Fréttablaðið - 27.07.2005, Blaðsíða 21
3MIÐVIKUDAGUR 27. júlí 2005
Gott start á Bíldudals
grænum baunum
Tveir ungir athafnamenn hafa
opnað gistiheimili og veit-
ingastofu í gamla kaupfélags-
húsinu á Bíldudal. Það heitir
einfaldlega Kaupfélagið.
„Við byrjuðum með reksturinn á
bæjarhátíðinni okkar, Bíldudals
grænum baunum og fengum gott
start,“ segir Jón Hákon Ágústsson
vert sem stendur innan við af-
greiðsluborðið í Kaupfélaginu. Fé-
lagi hans, Björn Magnús Magnús-
son er hins vegar úti á sjó að draga
björg í bú og þá er átt við þjóðarbú-
ið. Reyndar segir Jón Hákon að til
standi að hafa fisk á matseðlinum í
Kaupfélaginu innan tíðar en eins og
er eru pizzur og fleiri smáréttir þar
í aðalhlutverki. Svo er kaffi og með-
læti á boðstólum og morgunverður
er á borðum fyrir næturgesti. En
hversu margir geta gist? „Hér er
pláss fyrir 27 manns í allt, 23 í upp-
ábúnum rúmum og fjóra í svefn-
pokapláss,“ svarar Jón Hákon og
bætir því við að næsta vetur verði
nokkrar endurbætur gerðar á
svefnálmunni.
Þegar nánar er grennslast um
uppruna vertsins kemur í ljós að
hann á rætur í plássinu og flutti
heim fyrir nokkrum árum. „Ég bjó í
Reykjavík og starfaði í Húsasmiðj-
unni í allmörg ár. Svo langaði mig
vestur aftur og hef ýmist verið á sjó
með Magnúsi eða verið verkstjóri í
frystihúsinu,“ segir hann brosandi.
Nú hefur hann heldur betur söðlað
um með kaupunum á Kaupfélaginu.
Með þeim pakka fylgdu kaffi-
brennslugræjur og Jón Hákon seg-
ir þá félaga hafa hug á að nýta sér
þær í náinni framtíð og bjóða uppá
sérstakt Kaupfélagskaffi. „Það er
verst að hvorugur okkar hefur get-
að vanið sig á að drekka kaffi enn-
þá. Það háir okkur svolítið!“ segir
hann hlæjandi að lokum. Þess má
geta að síminn í Kaupfélaginu er
4562100 og er undir nafninu Lokin-
hamrar í símaskránni en það er
heiti á fyrirtæki þeirra félaga.
gun@frettabladid.is
Flottur pallur er kominn við hliðina á Kaupfélaginu. Þar er fínt að drekka kaffið sitt.
Herbergin eru heimilisleg.
Jón Hákon kann vel við sig í afgreiðslunni.
Óbyggðirnar heilla og margir veiðimenn nota tæki-
færið þessa frábæru blíðviðrisdaga til að ganga á vit
móður náttúru. Það minnir örlítið á veiðiferð á Horn-
strandir að fara í Héðinsfjörð að veiða. Fólk fer þang-
að gangandi á 2-3 tímum – eða það siglir frá Ólafs-
firði á hálftíma. Við á flugur.is heyrðum í einum sem
var í Héðinsfirði um síðustu helgi. Hann fór með báti
og hafði með sér „jullu“. Julla er lítill gúmmbátur
sem menn draga yfir eiðið og sigla síðan á upp allt
vatnið að ánni sem fellur í það við botn fjarðarins. Ég
held að við höfum kannski verið aðeins of snemma á
ferðinni. Mér kæmi ekki á óvart þótt það yrði bull-
andi veiði þarna um mánaðamótin. Við tveir fengum
„bara“ 25 bleikjur á einum degi. Þetta var ekta sjó-
bleikja. 1-2 pund.
Á sama tíma var fjölmennt í Veiðivötnum en þar var
slík rjómablíða að varla getur orðið betra – til nátt-
úruskoðunar, en veiði lét á sér standa í 25 stiga hita,
logni lengstum dags og með skafheiðan himin undir
júlísól. Samkeppnin um hylli urriða var mikil því
veiðimenn sem köstuðu straumflugum máttu horfa
upp á hvílíka hornsílamergð sem sveimaði með
ströndum og má rétt ímynda sér hve auðvelt lífið var
fyrir urriða þessa daga að háma í sig feit sílin. Sum
voru með ólíkindum stór! Ég náði sjálfur aðeins ein-
um vænum urriða, 4 punda, en nokkuð var um
smærra. Veiðin í vötnunum hefur verið góð í sumar,
komnir langt í ellefu þúsund fiskar á land og margir
vænir í bland.
Betri var veiðin hjá einum á urriðasvæðinu í Mývatns-
sveit: „Hofstaðaey var langbest. Við fengum 21 fisk
þar á einni vakt og þeir voru allir af stærri gerðinni,“
sagði kunningi okkar. „Já, þetta var svona 3-4 pund
en sá stærsti var 58 sm og ég tímdi ómögulega að
drepa hann. Hann var svo fallegur að ég gat ekki
annað en glaðst þegar hann synti úr lófa mínum aft-
ur út í hylinn.“
Þessi pistill kemur úr Breiðdalnum þar sem menn
VEIÐISUMARIÐ með Stefáni Jóni Hafstein
VEIÐIFRÉTTIR Í SAMSTARFI VIÐ FLUGUR.IS
Samkeppnin er hörð! ræða hvort eld-
islaxinn sé far-
inn að gera sig
heimankominn
í ánni. Þröstur
Elliðason segist
hafa séð þá
eldislaxalega
og eru skrokk-
arnir komnir í
rannsókn. Eng-
an skyldi
undra: Fiskar
hafa veiðst
áður í Breið-
dalsá frá eld-
inu. Þar er nú
veiði mun betri
en á sama tíma
í fyrra en fiskur dreifir sér ekki mikið enn, heldur sig á neðri
svæðum. Hér lenti einn náungi í að setja í „draumafisk“ sem
sýndi sínar bestu hliðar, og heldur svakalegar þegar hann sneri
sér með Undertaker í kjaftinum, risafiskur sem reif út línuna og
mikil spenna í loftinu. Allt gekk eins og í sögu þar til fiskurinn
stóri tók feiknaroku, dró út megnið af línunni og hjólið söng og
hvein, þegar allt í einu kom lykkja á línuna inni á hjólinu, allt
stóð fast og fiskurinn þeyttist burt með fluguna! Sem minnir á
heilræði vikunnar: Ef ekki hefur verið tekið út af hjólinu lengi
borgar sig að draga alla flugulínuna út og kanna hvort hnútur-
inn sem tengir við undirlínu heldur. Þeir vilja gefa sig! Og alltaf
skyldi maður treysta tauminn í upphafi veiðivaktar. Það er ótrú-
legt hve girnið virðist gefa eftir við notkun, særist eða brennur,
og sárt að missa fisk vegna þess að maður vanrækir svo ein-
faldan hlut eins og að treysta tauminn eða skipta. Ef menn
ætla með börn að veiða um helgina legg ég til að hjólið og
girnið sé skoðað áður en lagt er af stað, og best er að fara bara
í góða veiðibúð og fá nýtt girni, krullubingur er það versta sem
ungir veiðimenn fá í hönd þegar eftirvænting er mikil.
Veiðikveðja, Stefán Jón.
Fleiri veiðifréttir daglega og heilræði við veiðar á
www.flugur.is; Flugufréttir koma alla föstudaga í
tölvupósti til áskrifenda á flugur.is með ítarlega
umfjöllun um allt sem varðar veiðiskap í sumar.
SMIRNOFF TWISTED:
Helmingi sykurminni
Víngos í ferðalagið. Hægt að velja um þrjár bragðtegundir.
Smirnoff hefur nú sett á markað nýja viðbót við Smirnoff víngosfjöl-
skylduna sem er Smirnoff Twisted og er létt kolsýrt og kristaltært vín-
gos með mjúku ávaxtabragði. Smirnoff Twisted fæst í þremur bragð-
tegundum. Tropical sem er ferskt og léttkolsýrt með mangó-og
passionbragði. Apple sem er
ferskt og með eplabragði.
Berry sem er ferskt og
mjúkt með berjabragði.
Smirnoff Twisted hefur
fengið afar góðar viðtökur
bæði í Bandaríkjunum sem
og í Evrópu og þykir henta
vel lífstíl yngra fólks þar
sem drykkurinn er helmingi
sykurminni en sambærileg-
ir drykkir og hentar jafnt
körlum sem konum.
Smirnoff Twisted er léttur
og bragðgóður drykkur sem
hentar við öll tækifæri og er
góð tilbreyting frá bjór og
sykurmeiri víngosum sem
eru á markaðnum hér á Ís-
landi. Smirnoff Twisted
fæst á öllum helstu börum
og skemmtistöðum í
Reykjavík. Enn sem komið
er er Smirnoff Twisted að-
eins fáanlegt í vínbúðunum
Heiðrúnu og Kringlunni.
Verð í Vínbúðum 299 kr.
Hornsílin í Veiðivötnum veita flugum veiðimanna
harða samkeppni, þau eru ríkulegt fæðuframboð
fyrir urriða sem láta sig þá flugurnar litlu varða.