Fréttablaðið - 26.09.2005, Qupperneq 80

> Við finnum til með ...
... Atla Sveini Þórarinssyni sem fórnaði öllu
til þess að hjálpa Valsmönnum
að hampa bikarnum á laugar-
daginn. Atli Sveinn fór strax
eftir leik upp á sjúkrahús
og tók ekki þátt í fagnaðar-
látum liðsins. Eftir rann-
sóknir kom í ljós að hann
verður að taka sér frí frá
fótbolta á næstunni en
vonandi jafnar hann sig
fljótlega.
Markahæstur í Svíþjóð
... Gunnar Heiðar Þorvaldsson er orðinn
markahæsti leikmaður sænsku
úrvalsdeildarinnar eftir að hann skoraði
bæði mörkin í 2–0 sigri Halmstad á
Helsingborg í gær. Gunnar Heiðar hefur
skorað 13 mörk og lagt upp önnur 5 í
20 leikjum Halmstad en liðið hefur
skorað samtals 32 mörk á tímabilinu.
sport@frettabladid.is
20
> Við skiljum ekki ...
.... ÍR-inga í körfunni sem ráku
þjálfara sinn í gær þótt enn séu
17 dagar í fyrsta leik.
Spánverjinn Oscar Pedroche
var ráðinn í júní en var rek-
inn úr starfinu í gær og við
tóku þeir Halldór
Kristmannsson og Jón Örn
Guðmundsson sem hafa unnið
lengi gott starf fyrir ÍR.
Önnur umfer› DHL-deildar karla fór fram um helgina og KA og Fram unnu flar gó›a útisigra. Stelpurnar
fóru líka af sta› me› sína deild flar sem n‡li›ar HK unnu sinn fyrsta leik.
Fram, Valur og KA með fullt hús
HANDBOLTI Átta leikir fóru fram í
DHL-deildum karla og kvenna í
gær. Eftir aðra umferð hjá körlun-
um eru þrjú lið, Valur, KA og
Fram, með fullt hús stiga en FH-
ingar eru hins vegar stigalausir á
botninum ásamt Víkingi/Fjölni og
ÍBV þrátt fyrir að hafa spilað tvo
fyrstu leiki sína á heimavelli sín-
um.
Í Austurbergi tóku ÍR-ingar á
móti KA-mönnum en bæði liðin
unnu sína leiki í 1. umferðinni auk
þess sem ÍR lagði Hauka í leik um
meistara meistaranna. Heima-
menn byrjuðu mun betur og
komust í 4–1 en norðanmönnum
tókst fljótlega að jafna og halda
jöfnu í hálfleik. Því geta þeir að
mestu þakkað markverði sínum,
Hreiðari Guðmundssyni, sem gekk
til liðs við KA frá ÍR í lok síðasta
tímabils. Hreiðar átti eftir að reyn-
ast sínum gömlu félögum erfiður
því hann var klárlega besti maður
vallarins og gaf sínum mönnum
tækifæri til að síga hægt og rólega
fram úr.
Það fór reyndar lítið fyrir góð-
um handbolta í síðari hálfleik þar
sem leikmenn og þjálfarar voru
sínöldrandi út í dómara leiksins.
Þegar Ólafur Sigurjónsson, einn
besti maður ÍR, fékk sína þriðju
brottvísun á 43. mínútu leiksins
var ÍR-ingum engin björg veitt og
KA-menn gengu á lagið. Þeir unnu
öruggan sigur, 32–25, og eru því
enn með fullt hús stiga.
„Við, leikmenn og þeir sem
sátu bekknum, áttum allir léleg-
an leik og þess vegna töpuðum
við,“ sagði Júlíus Jónasson, ann-
ar þjálfara ÍR, eftir leikinn. „Þeir
náðu tökum á sínum leik í seinni
hálfleik og náðu því að klára
þetta. Hreiðar var þeirra besti
maður en okkar versti óvinur en
svona er nú boltinn bara,“ sagði
Júlíus og brosti út í annað.
Íslandsmeistarar Hauka byrja
ekki sannfærandi í sínum fyrsta
leik gegn Fram og var ekki boðið
upp á mikið betri handbolta að Ás-
völlum þar sem heimamenn tóku á
móti nýliðum Fylkis. Fjögurra
marka forysta í hálfleik fór fyrir
lítið þegar Haukum tókst ekki að
skora á fyrstu 16 mínútum síðari
hálfleiksins. Þegar markið loksins
kom var það til að jafna metin og
eftir það sprungu gestirnir á limm-
inu og eftirleikurinn var einfaldur
fyrir Íslandsmeistarana.
Ungu stelpurnar í HK byrjuðu
vel í sínum fyrsta leik í efstu deild
þegar liðið vann 30-26 sigur á
Gróttu á heimavelli sínum. Hauk-
ar, Valur, Stjarnan og ÍBV unnu öll
örugga sigra í fyrstu umferðinni
en þeim var fyrir mótið spáð bestu
gengi af liðunum.
- esá - óój
■ ■ LEIKIR

19.00 ÍS og KR mætast í óopin-
berum úrslitaleik Reykjavíkurmótsins
í körfuknattleik kvenna í íþróttahúsi
Kennaraháskóla Íslands.

19.15 Njarðvík og Stjarnan
mætast í Reykjanesmótinu í
körfubolta í Njarðvík.
■ ■ SJÓNVARP

12.20 Ameríski fótboltinn á Sýn.
Útsending frá leik Pittsburgh Steelers
og New England Patriots í þriðju
umferðinni í NFL-deildinni.

14.30 Forsetabikarinn í golfi á
Sýn.

16.10 Ensku mörkin á RÚV. Öll
mörkin úr leikjum helgarinnar í
ensku úrvalsdeildinni.

18.00 Þrumuskot á Enska
boltanum. Mörk helgarinnar í ensku
úrvalsdeildinni.

20.30 Ítölsku mörkin á Sýn. Mörk
helgarinnar úr ítölsku A-deildinni.

21.00 Ensku mörkin á Sýn. Mörkin
úr næstefstu deild á Englandi.

21.30 Spænsku mörkin á Sýn.
Mörk helgarinnar úr ípænsku
deildinni.

22.00 Olíssport á Sýn.

00.00 Ensku mörkin á RÚV.
Spánverjinn ungi yngstur til að vinna formúluna:
FORMÚLA 1 Spánverjinn Fern-
ando Alonso varð í gær heims-
meistari ökumanna í Formúla 1
þegar hann varð þriðji í Bras-
ilíukappakstrinum. Alonso er
yngsti maðurinn til þess að
vinna heimsmeistaratitilinn en
hann er 24 ára gamall. Hann var
að vonum ánægður eftir að úr-
slitin lágu fyrir.
„Ég hef aldrei verið ánægð-
ari. Ég kem frá landi þar sem
aldrei hefur verið mikil hefð
fyrir því að fylgjast með For-
múla 1 kappakstri en ég veit að
Spánverjar hafa fylgst vel með
mér að undanförnu. Mér finnst
ég vera að uppskera núna eftir
að hafa æft vel í mörg ár. Þetta
er alveg örugglega mitt mesta
afrek á ferlinum en vonandi næ
ég að vera í toppbaráttunni í
mörg ár til viðbótar.“ -mh
Alonso or›inn heimsmeistari
Rúnar Sigtryggsson, spilandi þjálfari
karlaliðs Þórs í handbolta, átti góðan
leik með liði sínu um helgina og
skoraði sjö mörk í 25-24 sigri
Þórs á Stjörnunni í DHL-deild-
inni. Stjarnan leiddi leikinn
allan tímann en hinn ungi
Arnar Þór Gunnarsson
skoraði sigurmark Þórs
fjórum sekúndum fyrir
leikslok með góðu skoti
úr horninu. „Við vorum
að elta Stjörnuna allan
leikinn og náðum að
komast yfir einu sinni í öll-
um leiknum, og það var á
besta tíma,“ sagði Rúnar.
Eftir mörg góð ár í atvinnu-
mennsku ákvað Rúnar að
snúa aftur á heimaslóðir en hann lék
með Þór á sínum yngri árum.
Hann er ekki í nokkrum
vafa um að margir leik-
manna Þórsliðsins eigi
framtíðina fyrir sér. „Mér
finnst vera margir efnilegir
leikmenn í liðinu. Ef þeir
verða duglegir að æfa finnst
mér alveg eins líklegt að þeir
nái langt í framtíðinni. Ég
mun reyna að miðla til þeirra
eins miklu og ég get og með
aukinni reynslu koma þeir til
með að bæta leik sinn mikið.“
Rúnari líst vel á veturinn og telur að
handboltinn sé í mikilli sókn um
þess mundir. „Það hefur verið góð
umgjörð um leikina víðast hvar og
fjölmiðlar hafa einnig fjallað mikið um
handboltann. Nú verða félögin að nýta
þennan meðbyr sem nú skapast til
þess að vera með enn meiri stemningu
í kringum deildarkeppnina.“
Rúnar var nokkuð marksækinn í leikn-
um um helgina og skoraði sjö mörk og
átti þar að auki sex sendingar sem gáfu
mörk. Hann hefur hingað til verið
þekktur fyrir að vera sterkur varnarmað-
ur og var einn lykilmanna varnarleiks ís-
lenska landsliðsins á tímabili. „Ég tel
mig nú ekkert vera í neinu sérstöku
formi núna. Ég hef hvílt vel en er alveg
laus við meiðsli og hef virkilega gaman
af því að spila þessa dagana. Það er
ánægjulegt að geta komið heim í sitt
gamla félag og vonandi munum við ná
góðum árangri í vetur.“
RÚNAR SIGTRYGGSSON: FINNUR SIG VEL Á HEIMASLÓÐUM SÍNUM Á AKUREYRI
Fer fyrir ungu li›i fiórs í DHL-deildinni
HVAÐ? HVENÆR? HVAR?
23 24 25 26 27 28 29
Mánudagur
SEPTEMBER
26. september 2005 MÁNUDAGUR
LEIKIR GÆRDAGSINS
DHL-deild karla:
FH–FRAM 21–26 (6–13)
Mörk FH: Andri Berg Haraldsson 4, Linas
Kalasauskas 3, Pálmi Hlöversson 3,
Hjörtur Hinriksson 3, Finnur Hansson 3,
Valur Arnarson 2, Sigursteinn Arndal 2,
Daníel Berg Grétarsson 1.
Mörk Fram: Jóhann Gunnar Einarsson 6,
Haraldur Þorvarðarson 5, Sergei Serenko
4, Þorri B. Gunnarsson 4, Stefán B.
Stefánsson 2, Sigfús Sigurðsson 2, Rúnar
Káraon 1, Guðmundur Arnarsson 1, Jón
Björgvin Pétursson 1.
HAUKAR–FYLKIR 23–18 (12–8)
Mörk Hauka: Andri Stefan 6, Samúel
Ívar Árnason 5, Árni Þór Sigtryggsson 4,
Kári Kristjánsson 3, Jón Karl Björnsson 3,
Freyr Brynjarsson 1, Sigurbergur
Sveinsson 1. Birkir Ívar Guðmundsson
varði 15 skot. Haukar skoruðu ekki í 16
mínútur í upphafi seinni hálfleiks.
Mörk Fylkis: Heimir Örn Árnason 6,
Arnar Þór Sæþórsson 5, Ásbjörn
Stefánsson 4, Ingólfur Axelsson 1, Brynjar
Þór Hreinsson 1, Arnar Jón Agnarsson 1.
Hlynur Morthens varði 14 skot.
FERNANDO ALONSO Alonso sést hér með
bikarinn sem hann fékk að launum á
hausnum. GETTYIMAGES
VAGG OG VELTA ÍR-ingurinn
Ólafur Sigurjónsson fellur hér
beint ofan á andlit KA-mannsins
Harðar Fannars Sigþórssonar í
leik liðanna í Austurbergi í gær.
FRÉTTABLAÐIÐ/PJETUR