Fréttablaðið - 01.10.2005, Qupperneq 2

2 1. október 2005 LAUGARDAGUR
Slippstöðin á Akureyri hefur óskað eftir gjaldþrotaskiptum:
Starfsmenn standa vör› um vinnusvæ›i›
GJALDÞROT Lögmaður Slippstöðvar-
innar á Akureyri óskaði í gær eftir
því að félagið yrði úrskurðað
gjaldþrota og mun Héraðsdómur
Norðurlands eystra taka gjald-
þrotabeiðnina fyrir á mánudaginn.
Slippstöðin hefur átt í alvarleg-
um fjárhagserfiðleikum frá því í
sumar sem rekja má til verkefnis
sem Slippstöðin tók að sér við Kára-
hnjúkavirkjun, í undirverktöku fyr-
ir þýska fyrirtækið DSD Stahlbau.
Starfsmenn Slippstöðvarinnar eiga
inni tveggja til fjögurra vikna van-
goldin laun og til að þrýsta á um
greiðslu þeirra komu þeir í gær í
veg fyrir að flutningabíll á vegum
Landsvirkjunar og DSD kæmist út
af athafnasvæði Slippstöðvarinnar.
Í bílnum eru verkfæri og annar
búnaður sem starfsmenn Slipp-
stöðvarinnar notuðu við vinnu sína
við Kárahnjúkavirkjun og átti að
flytja aftur austur.
Þrátt fyrir að Slippstöðin stefni
í þrot er flutningabíllinn enn kyrr-
settur á Akureyri og verður það
væntanlega fram yfir helgi þangað
til héraðsdómur hefur tekið af-
stöðu til gjaldþrotabeiðninnar. - kk
Blaðamannafélagið mótmælir:
S‡sluma›ur á ekkert erindi
inn á ritstjórnarstofur
LÖGBANN Stjórn Blaðamanna-
félags Íslands mótmælti í gær að-
gerðum sýslumannsins í Reykja-
vík þegar hann fór inn á frétta-
stofu Fréttablaðsins og krafðist
þess að fá afhent gögn.
„Ég held það séu afar fáir, ef
nokkrir, blaðamenn á Íslandi sem
er ekki misboðið við þessa gjörð
sýslumanns, einfaldlega vegna
þess að það er verið að vega að
störfum okkar, íslenskum fjöl-
miðlum og tjáningarfrelsinu,“
segir Jóhann Hlíðar Harðarson,
varaformaður Blaðamannafé-
lagsins. „Stjórnin er skipuð
blaða- og fréttamönnum frá
mörgum fjölmiðlum, og við erum
öll sammála um að verið sé að
vega að ákveðnum grundvallar-
atriðum í fréttamennsku.“
Starfs síns vegna verða
blaðamenn að geta heitið heim-
ildarmönnum sínum nafnleynd
og segir Blaða-
m a n n a f é l a g i ð
aðgerð sýslu-
manns vera at-
lögu og ógnun
við þann rétt
f r é t t a m a n n a ,
sem staðfestur
hefur verið með
dómi Hæsta-
réttar.
Auk þess eru fjölmörg dæmi
um að einkagögn sem send eru
manna í millum hafi birst í fjöl-
miðlum í óþökk bæði sendanda
og viðtakanda, án þess að sýslu-
maður hafi skipt sér af því, að
sögn Jóhanns. - smk
Lögbann á birtingu
frétta úr tölvupósti
S‡sluma›urinn í Reykjavík setur lögbann á birtingu tölvupósts Jónínu Benedikts-
dóttur sem Fréttabla›i› hefur haft undir höndum. A›för a› rit- og málfrelsi, segir
fréttaritstjóri Fréttabla›sins. Sk‡rt brot á lögum, segir lögma›ur Jónínu.
LÖGBANN Lögbann hefur verið
sett á birtingu frétta úr tölvu-
pósti sem Fréttablaðið hefur
haft undir höndum. Tölvupóst-
arnir sem um ræðir snerta
Baugsmálið.
Skömmu fyrir hádegi í gær
komu fulltrúar sýslumanns á rit-
stjórn blaðsins með lögbanns-
kröfuna og úrskurð um að
tölvupóstarnir yrðu afhentir
þeim. Með þeim var Hróbjartur
Jónatansson, lögmaður Jónínu
Benediktsdóttur, sem fór fram á
lögbannið. Niðurstaðan varð sú
að fulltrúar blaðsins afhentu
sýslumanni tölvupóstana.
„Það hefur verið gerð aðför
að Fréttablaðinu og ekki bara
Fréttablaðinu heldur ritfrelsi og
málfrelsi,“ segir Sigurjón Magn-
ús Egilsson, fréttaritstjóri
Fréttablaðsins. „Það er ekki nóg
með að Fréttablaðið megi ekki
birta fréttir úr þessum gögnum
heldur hefur því einnig verið
meinað að vitna í eldri fréttir
sem byggja á upplýsingum úr
þeim.“
Sigurjón Magnús segir að
ástæðan fyrir því að gögnin voru
afhent sýslumanni sé að hann
telji algjörlega ómögulegt að
rekja hvaðan gögnin komi.
„Ef minnsti vafi hefði leikið á
því hefði ekki komið til greina að
afhenta gögnin. Ef við hefðum
neitað því að afhenta þau hefði
sýslumaður kallað á lögreglu.“
Sigurjón Magnús segir að
Fréttablaðið hafi einungis birt
það úr þessum gögnum sem hafi
haft mikið fréttagildi, en sleppt
alfarið þeim hluta sem lúti að
viðkvæmu einkalífi þeirra sem
hlut eiga að máli.
Hróbjartur Jónatansson, lög-
maður Jónínu, segir að Jónína
eigi rétt á því að gögnin séu tek-
in og birting þeirra stöðvuð.
Lögin geri engan greinarmun á
því hvert innihald gagnanna sé.
„Það er bundið í lög að það
megi ekki taka ófrjálsri hendi
einkagögn manna og hagnýta
þau án heimildar með þeim
hætti sem Fréttablaðið hefur
gert. Þetta kemur skýrt fram í
lögum um fjarskipti og í al-
mennu hegningarlögunum er
lagt bann við því að hnýsast í
einkagögn manna.“
Lögbannið er lagt á fyrirtæk-
ið 365 prentmiðla sem þýðir að
aðrir fjölmiðlar í eigu þess, eins
og til dæmis DV, Hér og nú og
Birta, verða að hlýða því. Lög-
bannið er bráðabirgðaaðgerð og
því hefur lögfræðilega ekki ver-
ið lagður neinn dómur á það
hvort krafan sé réttmæt. Hró-
bjartur og Jón Magnússon, lög-
maður 365 prentmiðla í málinu,
takast á um það í Héraðsdómi
Reykjavíkur á næstu dögum.
trausti@frettabladid.is
Ólöglegt olíusamráð:
Fleiri ætla
í bótamál
SJÁVARÚTVEGUR Heldur hefur fjölg-
að í hópi útgerðarfélaga sem
hyggjast sækja bætur fyrir dómi
vegna ólöglegs samráðs olíufélag-
anna. Einungis eitt félag hefur þó
enn lýst þeirri fyrirætlan sinni
opinberlega, en það er Guðmund-
ur Runólfsson hf. á Grundarfirði.
Samkvæmt heimildum blaðs-
ins verður hvert félag að gera upp
við sig sjálft hvort það vilji í mál
við olíufélögin, en svo verða mál-
in rekin saman með aðstoð Lands-
sambands íslenskra útvegs-
manna. Einn heimildarmaður
blaðsins taldi að vænn hópur út-
gerðarfélaga ætlaði sér í mál
vegna samráðsins. - óká
VIÐ KOMUNA TIL ÍSAFJARÐAR Vilhelm Þor-
steinsson kemur Akureyrinni til hafnar.
Akureyrin EA-110:
Í skrúfuna á
Halami›um
SJÁVARÚTVEGUR Akureyrin EA-110
fékk í skrúfuna á Halamiðum í
gær. Að sögn Kristjáns Vilhelms-
sonar hjá útgerðinni Samherja á
Akureyri var það Baldvin Þor-
steinsson EA-10 sem dró Akureyr-
ina inn í Skutulsfjörð en annað
Samherjaskip, Vilhelm Þorsteins-
son EA-11, kláraði verkið og kom
Akureyrinni að bryggju í Ísa-
fjarðarhöfn.
Kristján segir allt hafa gengið
að óskum við björgunina, á Ísa-
firði verði gert við og svo haldi
menn aftur ótrauðir til veiða. - saj
UMFERÐARSLYS Mikil umferðarteppa varð
þegar ökumaður bifhjóls missti stjórn á því
í gærdag.
Bílslys í Ártúnsbrekku:
Tveir slasast
SLYS Ökumaður og farþegi á bif-
hjóli slösuðust þegar ökumaður-
inn missti stjórn á hjólinu og ók
utan í að minnsta kosti tvo bíla í
Ártúnsbrekku síðdegis í gær. Báð-
ir voru fluttir á slysavarðsstofu,
en þeir beinbrotnuðu báðir illa í
slysinu og gengust undir aðgerðir.
Ökumenn og farþegi í bifreiðun-
um tveim voru allir fluttir á slysa-
deild með minni háttar meiðsli.
Umferð um Ártúnsbrekkuna
tafðist mikið til vesturs á meðan
verið var að sinna fólkinu og
koma bifhjólinu af veginum. ■
ÓSHLÍÐ Vegagerðin mun nú þegar hefjast
handa við rannsóknir og undirbúning jarð-
gangagerðar undir Óshlíð.
Samgöngubót fyrir vestan:
Jar›göng lög›
undir Óshlí›
SAMGÖNGUR Ríkisstjórnin sam-
þykkti í gær að ráðist verði þegar í
stað í undirbúning jarðgangagerð-
ar undir Óshlíð á milli Bolungarvík-
ur og Ísafjarðar. Síðastliðnar vikur
hefur grjóthrun færst mikið í vöxt
á Óshlíðarveginum, eina veginum
til Bolungarvíkur, en mest er grjót-
hrunið á vorin og haustin.
Bygging ganganna á að hefjast
næsta haust. Gert er ráð fyrir því
að göngin verði um 1.220 metra
löng og munu þau liggja milli Ein-
búa og Hrafnakletta. Áætlaður
kostnaður er um 1.000 milljónir. ■
Framboð til öryggisráðs SÞ:
Stöndum vi›
frambo›i›
STJÓRNMÁL „Við munum halda okk-
ur við það framboð sem þegar
hefur verið ákveðið,“ segir Geir
H. Haarde utanríkisráðherra.
Fjallað var um framboð Íslands til
setu í öryggisráði Sameinuðu
þjóðanna á ríkisstjórnarfundi í
gærmorgun og aftur á fundi utan-
ríkisnefndar í gær.
Geir segir að gera megi ráð
fyrir að kostnaðurinn verði um
það bil 210 milljónir króna fram
til ársins 2008. „Það fer svo eftir
því hvort við náum framboði eða
ekki hvað tekur við. Það gæti orð-
ið kostnaður upp á 100 milljónir
hvort árið fyrir sig sem við sæt-
um í ráðinu,“ bætir Geir við. - saj
Dreamweaver MX 2004
Dreamweaver er eitt vinsælasta vefsmíða-
forrit á markaðnum í dag enda bæði
fjölbreytt og afar einfalt í notkun. Á þessu
námskeiði verður farið í helstu grunnatriði
Dreamweaver og hvernig má nota það til
að búa til vefsíður og halda þeim við.
Einnig verður kennd notkun margmiðlunar-
efnis og javascript til að krydda vefsíður
ásamt faglegri uppsetningu skráa á vefsvæði.
Í lok námskeiðsins búa nemendur til full-
kláraðan vef og læra hvernig á að setja vefsíður inn á Netið. Sjá nánari
lýsingu á heimasíðu skólans.
Lengd námskeiðs 31 kennslustund. Kennt er mánudags- og
miðvikudagskvöld frá kl 17:30 - 21:00. Hefst 10. okt og lýkur 26.okt.
Verð kr. 29.000,- (Kennslubók innifalin)
V E F S M Í Ð I
Faxafen 10 • 108 Reykjavík • Sími: 544 2210 • www.tsk.is • skoli@tsk.is
SPURNING DAGSINS
Bragi, er Barnaverndarstofa
komin í útrás?
„Það má segja það því starfsaðferðir okk-
ar hafa vakið athygli víða. Opnunina í Sví-
þjóð ber þó hæst en ég hef grun um að
Barnahús verði opnuð víðar í framtíðinni.“
Barnahús, að íslenskri fyrirmynd, var opnað í Sví-
þjóð í gær. Bragi Guðbrandsson er forstöðumað-
ur Barnaverndarstofu.
JÓHANN HLÍÐAR
HARÐARSON
VARÐSTAÐA Starfsmenn Slippstöðvarinnar
lokuðu athafnasvæði fyrirtækisins á Akur-
eyri í gær og um helgina ætla þeir að
standa vörð um vinnusvæðið til að koma í
veg fyrir að verðmæti, sem tryggt geti
launagreiðslur þeirra, verði fjarlægð.
SÝSLUMAÐUR Á SKRIFSTOFU FRÉTTARITSTJÓRA Skömmu fyrir hádegi í gær mætti sýslu-
maður ásamt lögmanni Jónínu Benediktsdóttur á skrifstofu fréttaritstjóra Fréttablaðsins.