Tíminn - 27.08.1976, Blaðsíða 6

6
TÍMINN
Föstudagur 27. ágúst 1976
SUF síðan
Umsjónarmaður:
Pétur Einarsson
Framsóknar-
flokkurinn
Skipulag Framsóknarflokksins er i megin-
dráttum á þann veg að hann skiptist I þrjár deild-
ir þ.e.a.s.: Eldri karlmenn eða þá sem eru komn-
ir yfir 36 ára aldur, kvenfólk og ungt fólk.
Þessi skipting hefur oft verið gagnrýnd og ekki
sizt á þessum timum jafnréttis. Það sýnist vera
furðuleg þversögn að halda körlum og konum
aðskildum i stjórnmálum, ef kynin eiga að starfa
saman og vera jafnrétthá i daglega lifinu. Kostir
við kynjaskiptingu af þessu tagi eru afar fáir, en
þeir helztir, að á þennan hátt má halda aftur af
kvenfólkinu, ef menn vilja telja það kost. 1 póli-
tiskum kvenfélögum er oft sinnt meir beinu fé-
lagslifi frekar er stjórnmálalegri stefnumótun,
og afraksturinn fyrir flokkinn þvi takmarkaður.
Aldursskiptingin er verri viðfangs. Mörgum
finnst hún óeðlileg, en aðrir telja kosti hennar
ótviræða. Kostir aldursskiptingarinnar eru þeir,
að ungt áhugasamt fólk fær starfsvettvang og
með þvi athafnasvæði. Ungmennasamtök sjá
fyrir nýju blóði inn i flokkana sem er róttækara
og ferskara heldur en þátttakendur i eldri hluta
flokksins, enda er það lenzka að kalla ungsam-
tökin „samvizku flokksins”.
Gallarnir eru hins vegar fjölmargir. Fyrst má
e.t.v. telja, að skipting milli aldursflokka er
óeðlileg og stuðlar helzt að þvi að fjarlægja þá
hvorn frá öðrum. Ungsamtökin eru leikvangur
fyrst og fremst, þau skortir allt vald til þess að
framkvæma nokkuð af þvi, sem er þeirra
baráttumál. Þannig er það þreytandi fyrir full-
orðna menn að vinna i alvöru i pólitik i ung-
mennasamtökum vitandi það, að þeir eiga þess
nær engan kost að hrinda þeim i framkvæmd.
SUF hefur starfað i fjölda ára af alvöru i pólitik.
Afleiðing þess hefur orðið, að SUF hefur komið
fram sem riki i rikinu, eða flokkur i flokknum,
með vel unna pólitiska stefnu og góða sveit fram-
varða. Þetta hefur siðan orsakað það að eldri
hluti flokksins hefur snúizt til varnar gegn sókn
SUF.
Þannig býður Framsóknarflokkurinn beinlinis
heim af skipulagi sinu endalausum deilum og
streði milli aldurshópanna i flokknum. Þegar
valið hefur verið á framboðslista flokksins, þá
hefur einatt verið leitað út fyrir flokksraðirnar,
þótt vitað væri um vel frambærilega menn innan
ungsamtakanna. Þannig hefur þetta skipulag
reynzt, að það hefur skipt Framsóknarflokknum i
tvær stjórnmálafylkingar.
Á ýmsum stöðum á landinu, þar sem erfitt er
að halda úti mörgum félögum, þá hafa félögin
verið sameinuð og niðurstaða þess hefur orðið að
ungt fólk hefur yfirtekið forystuna i flokks-
starfinu átakalaust. Samstarf ungra og eldri
manna i hópum af þessu tagi hefur einnig reynzt
með ágætum, en i eldri hluta flokksins er
auðveldara að fást við alvöru-pólitik þar sem
valdastofnanir flokksins eru allar innan seiling-
ar.
Þrátt fyrir að ýmsar endurbætur hafi verið
gerðar á skipulagi flokksins til þess að færa þessi
mál i betra horf, þá er það liklega þróunin og
vafalaust hin rétta, að flokkurinn starfi sem ein
heild án kynja eða aldursskiptingar.
PE
Dagskrá
16. þings
S.U.F. að Laugar-
vatni 27.—29.
ágúst 1976
Föstudagur 27. ágúst
Kl. 19.00 1. Þingsetning, ávarp formanns S.U.F.
2. Kjör starfsmanna
a) forseti b) tveir varaforsetar c) tveir ritar-
ar
3. kjör kjörbréfanefndar
4. kjör uppstillinganefndar
Kl. 19.30 5. skýrsla stjómar um félagsstarfið
a) formaður b) gjaldkeri
6. umræður um skýrslu
7. reikningar bornir upp til samþykktar
Kl. 20.30 8. kvöldkaffi, ávarp fulltrúa heimamanna
Kl. 21.00 9. flokksstarfið og stjómmálaviðhorfin
— ritari Framsóknarflokksins
10. almennar umræður
Laugardagur 28. ágúst
Kl. 9.00 11. skipt i umræðuhópa/nefndir, kjömir
umræðustjórar og skrifarar
12. störf umræðuhópa og nefnda
Kl. 12.00 13. hádegisverður, ávarp fulltrúa NCF
Kl. 13.30 14. störf umræðuhópa og nefnda
Kl. 16.30 15. afgreiðsla mála
Kl. 19.00 16. kvöldverður, gestir ávarpaðir
Sunnudagur 29. ágúst
Kl. 10.00 17. afgreiðsla mála
Kl. 12.00 18. hádegisverður
Kl. 13.00 19. afgreiðsla mála og kosningar
a) framkvæmdastjóm b) miðstjórn
20. þingslit, ávarp formanns S.U.F.