Fréttablaðið - 06.06.2005, Blaðsíða 6

6 6. júní 2005 MÁNUDAGUR
Skiptar skoðanir um ræðu sjávarútvegsráðherra:
Lítill árangur af kvótakerfinu
SJÁVARÚTVEGUR „Það er fjarri lagi
að ráðherra fari þarna með rétt
mál og nægir að benda á þorsk-
veiðar í Barentshafinu því til
sönnunar,“ segir Guðjón A. Krist-
jánsson, formaður Frjálslynda
flokksins. Hann gagnrýnir harð-
lega það sem Árni Mathiesen
sjávarútvegsráðherra mælti í sjó-
mannadagsræðu sinni í gær um
að árangur Íslendinga varðandi
stækkun þorskstofnsins væri
ásættanlegur..
Guðjón furðar sig á þessum
ummælum enda sé í dag veitt
jafnmikið af þorski við Íslands-
strendur og gert var þegar kvóta-
kerfið var fyrst sett á. „Þannig sér
hver maður að árangurinn er eng-
inn og þaðan af síður ásættanleg-
ur. Ég veit ekki betur en að þorsk-
stofninn hafi farið upp í Barents-
hafi þrátt fyrir að þar hafi verið
farið verulega fram úr aflaheim-
ildum árum saman og jafnvel ára-
tugum. Og ástandið á þorskstofn-
inum þar núna er betra en það
hefur verið um langa hríð.“
Guðjón segir þetta renna enn
frekari stoðum undir að þá skoðun
að enginn árangur hafi náðst með
því að kvótasetja þorskafla. „Það
má ekki gleyma að kvótakerfið
var upphaflega sett á eingöngu
vegna aflabrests í þorskinum
1983. Þá var svartsýnisspá vegna
þorskstofnsins og 22 árum síðar
er nákvæmlega sama staða uppi.
Það hlýtur að segja mönnum eitt-
hvað.“ - aöe
Kristinn H. Gunnarsson á sjómannadegi:
Vill vi›bótarkvóta
handa sjávarbygg›um
SJÓMANNADAGURINN „Aðild að Evr-
ópusambandinu er ekki í þágu ís-
lenskra hagsmuna og það á ekki að
stefna að henni,“ sagði Kristinn H.
Gunnarsson, þingmaður Framsókn-
arflokksins, í hátíðarræðu sem hann
flutti á Patreksfirði í gær í tilefni
sjómannadagsins. Kristinn sagði að
velmegun Íslendinga mætti þakka
sjálfstæði þeirra og meðfylgjandi
yfirráðum yfir fiskimiðunum. Það
megi ekki gefa eftir.
Auk þess stakk Kristinn upp á að
20.000 tonna kvóta verði ráðstafað
til sjávarbyggða, sem hvorki njóta
góðs af stóriðjuuppbyggingu né
þenslu á höfuðborgarsvæðinu.
„Okkar auðlind er heima í héraði og
hana á að nýta til atvinnuuppbygg-
ingar heima í héraði eins og vatns-
orkuna.“
Í ræðu Kristins kom enn fremur
fram að hann teldi
þörf á að stokka
fiskveiðistjórnun-
arkerfið rækilega
upp; það hafi þró-
ast úr úr kerfi sem
var fyrst og fremst
til að takmarka
heildarveiði yfir í
lokað kerfi sem
tryggir einokun,
eykur samþjöppun
og gerir nýliðun í
greininni afar erf-
iða. Þetta ástand sagði Kristinn
helst minna á bændaánauð fyrri
alda.
Hátíðarhöldin fyrir vestan þykja
annars hafa tekist vel upp og veðrið
lék við mannfjöldann sem safnaðist
saman á Vatneyri Patreksfjarðar til
að halda upp á daginn. - bs
Hátí›arbragur á
höfu›borginni í gær
Sjómannadagurinn var haldinn hátí›legur í gær. Fjöldi fólks var samankom-
inn á Mi›bakkanum í Reykjavík til a› fylgjast me› umfangsmikilli dagskrá.
SJÓMANNADAGURINN Hátíð hafsins
var haldin í blíðskaparviðri við
Reykjavíkurhöfn á sjómannadag-
inn. Fjöldi fólks var samankominn
til að fylgjast með umfangsmikilli
dagskrá sem var í boði.
Í bláu ræðutjaldi voru Árni M.
Mathiesen sjávarútvegsráðherra
og Guðmundur Hallvarðsson, for-
maður sjómannadagsráðs, á með-
al þeirra sem stigu á stokk. Meðal
annars fögnuðu menn mjög opnun
Sjóminjasafns Reykjavíkur að
Grandagarði þar sem sögð er saga
íslenskra togara. Í ár er einmitt
ein öld síðan fyrsti íslenski togar-
inn, Coot, kom til landsins. Þegar
ræðuhöldunum var lokið voru
fimm sjómenn heiðraðir fyrir
ævistörf sín.
Úti í góða veðrinu var iðandi
mannlíf. Hoppukastalar höfðu
verið settir upp fyrir krakkana og
voru þeir svo vinsælir að biðraðir
mynduðust skjótt við þá. Stórt
veitingatjald var einnig á svæðinu
þar sem veitingar voru í boði. Al-
menningi var boðið í skemmtisigl-
ingar um borð í skólaskipinu Sæ-
björgu, sem áður hét Akraborgin,
og nýttu fjölmargir tækifærið.
Auk þess fóru sjómenn í kappróð-
ur, koddaslag og reiptog þar sem
hart var barist eins og siður er á
þessum degi. Þá var boðið upp á
listflug við Miðbakkann og störðu
margir opinmynntir á skærgula
flugvélina þeytast um loftin blá.
Á Ingólfstorgi var einnig
margt um manninn. Þegar blaða-
mann bar að garði dönsuðu þar fé-
lagar í reykvíska dansfélaginu
„Komið og dansið“ undir tónum
Geirmundar Valtýssonar. Allt í
kring borðaði fólk ís eða sat í
mestu makindum á kaffihúsum og
sleikti sólina. Á sama tíma og
dansinn dunaði léku krakkar sér á
hjólabrettum hinum megin á torg-
inu og því má með sanni segja að
fólk á öllum aldri hafi átt þarna
ánægjulegan dag.
freyr@frettabladid.is
Árni Johnsen í Grafarvogskirkju:
Sjómenn eru
undirsta›an
SJÓMANNADAGURINN Árni John-
sen, fyrrverandi alþingismaður,
hélt ræðu í sjómannadagsmessu
í Grafarvogskirkju í gærmorg-
un. Sagði hann að sjómenn væru
undirstaðan í íslensku atvinnu-
lífi en ekki bankar og fjármála-
fyrirtæki.
Hann sagði að sjómenn hefðu
fært Ísland inn í nútímann en
ekki hagfræðingar, bankar eða
stjórnmálamenn. Árni minntist
einnig þeirra fimm hundruð sjó-
manna frá Vestmannaeyjum
sem hafa farist undanfarna öld,
þ.e. að meðaltali fimm á ári
hverju. ■
Aldraðir sjómenn heiðraðir:
Sigldi á styrj-
aldarárunum
SJÓMANNADAGURINN Sjómennirnir
Eyjólfur Eyjólfsson, Eiríkur Ei-
ríksson, Grétar Bjarnason, Sig-
fús Jóhannsson og Eyjólfur Guð-
jónsson voru heiðraðir við Mið-
bakkann í Reykjavík í gær fyrir
ævistörf sín. Einnig hlaut Bragi
Ragnarsson viðurkenningu fyrir
fyrirmyndarvélstjórastörf.
Eyjólfur Guðjónsson, sem lét
af störfum árið 2000 eftir 58 ára
farsælt starf við sjómennsku og
útgerð, sagði það mikinn heiður
að hljóta viðurkenninguna.
„Þetta er bara góð tilfinning og
mikill heiður eftir langa veru á
sjó,“ sagði Eyjólfur. Hann sigldi í
tíu ár á togurum og meðal annars
var hann 16 ára ráðinn sem há-
seti á Venusi frá Hafnarfirði árið
1942. Hann segist aldrei hafa lent
í neinum ævintýrum að ráði á
þessum styrjaldarárum. „Maður
vissi ekki af þeim hættum sem
voru í kringum mann. Maður
komst ekki að því fyrr en síðar.“
Aðspurður sagði Eyjólfur það
stórkostlegt að sjómannadagur-
inn sé haldinn hátíðlegur ár hvert
því þessi dagur auðgi mannlífið
svo mikið. ■
Hátíð í Neskaupstað:
Kútter gladdi
austfirsk augu
SJÓMANNADAGURINN Sjómanna-
dagshátíðarhöldin í Neskaupstað
byrjuðu að venju á föstudag með
setningu Sjónes, stangveiðimóti
þeirra Norðfirðinga sem sífellt
fleiri sækja í. Það var líka ástæða
til þess á föstudaginn því aflinn
var um 17 tonn, á 37 stangir. Afl-
inn var þó heldur minni á laugar-
daginn.
Hátíðarhöldin í gær voru svo
með hefðbundnu sniði. Haldin var
hátíðarguðsþjónusta en auk þess
var efnt til kappróðurs, reiptogs
og kappdráttar í björgunarstól.
Færeyski kútterinn Johanna
TG 326 setti svip sinn á bæjarlíf-
ið, margt fólk skoðaði skipið og
þáði „beinakex“ og sérstök sýning
og fyrirlestur um siglingar fær-
eyskra og íslenskra sjómanna, var
í Jósafatssafni. - eg
L0TTÓ
Hefurðu áhyggjur af stöðu
efnahagsmála?
SPURNING DAGSINS Í DAG:
Á að leysa þjálfara landsliðsins
í knattspyrnu frá störfum eftir
tapið gegn Ungverjum?
Niðurstöður gærdagsins á visir.is
28,38%
71,67%
Nei
Já
Farðu inn á fréttahluta visir.is
og segðu þína skoðun
KJÖRKASSINN
KAPPRÓÐUR Konur geta keppt í kappróði rétt eins og karlar eins og sannaðist við Reykjavíkurhöfn í gær.
SKOÐAR KRABBA Ýmis sjávardýr voru til
sýnis við miðbakkann. Hér sést ung stúlka
skoða krabba og þykir greinilega mikið til
hans koma.
FR
ÉT
TA
B
LA
Ð
IÐ
/H
EI
Ð
A
Fr
ét
ta
bl
að
ið
/H
ar
i
ÁRNI M. MATHIESEN Sagði sjómenn í dag
gjalda þess að ofveiði á þorski hefði verið
stunduð áratugina kringum 1950 og 1960
og stofninn ekki beðið þess bætur síðan.
MEÐ DÓTTUR SINNI Eyjólfur Guðjónsson
skipstjóri ásamt dóttur sinni Önnu eftir að
honum hafði verið veitt viðurkenningin.
FR
ÉT
TA
B
LA
Ð
IÐ
/H
EI
Ð
A
JOHANNA TG 326 Margir Norðfirðingar
notuðu tækifærið og skoðuðu skipið.
M
yn
d/
El
m
a
G
uð
m
un
ds
dó
tt
ir
Sumar gjafir skipta
öll börn máli!
Gefum börnum góða sumargjöf
KRISTINN H.
GUNNARSSON
Sjómannadagurinn:
LÍÚ vill
færa daginn
SJÓMANNADAGUR Hjörtur Gísla-
son, stjórnarmaður í Landssam-
bandi íslenskra útvegsmanna,
sagði í sjómannadagsræðu sinni
í Reykjavík í gær að færa ætti
sjómannadaginn fram á síðasta
sunnudaginn í júlí.
Hann sagði að áður fyrr
hefðu sjómenn haft vit á því að
spilla ekki vorvertíð og því hafi
dagurinn verið fluttur fram í
júní. Nú ættu sjómenn að hafa
vit á því að spilla ekki út-
hafskarfa-, síldar- og humarver-
tíð og því ætti að flytja daginn
fram í júlí.
Sjómenn héldu daginn hátíð-
legan í gær um land allt. - oá
VANN 10 MILLJÓNIR Einn var
með allar aðaltölurnar réttar í ís-
lenska lottóinu nú á laugardag-
inn. Sá heppni hlaut hvorki meira
né minna en rúmar tíu milljónir
króna í sinn hlut. Happatölurnar í
þetta skiptið voru 7, 11, 12, 19 og
34. Bónustalan var 13 og hlutu
þrír bónusvinninginn og komu
tæplega 130 þúsund krónur í hlut
hvers þeirra.