöðum
Víkurbraut 4
780 Höfn
Gagnheiði 13
800 Selfossi
Hlíðarvegi 2-4
860 Hvolsvelli
Njarðarnesi 1
603 Akureyri
Skeifunni 3c
108 Reykjavík
Viðarhöfða 6
110 Reykjavík
Melabraut 24
220 Hafnarfirði
Iðavöllum 8
230 Keflavík
Flugumýri 16
270 Mosfellsbæ
Smiðjuvegur 6
200 Kópavogi
...einfaldlega betri!
Ættir Einars Hólmgeirssonar
handboltalandsliðsmanns eru skil-
merkilega raktar á heimasíðu
sveitarfélagsins Skagafjarðar,
skagafjordur.is. Tilefnið er orð
Einars í Mogganum á dögunum,
þar sem hann sagðist vera harður
af sér því hann væri Skagfirðing-
ur.
Skagafjordur.is upplýsir að
Einar sé frá Hofsósi, „sonur
Hólmgeirs Einarssonar og frændi
Halla á Enni sem sjálfur er for-
maður UMSS og íþróttaáhuginn
því augljóslega í ættinni“.
Ekki er látið þar við sitja held-
ur haldið áfram. „Hólmgeir, pabbi
Einars, er sonur Einars Jóhanns-
sonar sem kenndur var við Berlín
í Hofsósi og Ernu Geirmundar-
dóttur sem er ættuð frá Grafar-
gerði við Hofsós. Móðir Einars
heitir hinsvegar Þórleif og er
dóttir Friðriks Antonssonar og
Guðrúnar Þórðardóttur á Höfða.
Það kemur því engum á óvart sem
til ættanna þekkja að drengurinn
sé harður af sér.“
Botn er svo sleginn í fréttina
með sárum með sönnum stað-
reyndum úr Skagafirði. „Skag-
firðingar hafa reyndar ekki átt
margar súperstjörnur í handbolt-
anum, enda hefur þeirri íþrótta-
grein ekki verið haldið hátt á lofti
hér um slóðir síðan UMSS átti
þokkalegt kvennahandboltalið á
milli 1950 og 1960.“ - bþs
SVONA ERUM VIÐ
ÍSLENDINGAR BORÐA 24,7
KÍLÓ AF KINDAKJÖTI Á ÁRI
Heimild: Bondi.is
SKAGFIRÐINGURINN EINAR
HÓLMGEIRSSON
Ætterni Einars Hólmgeirssonar rakið:
Einar Hofsósingur
BÍLAFLOTI RÍKISSTJÓRNARINNAR Tákn valdsins.
Ofurforstjórar hafa
ekki einkabílstjóra
Ráðherrar ríkisstjórnarinnar hafa bíl og bílstjóra til umráða. Forstjórar og stjórnarformenn stærstu fyrir-
tækja landsins njóta ekki slíkra hlunninda. Kostnaður við bílaflota ríkisstjórnarinnar er nærri hálfur millj-
arður á sex árum, að sögn Jóhönnu Sigurðardóttur. „Praktískt,“ segir Þorgerður Katrín Gunnarsdóttir.