Fréttablaðið - 29.09.2005, Side 31

FIMMTUDAGUR 29. september 2005
KAUPHLAUP
20-70% afsl.
Bómullarnáttföt –
Undirfatnaður – Baðfatnaður
Verslunin lokar
sunnudaginn
2.október
Opið laugardaginn
11-18 og
sunnudaginn 13-16
Þökkum innilega
fyrir viðskiptin á
liðnum árum
Starfsfólk Thyme
maternity.
Í eina tíð sagði ég stundum að
Parísarbúar væru betri við
hundana sína en mannfólkið og
víst er að hundarnir eru marg-
ir hér í borg. En hundaeign
fylgir tískusveiflum eins og
annað og að sjálfsögðu hafa
hundar sína tísku. Bolabítar
hafa verið vinsælir í nokkuð
mörg ár bæði franskir og
enskir, (Emma og Toy sem eru
á myndinni hér fyrir ofan eru
franskir bolabítar) eins og
frændur þeirra Boxer og Car-
lain. Ekki skal ég segja hvort
það er vegna þess að hönnuð-
urinn frægi Yves Saint
Laurent hefur í áratugi átt
bolabíta og oft verið myndaður
með þeim. Hjá samnefndu
tískuhúsi kynntist ég bílstjóra
sem hafði verið í þjónustu
herra Saint Laurent og fór
daglega í langar göngur með
hundana.
Síðustu ár hafa svo Jack
Russel-hundar (hundur
Mariuh Carey er af Jack
Russel kyni) og Chihuahua
(Paris Hilton) náð talsverðri
útbreiðslu. En Labrabor-hund-
ar eru alltaf vinsælir og nú er
tískuliturinn súkkulaðibrúnn.
Hundarnir eru auðvitað mis-
jafnlega sterkir á velli og
sumir þola illa kulda og vos-
búð yfir veturinn í evrópskum
borgum. Hundar hafa því heil-
mikið úrval af tískufatnaði til
að íklæðast svo ekki sé uppá-
halds ilmvatninu „Oh my dog“
gleymt. Málið vandast þegar
velja á ól fyrir greyið. Á hún
að vera svört með gylltum
málmstöfum, „Gucci-dog“ frá
Gucci eða úr leðri með LV frá
Luis Vuitton í stíl við hand-
töskuna eða stílhrein og ein-
föld í anda minimalisma
Miuccia Prada?
Það nýjasta er svo hunda-
leikskóli í fjórða hverfi París-
ar sem opnaði í vor og hefur
frá fyrsta degi haft fjölda við-
skiptavina. Í hundaleikskólan-
um er hægt að skilja hundinn
eftir í minnst einn tíma, til
dæmis þegar farið er út að
versla og allt upp í einn mánuð
eftir því sem hentar. Og í ná-
grannahverfunum er meira að
segja boðið upp á að sækja
hundinn heim og skila honum
aftur. Þeir sem búa lengra
burtu þurfa þó að að koma með
hundinn sjálfir. Meðan á gæsl-
unni stendur getur eigandinn
valið um hlýðniþjálfun, leik-
tíma, gönguferðir og snyrt-
ingu (fyrir hundinn, ekki eig-
andann). Nokkrar hundateg-
undir eru þó ekki teknar í
gæslu, til dæmis Rottweiler og
Pitbull þar sem þeir geta verið
árásargjarnir. Reyndar er Pit-
bull einn þeirra hunda sem
samkvæmt nýlegum lögum er
nú bannað að rækta hér í
Frakklandi og er skylda að
gera þá alla ófrjóa til þess að
þetta kyn deyi þannig smátt og
smátt út. Þetta er hundalíf.
bergthor.bjarnason@wanadoo.fr
Úr háborg tískunnar
BERGÞÓR BJARNASON SKRIFAR FRÁ PARÍS
Hundalíf í háborg tískunnar
Armbönd
og hálsmen
í massavís
SKART, SKART OG MEIRA SKART.
Nú er málið að hlaða nógu miklu af
hálsmenum og armböndum á sig til
að tolla í tískunni í vetur. Þó þarf að
gæta sín á að öllu ægi ekki saman
og spekúlera svolítið í heildarmynd-
inni og bæta svo slatta af skarti við í
stíl.
Tréarmböndin eru hvað mest áber-
andi en það er líka flott að hafa þau
til dæmis með gylltum pardusarm-
böndum.
Hálsmenin eru af ýmsum toga, litríkir
steinar, bronslitaðar perlur, gull, bein
og kopar er algengur efniviður, og
það sama gildir hér og með arm-
böndin, það er flott að blanda saman
en málið er bara að gera það vel.
(litrík armbönd,
þrjú saman) kr.
790-1.090 Topshop
(Jarðlituð þrjú sam-
an) kr. 990 Centrum
Grænt (eins og mörg
mjó) kr. 1.690 Kiss
Silfurlit kr. 590 og
1.290 Kiss
Rest kr. 590 Kiss
(Appelsínugul háls-
men) kr. 1.990 stk
(Appelsínugulir og
ljósbl. steinar m.a,
stórt) kr. 3.990. Get-
ur líka verið belti.
(Gul og brún síð)
kr. 1.990
(lítið, bönd og
hangandi steinar)
kr. 2.990
Fæst allt í Kúltúr
SJÓNVARPSDAGSKRÁ
VIKUNNAR »