Fréttablaðið - 27.07.2005, Page 42
MIÐVIKUDAGUR 27. JÚLÍ 2005 MARKAÐURINN16
F Y R I R T Æ K I
F Ó L K Á F E R L I
Gunnar Jónasson, kaupmaður í
Kjötborg, segir besta ráðið kom-
ið úr Biblíunni en þar stendur
einhvers staðar að allt sem þér
viljið að aðrir menn gjöri yður
skulið þér og þeim gjöra: „Boð-
skapurinn er sá að bera jafna
virðingu fyrir öllum hvort sem
þeir eru háir eða lágir.“
Hann bætir við að þetta hafi
reynst sér vel í áratuga verslun-
arrekstri: „Við höfum verið lengi
í þessum bissness og lifað af í
gegnum súrt og sætt. Ég held að
lykillinn að því sé gagnkvæm
virðing milli okkar og kúnnans.“
Ráðið hefur Gunnar frá for-
eldrum sínum sem lögðu alla tíð
mikla áherslu á umburðarlyndi.
Gunnar segist þó ekki vera sér-
staklega trúaður: „Ég er svona
jólatrúaður eins og flestir Íslend-
ingar. Maður getur alltaf notað
Biblíuna og aðrar bækur sér til
hagsbóta ef maður vill nýta það
sem í þeim er.“ - jsk
B E S T A R Á Ð I Ð
Flestir áhugamenn um knattspyrnu muna ef-
laust eftir Andra Sigþórssyni. Andri var á
sínum yngri árum ein allra bjartasta von Ís-
lendinga í sparkinu, hann hóf ferilinn hjá KR
og spilaði víða erlendis; með þýska stórliðinu
Bayern Munchen, í Austurríki með Salzburg
og loks með norska liðinu Molde. Andri á þess
utan að baki fjölda landsleikja með öllum
landsliðum Íslands.
Meiðsli settu hins vegar ávallt strik í
reikninginn og svo fór að lokum að hann
neyddist til að leggja skóna á hilluna. Andri
býr enn í Molde en kemur hvergi nálægt bolt-
anum, heldur rekur hann sex bakarí á vestur-
strönd Noregs.
BAKARAMEISTARINN FYRIRMYNDIN
Andri á ekki langt að sækja bakaragenin, fað-
ir hans er Sigþór Sigurjónsson sem lengi hef-
ur rekið Bakarameistarann, þeir feðgar
reyna hins vegar að halda sig sem allra
fjærst brauðinu, enda báðir með ofnæmi fyr-
ir hveiti: „Ég var svolítið langt niðri eftir að
ég þurfti að hætta í fótboltanum. Ég vildi
gefa boltanum algert frí og þá lá beinast við
að fara í brauðin, enda er maður nánast fædd-
ur í hveitiskúffunni. Þar er kannski komin
skýringin á hveitiofnæminu.“
Fjárfestingafélag sem er að 65 prósent
hluta í eigu Andra, Angvik Island, á 60 pró-
sent í Brauði og Bollum, þá eiga tvö rótgróin
norsk bakarí; Molde kaker og Tor Sevaldsen
konditori, tuttugu prósent hvort.
Andri er titlaður forstjóri fyrirtækisins:
„Norðmennirnir koma með þekkingu á
norska markaðnum í reksturinn. Þeir þekkja
þetta út og inn, Molde Kaker hefur til að
mynda verið í eigu sömu fjölskyldunnar í
hundrað ár.“
Andri fer ekkert í felur með það að fyrir-
myndin er sótt til pabba gamla í Bakara-
meistaranum: „Þegar ég var að fá félagana
með mér í reksturinn bauð ég þeim til Ís-
lands, sýndi þeim bakaríið hjá pabba og sagði
þeim hvað ég væri að hugsa. Þeir þurftu ekki
langan tíma til umhugsunar.“
„GERI ÞETTA BARA SJÁLFUR“
Andri á norska sambýliskonu og hefur komið
sér vel fyrir í Molde. Hann segir Norðmenn
hins vegar svolítið á eftir í mörgu. Áður en
Brauð og bollur hafi komið til sögunnar hafi í
rauninni sama bakkelsið verið á boðstólum
sama hvar komið var niður á vesturströnd-
inni.
Hann man nákvæmlega eftir því augna-
bliki þegar hugmyndin að fyrirtækinu fædd-
ist: „Ég var nýhættur í fótboltanum og sat
inni á kaffihúsi, maturinn var ekkert sérstak-
ur frekar en venjulega. Þá rann upp fyrir
mér að ég hafði ekki fengið ætan bita á kaffi-
húsi þessi þrjú ár sem ég hafði dvalið í Nor-
egi. Þá ákvað ég að best væri að gera þetta
bara sjálfur.“
Bakaríin hafa hlotið góðar
viðtökur: „Þetta hefur
reynst feikivinsælt og
við höfum tröllatrú á
því sem við erum að
gera. Fólk hringir í
mig nokkrum sinn-
um í viku og vill fá að
setja upp Brauða og
bollu bakarí í sínum heima-
bæjum. Maður hefur þurft að
neita því hingað til enda er mikilvægt að fara
ekki fram úr sjálfum sér. Nægur hefur vöxt-
urinn þó verið, sex bakarí á einu og hálfu
ári.“
SAMA SIGURTILFINNINGIN
Hjá Brauði og bollum starfa nú fimmtíu
manns. Hagnaður fyrstu búðarinnar sem sett
var upp í Molde, jókst um hundrað
prósent síðasta hálfa árið.
Áætlað er að velta fyrir-
tækisins verði á næsta
ári 350 til 400 milljónir
króna.
„Við stefnum að því
að búa til bakarískeðju
á landsvísu. Fyrst þurfum
við að koma okkur vel fyrir á
vesturströndinni, ná kannski tíu
bakaríum. En síðan eftir tvö til þrjú ár ætlum
við okkur lengra með þetta. Það er þó vita-
skuld mikilvægt að fara ekki of geyst.“
Andri segist raunar hafa skellt sér út í
djúpu laugina þegar farið var af stað með
reksturinn, enda ekki menntaður bakari: „Ég
skellti mér út í þetta án þess að hafa til þess
bakgrunn enda ætlunin að vera enn þá að spila
fótbolta. Reksturinn er raunar ekki svo ólíkur
boltanum, maður er að berjast daginn út og
inn. Svo þegar maður fær gott uppgjör í hend-
urnar er það sama sigurtilfinningin. Ekki ólíkt
því að vinna Íslandsmót“.
Andri er mikið að keyra á milli útibúa og
sjá til þess að allt gangi eins og smurt. Hann
segir það ekki sinn stjórnunarstíl að læsa sig
inni á skrifstofu og grúska í tölfræði: „Ég er
með fagfólk í því. Þetta er hins vegar mikil
vinna, það þarf að vakna snemma og fara seint
að sofa. Ég er heppinn að eiga góða og skiln-
ingsríka fjölskyldu.“
Brauð og bollur
Forstjóri: Andri Sigþórsson
Útíbú: Sex
Starfsmenn: Fimmtíu
Áætluð velta næsta árs: 350 til 400 milljónir króna
Eignarhald: Angvik Island 60%, Molde Kaker 20%
og Tor Sevaldsen konditori 20%
Bakarinn með hveitiofnæmið
Andri Sigþórsson rekur bakaríkeðjuna Brauð og bollur sem starfar á vestur-
strönd Noregs. Hann tjáði Jóni Skaftasyni að fyrirtækið hafi fengið fljúgandi
start; á einu og hálfu ári hafi sex útibú verið sett á laggirnar og að stefnan sé
sett á fleiri áður en langt um líður.
DR. DANIEL L. HARTMAN mun gegna
stöðu framkvæmdastjóra vöruþróunar
hjá Íslenskri
erfðagreiningu og
stýra prófunum
fyrirtækisins á nýj-
um lyfjum við al-
gengum sjúkdóm-
um. Dr. Hartman
er 43 ára og hefur
undanfarin ár stýrt
alþjóðlegum
klínískum rannsóknum Pfizer á ofnæmi
og öndunarfærasjúkdómum. Áður starf-
aði hann í tvö ár við klínískar lyfjarann-
sóknir á lyfjum gegn hjarta- og æða-
sjúkdómum og efnaskiptasjúkdómum
hjá Pfizer. Árin 2000 til 2002 var hann
framkvæmdastjóri alþjóðlegra klínískra
rannsókna hjá Esperion Therapeutics
og þar áður gegndi hann stöðum hjá
Pfizer og Eli Lilly. Hann lauk læknis-
fræðinámi frá Wayne State University
og starfaði um tíma sem læknir og vís-
indamaður við Indiana University
School.
HÖRÐUR HARÐARSON hefur verið ráðinn
framkvæmdastjóri markaðssviðs Öl-
gerðarinnar Egill
Skallagrímsson
ehf. Hörður hefur
starfað hjá Ölgerð-
inni frá 2003 en þá
var hann ráðinn í
sjálfstæð vöruþró-
unarverkefni. Í
framhaldi tók
Hörður við starfi
aðstoðarmanns forstjóra. Samhliða
ráðningu Harðar sem framkvæmda-
stjóra markaðssviðs flyst öll vöruþróun
yfir á markaðssvið en framkvæmdastjóri
þess ber ábyrgð á mörgum af stærstu
vörumerkjum landsins á drykkjar- og
snakkmarkaði. Hörður lauk BS-gráðu í
markaðsfræðum frá Tækniháskóla Ís-
lands árið 2000 og masters-gráðu í al-
þjóðamarkaðsfræði frá Strathclyde-há-
skóla í Glasgow árið 2002. Á árunum
1999-2002 starfaði hann á markaðssviði
Norðurljósa, nú 365 ljósvakamiðla, og
sá meðal annars um markaðsmál fyrir
sjónvarpsstöðina Sýn, verkefnisstjórn
HM2002-verkefnis Norðurljósa og hafði
umsjón með M12-tryggðakerfinu. Hörð-
ur hefur verið stundakennari við Tækni-
háskóla Íslands.
ANDRI SIGÞÓRSSON FORSTJÓRI BRAUÐS OG BOLLA Andri segist hafa verið búinn að búa í Noregi í þrjú ár án þess
að fá ætan bita á kaffihúsi þegar hugmyndin að fyrirtækinu hafi fæðst: „Ég ákvað að best væri að gera þetta bara sjálfur“.
Allt sem þér viljið að að aðrir menn
gjöri yður skulið þér og þeim gjöra
Fr
ét
ta
bl
að
ið
/V
al
ga
rð
ur
GUNNAR JÓNAS-
SON KAUPMAÐUR
Í KJÖTBORG Gunn-
ar segir gagnkvæma
virðingu mikilvæga í
samskiptum manna.
Það eigi að bera
jafna virðingu fyrir
öllum óháð stöðu í
samfélaginu.
Dömuúr 18kt gull og
eðalstál, sett alls
59 demöntum 26pt. VVS.
Perluskel í úraskífu sett
12 demöntum.