Fréttablaðið - 28.06.2005, Blaðsíða 30

28. júní 2005 ÞRIÐJUDAGUR
Lið Fylkis í Landsbankadeild karlavarð fyrir áfalli í gær þegar í ljós
kom að Finnur Kolbeinsson verður
frá keppni næstu 4-5 vikurnar vegna
meiðsla í liðþófa. Þá á Hrafnkell
Helgason við smávægileg meiðsli
að stríða í nára og mun verða frá
næstu tvær vikurnar.
Umboðsmaður Frank Lampardsegir að skjólstæðingur sinn hafi
engan áhuga á að ganga til liðs við
Real Madrid, en greint var frá því
um helgina að Chelsea hefði hafn-
að tilboði frá spænska stórveldinu
sem hljóðaði upp á 20 milljónir
punda auk enska sóknarmannsins
Micheal Owen og Argentínumanns-
ins Santiago Solari. „Frank er mjög
stoltur yfir því að vera orðaður við
lið á borð við Real en hann hefur í
hyggju að vinna fleiri titla með Chel-
sea á næstu árum og ekkert getur
breytt þeim áætlunum hans,“ segir
umboðsmaðurinn.
Sóknarmaðurinn Magnús MárLúðvíksson hefur skrifað undir
tveggja ára samning við Þrótt í
Reykjavík og fær að öllum líkindum
leikheimild með liðinu síðar í dag.
Rúmlega 19 ára gamall bandarísk-ur hlaupari, Kerron Clement,
náði um helgina besta tíma sem
náðst hefur í 400 metra grinda-
hlaupi í 7 ár þegar hann kom í mark
á 47,24 sekúndum. Tímanum náði
Clement á bandaríska meistaramót-
inu sem haldið var í Carson í Kali-
forníu.
Tero Pitkamaki, spjótkastari fráFinnlandi, náði á sunnudag
lengsta kasti sem náðst hefur í þrjú
ár. Pitkamaki kastaði spjótinu 91,53
metra á móti í Kuartane í heima-
landi sínu og sigraði með miklum
yfirburðum. Annar varð ólympíu-
meistarinn frá Noregi, Andreas
Thorkildsen, en hann kastaði spjót-
inu 86,82 metra.
ÚR SPORTINU
> Við fordæmum ...
... hvernig Tryggvi Bjarnason, varnarmaður
KR-inga, hagaði sér í leiknum gegn Val í
gær. Hefðu einföldustu knattspyrnureglur
verið hafðar til hliðsjónar hefði
Tryggvi átt að fá beint rautt
spjald í tvígang í fyrri hálfleik
fyrir gróf brót sem eiga aldrei
að sjást á fótboltavellinum.
Tryggvi átti fyllilega skilið
að fá rautt spjald í
leiknum í gær.
Heyrst hefur ...
... að það muni taka Bjarka Gunnlaugsson
allt að þrjár vikur að jafna sig af
meiðslunum sem hann hlaut í fyrri hálf-
leiknum gegn Val í gær, en Bjarki er
tognaður aftan í læri. Bjarki hafði verið
vítamínsprautan á bak við bætta
spilamennsku KR á síðustu vikum en með
brotthvarfi hans er spurning hvort KR-liðið
fellur í sama horf og fyrr í sumar.
sport@frettabladid.is
22
> Við vorkennum ...
.... Bjarka Gunnlaugssyni, sem var ekki
búinn að vera heill heilsu nema í rúmar
þrjár vikur er hann meiddist
aftur í leiknum gegn Val í
gær. Sorglegri meiðslasaga
en sú sem Bjarki hefur átt í
er vandfundin og það er
fyrir löngu orðið ljóst að
það á hreinlega ekki af
honum að ganga.
Forráðamenn Lyon senda skýr skilaboð til forráðamanna Chelsea:
FÓTBOLTI Jean-Michel Aulas, for-
seti franska stórveldisins Lyon,
segir að helsta stjarna liðsins,
miðjumaðurinn Michael Essien,
verði ekki seldur til Chelsea
þrátt fyrir að Roman
Abramovich sé reiðubúinn að
greiða fúlgur fjár fyrir landsliðs-
manninn frá Ghana. Lyon hafn-
aði nýlega tilboði Chelsea upp á
16,75 milljónir punda og segir
Aulas að því hefði einnig verið
hafnað þótt fjárhæðin hefði farið
yfir 20 milljónir punda.
„Essien og einnig Mahamadou
Diarra og Juninho verða áfram
með Lyon á næsta ári. Ég hef
alltaf sagt það og það mun ekki
breytast. Það hefur heyrst margs
konar óþægilegur orðrómur fyr-
ir mig að undanförnu og nú vill
ég binda endi á hann,“ sagði
fokvondur Aulas við franska
fjölmiðla í gær.
Aulas segir að hann og Gerard
Houllier, nýráðinn knattspyrnu-
stjóri félagsins, séu sammála um
að byggja eigi liðið í kringum
Essien. „Ég staðfesti það hér
með að okkar bestu leikmenn eru
ekki á förum. Að halda þeim öll-
um gerir lið okkar sterkara en
það var í fyrra og það er ætlun
okkar,“ sagði Aulas en hann og
Houllier gengu frá kaupum á
norska landsliðsmanninum John
Carew í gær fyrir fimm milljón-
ir punda.
fii› muni› ekki fá Essien í sumar
„Mér líst mjög vel á að fara aftur í úr-
valsdeildina. Fulham er gott félag sem
hefur metnað til þess að vera ofarlega
í deildinni. Ég ætla að sýna og sanna
að ég get staðið mig í úrvalsdeild-
inni,“ sagði Heiðar Helguson,
sem er einn af þremur íslensk-
um leikmönnum í ensku úrvals-
deilinni, en fyrir eru Eiður
Smári Guðjohnsen hjá
Chelsea og Hermann
Hreiðarsson hjá Charlton.
Heiðar lék með liði Watford í rúm fimm
ár, en hann gekk til liðs við félagið frá
Lilleström í Noregi fyrir eina og hálfa
milljón punda. Heiðar var í miklum
metum hjá stuðningsmönnum Watford,
en miklar umræður fara þar fram um
hversu frábærlega Heiðar reyndist félag-
inu á ferli sínum hjá því. „Tím-
inn hjá Watford var virki-
lega ánægjulegur. Ég kom
til þeirra eftir að hafa
spilað í Noregi, og
hoppaði beint inn í leik
á heimavelli á móti
Liverpool og náði að
skora.“
Heiðar átti gott tíma-
bil á síðustu leiktíð
þó félaginu hafi ekki
gengið nægilega vel
í deildinni. Hann
náði að skora
tuttugu mörk í
deildinni og
var án efa
besti leikmað-
ur liðsins.
Heiðar telur að hann geti bætt sig með
því að leika í ensku úrvalsdeildinni. „Ég
get bætt mig sem knattspyrnumaður og
er viss um að gera það hjá Fulham, ef
ég verð að spila þar í byrjunarliði eins
og ég ætla mér að gera. Það verður
gaman að glíma við alla þá frábæru
varnarmenn sem eru í úrvalsdeildinni.“
Fulham þurfti að greiða rúmlega eina
milljón punda fyrir Heiðar, en nokkur
úrvalsdeildarfélög föluðust eftir að fá
hann til sín. „Ray Lewington, sem var
þjálfari hjá Watford, er kominn til starfa
hjá Fulham og það var óneitanlega
kostur að vera með mann þar sem
maður þekkir af góðu einu.“
DALVÍKINGURINN HEIÐAR HELGUSON: GENGINN TIL LIÐS VIÐ ÚRVALSDEILDARLIÐ FULHAM
Ætla a› standa mig í úrvalsdeildinni
LA
N
DS
BA
N
K
AD
EI
LD
IN
HVAÐ? HVENÆR? HVAR?
25 26 27 28 29 30 31
Þriðjudagur
MAÍ
■ ■ LEIKIR

19.00 Víkingur Ó. og KR mætast í
Ólafsvík í Landsbankadeild kvenna.

19.00 Stjarnan mætir ÍBV í
Garðabæ í Landsbankadeild kvenna.

20.00 FH mætir Breiðablik í
Kaplakrika í Landsbankadeild
kvenna.

20.00 KR mætir Val í Frostaskjóli í
Landsbankadeild kvenna.
■ ■ SJÓNVARP

17.05 Olíssport á Sýn.

18.20 Landsbankadeildin á Sýn.
Útsending frá leik Vals og KR.

20.00 Stjörnugolf 2005 á Sýn. Mót
sem var haldið fyrir skemmstu til
styrktar MND-félaginu þar sem
keppendur voru allir þjóðþekktir
einstaklingar.

21.00 Toyota-mótaröðin á Sýn.
Sýnt frá Ostamótinu sem fram fór
25.-26. júní.

22.00 Olíssport á Sýn.

23.15 US PGA Tour á Sýn.
KR-ingar voru kjöldregnir
Öflugt og skemmtilegt li› Vals vann stórsigur á lélegu KR-li›i í gær, 3-0. Valur
var betri allan leikinn og hef›i geta› sigra› stærra.
FÓTBOLTI Það var aðeins eitt lið á
vellinum í fyrri hálfleik – Valur.
Heimamenn mættu miklum mun
grimmari til leiks og höfðu greini-
lega lært sína lexíu í síðasta stór-
leik gegn FH. Þeir sóttu af mikl-
um mætti frá byrjun og Guð-
mundur Benediktsson skoraði eft-
ir rúma mínútu. Baldur Aðal-
steinsson sprengdi upp vörn KR-
inga og það hjálpaði lítið að eng-
inn skyldi sjá sér fært að dekka
Guðmund í teignum sem skoraði
auðveldlega.
Valsmenn höfðu alltaf frum-
kvæðið, voru grimmari í alla
bolta, létu boltann ganga vel á
milli sín á meðan varnar- og sókn-
arleikur KR var hvorki fugl né
fiskur. Matthías Guðmundsson
kom Val í 2-0 eftir að vörn KR
hafði hrunið eins og spilaborg
eins og oft í hálfleiknum.
Vesturbæingar pirruðust við
mótlætið og byrjuðu að brjóta illa
af sér og það var hneyksli að
Tryggva Bjarnasyni skyldi ekki
vera vikið af velli þegar hann
traðkaði á Matthíasi um miðjan
hálfleikinn. Bjarnólfur var líka á
gráu svæði þegar hann kastaði
Stefáni Helga frá sér skömmu
áður.
Valur hefur verið kaflaskipt lið
í sumar og því kom það nokkuð á
óvart er það pressaði KR í upphafi
síðari hálfleiks. Leiknum lauk síð-
an formlega á 52. mínútu þegar
Matthías skoraði þriðja mark Vals
eftir eðalsendingu Guðmundar.
Eftir það dó leikurinn. KR gafst
upp og Valur hafði það huggulegt
en einu færin sem sáust voru
þeirra og mátti KR þakka fyrir að
tapa ekki stærra.
Valur sýndi mikinn karakter í
þessum leik eftir tvö töp í röð.
Þeir voru þéttir út um allan völl,
grimmir og höfðu alllan tímann
meiri trú á sigri en KR. Guðmund-
ur sýndi snilldartilþrif, Matthías
kláraði færin og Baldur gladdi
augað er hann lék sér að hinum
unga Gunnar Kristjánssyni.
Um lið KR í þessum leik er eitt
orð – sorglegt. Varnarleikur liðs-
ins var hreinasta hörmung og ekki
var sóknarleikurinn skárri en KR
skapaði ekki eitt færi allan leikinn
og er eflaust ansi langt síðan það
gerðist. Það er eitthvað mikið að
hjá Vesturbæjarrisanum og þeir
verða að taka sig verulega saman
í andlitinu ef þeir vilja fá eitthvað
út úr sumrinu.
„Við vorum miklu sterkari all-
an leikinn og áttum ekki í neinum
vandræðum með KR í dag,“ sagði
Valsarinn Guðmundur Benedikts-
son sem fór oft illa með sína
gömlu félaga en honum fannst lít-
ið mál að spila gegn sínum gömlu
félögum.
Magnús Gylfason, þjálfari KR,
var brúnaþungur í leikslok. „Vals-
menn voru miklu betri í dag en
við vorum greinilega ekki tilbúnir
í verkefnið. Þetta var að mínu
mati fyrsti leikurinn í sumar þar
sem við vorum miklu verri aðil-
inn. Þess vegna endar þetta svona
illa.“
henry@frettabladid.is
3-0
Valsvöllur, áhorf: 950 Ólafur Ragnarsson (x)
TÖLFRÆÐIN
Skot (á mark) 8–6 (4–2)
Varin skot Kjartan 2 – Kristján 1
Horn 1–2
Aukaspyrnur fengnar 19–14
Rangstöður 6–3
1–0 Guðmundur Benediktsson (2.)
2–0 Matthías Guðmundsson (20.)
3–0 Matthías Guðmundsson (52.)
Valur KR
*MAÐUR LEIKSINS
KR 4–2–3–1
Kristján 5
Jökull 5
Gunnar E. 3
Tryggvi 3
Gunnar K. 3
Bjarnólfur 4
Sigurvin 6
Grétar 4
Bjarki 5
(37. Gestur 3)
Garðar 4
(75. Bjarni Þ. –)
Rógvi 4
VALUR 4–4–2
Kjartan 7
Steinþór 7
Atli Sveinn 7
Grétar 7
Bjarni 7
(81. Kristinn –)
Baldur 8
(72. Sigurður –)
Sigurbjörn 7
Stefán Helgi 7
Sigþór 5
*Guðmundur 8
(75. Garðar –)
Matthías 8
HOULLIER OG AULAS Ætla sér stóra hluti með Lyon á næstu leiktíð.
BJARNÓLFUR TÆPUR
Leikur Vals og KR í
gær var á köflum
hreinlega grófur.
FRÉTTABLAÐIÐ/HEIÐA