Fréttablaðið - 18.03.2005, Page 16

16 18. mars 2005 FÖSTUDAGUR
Átta Íslendingar í lúxus-
siglingu með Herbalife
Að lokinni alheimsráð-
stefnu Herbalife í Atlanta
í næsta mánuði halda átta
Íslendingar í siglingu um
Karíbahafið í boði fyrir-
tækisins. Þannig er þeim
launað fyrir frábæran ár-
angur í starfi.
Fjórum íslenskum dreifingar-
aðilum Herbalife og mökum
þeirra er boðið í átta daga sigl-
ingu um Karíba hafið að lokinni
alheimsráðstefnu og 25 ára af-
mælishátíð Herbalife í Banda-
ríkjunum í næsta mánuði. Þetta
eru Erla Bjartmarz og Þórir Kr.
Þórisson, Birgir Jósafatsson og
Jóhanna Harðardóttir, Jón Óttar
Ragnarsson og Margrét Hrafns-
dóttir og Sverrir Einar Eiríks-
son og Margrét Herdís Hall-
dórsdóttir.
Fólkið tilheyrir afburðahópi
Herbalife, það hefur náð meiri
og betri árangri en aðrir í dreif-
ingu á Herbalife-vörum og tek-
ist að byggja upp öflugt net
dreifingaraðila. Herbalife laun-
ar góðan árangur með lúxus.
„Það sem er svo spennandi
við þetta er að allir geta gert
þetta, allir geta komist í svona
siglingu og það þarf ekki að taka
mjög langan tíma,“ segir Sverr-
ir Einar Eiríksson.
Hann hlakkar vitaskuld til
ævintýrisins og veit að vel verð-
ur gert við hópinn. Þau hjónin
fóru nefnilega í ámóta siglingu
fyrir þremur árum, þá um
grísku eyjarnar.
„Ef fólki gengur vel er það
verðlaunað með einhverju
svona löguðu,“ segir Sverrir en
bætir við að árangur náist ekki
með annarri hendi. Þó séu
hvorki galdrar né ævintýri að
baki. „Við hjálpum fólki að létt-
ast og ná betri heilsu. Lykillinn
er að hugsa vel um viðskiptavin-
ina og hjálpa þeim að ná árangri
svo þeir haldi áfram að panta og
vera glaðir.“
Þau hjónin hafa sjálf notað
Herbalife í sex ár og sjá ekki
eftir að hafa byrjað. „Konan mín
fékk allt í einu áhuga á þessu og
vildi léttast. Við fórum því á
kynningarfund og í kjölfarið
byrjuðum við að nota vöruna.
Konan mín léttist um tvö kíló
fyrstu dagana, átta kíló fyrsta
mánuðinn, fjórtán kíló á þremur
mánuðum og 25 kíló á níu mán-
uðum.“
Og Sverrir byrjaði sjálfur á
sama tíma, þrátt fyrir að finnast
hann ágætlega hraustur. „Áður
byrjaði ég daginn á að fá mér
kaffi og sígarettu og borðaði
yfirleitt hádegismat um tvö-
þrjúleytið. Ég svaf illa og var
grár og gugginn en byrjaði á
Herbalife fyrst og fremst til að
styðja konuna. En eftir svolítinn
tíma svaf ég betur og fékk
miklu meiri orku og eftir tvo til
þrjá mánuði fékk ég lit á húðina
og hárið og neglurnar urðu
betri,“ segir Sverrir sæll og
glaður og vitaskuld spenntur
fyrir að sigla um Karíbahafið.
bjorn@frettabladid.is
Betur fór en á horfðist:
Með lúðu-
bein í kokinu
Patreksfirðingur lenti í þeirri
óskemmtilegu reynslu á dögun-
um að lúðubein festist í koki hans.
Sat hann að snæðingi með konu
sinni og var langt kominn með
máltíðina þegar hann fann, sér til
skelfingar, að bein sat fast í kok-
inu. Ræskingar og aðrar tilraunir
til að ná beininu lausu báru ekki
árangur og leitaði hann því hjálp-
ar á Heilbrigðisstofnun Patreks-
fjarðar. Þar var sama uppi á ten-
ingnum og beinið sat sem fastast.
Brá hann því á það ráð að aka
til Ísafjarðar en þangað er
tveggja og hálfrar stundar akst-
ur. Læknum við sjúkrahúsið tókst
að ná beininu lausu og beittu til
þess slöngu sem þeir þræddu
ofan í kok hans.
Særindi í hálsi hrjáðu manninn
í nokkra daga á eftir en honum
varð ekki meint af að öðru leyti.
Atvikið hafði ekki alvarleg
áhrif á manninn, hann ætlar
áfram að borða lúðu hér eftir sem
hingað til.
- bþs
SPÁÐ ER AÐ 5.600 TONN AF SVÍNA-
KJÖTI VERÐI FRAMLEIDD 2005
Það er svipað magn og í fyrra.
Heimild: bondi.is
SVONA ERUM VIÐ
„Það er allt gott að frétta, það
voru hátíðarhöld hjá okkur í gær í
tilefni Patreksdagsins í gær,“ segir
Guðmundur Guðlaugsson, bæjar-
stjóri í Vesturbyggð. „Við vorum
með skemmtun fyrir börnin í
gærdag en um kvöldið var boðið
upp á dagskrá fyrir fullorðna í fé-
lagsheimilinu. Þar komu bæði
heimamenn fram sem og að-
komnir listamenn, til dæmis Guð-
rún Gunnarsdóttir,“ segir Guð-
mundur. Hann segir að hátíðar-
höldin hafi átt sér aðdraganda og
í vikunni buðu kaupmenn á Pat-
reksfirði afslátt á vörum. „Það er
alltaf haldið vel upp á þennan
dag hér.“
Hann segir að margt sé í pípun-
um í Vesturbyggð. Nýverið var
reist íþróttahús á Bíldudal og ver-
ið sé að reisa veglega íþróttamið-
stöð á Patreksfirði sem stefnt er
að taka í notkun í júní. „Það er
því gott í okkur hljóðið hér í Vest-
urbyggð.“
Af sjálfum sér segir Guðmundur
líka allt gott. Hann er búinn að
ráðstafa sumarfríinu að einhverju
leyti og gerir ráð fyrir að skreppa
til Danmerkur í júlí og ágúst.
„Þetta er sannkölluð fjölskyldu-
ferð; ég fer með fjölskyldunni að
hitta systkini mín og fjölskyldur
þeirra í sumarhúsi í eina viku. Ég
á von á því að það verði hin
skemmtilegasta dvöl og hlakka
mikið til,“ segir Guðmundur sem
hefur nokkrum sinnum áður
komið til Danmerkur.
Patreksdeginum fagnað með pomp og prakt
HVAÐ ER AÐ FRÉTTA? GUÐMUNDUR GUÐLAUGSSON
„Það er svo margt sem þarf að at-
huga og huga að mörgum forsend-
um áður en maður tekur afstöðu í
svona máli,“ segir Guðrún Pétursdótt-
ir lífeðlisfræðingur um hvort hún telji
að nýtt húsnæði Háskólans í Reykja-
vík eigi að rísa í Vatnsmýrinni eða
Garðabæ eins og rætt er um.
„Bæði þessi sveitarfélög hafa margt
til síns ágætis, en maður þarf líka að
velta fyrir sér framtíðarmöguleikum
eins og hvort þau muni verða eitt og
sama sveitarfélagið áður en langt um
líður.“ Guðrún segir að endanleg nið-
urstaða eigi auðvitað að miðast við
hvað standi skólanum til boða.
„Hvernig lóðirnar verða, aðkoman að
skólanum og svo framvegis. Þetta er
auðvitað það sem á eftir að skipta
starfsemi hans mestu.“ Guðrún hefur
ekki áhyggjur af umferðarvanda sem
kynni að skapast með mannmörgum
skóla. „Borgaryfirvöld hafa sagst geta
leyst það og væru varla að bjóða
þetta ef þau teldu sig ekki geta það.“
Guðrún vonar hins begar að fram-
kvæmdir í Vatnsmýrinni raski ekki úti-
vistarsvæðinu í Öskjuhlíð og við
Nauthólsvík. „Þetta er fallegt svæði
og það væri mikil eftirsjá af því.“
GUÐRÚN PÉTURSDÓTTIR
Þarfir skólans
verði látnar ráða
NÝTT HÚSNÆÐI
HÁSKÓLANS Í REYKJAVÍK
SJÓNARHÓLL
TORONTO-TÍSKAN Tískuvikan í Toronto í
Kanada stendur nú sem hæst. Þar kennir
ýmissa grasa – og fjaðra.
M
YN
D
A
P
MARGRÉT HERDÍS HALLDÓRSDÓTTIR OG SVERRIR EINAR EIRÍKSSON Á leið í
átta daga lúxussiglingu um Karíbahafið í boði Herbalife.