Fréttablaðið - 15.12.2005, Blaðsíða 86

������������������������
������������������
�����������������
������������������������
�������������������������
��������������������������������
������������������������������
Framganga B-liðs KR í bikarkeppni KKÍ
og Lýsingar hefur vakið mikla athygli
en í síðustu viku lagði liðið 1. deildarlið
Stjörnunnar í 32-liða úrslitum. KR-b
liðið, sem gárungar kalla Bumbuna,
mætir Grindavík í sextán liða úrslitum
keppninnar 7. janúar næstkomandi og
segir Lárus Þór Árnason, gömul kempa
hjá KR en núverandi forsvarsmaður
Bumbunnar, að hann og
félagar hans í liðinu séu
staðráðnir í að stríða
Grindvíkingum.
„Við þekkjum nátt-
úrlega til Friðriks Inga
(Rúnarssonar) þjálf-
ara og það kæmi mér
ekki á óvart ef hann
bætti við sig mönnum
fyrir leikinn gegn okkur,“ sagði Lárus kím-
inn við Fréttablaðið í gær. Í Bumbunni er
að finna mörg kunnugleg nöfn, svo sem
Birgi Mikaelsson og Hermann Hauksson,
sem augljóslega kunna ennþá sitthvað
fyrir sér í íþróttinni. Að sögn Lárusar er
nafnið á liðinu tilkomið vegna misjafns
líkamlegs ástand leikmanna, en hjá
nokkrum er ístran farin að ná örlítið yfir
beltisstað. Það aftraði liðinu þó ekki
frá því að vinna 83-78 sigur á
Stjörnunni, sem meðal ann-
ars er með öflugan Banda-
ríkjamann í sínum röðum.
„Þetta byrjaði fyrir
nokkrum árum síðan og
hefur smám
saman verið að
vinda upp á sig,
gamlir leikmann hafa verið að koma inn
og í dag æfum við einu sinni til tvisvar í
viku og spilum í 2. deildinni. En í svona
bikarkeppni fá menn alltaf aukinn kraft
og í leiknum gegn Stjörnunni náðum við
að hanga í þeim fram á síðustu mínútu.
Þá getur allt gerst og að lokum skilaði
reynslan okkur sigri,“ segir Lárus og bætir
því við að Bumban óttist ekki úrvals-
deildarlið Grindavíkur.
„Að sjálfsögðu eigum við séns en ég
held að við þurfum að koma upp með
einhverja snilldarlega hernaðaráætlun til
að eiga möguleika. Við erum í samninga-
viðræðum við Pál Kolbeinsson og Ólaf
Jón Ormsson um að koma til okkar og
með þá innanborðs eigum við að geta
staðið í Grindvíkingum,“ sagði Lárus að
lokum.
B-LIÐ KR Í KÖRFUBOLTANUM: MÆTIR GRINDAVÍK Í SEXTÁN LIÐA ÚRSLITUM BIKARKEPPNINNAR
Bumban slær í gegn í bikarkeppninni
HANDBOLTI Héðinn Gilsson, aðstoð-
arþjálfari HK, var í gær dæmdur
í tveggja leikja bann fyrir hegðan
sína í leik HK og Hauka 6. desem-
ber sl. Í úrskurði aganefndarinnar
segir að Héðinn hafi sýnt grófa
óíþróttamannslega hegðun en
hann var mjög ósáttur með dóm-
gæsluna í leiknum og endaði á því
að fá rauða spjaldið fyrir kjaft-
brúk.
„Ég átti alveg von á þessu fyrst
ég missti mig í þessa vitleysu og
verð að taka afleiðingum þess,“
sagði Héðinn við Fréttablaðið í
gær. „En hins vegar stend ég alveg
við það sem ég sagði um dómgæsl-
una á þessum tíma.” - vig
Héðinn Gilsson, aðstoðarþjálfari HK í handknattleik:
Fékk tveggja leikja bann
ÍÞRÓTTIR FATLAÐRA „Þetta var
svona frekar rólegt ár hjá mér
en það gekk nú samt vel á öllum
mótum,“ sagði sundkonan Kristín
Rós Hákonardóttir eftir að hún
tók á móti verðlaunum fyrir að
vera valin íþróttakona ársins hjá
Íþróttasambandi fatlaðra, tólfta
árið í röð.
Krístín Rós, sem er grafískur
hönnuður að mennt og starfar nú
sem sérkennari við Öskjuhlíðar-
skóla, tók þátt í einu alþjóðlegu
móti á árinu en það var Opna
þýska meistaramótið, og setti hún
þar eitt heimsmet og tvö Íslands-
met. Kristín keppir í flokki hreyfi-
hamlaðra S7 og á öll Íslandsmetin
í greinunum í hennar flokki.
Það eru mörg krefjandi verk-
efni framundan hjá Kristínu Rós
á komandi ári. „Ég mun fara í
þrígang að keppa á erlendum
vettvangi fyrripart árs, og svo er
heimsmeistaramótið í desember.“
Aðspurð um það hvort hún
stefni enn einu sinni að því að bæta
árangur sinn á næsta ári, segist
hún ekki vera farin að hugsa út
í það. „Ég gef nú aldrei upp mín
markmið en það verður bara að
koma í ljós hvernig gengur hjá
mér,“ sagði Kristín jarðbundin.
Afrekaskrá Kristínar er löng,
en hún á heimsmet í níu greinum
í 25 metra laug og sex í fimmtíu
metra laug. Sannarlega glæsileg-
ur afrekalisti það.
Erna Maríusdóttir fékk Guð-
rúnarbikarinn að þessu sinni en
þann bikar gaf Össur Aðalsteins-
son til minningar um eiginkonu
sína, Guðrúnu Pálsdóttur, árið
2000. Bikarinn er afhentur árlega
konu sem starfað hefur sérlega vel
á liðnu ári í þágu fatlaðs fólks, en
Erna hefur verið keiluþjálfari og
aðstoðarkeiluþjálfari í um fimmt-
án ár hjá íþróttafélaginu Ösp. Hún
hefur að auki verið fararstjóri
og þjálfari á vegum Íþróttasam-
bands fatlaðra á ólympíuleikum
og margoft á mótum hérlendis.
Erna fékk bikarinn ekki síst
fyrir að beita sér fyrir þátttöku
þroskaheftra í golfi, en hún hefur
lengi verið mikill hvatamaður
fatlaðra í golfi. magnush@frettabladid.is
Bætti við fimmtánda
heimsmetinu á árinu
Kristín Rós Hákonardóttir var í gær útnefnd íþróttakona ársins hjá Íþróttasam-
bandi fatlaðra. Kristín setti eitt heimsmet á árinu og á nú í heildina fimmtán
heimsmet í sínum fötlunarflokki.
KRISTÍN RÓS HÁKONARDÓTTIR Árið í ár var frekar rólegt hjá Kristínu Rós en hún keppti
aðeins einu sinni á erlendum vettvangi og setti þar eitt heimsmet og tvö Íslandsmet.
FRETTABLAÐIÐ/E.ÓL
ÍÞRÓTTIR FATLAÐRA „Ég er mjög
sáttur með árangur minn á þessu
ári. Ég hef æft samviskusamlega
og vonandi næ ég að bæta mig enn
meira á næsta ári. Ég stefni að
góðum árangri á heimsmeistara-
mótinu sem fer fram í september
á næsta ári,“ sagði frjálsíþrótta-
maðurinn Jón Oddur Halldórsson
en hann var í gær valinn íþrótta-
maður ársins hjá Íþróttasambandi
fatlaðra.
Jón Oddur leggur gríðarlega hart
að sér við æfingar og segir hann að
fátt annað komist að hjá honum en
skólinn og æfingar. „Dæmigerður
dagur hjá mér er að vakna, fara
í skólann, æfa seinni partinn og
fara svo að sofa. Þannig er þetta
eiginlega alltaf hjá mér. Æfing-
arnar eru einn og hálfur til tveir
klukkutímar.“
Jón segist eiga mikið inni og
ætlar hann sér að ná fram því
besta á heimsmeistaramótinu sem
fer fram í Hollandi í september á
næsta ári. „Ég fer á tvö eða þrjú
opin mót en þau eru eins konar
undirbúningsmót fyrir stóra
mótið í september. Þar ætla ég
að reyna að ná fram mínu besta
og mínar æfingar miðast við það.
Ég hef notið leiðsagnar frábærra
þjálfara, Stefáns Jóhannssonar
hjá Ármanni og Kára Jónssonar
landsliðsþjálfara, og það er að
sjálfsögðu stefna mín að ná enn
lengra.“ - mh
Jón Oddur Halldórsson valinn íþróttamaður ársins:
Frábært ár hjá Jóni Oddi
JÓN ODDUR HALLDÓRSSON Jón Oddur
ætlar sér stóra hluti á næsta ári en
heimsmeistaramótið fer fram í september í
Hollandi. FRÉTTABLAÐIÐ/E.ÓL
HEIMSMET KRISTÍNAR RÓSAR:
25 METRA LAUG:
50 OG 100 METRA SKRIÐSUNDI, 50, 100 OG
200 METRA BAKSUND OG 50, 100 OG 200
BRINGUSUND. AÐ AUKI Á HÚN METIÐ Í 100
METRA FJÓRSUNDI.
50 METRA LAUG:
50, 100 OG 200 METRA BAKSUND OG 50,
100 OG 200 BRINGUSUND.
> Indriði vinsæll
Stoke City í Englandi er ekki eina
liðið sem hefur hug á því að krækja í
landsliðsmanninn Indriða Sigurðsson
hjá Genk í Belgíu því að sögn Ariel Jak-
obs, yfirmanns knattspyrnumála hjá
Genk, hafa lið frá Frakklandi og Tyrk-
landi spurst fyrir um Indriða. „Samningur
Indriða við okkur rennur út í lok tíma-
bilsins en það er möguleiki á f ram-
lengingu svo að við sjáum til
hvað verður. Ég talaði við
Indriða á þriðjudaginn
og tjáði honum að það
væri áhugi frá Frakk-
landi og Tyrklandi,“ segir
Jakobs. „En það er
allt opið og við
erum tilbúnir
að ræða við
alla þá sem
hafa áhuga
á Indriða.“
Björgvin í 28. sæti
Skíðafólkið Björgvin Björgvinsson og
Dagný Linda Kristjánsdóttir voru bæði á
ferðinni á stórsvigsmóti á Ítalíu. Björgvin
varð í 28. sæti en Dagný Linda kom í
mark á fertugasta besta tímanum.
62 15. desember 2005 FIMMTUDAGUR
sport@frettabladid.is