Tíminn - 30.04.1976, Qupperneq 7

Köstudagur 30. april 197«
7
Sjúkrahús Skagfirðinga á Sauðárkróki
Sauðárkrókur:
Byrjað á heilsugæzlu-
stöð á næsta ári
A undanförnum árum hefir
stjórn Sjúkrahúss Skagfirðinga á
Sauöárkróki unnið að þvi að koma
upp heilsugæzlustöö i tengslum
við sjúkrahúsið. Gerðar hafa ver-
ið nokkrar teikningar i samræmi
við þær hugmyndir, sem uppi
hafa verið um slikar stöðvar. Það
verk hefir teiknistofan Höfði i
Reykjavik annazt i samráði við
stjórnog lækna sjúkrahússins. Að
undanförnu hefir Alþingi veitt i
fjárlögum nokkra fjárhæð vegna
þessara undirbúningsfram -
kvæmda. Nú liggur fyrir teikning
af heilsugæzlustöðinni, sem hlut-
aðeigandi aðiljar hafa fjallað um
og komið sér saman um sem
ákjósanlega lausn málsins. Er
hér um að ræða hús, sem reist
verður vestan viö sjúkrahúsiö
með tengiálmu við það, á þrem
hæðum, um 2100 fermetrar að
flatarmáli.
Vegna þessa máls voru á ferö á
Sauðárkróki dagana 8. og 9. þ.m.
Matthías Bjarnason heilbrigðis-
og tryggingamálaráöherra, Páll
Sigurösson ráðuneytisstjori og
Ólafur Ólafsson landlæknir.
Komu þeir á fund.með sjúkrahús-
stjórninni, skoðuðu sjúkrahúsið
og alla aöstöðu þar og ræddu hina
fyrirhuguðu nýju heilsugæzlustöð
á Sauðárkróki. Voru aðiljar ein-
huga um það að vinna að fram-
gangi þessa nauðsynjamáls og
hraða undirbúningsvinnu á þessu
ári og stefna að þvi að hefja
byggingarframkvæmdir þegar á
næsta ári.
Ráðherra, ráðuneytisstjóri og
landlæknir skoðuðu enn fremur.
húsakynni læknamóttöku á Hofs-
ósi en þar er i fullu starfi héraðs-
hjúkrunarkona, og læknir frá
sjúkrahúsinu á Sauöárkróki hefir
þar viðtalstima einn dag i viku
hverri. Voru til umræðu endur-
bætur á þeirri aðstöðu.
(Fréttatilkynning frá stjórn
Sjúkrahúss Skagfirðinga á Suðár-
króki).
Velta Véladeildar
Sambandsins varð
1,8 milljarðar '75
HEILDARVELTA Véladeildar
Sambandsins á árinu 1975 varð
1.784 milljónir króna, segir i nýút-
komnum Sambandsfréttum.
Velta deildarinnar 1974 var 1.524
miiljónir, og hefur hún þvi aukizt
um 260 milljónir eða 17,1%.
Jón Þór Jóhannsson fram-
kvæmdastjóri Véladeildar sagði,
að i reynd þýddu þessar
tölur, að veruiegur samdráttur i'
magni hefði orðið á sölu deildar-
innar á' milli þessara tveggja ára,
þvi að verðhækkanir á söluvörum
hennar á þessu timabili hefðu
orðið mun meiri en þessari aukn-
ingu næmi. Mestur samdráttur
hefði orðið i sölunni hjá Biladeild,
sem aðeins hefði haft 4,4% sölu-
aukningu i krónutölu, þrátt fyrir
verulegar verðhækkanir á bilum
á þessum tima. Þar væri þó að þvi
að gæta, að bilasala hefði verið ó-
venjumikil á árinu 1974, eins og
alkunnugt er. Eina undirdeild
Véladeildar, sem hélt nokkurn
veginn i horfinu, var Rafmagns-
deild, sem hafði 35% söluaukn-
ingu. Hins vegar varð veruleg
minnkun i magni i umsetningu
Búvéladeildar, sem aðeins hafði
22,3% söluaukningu i krónutölu.
Jón Þór gat þess einnig, að útlit
og horfur i vélasölu væru nú
þannig, að fyrirsjáanlega yrði
enn verulegur samdráttur i
magni i sölu deildarinnar á þessu
ári i öllum þeim vöruflokkum,
sem hún verzlar með.
AAannabreytingar
í Paradís
Gsal-Rvik. — Enn liafa orðið
mannabréy tingar i hljómsveit-
inni Paradis. Pétur „kafteinn”
Kristjánsson, pianóleikari hljóm-
sveitarinnar hefur hætt, en i hans
stað verið ráðinn Nikulás
Kdbertsson fyrrum pianóleikari
Dinamits, og áður i Dögg.
Nú er svo komið, að aðeins tveir
af stofnendum Paradisar eru enn
i hljómsveitinni, Pétur Kristjáns-
son, söngvari og Gunnar Her-
mannsson, bassaleikari, en aðrir
hljómsveitarmeðlimir eru nú,
Pétur Hjaltested, orgelleikari,
Björgvin Gisiason, pianóleikari,
Asgeir óskarsson, trommuleikari
og Nikulás Róbertsson, pianóleik-
ari.
Paradis hyggst halda til
Bandarikjanna innan skamms og
hljóðrita sina fyrstu LP-plötu.
Aðurnefndar mannabreytingar
munu ekki koma til með að
breyta þeim áformum.
Hótelið að Búðum opnað
á nýjan leik
I sumar verður aftur starfrækt
sumarhótel að Búðum á
Snæfellsnesi, eftir að hótel-
reksturinn hefur legið niðri i tvö
sumur. Hótelið verður opið frá 1.
júni til 15. september. 60 mans
geta gist á hótelinu samtimis.
Allar almennar veitingar verða á
boðstólum fyrir alla gesti. Lögð
verður áherzla á að bjóða upp á
islenzkan mat.
Hótelstjóri verður Auðunn
Jónsson. Að Búðum er mikil
náttúrufegurð og er staðurinn
vinsæll af ferðamönnum. Margir
hafa saknað þess aö geta ekki
fengið hótelþjónustu á staðnum.
Hótelstjórinn lét i ljós við blaðið,
að hann vonaðist til þess að
margir kæmu að Búðum i sumar
og fengju þar góða fyrirgreiöslu.
Réttarvernd skorar
á alþingismenn að
styðja þingsályktun
um að rannsókn saka
mála verði hraðað
EFTIRFARANDI samþykkt var
gerð á stjórnarfundi tslenzkrar
réttarverndar á þriöjudag:
Stjórn félagsins Islenzk réttar-
vernd skorar á Alþingi aö sam-
þykkja framkomna tillögu til
þingsályktunar um ráðstafanir til
þess að hraða rannsókn saka-
mála. Flutningsmenn tillögunnar
eru þeir Sighvatur Björgvinsson,
Jónas Arnason og Karvel Pálma-
son.
Stjórn félagsins bendir á að
mikið af þvi misrétti, sem við-
gengst i þjóðfélaginu, má rekja til
þess hve mjög opinber embætti
dómsmála eru vanbúin til þess að
rannsaka og afgreiða einstök mál
er þau fá til meðferðar.
Félagsleg og réttarfarsleg
röskun á lifsháttum þeirra, sem
árum saman þurfa að biða eftir
afgreiðslu mála sinna fyrir dóm-
stólum hlýtur að vera áhyggju-
efni allra þeirra, sem trúa á
frjálst og heilbrigt réttarfar á Is-
landi.
Stjórn íslenzkrar réttarverndar
telur þvi mjög timabært að
starfsaðstaða umræddra emb-
ætta verði bætt og hvetur .þvi ai-
þingismenn tilþess að samþykkja
þingsályktunartillöguna.
(Fréttatilkynning)
Hjúkrunarfræðingar
óskast i sumarafleysingar á sjúkrahús
Skagfirðinga Sauðárkróki.
Upplýsingar gefur hjúkrunarfram-
kvæmdastjóri simi 5270.

Snæfellsnesi
OPNUM í DAG
nýtt útibú á Snæfellsnesi með afgreiðslum
í Ólafsvík og á Hellissandi
Afgreiðslutími mánudaga til föstudaga
kl. 9,30 til 12,30 og 13,30 til 15,30
Símar: Ólafsvík 93-6391
Hellissandi 93-6661
Útibúið annast öll innlend og erlend bankaviðskipti
þ.á. m. kaup og sölu erlends gjaldeyris.