Fréttablaðið - 01.10.2005, Qupperneq 61

LAUGARDAGUR 1. október 2005
Óvenju fjölbreytt dagskrá verður
á Djasshátíð í dag, næstsíðasta
dag hátíðarinnar í ár.
Þar ber ef til vill hæst tónleika
bandaríska saxófónmeistarans
Kenny Garrett, sem stígur á svið
á Nasa klukkan 20.30 ásamt kvar-
tett sínum, sem er skipaður þeim
Carlos McKinney á píanó, Ronald
Bruner á trommur og Kristopher
Funn á bassa.
Garrett er ein helsta saxófón-
stjarna djasstónlistarinnar í dag
og þykir mikill hvalreki á fjörur
djassunnenda hér á landi.
Hljómsveitin Póstberarnir
stíga hins vegar á svið í Kaffi
Reykjavík klukkan 20.30 og bera á
borð tónlist úr smiðju Megasar,
sem þeir hafa fært í djassaðan
búning og flytja af mikilli list.
Póstberarnir eru Ólafur
Stolzenwald bassaleikari, Agnar
Már Magnússon píanóleikari,
Andrés Þór Gunnlaugsson gítar-
leikari, Eyjólfur Þorleifsson á ten-
órsaxófón og Erik Qvick á tromm-
ur.
Fyrr um daginn kemur Stór-
sveit Reykjavíkur fram á Nasa og
flytur lög úr söngbók Duke Ell-
ington undir stjórn danska píanó-
leikarans og stjórnandans Ole
Koch Hansen.
Þeir sem vilja byrja daginn
snemma geta brugðið sér á Hótel
Borg í hádeginu þar sem Inga Ey-
dal söngkona býður upp á „jazz
brunch“ ásamt Gunnari Gunnars-
syni, Jóni Rafnssyni og Benedikt
Brynjólfssyni. ■
KENNY GARRETT Einn af hápunktum
djasshátíðar í ár eru stórtónleikar Kennys
Garrett á Kaffi Reykjavík.
Djasshátíð í hámarki