Fréttablaðið - 12.08.2005, Blaðsíða 12

SVÍNIN BÓLUSETT Svínasótt hefur geisað í
Kína að undanförnu og hafa 39 manns dáið
í Sichuan-héraði af hennar völdum. Þetta
glaðhlakkalega svín virtist ekki hafa mikið á
móti því að fá bóluefni gegn veikinni.
12 12. ágúst 2005 FÖSTUDAGUR
Hive tengir eigin viðskiptavini við Símann vegna Enska boltans:
Borga fyrir netnotkun vi›skiptavina
NEYTENDUR Netfyrirtækið Hive,
sem er með sitt eigið ADSL-dreifi-
kerfi, hefur brugðið á það ráð að
tengja viðskiptavini sína við
dreifikerfi Símans, frekar en að
missa þá yfir til Símans ætli þeir
sér að gerast áskrifendur að
Enska boltanum. „Við höfum trú á
því að fyrr eða síðar verði Síminn
að láta þetta af hendi,“ segir Arn-
þór Halldórsson, framkvæmda-
stjóri Hive.
Hive borgar síðan Símanum
fyrir netnotkun viðkomandi en
innheimtir af viðskiptavininum
líkt og hann sé í viðskiptum við
Hive.
Þeir sem gerast áskrifendur að
Enska boltanum gegnum ADSL
skuldbinda sig til þess að vera
með það hjá Símanum næstu tólf
mánuði.
Arnþór segir enga tæknilega
annmarka á því að menn gerist
áskrifendur að Enska boltanum
og fleiri sjónvarpsstöðum gegn-
um ADSL-kerfi Hive. „Við getum
boðið upp á mun meiri band-
breidd, átta eða tólf megabæt
meðan Síminn býður aðeins upp á
eitt til tvö megabæt.“
Og Vodafone býður viðskipta-
vinum sínum upp á svipaða þjón-
ustu. - grs
Þjónusta danska sendiráðsins við Íslandsfara:
Íslandsförum ekki sí›ur sinnt
FERÐALÖG „Við höfum ekki orðið
vör við það að danska sendiráðið
almennt sinni Íslandsförum síður
en öðrum,“ segir Ásgeir Péturs-
son skrifstofustjóri almennrar
skrifstofu utanríkisráðuneytisins.
Hann undrast svör danska
sendiráðsins í Moskvu, sem fram
komu í Fréttablaðinu í gær, að
lengri tíma taki fyrir Íslandsfara
en til dæmis Danmerkurfara að fá
vegabréfsáritun.
Að sögn Péturs felst mikil hag-
ræðing í því fyrirkomulagi að
danska sendiráðið afgreiði vega-
bréfsáritanir til Íslands þar sem
Danir búi yfir betra upplýsinga-
og gagnakerfi.
Konstantín Shcherbek, rúss-
neskur læknir búsettur hér á
landi, segir hins vegar að varla sé
hægt að fá vegabréfsáritanir hjá
danska sendiráðinu í Moskvu og
hafi ættingjar hans fengið að
finna fyrir því. „Ég var vanur að
lofsama Ísland og hvetja vini og
ættingja til þess að koma hingað í
heimsókn en ég er nú hættur þeim
bjarnargreiða þar sem þeir lenda
aðeins í vandræðum hjá danska
sendiráðinu,“ segir hann.
Aðalheiður Árnadóttir, leyfa-
fulltrúi hjá Útlendingastofnun,
segir að samskipti stofnunarinnar
við danska sendiráðið í Moskvu
hafi verið góð en hins vegar sé þar
mikill erill sem hugsanlega geti or-
sakað þennan seinagang. -jse
Rannsókn WWF sýnir hækkun á meðalhita stórborga:
Hiti gæti or›i› óbærilegur
VEÐURFAR Sumarhitastig í stór-
borgum Evrópu hefur hækkað um
allt að tvær gráður á síðustu
þremur áratugum og eykst með
því hættan á þurrkum, úrhelli og
flóðum.
Þetta kemur fram í niðurstöð-
um rannsóknar sem gerð var á
vegum Alþjóðanáttúruverndar-
samtakanna WWF. Fundinn var út
meðalhiti síðustu fimm ára í
sextán borgum í Evrópu og borinn
saman við meðalhita á fimm ára
tímabili fyrir þrjátíu árum.
Í ljós kom að hæsti meðalhiti
að sumri hækkaði mest í Lundún-
um, um tvær gráður. Meðalhiti
yfir sumartímann hækkaði mest í
Madríd, um 2,2 gráður.
„Sumarhiti í borgum Evrópu
stefnir í að verða óbærilegur,“
sagði Imogen Zethoven, talsmað-
ur WWF. „Vísindamenn telja að
losun gróðurhúsalofttegunda tvö-
faldi hættuna á frekari hækkun
hitastigs,“ sagði hún.
WWF bendir á í niðurstöðum
rannsóknar sinnar að afleiðingin
af hækkun á meðalhita gæti orðið
enn fleiri og alvarlegri hitabylgj-
ur, þurrkar og regnstormar.
- sda
Óprúttinn bréfberi:
Stal kortum
og lykilor›um
DANMÖRK Eystri-landsréttur hef-
ur dæmt bréfbera í þriggja ára
fangelsi fyrir að stela greiðslu-
kortum og lykilnúmerum úr
pósti fólks. Hann notaði svo kort-
in og lykilnúmerin til að ná um
átta milljónum króna út af
bankareikningum þess.
Starfsaðferðir bréfberans
þóttu sérstaklega útsmognar.
Hann leigði sér kjallaraherbergi
þar sem hann kom sér upp að-
stöðu til að búa til eftirlíkingar
af kortunum. Eftirlíkingarnar
setti hann svo í ný umslög sem
hann svo smeygði inn um
bréfalúguna hjá fórnarlömbum
sínum, sem áttu sér einskis ills
von. ■
ARNÞÓR HELGASON Framkvæmdastjóri Hive.
Tomaz Humar:
Bjarga› af Nanga Parbat
ISLAMABAD, AP Slóvenska fjallagarp-
inum Tomaz Humar var í vikunni
bjargað úr sex þúsund metra hæð af
hinu ógnvænlega Nanga Parbat-
fjalli í norðanverðu Pakistan, sem
er betur þekkt sem Manndrápsfjall-
ið. Fjallstindurinn er 8.125 metra
yfir sjávarmáli og er einn sá tor-
kleifasti í heiminum en tugir fjall-
göngumanna hafa farist í leiðöngr-
um þangað. Humar var kominn vel
á veg er hann lenti í verulegum
vandræðum vegna illviðris, matar-
skorts og kals. Því sendi hann út
neyðarkall og var þyrla send á vett-
vang skömmu síðar til að bjarga
honum. Þegar að var komið hímdi
Humar á íssyllu illa á sig kominn. ■
Á LEIÐ UPP FJALLIÐ Tomaz
Humar á meðan allt gekk vel.
M
YN
D
/A
P
SKÓGARELDAR SLÖKKTIR Flugvél slekkur skógarelda nálægt bænum Coudoux í Suður-
Frakklandi fyrr í sumar. Miklir þurrkar hafa geisað í Suður-Evrópu í sumar með tilheyrandi
þurrkum og skógareldum. Hitastig í borgum Evrópu hefur hækkað um allt að tveimur
gráðum á síðustu þremur áratugum.
KONSTANTÍN SHCHERBAK Konstantín er
hættur að gera ættingjum og vinum í
Moskvu þann bjarnargreiða að hvetja þá til
Íslandsferðar þar sem varla sé hægt að fá
vegabréfsáritanir hjá danska sendiráðinu í
Moskvu.
FR
ÉT
TA
B
LA
Ð
IÐ
/E
.Ó
L