Fréttablaðið - 27.08.2005, Page 67

Áheyrnarprufur í Idol stjörnuleit
hefjast snemma í dag klukkan níu
á Hótel Loftleiðum. Nú þegar hafa
yfir 1.400 manns skráð sig en fólk
hefur þó kost á að mæta og skrá
sig á staðnum. „Það verða svo í
kringum hundrað manns sem
komast áfram og fara þá í Salinn í
Kópavogi eftir nokkra niðurskurð-
arþætti sem allir verða sýndir á
Stöð 2,“ segir Pálmi Guðmunds-
son, markaðsstjóri Stöðvar 2.
Að sögn Pálma verður þáttur-
inn mun stærri í sniðum í ár og
munu talsverðar breytingar verða
sjáanlegar á þættinum. „Í ár munu
krakkarnir gista saman á hótel-
herbergjum þegar nær dregur og
munu því búa undir sama þaki.
Þetta hefur ekki verið gert áður og
við fáum þarna að fylgjast með
þeim á æfingum, á herbergjunum
og fleira skemmtilegt kemur í ljós
þegar líður á þáttinn.“
Að sögn Pálma hafa vinsældir
þáttarins aldrei verið meiri og
segir hann það að einhverju leyti
velgengni Hildar Völu að þakka.
Í þessari þriðju Stjörnuleit
Stöðvar 2 mun sú nýbreytni
einnig verða að engir gestadómar-
ar verða í Smáralind. „Hins vegar
verðum við með hljómsveitir eins
og í fyrra þegar við vorum með
big band og í ár verður meira í
þeim stíl. Í dómnefndinni verða
svo Sigga Beinteins og Bubbi
Morthens eins og vanalega auk
Páls Óskars og Einars Bárðarson-
ar, sem verður formaður dóm-
nefndar.“ Aðspurður hvort ein-
hver muni taka við Simon Cowell-
stælunum af Bubba viðurkennir
hann að Einar Bárðar geti verið
þrælharður í horn að taka ekki
síður en Bubbi. ■
Idol-prufur hefjast í dag
IDOL-STJARNAN Eflaust vilja margir feta í fótspor hinnar ungu Hildar Völu en henni
hefur gengið afar vel að fóta sig í íslensku tónlistarlífi.