Fréttablaðið - 26.09.2005, Blaðsíða 42

24 26. september 2005 MÁNUDAGUR
Haustið er komið með alla sína liti og borgin
skartar sínu fegursta. Haustlitirnir stalda
stutt við og það er um að gera að njóta þeirra
áður en veturinn hrifsar þá í burt.
Græni liturinn þarf nú að víkja. Haustið er komið og
öll litaflóran er stigin niður í gróðurinn sem ævintýra-
legur prýðir umhverfi okkar um þessar mundir. Á
meðan veður er gott er að sjálfsögðu kjörið að ganga
um skógarstíga og njóta náttúrunnar. Haustlitirnir
eru hverfulir og geta þeir fokið út í veður og vind á
einni nóttu. Stoltir garðeigendur ættu að gefa sér tíma
til að sitja í garðinum, þó ekki væri nema til þess eins
að stara á trén og fylgjast með þeim óhjákvæmilegu
breytingum sem tíminn leiðir þau í gegnum. Eða
grípa fallandi lauf og gera úr þeim listaverk, í sam-
vinnu við yngstu meðlimi fjölskyldunnar. Reyniberin
af trjánum er tilvalið að klippa af og búa til úr þeim
kransa, eða jafnvel geyma í frysti til jóla – og leika
þannig á tímann. Haustið kemur og fer og besta leiðin
til að hægja á því er að standa kyrr og fylgjast með.
Forvitin auglýsingaskilti kíkja í gegnum trén.
Gráleit háhýsin svífa yfir fallegum trjátoppum.Rauðbrúnn runni undir bláum himni.
Litríkur runni við gömlu rafstöðina í Elliðaárdalnum.
Haustið í allri sinni dýrð.
Enginn hundur liggur þarna í leyni.
Björt laufblöð kíkja upp yfir grindverkið. Myndir: E.Ól.
fiegar regnboginn dansar í trjánum