Fréttablaðið - 01.10.2005, Qupperneq 58

Þóra Einarsdóttir segir
yndislegt að syngja
franska tónlist með systur
sinni Gunnhildi og ófæddu
barni sínu í maganum.
Tónleikar þeirra verða í
Salnum í dag.
„Við ákváðum að vera með alveg
franskt prógramm og þetta eru eig-
inlega allt verk sem eru samin sér-
staklega fyrir söng og hörpu,“ segir
Þóra Einarsdóttir sópransöngkona,
sem heldur tónleika í Salnum í
Kópavogi í dag ásamt systur sinni
Gunnhildi, sem er hörpuleikari.
Þær ætla að flytja verk eftir
André Caplet, Gabriel Fauré,
Marcel Tournier, Philip Cannon,
Claude Debussy og Maurice Ravel,
allt saman frönsk tónlist frá því um
og eftir fyrri heimsstyrjöldina.
„Þetta er impressjónísk og róm-
antískt tónlist frá þeim tíma þegar
Frakkarnir voru að leitast við að
móta sinn eigin stíl, sem þurfti að
vera allt öðruvísi en þýski stíllinn.
Frakkarnir vildu forðast reglufestu
Þjóðverjanna, voru meira fljótandi
og það má alveg heyra einkenni
þeirra í þessari tónlist, hvernig
þetta flýtur allt í lausu lofti.“
Þær systurnar hafa ekki áður
komið fram saman opinberlega og
Þóra segir að þeim hafi ekki heldur
gefist tími til þess að syngja og spila
saman heima við, þrátt fyrir náin
fjölskyldutengsl. „Við höfum alltaf
verið í sitthvoru landinu síðustu
árin. Gunnhildur lærði í Hollandi og
ég hef verið að syngja hér og þar,
mest í Þýskalandi, þannig að við
höfum haft í nógu að snúast. En það
er mjög gaman að fá þetta tækifæri
til að koma saman.“
Auk þess að halda tónleikana í
Salnum í kvöld hafa þær Þóra og
Gunnhildur leikið fyrir alla nem-
endur á unglingastigi í grunnskól-
um Kópavogs í tónleikaröðinni
„Tónlist fyrir alla“.
Þær Þóra og Gunnhildur standa
reyndar ekki alveg einar á sviðinu í
kvöld, því Þóra er kona ekki ein-
sömul eins og ljóslega má sjá á ljós-
myndinni hér að ofan.
„Þetta er eiginlega fjöl-
skyldutríó,“ segir Þóra og bætir því
við að það sé yndislegt að syngja í
þessu ástandi. „Maður finnur að
maður er ekki einn, það stendur ein-
hver með manni og það er voða
gaman. Það gefur þessu einhverja
aukadýpt.“
42 1. október 2005 LAUGARDAGUR
> Ekki missa af ...
... sýningum þeirra Ástu Ólafsdóttur,
Daða Guðbjörnssonar og Unnars Jóns-
sonar Auðarsonar í Nýlistasafninu við
Laugaveg. Síðasti sýningardagur er á
morgun.
... fyrirlestri Viðars Guðmundssonar
um eðlisvísindi í tölvum, sem fluttur
verður í fyrirlestraröðinni Undur veraldar
í Háskólabíói í dag klukkan 14.
... tónleikum Blásarasveitar Reykja-
víkur í Salnum á morgun. Með sveitinni
koma fram Sigurgeir Arnarson sellóleik-
ari og söngvararnir Jóhann Friðgeir
Valdimarsson, Davíð Ólafsson og
Benedikt Ingólfsson.
... lokatónleikum Djasshátíðar á Kaffi
Reykjavík annað kvöld.
Íranski leikstjórinn Abbas Kiarostami verður í
dag viðstaddur opnun á ljósmyndasýningunni
The Roads of Kiarostami sem sett er upp í
höfuðstöðvum Orkuveitu Reykjavíkur við
Bæjarháls. Auk þess verður nýjasta kvik-
myndaverk Kiarostamis, stuttmyndin The
Roads, Evrópufrumsýnd við þetta tækifæri.
Ljósmyndasýningin er liður í Alþjóðlegri kvik-
myndahátíð í Reykjavík sem hófst á fimmtu-
daginn.
Kiarostami hefur reynt fyrir sér á ýmsum svið-
um þó svo hann sé frægastur fyrir kvik-
myndagerð. Ljósmyndun er honum hugleikin
og hann hefur haldið sýningar um víða veröld
á myndum sínum.
Ljósmyndasýningin The Roads of Kiarostami
tilheyrir kvikmyndasafninu í Torino og hefur
verið á ferðalagi um heiminn í nokkurn tíma.
Um er að ræða tæplega sextíu ljósmyndir og
stuttmynd sem Kiarostami hefur unnið í
kringum þemað „vegir“. Sýning var nýlega
sett upp í The Albert Museum í London og
fór til Sao Paolo, Vín og fleiri borga, en hún
hefur ekki verið sýnd á Norðurlöndum til
þessa.
Sýningin verður opnuð klukkan 17 í dag og
stendur til 28. október.
Kl. 16.00
Óskarsverðlaunamyndin The Giant
eða Risinn frá árinu 1956 í leikstjórn
George Stevens verður sýnd á vegum
Kvikmyndasafns Íslands í Bæjar-
bíói, Strandgötu 6, Hafnarfirði. Aðal-
leikarar myndarinnar eru hinn ungi
James Dean og stjarnan Elizabeth
Taylor.
menning@frettabladid.is
Vegir Kiarostamis
Flýtur allt í lausu lofti
!
SIRKUS NÝ DAGSKRÁ Í OKTÓBER!
FYLGSTU MEÐ.
THE CUT
MÁNUDAGA KL 22.00
WEEDS
FIMMTUDAGA KL 21.30
VEGGFÓÐUR
MÁNUDAGA KL 21.00
FASHION TV
MÁNUDAGA KL 20.30
ÁSTARFLEYIÐ
BYRJAR FIMMTUDAGINN 20. OKTÓBER
Vinjettudagurinn 2005:
Ba›stofustemn-
ing og vinjettur
Það verður andrúmsloft baðstofu-
og sagnaskemmtana fortíðar í
bókaversluninni Iðu í Lækjargötu á
milli 13 og 17 í dag. Tilefnið er
fyrsti vinjettudagur veraldar, að
frumkvæði vinjettuhöfundarins
Ármanns Reynissonar.
„Það verður mikið um dýrðir;
harmoníkuleikur, rósavín og
konditori og upplestur vinjetta
minna á hálftíma fresti, en til lest-
ursins hef ég fengið Steinunni Val-
dísi Óskarsdóttur borgarstjóra,
Egil Ólafsson stórsöngvara, fram-
bjóðendur til borgarstjórnarkosn-
inga úr öllum flokkum og fleiri
leynigesti,“ segir Ármann sem ný-
lega gaf út sína fimmtu vinjettu-
bók.
„Ég sel bækurnar sjálfur og svo
í bókaversluninni Iðu. Er alls með
3.000 áskrifendur að bókunum og
hef þurft að endurprenta sumar
þeirra vegna eftirspurnar. Ég spái
því að vinjettan verði algengasta
bókmenntamál 21. aldarinnar því
fólk lítur ekki við doðröntunum
lengur. Það vill stuttmálstexta, og
úr því mér hefur gengið svona vel
reikna ég með að fleiri fari að til-
einka sér þetta bókmenntaform,“
segir Ármann, sem ætlar að bjóða
gestum upp á nýja íslenska líkjör-
inn yfir vinjettulestrinum, nefni-
lega Haustsól frá Húsavík.
„Svo spái ég því að þeir fram-
bjóðendur sem lesa upp í dag komi
til með að skipa fyrsta sætið á sín-
um listum fyrir borgarstjórnar-
kosningarnar,“ segir Ármann glað-
ur í bragði í baðstofustemningu
bókaverslunarinnar Iðu.
ÁRMANN REYNISSON VINJETTUHÖFUNDUR Stendur fyrir fyrsta vinjettudegi veraldar
í bókaversluninni Iðu í dag, en þar munu frægir gestir lesa upp vinjettur meðan gestir
gæða sér á íslenskum líkjör og konditori. Allir velkomnir.
FR
ÉT
TA
B
LA
Ð
IÐ
/V
IL
H
EL
M
FJÖLSKYLDUTRÍÓIÐ Systurnar Þóra Einarsdóttir söngkona og Gunnhildur Einarsdóttir
hörpuleikari halda tónleika í Salnum í dag. Ófæddur fjölskyldumeðlimur fær að vera með
þeim á sviðinu.
FR
ÉT
TA
B
LA
Ð
IÐ
/G
VA