Fréttablaðið - 27.07.2005, Blaðsíða 34
MIÐVIKUDAGUR 27. JÚLÍ 2005 MARKAÐURINN8
F R É T T A S K Ý R I N G
Vöxtur evrópsku lággjaldaflugfélaganna hef-
ur verið ævintýralegur á síðustu árum en fátt
bendir til annars en að þau taki enn stærri
hluta af kökunni á næstu árum. Norræna
lággjaldaflugfélagið Sterling hefur boðað
áframhaldandi vöxt á næstu árum og ætlar að
stækka með uppkaupum á öðrum flugfélög-
um og frekara framboði á þeim leiðum sem
félagið sinnir.
Almar Örn Hilmarsson, forstjóri Sterling-
samsteypunnar, segir að mikið rými sé til
vaxtar á heimamarkaði sem er fyrst og
fremst í Noregi og Svíþjóð. „Við erum að
skoða það gaumgæfilega að fara með starf-
semina inn í Finnland. Finnski markaðurinn
er mjög spennandi,“ segir Almar Örn. Þá
væri Sterling komið með starfsemi í öllum
norrænu löndunum, að Færeyjum og Græn-
landi undanskildum.
60 MILLJARÐA VELTA
Til upprifjunar þá keypti eignarhaldsfélagið
Fons, sem er í eigu Pálma Haraldssonar og
Jóhannesar Kristinssonar, Sterling í mars
síðastliðnum fyrir fimm milljarða króna. Al-
mar Örn, þá forstjóri Iceland Express, var
ráðinn forstjóri Sterlings í maí. Hinn 30. júní
bætti Fons danska flugfélaginu Maersk Air,
sem hafði verið hálfgert vandræðabarn innan
Mærsk-samstæðunnar, inn í reksturinn. Talið
er að A.P. Møller – Mærsk hafi borgað Fons
yfir þrjá milljarða króna til að losna við
danska flugfélagið út úr rekstrinum.
Sameinað félag veltir um 60 milljörðum á
ári, starfsmannafjöldinn verður yfir tvö þús-
und manns og fjöldi farþega yfir fimm millj-
ónir farþega á ári. Það flýgur til yfir 89
áfangastaða í Evrópu frá Billund, Kaup-
mannahöfn, Osló og Stokkhólmi auk Kefla-
víkur þegar Iceland Express er tekið með í
reikninginn. Höfuðstöðvar félagsins eru í
Kaupmannahöfn.
Möguleikar Sterling til vaxtar eru miklir.
Félagið er fjórða stærsta lággjaldaflugfélag
Evrópu og hefur um þrjátíu vélar í rekstri.
Til samanburðar er Air Berlin, þriðja stærsta
félagið, með 90 vélar. En Sterling á enn langt
í land með að ná easyJet og Ryanair.
RISARNIR VAXA HRATT
Stóru félögin á Bretlandseyjum, Ryanair og
easyJet, hafa vaxið gríðarlega á undanförn-
um árum. Bloomberg-fréttaveitan greindi frá
því nýverið að fjöldi farþega hjá flugfélögun-
um tveimur hefði aukist mun meira á fyrstu
sex mánuðunum ársins en hjá stóru flugfé-
lögunum, Lufthansa og British
Airways. Hjá Ryanair jókst
farþegafjöldinn um 34 pró-
sent, um 22 prósent hjá ea-
syJet en farþegafjöldi Luft-
hansa og British Airways stóð
nánast stað í stað.
Ryanair er bæði elsta og
stærsta lággjaldaflugfélagið í
Evrópu; stofnað árið 1985. Fé-
lagið hefur gríðarlega sterka
stöðu á sínu sviði og stjórn-
endur þess hafa sýnt og sann-
að að þeir reka félagið betur
en keppinautarnir. Hagnaður-
inn er sá mesti, framlegðin sú
besta og kostnaðarhlutfallið það lægsta. Mik-
ill undirliggjandi vöxtur hefur verið í starf-
seminni og er öllu meiri en hjá easyJet. Fé-
lagið áætlar að farþegar í ár verði 35 milljón-
ir talsins en verði orðnir 70 milljónir árið
2012. Ryanir flýgur til 107 evrópskra flug-
valla.
EasyJet, sem var stofnað árið 1995, flutti
um sex milljónir farþega árið 2000. Á síðasta
ári var fjöldinn kominn í tæplega 25 milljón-
ir farþega. Það er fjórföldun á fimm árum!
EasyJet notar nú 114 vélar til flugs á 65
áfangastaði í Evrópu. Á næstu tveimur árum
gera stjórnendur félagsins ráð fyrir að fjöldi
flugvéla verði kominn í 164 talsins.
ORÐAÐ VIÐ YFIRTÖKU Á NORWEGIAN
Almar Örn segir að stjórnendur félagsins
telji sig geta farið með Sterling hvert sem er
sökum þess hversu sterkt merki er um að
ræða. Engar ákvarðanir hafi verið teknar
um sókn inn á önnur svæði í Evrópu en hann
segir að sameining Sterling og Maersk Air
sé stór og tímafrek og vanda þurfi til verka.
Hann telur að innan tíu ára verði fjórir til
fimm stórir aðilar á sviði lággjaldaflugfé-
laga og Sterling ætli sér að verða eitt þeirra.
Stjórnendur Sterling eru sannfærðir um
að lággjaldaflugfélögin haldi áfram að vaxa
hratt á kostnað hefðbundinna flugfélaga,
rútna og bílaleigubíla. Ferðalög á milli
áfangastaða hafi lækkað mikið og fólk ferð-
ist fyrir vikið oftar. Staðan sé jafnvel sú að
það geti verið ódýrara fyrir fjölskylduna að
stökkva frá Kaupmannahöfn til Stokkhólms í
stað þess að eyða deginum í Tívolíinu.
Norska dagblaðið Aftenposten veltir því
fyrir sér hvort norska lággjalda-
flugfélagið Norwegian verði
yfirtekið af Sterling en Almar
Örn segir að það sé ekki hans
að svara um hvort eigendur fé-
lagsins hafi yfirtöku í hyggju.
Norwegian er það félag sem
hafi hækkað hvað mest í
norsku kauphöllinni á árinu –
yfir eitt hundrað prósent. Fé-
lögin séu í samstarfi á
nokkrum leiðum og selji sam-
eiginlega á flugleiðinni Osló-
Kaupmannahöfn. Norwegian
hefur síðan verið að selja sæti
í vélar Sterling á fluginu til
Spánar.
„Þetta samstarf hefur gengið ágætlega
hingað til þótt engin langtímareynsla sé
komin á,“ bætir Almar við.
INN Í VIÐSKIPTAFERÐALÖGIN
Fyrir skömmu var tilkynnt um að Sterling
hefði samið við norska ferðaskrifstofurisann
Via Travel Group. Þetta er tímamótasamning-
ur í Skandinavíu því lággjaldaflugfélag hefur
ekki áður selt sæti í gegnum sölustarf ferða-
skrifstofu.
„Samband okkar byggist á veflausnum en
ekki gamalgrónum dreifingarleiðum sem
gerir það að verkum að allur viðskiptakostn-
aður verður í lágmarki. Þarna hefur verið
búin til lausn sem gerir aðgang þeirra að okk-
ar kerfi ódýrara. Fyrir okkur er þetta ákveð-
ið skref því lággjaldaflugfélög hafa ekki átt
eins greiðan aðgang að viðskiptafarþegum og
hefðbundin flugfélög. Nú fáum við aðgang að
viðskiptamarkaðnum í Noregi í gegnum Via.“
Fyrir Sterling er mikið keppikefli að fjölga
farþegum sem ferðast í viðskiptaerindum því
fyrirtæki eru alltaf að leita leiða til að
minnka kostnað vegna ferðalaga starfsmanna
og horfa mikið til lággjaldaflugfélaganna.
Almar segir að markmið Sterling sé að ná
300 þúsund farþegum í gegnum samstarfið á
fyrsta ári. „Fyrir mér er það ekki aðalatriði
hvort við endum í 250 þúsund. Aðalmálið er
að Sterling er komið á hillu sem það hefur
ekki verið á áður.“
Ætla sér til Finnlands
Almar Örn Hilmarsson, forstjóri lággjaldaflugfélagsins Sterling, telur mikið rými til vaxtar á heima-
markaði en félagið hefur mörg járn í eldinum þessa stundina. Hann býst við mikilli samþjöppun á
næstu árum í samtali við Eggert Þór Aðalsteinsson.
STERLING-FLUGFÉLAGIÐ Sterling-sam-
stæðan hefur yfir 30 vélar í rekstri og flýgur
til 89 áfangastaða. Velta félagsins verður yfir
60 milljarðar á þessu ári. Sterling er fjórða
stærsta lággjaldaflugfélag Evrópu og það
stærsta á Norðurlöndunum.
Stærstu
lággjaldaflugfélög
Evrópu
Fjöldi véla
u.þ.b.
1. Ryanair 146
2. easyJet 114
3. Air Berlin 90
4. Sterling / Maersk Air 32
▲
ALMAR ÖRN HILMARSSON
Tók við forstjórastarfi Sterling-
samstæðunnar í maí. Síðan hef-
ur félagið keypt Maersk Air, ætlar
sér mikinn vöxt í Skandinavíu og
horfir til Finnlands.
▲