Fréttablaðið - 18.03.2005, Blaðsíða 6

6 18. mars 2005 FÖSTUDAGUR
Héðinsfjarðargöng aftur á dagskrá:
Bæjarstjóri bíður með brosið
SAMGÖNGUR „Ég bíð með brosið
þangað til ráðherra tilkynnir
þetta formlega á laugardaginn
kemur,“ segir Runólfur Birgisson,
bæjarstjóri á Siglufirði. Sturla
Böðvarsson samgönguráðherra
hefur boðað til fundar í bænum
um helgina þar sem vonir standa
til að hann tilkynni hvenær fram-
kvæmdir við Héðinsfjarðargöng
milli Siglufjarðar og Ólafsfjarðar
hefjist formlega.
Gangagerðinni var frestað á
sínum tíma vegna ótta við þenslu-
áhrif vegna stóriðjuframkvæmd-
anna á Austurlandi en ekki þykir
lengur hætta á slíku enda aðeins
tvö til þrjú ár áður en þeim fram-
kvæmdum lýkur. Héðinsfjarðar-
göngin eru rúmlega tíu kílómetra
löng og eru íbúar svæðisins al-
mennt sammála um nauðsyn
slíkra ganga.
Runólfur segir fyrir liggja að
þó að kostnaður við göngin sé
áætlaður sex milljarðar króna þá
sé enginn vafi í sínum huga að
byggðir norðanlands eflist til
mikilla muna með göngum.
„Það er óumdeilt í mínum huga
að ávinningurinn verður mikill.
Þegar liggur fyrir að Siglufjörður
og Ólafsfjörður rugli reytum sín-
um saman hvað varðar stjórn-
sýslu og ýmislegt annað eftir að
göngin eru komin. Þannig sparast
strax miklir fjármunir auk þess
sem ferðaþjónustan hér ætti að
njóta góðs af.“
Ekki náðist í samgönguráð-
herra vegna málsins.
- aöe
Verðkönnun ASÍ:
Unnin eftir nákvæmum reglum
VERÐSTRÍÐIÐ Verði í Bónus var
sleppt í verðkönnun sem verð-
lagseftirlit Alþýðusambands Ís-
lands birti á miðvikudagskvöld.
ASÍ telur að starfsmaður Bónuss,
sem var í Krónunni þegar verið
var að taka þar niður verð, hafi
haft óeðlileg afskipti af könnun-
inni með því að fylgjast með
starfsmanni ASÍ. Bónus hafi
hugsanlega náð að breyta verði
hjá sér.
„Við vinnum þetta eftir ná-
kvæmum og þröngum reglum
sem við mótuðum í samstarfi við
Samtök verslunar og þjónustu til
að ekki kæmu upp svona deilur.
Það er ekki hægt að una við að
reynt sé að hafa afskipti af verð-
könnun eða ná forskoti í verði.
Okkar hlutverk er að tryggja
jafnræði og hlutleysi við þessa
verðupptöku. Eina leiðin sem við
getum farið er að fella viðkom-
andi fyrirtæki út úr könnuninni,“
segir Gylfi Arnbjörnsson, fram-
kvæmdastjóri ASÍ.
Guðmundur Marteinsson,
framkvæmdastjóri Bónuss, segir
að Bónus sé ósammála þeim mál-
flutningi ASÍ að starfsmaður
Bónuss hafi reynt að hafa af-
skipti af verðkönnuninni en
treysti því að könnunin sé
unnin af heilindum og ASÍ geri
sitt besta.
- ghs
Segja RÚV styrkt í
samkeppnisrekstri
Ríkisútvarpinu eru ekki lagðar meiri skyldur á herðar en einkafjölmiðlunum
í nýju frumvarpi þrátt fyrir að fá á þriðja milljarð í styrk frá ríkinu. Þetta
segja forsvarsmenn 365 og Skjás eins.
RÍKISÚTVARPIÐ „Það er of mikið á
Ríkisútvarpið lagt að þurfa að
standa í samkeppni á auglýs-
ingamarkaði. Kostnaður Ríkis-
útvarpsins við að vera á aug-
lýsingamarkaði er meiri en
auglýsingatekjurnar sem það
nær inn,“ segir Gunnar Smári
Egilsson, framkvæmdastjóri
365.
„Til þess að vera samkeppnis-
færit á auglýsingamarkaði þarf
Ríkisútvarpið að fjárfesta í dýru
efni, svo sem The Sopranos og
Desperate Housewives, til þess
að halda uppi ákveðnu áhorfi.
Ríkisútvarpið gæt nýtt fjármuni
sína miklu betur með því að
framleiða innlent menningar-
efni og uppfylla þannig betur
skyldur sínar sem almennings-
útvarp,“ segir Gunnar Smári.
Hann segist enn fremur ekki
skilja hvers vegna taka þurfi
2.500 milljónir krónur af al-
mannafé til þess að bjóða megi
upp á sams konar fjölmiðlaefni
og aðrir fjölmiðlar geri.
„Þetta er eins og ef Land-
spítalinn fengi 2.500 milljónir af
almannafé og þyrfti ekkert
endilega að sinna sjúkum heldur
gæti opnað líkamsræktarstöð,“
segir Gunnar Smári. „Rökin
fyrir því að taka 2.500 milljónir
af almenningi í rekstur RÚV
hljóta að vera þau að búa til fjöl-
miðlaefni sem aðrir fjölmiðlar
bjóða ekki upp á, eins og skyld-
ur almenningsútvarps gera ráð
fyrir.“
Magnús Ragnarsson, sjón-
varpsstjóri Skjás eins, segir að í
frumvarpinu séu Ríkisútvarp-
inu ekki lagðar miklar skyldur á
herðar umfram aðrar sjón-
varpsstöðvar þrátt fyrir að fá á
þriðja milljarð króna frá ríkinu í
rekstur auk þess að keppa á aug-
lýsingamarkaði.
„Skjár einn þarf að hlíta nýj-
um úrskurði um að þurfa að
verja íslenska tungu og vera
með íslenska þuli á enskum fót-
boltaleikjum. Það virðist sem
einkageirinn þurfi að sinna öll-
um sömu kvöðum og Ríkis-
útvarpið,“ segir Magnús. „Ég
hefði viljað sjá meiri afmörkun
á því sem á að heyra undir hlut-
verk almenningsútvarps og þess
sem einkageirinn sinnir. Ég sé
ekki af hverju halda þarf úti
ríkisútvarpi sem styrkt sé af
almannafé, ef það hefur svo
litlar umframkvaðir.“
Hann bendir á að í frumvarp-
inu séu sérstök ákvæði sem segi
að RÚV eigi að sinna afþreying-
ar- og skemmtiefni. „Ríkis-
útvarpinu er beinlínis gerð laga-
skylda að vera í beinni sam-
keppni við einkageirann,“ segir
Magnús.
sda@frettabladid.is
Héraðsdómur Reykjavíkur:
Dæmdur
fyrir
líkamsárás
DÓMSMÁL Maður var í gær dæmd-
ur í þriggja mánaða fangelsi
vegna líkamsárásar á veitinga-
staðnum Kaffi Austurstræti í des-
ember 2003. Gekk hann þar í
skrokk á viðskiptavini með þeim
afleiðingum að sá hlaut ökklabrot
af.
Við dóminn var til þess litið
hversu langan sakaferil hinn
ákærði átti að baki en hann hefur
verið dæmdur alls 29 sinnum
fyrir margvísleg brot á almenn-
um hegningarlögum. - aöe
Höfðabakka 1 - sími 587 50 70
Opið LAUGARDAG
Tilboð
stórlúða 1.490,-
humar 1.290,-
rækjur 990,-
Viltu prjóna inniskó?
Skreyta flík með blóma-
útsaumi eða hekla tösku?
Þessi skemmtilega bók er full af
spennandi verkefnum með
nákvæmum leiðbeiningum sem
auðvelt er að fylgja.
Frábær bók fyrir allar
stelpur - stórar
sem smáar!
KOMIN Í
VERSLANIR!
Prjóna, hekla, sauma ...
Verð aðeins
2.490kr.
Á að veita Bobby Fischer ríkis-
borgararétt?
SPURNING DAGSINS Í DAG:
Notarðu internetið daglega?
Niðurstöður gærdagsins á visir.is
54%
46%
Nei
Já
Farðu inn á fréttahluta visir.is
og segðu þína skoðun
KJÖRKASSINN
HÉÐINSFJARÐARGÖNG
GUÐMUNDUR MARTEINSSON
Framkvæmdastjóri Bónuss segir
verslunina treysta því að
könnun ASÍ sé unnin af
heilindum.
GYLFI ARNBJÖRNSSON
Framkvæmdastjóri ASÍ segir
verðkannanir unnar eftir nákvæm-
um og þröngum reglum sem settar
hafi verið til að ekki komi upp
deilur um niðurstöðurnar.
STJÓRNENDUR 365 OG SKJÁS EINS
Gunnar Smári Egilsson og Magnús Ragnarsson eru sammála um að nýtt frumvarp um Ríkisútvarpið skekki samkeppnisstöðuna á markaðnum.