Fréttablaðið - 12.08.2005, Blaðsíða 8

12. ágúst 2005 FÖSTUDAGUR
Tillaga sjálfstæðismanna í borgarráði vegna leiðakerfis Strætó:
Viljum taka strax á vandanum
SAMGÖNGUR „Við viljum taka á
þeim mikla vanda sem skapast
hefur með nýju leiðakerfi Strætó
bs. strax,“ segir Kjartan Magnús-
son borgarfulltrúi Sjálfstæðis-
flokksins. Hann óttast að glund-
roði skapist þegar skólarnir hefj-
ast 22. ágúst.
Fulltrúar Sjálfstæðisflokks
lögðu fram tillögu um nýja leiða-
kerfið í borgarráði í gær. Þar
kemur fram áskorun um að þegar
fari fram ítarleg úttekt á kerfinu.
Markmið hennar sé að athuga
hvort það sé „á vetur setjandi“ í
ljósi þeirrar þjónustuskerðingar
sem fjölmargir strætisvagnafar-
þegar hafði orðið fyrir með gildis-
töku þess. Meta þurfi hvort gamla
kerfið verði tekið upp umsvifa-
laust, meðan unnið verði að end-
urbótum á því nýja með markviss-
um vinnubrögðum og í raunveru-
legu samráði við notendur.
Markmið tillögunnar sé að
halda í viðskiptavini Strætó bs. og
lágmarka skaðann sem almenn-
ingssamgöngur í Reykjavík hafi
orðið fyrir.
Tillagan var felld með fjórum
atkvæðum R-lista gegn 3 atkvæð-
um sjálfstæðismanna. - jss
Upplýsingaskipti í skattamálum:
Semja á vi› skattaparadísir
EFNAHAGSMÁL Fjármálaráðuneytið
hefur ákveðið að hefja samninga-
viðræður nokkrar „skattaparadís-
ir“ um gagnkvæm upplýsinga-
skipti. Hefja á viðræður við þrjár
þeirra á næstu misserum en
frumkvæðið að viðræðunum er
frá þeim komið.
„Samningarnir snúa fyrst og
fremst að upplýsingum um tekjur
og eignir sem fara í gegnum fjár-
málastofnanir á þessum svæðum
og íslensk skattayfirvöld telja að
geti verið skattskyld hér á landi,“
segir Jóna Björk Guðnadóttir, lög-
fræðingur hjá Fjármálaráðuneyt-
inu. Hún segir flestar skatta-
paradísir hafa skuldbundið sig
gagnvart OECD til þess að auka
gagnsæi skattkerfa sinna og
helmingur OECD-ríkja hafi
byrjað samningaviðræður af
þessu tagi. Bandaríkin hafa nú
þegar samið við þrettán paradísir.
Samningsfyrirmynd OECD
verður lögð til grundvallar í við-
ræðunum, en auk upplýsinga-
skiptanna eru einnig ákvæði í því
sem tryggja eiga að stjórnvöld
fari með upplýsingar sem trúnað-
arupplýsingar og einnig er heim-
ilt í ákveðnum tilvikum að neita
samningsríki um upplýsingar sem
geta skaðað viðskiptahagsmuni
skattgreiðanda. - grs
Færeyingar vilja
a›ild a› EFTA
Færeyingar vilja fá a›ild a› Nor›urlandará›i og EFTA. Forma›ur Vinstri
grænna sty›ur a›ild Færeyinga a› Nor›urlandará›i en utanríkisrá›uneyti›
segir a› Færeyingar ver›i a› sk‡ra fljó›réttarlega stö›u sína fyrst.
STJÓRNMÁL Færeyingar vilja sækja
um að aðild að Norðurlandaráði
og EFTA en Færeyingar lúta enn
yfirráðum Dana og hafa aðeins
sjálfsstjórn og utanríkismál
landsins eru í höndum Dana.
Lögmaður Færeyinga Jóannes
Eidesgaard sagði í hinni svoköll-
uðu lögmannsræðu á ÓIafsvöku í
Færeyjum undir lok síðasta mán-
aðar að Færeyingar vildu taka þátt
í alþjóðlegu samstarfi og aðild að
EFTA myndi hugnast þjóð sinni
vel. Þá hefur aðild Færeyinga bor-
ið á góma í Norðurlandaráði síð-
ustu tvö árin en að undanförnu
þykja Færeyingar hafa lagt sífellt
meiri áherslu á aðildarumsókn
sína að ráðinu.
Gunnar Snorri Gunnarsson,
ráðuneytisstjóri í utanríkisráðu-
neytinu, segir að Íslendingar hafi
veitt Færeyingum ráðgjöf og ann-
að sem þeir hafi sóst eftir og hvatt
þá til að styrkja tengslanet sín við
bæði EFTA og Norðurlandaráð en
erfitt sé að styðja aðildarumsókn-
ir þeirra að svo stöddu.
„Þeir verða að hafa sína þjóð-
réttarlega stöðu á hreinu og gera
þá stöðu upp við Dani. Við viljum
gjarnan styðja þá en getum það
ekki meðan svo er en hversu víð-
tækt umboð þeir hafa er atriði
sem er þjóðréttarlegt og eitthvað
sem við viljum að þeir eigi við
Dani,“ segir Gunnar.
„Ég hef stutt með kjafti og
klóm undanfarin ár að Færeying-
ar fái aðild að Norðurlandaráði,“
segir Steingrímur J. Sigfússon,
formaður Vinstri grænna og full-
trúi í Íslandsdeild Norðurlanda-
ráðs. Hann segir að tvær leiðir
séu mögulegar fyrir Færeyinga
til þess að öðlast aðild að ráðinu
og önnur sé að dönsku stjórnar-
skránni verði breytt. „Sú leið er
auðvitað svolítið fjarsótt en sú
leið sem er líklegri er að Helsinki-
sáttmála Norðurlandaráðs verði
breytt en til þess þarf samþykki
allra þjóða,“ segir Steingrímur.
hjalmar@frettabladid.is
BÖNDUM KOMIÐ Á SKATTAPARADÍSIR
Vegna skuldbindinga gagnvart OECD
hafa skattaparadísir haft frumkvæði að
viðræðum við íslensk stjórnvöld.
ÞJÓNUSTUSKERÐING Fjölmenn íbúahverfi
verða fyrir mikilli þjónustuskerðingu með
gildistöku nýs leiðakerfis, segja borgarfull-
trúar Sjálfstæðisflokksins í bókun sinni.
GUNNAR SNORRI
GUNNARSSON Segir
erfitt að styðja Fær-
eyinga fyrr en þeir
hafa þjóðréttarlega
stöðu sína á tæru.
STEINGRÍMUR J.
SIGFÚSSON Styður
aðild Færeyinga að
Norðurlandaráði en
segir að breyta þurfi
sáttmála Norður-
landaráðs.
FRÁ FÆREYJUM Færeyingar vilja bæði ganga í Norðurlandaráð og EFTA.