Fréttablaðið - 15.12.2005, Síða 24

Stökktu til Kanarí
17. janúar
frá kr. 29.990
Kr. 29.990
Netverð á mann, m.v. hjón með 2 börn,
2-11 ára, í íbúð í viku 10. eða 17.
janúar. Innifalið flug, skattar, gisting og
íslensk fararstjórn.
Kr. 39.990
Netverð á mann, m.v. 2 í herbergi
/íbúð/stúdíó í viku 10. eða 17. janúar.
Innifalið flug, skattar, gisting og íslensk
fararstjórn.
Nú bjóðum við síðustu sætin í
sólina til Kanaríeyja í janúar á
frábærum kjörum. Þú bókar og
tryggir þér sæti og 4 dögum fyrir
brottför færðu að vita hvar þú gistir.
10. janúar
Uppselt - aukaflug
Síðustu sætin
15. desember 2005 FIMMTUDAGUR24
fréttir og fróðleikur
> Alþjóðlegur samanburður á árslaunum í iðnaði
árið 2002 í evrum
Svona erum við
TIL Í SLAGINN Marlie Casseu, sextán ára, gekkst undir aðgerð í gær á Holtz-barnaspítalan-
um í Miami á Flórída. Þar átti að fjarlægja átta kílóa þungan vef af andliti hennar.
FRÉTTABLAÐIÐ/AP
Heimild: Hagstofa Íslands
41
.1
33
29
.2
74
33
.2
07
ár
sl
au
n
38
.2
07
30
.6
86
36
.7
04
Bretland Dan-
mörk
Frakk-
land
Ísland Svíþjóð Þýska-
land
Nýlokið er loftslagsráðstefnu Samein-
uðu þjóðanna í Montreal í Kanada þar
sem meginmarkmiðið var að framlengja
þá bókun sem 157 aðildarríki gerðu
í Kyoto í Japan árið 1997. Markmið
þeirrar bókunar var að koma í veg fyrir
hættulega röskun á loftslagskerfinu af
mannavöldum og tryggja þannig að
matvælaframleiðslu í heiminum væri
ekki stefnt í hættu.
Hvað felur Kyoto-bókunin í sér?
Markmiðið var að stuðla að alþjóðlegri
samvinnu ríkja um að auðvelda aðlögun
að loftslagsbreytingum en um leið leitast við
að koma í veg fyrir eða minnka þau áhrif sem
mannkynið hefur á loftslagskerfi heimsins. 157
ríki skrifuðu undir samninginn og skuldbundu
sig til að minnka til muna útstreymi svokall-
aðra gróðurhúsalofttegunda.
Hvað átti sér stað í Montreal?
Þar leituðust sömu ríki við að ná samkomu-
lagi um næstu skref en upprunalega sam-
komulagið sem gert var í Kyoto náði aðeins
til ársins 2012. Í Montreal voru viðræður um
næstu skref eftir það með það fyrir augum
að ný markmið verði sett fyrir 2012.
Af hverju eru Bandaríkjamenn ekki með?
Sú staðreynd að stærsta iðnríki veraldar skuli
ekki taka þátt, og raunar finna loftslagssamn-
ingum allt til foráttu, er meira pólitísk ákvörð-
un stjórnar George Bush en nokkuð annað.
Fjölmörg ríki og fyrirtæki í landinu hafa sjálf
tekið það upp hjá sér að minnka útblástur
og mengun og því má segja að Bandaríkin séu
með þó formlegt samþykki stjórnarinnar liggi
ekki fyrir.
FBL GREINING: KYOTO-BÓKUNIN
Ætlað að hindra loftslagsbreytingar
George Bush Bandaríkjafor-
seti og þarlend stjórnvöld skapa
bandarískum fyrirtækjum mikla
óvissu með því að neita að taka
þátt í viðræðum um takmörkun á
útstreymi gróðurhúsalofts vegna
þess að þjóðir heims líta svo á að
slík afstaða samrýmist ekki hug-
myndum um sjálfbæra þróun.
Við þennan tón kveður í niður-
lagi ritstjórnargreinar Washing-
ton Post í gær þar sem gerð er
upp niðurstaða loftslagsráðstefnu
Sameinuðu þjóðanna sem lauk
í Montreal í Kanada um síðustu
helgi.
Gaggað á hliðarlínunni
„Fyrirtækin vita ekki hvers þau
eiga að vænta af bandarískum
stjórnvöldum í framtíðinni þegar
þau sem nú ríkja stíga af valda-
stóli. Hvernig eiga þau að taka
skynsamlegar ákvarðanir um
útstreymi gróðurhúsalofttegunda
undir þessum kringumstæðum,“
er spurt.
Í upphafi greinarinnar er talað
um auma stöðu Bush-stjórnarinn-
ar sem skilin hafi verið eftir gagg-
andi á hliðarlínunni í lok loftslags-
ráðstefnunnar í Montreal.
Þess ber að geta að Bandaríkin
eiga ekki aðild að Kyoto-bókun-
inni um takmörkun á útstreymi
gróðurhúsalofttegunda. Aftur á
móti eiga þau aðild að loftslags-
samningi Sameinuðu þjóðanna.
Fulltrúi Dana á ráðstefnunni
vill ekki gefa bandarísk stjórn-
völd upp á bátinn og lét hafa eftir
sér á ráðstefnunni að þótt afstaða
Bandaríkjanna, sem ábyrgð bera
á um fjórðungi útstreymis gróð-
urhúsalofttegunda í veröldinni, sé
ekki uppbyggileg, gæti það breyst
í framtíðinni.
Orð eru til alls fyrst
Hugi Ólafsson, skrifstofustjóri í
umhverfisráðuneytinu, sótti ráð-
stefnuna í Montreal. Hann telur
heldur ekki ástæðu til þess að
gefa upp von um að Bandaríkja-
menn taki til óspilltra málanna.
Hann segir að þótt þeir rekist illa
í samfélagi þjóðanna sé margt
að gerast. Í norðausturríkjum
Bandaríkjanna finni menn til
ábyrgðar og takmarki upp á eigin
spýtur útstreymi gróðurhúsaloft-
tegunda með svipuðum aðferðum
og Kyoto-ríkin hafi tekið upp.
Árni Finnsson, formaður Nátt-
úruverndarsamtaka Íslands, sótti
einnig ráðstefnuna í Montreal.
Hann segir mest um vert að tekist
hafi samkomulag um undirbún-
ing að áframhaldandi samstarfi
þjóðanna þegar gildistími Kyoto-
bókunarinnar rennur út árið 2012.
„Þetta skiptir miklu máli því ef
þjóðir heims ætla að ná mark-
miðum sínum um að hefta gróð-
urhúsaáhrifin og takmarka lofts-
lagsbreytingar af þeim völdum
verður málið að fara fyrir þjóð-
þingin löngu fyrir árið 2012. Það
tekur mörg ár að afgreiða þetta
fyrir þann tíma,“ segir Árni.
Í öðru lagi tókst samkomulag
í Montreal um aðkomu þróunar-
ríkja og ríkja sem mögulega ráða
miklu um heildarniðurstöðuna um
takmarkanir á útstreymi eins og
Kína og Indland og Bandaríkin.
„Vandinn er viðurkenndur sem
ógn við lífríki jarðar en Banda-
ríkin kvittuðu samt sem áður ekki
undir neinar skuldbindingar,“
segir Árni.
Hvað um Ísland?
„Þetta var árangursríkur fundur.
Annars vegar náðu aðildarríkin
að Kyoto-bókuninni árangri um
framhald samningsins eftir árið
2012. Hins vegar samdist um við-
ræðugrundvöll allra ríkja heims,
þeirra á meðal Bandaríkjanna.
Það er í anda þess sem Stephane
Dion, umhverfisráðherra Kanada,
hafði lagt upp með fyrir ráðstefn-
una en það var að fá þjóðir verald-
ar til að taka upp almennar við-
ræður um loftslagsbreytingar og
útstreymi. „Það næst ekki árangur
nema stórþjóðirnar eigi aðild að
samningum,“ segir Sigríður Anna
Þórðardóttir umhverfisráðherra,
en hún flutti boðskap íslenskra
stjórnvalda á loftslagsráðstefn-
unni í Montreal.
Mörður Árnason, þingmaður
Samfylkingarinnar, tók málið upp
á Alþingi fáeinum dögum áður en
hún hélt til Kanada og vildi vita
um stefnu stjórnvalda í loftslags-
málum. Hann staldraði við ger-
ólík viðhorf núverandi forsætis-
ráðherra og forvera hans. Davíð
Oddsson hefði á landsfundi Sjálf-
stæðisflokksins lýst miklum efa-
semdum um vísindalegan grunn
Kyoto-bókunarinnar. Halldór
Ásgrímsson hefði á hinn bóginn
sagt um Norðurheimskautsskýrsl-
una að aldrei hefðu menn staðið
frammi fyrir jafn örum loftslags-
breytingum á norðurhveli jarðar.
„Milli orða fyrrverandi for-
sætisráðherra úr öðrum stjórnar-
flokknum og yfirlýsinga núver-
andi forsætisráðherra úr hinum
stjórnarflokknum, er himinn og
haf,“ sagði Mörður.
Umhverfisráðherra sagði í
umræðunum að stefna Íslands
væri skýr og að þjóðin hefði meðal
annars dregið úr útstreymi gróð-
urhúsalofttegunda um sex prósent
frá árinu 1990.
„Mér fannst framlag Íslands á
ráðstefnunni í Montreal ágætt. Í
ávarpi Sigríðar Önnu Þórðardótt-
ur umhverfisráðherra var Ísland
á sömu línu og Evrópuþjóðir og
Norðurlöndin og það skiptir miklu
máli,“ segir Árni Finnsson for-
maður Náttúruverndarsamtaka
Íslands.
Lítið vinnst án sam-
starfs við stórþjóðir
Að lokinni loftslagsráðstefnunni í Montreal eru bundnar vonir við að þjóðir
heims geti gengið í takt og samið um frekari takmarkanir á útstreymi gróður-
húsalofttegunda. Líka þeir sem dregið hafa lappirnar eins og Bandaríkjamenn.
FRÉTTASKÝRING
JÓHANN HAUKSSON
johannh@frettabladid.is
SIGRÍÐUR ANNA
ÞÓRÐARDÓTTIR,
UMHVERFISRÁÐ-
HERRA Mikilsvert
er að fá Bandaríkin,
Kína og Indland
í viðræður um
útstreymi gróður-
húsalofttegunda.
ÁRNI FINNSSON,
FORMAÐUR
NÁTTÚRUVERNDAR-
SAMTAKA ÍSLANDS
„Mér fannst framlag
Íslands á ráðstefn-
unni í Montreal
ágætt.“
GRÓÐURHÚSAÁHRIFUM MÓTMÆLT Í MONTREAL Eftir loftslagsráðstefnuna í Montreal er
vonast til að Bandaríkjamenn, og aðrir sem hafa ekki samið um frekari takmarkanir á
útstreymi gróðurhúsalofttegunda, muni sammælast um slíkar takmarkanir. NORDIDPHOTOS/AFP
Komdu í spennandi heim
afþreyingar og upplýsinga
Smelltu þér á www.ogvodafone.is, farðu í næstu verslun Og Vodafone
eða hringdu í 1414 fyrir nánari upplýsingar.
24.900 kr.
MOTOROLA V3 RAZR
SÍMI