Fréttablaðið - 18.12.2005, Blaðsíða 16

18. desember 2005 SUNNUDAGUR16
HM BOLTINN 2006
FRÁBÆR JÓLAGJÖF FYRIR
FÓTBOLTAÁHUGAMANNINN
1.890
Nánari upplýsingar um keppnina finnur þú á
www. adidas.com/flagbearer
BERÐU FÁNANN HÁTT!
Langar þig að ganga inn á völlinn með besta vini þínum og besta knattspyrnu-
manni í heimi? Frammi fyrir tugum þúsunda fagnandi áhorfenda? Þá ættir þú að
taka þátt í keppninni um hver verður “Fair Play” fánaberi alþjóða knattspyrnu-
samtakanna FÍFA “Fair Play” þýðir drengilegur leikur og er hluti af átaki FÍFA
til að stuðla að góðri hegðun jafnt utan vallar sem innan.
Allir sem eru á aldrinum 10-14 ára geta tekið þátt í keppninni um að komast með
vini og einu foreldri á HM í knattspyrnu í Þýskalandi árið 2006 sem fánaberi FÍFA.
Það eina sem þú þarft að gera er að fara inn á vefsíðuna
www.adidas.com/flagbearer með kóðann þinn og svara eftirfarandi spurningum:
1. Hvað taka mörg lið þátt í HM í Þýskalandi 2006?
a) 24 lið b) 32 lið c) 40 lið
2. Hvaða dag er lokaleikur HM í fótbolta
a) 9. júlí b) 10. júní c) 12. ágúst
3. Í hvaða borg fer úrslitaleikurinn fram?
a) Berlín b) Munchen c) Hamborg
Útskýrðu með hámark 20 orðum hvers vegna þú ættir að fara
á HM í Þýskalandi og bera “Fair Play” fána FÍFA með besta vini
þínum.
HM-boltinn 2006 fæst í Intersport. Boltinn er
sannkölluð drauma jólagjöf allra fótboltaáhugamanna,
og kemur í skemmtilegri gjafapakkningu.
Verð: 1.890
Intersport Húsgagnahöll sími 585 7220 Intersport Smáralind
s ÍMi 585 7240 Intersport Selfossi s ÍMi 585 7197
Geislaplatan er komin í eftirfarandi verslanir: Topshop, 10-11, Bónus og Hagkaup
„Hjálpum þeim” er söfnunarátak fyrir Hjálparstarf kirkjunnar vegna hamfaranna
í Pakistan. Ný útgáfa af laginu er flutt af landsliði íslenskra tónlistarmanna.
Söluandvirði þessarar geislaplötu, utan við virðisaukaskatt, rennur óskipt til
söfnunarátaksins.
Því miður er ég ekki í hópi þeirra
sem fá Fréttablaðið reglulega. Mér
berst það með höppum og glöpp-
um. Ég get heldur ekki nálgast það
neins staðar í nágrenni mínu, bý
ég þó í 101 Reykjavík. Það var ekki
fyrr en á fimmtudag sem kunningi
minn rétti mér úrklippu úr Frétta-
blaðinu og benti mér á leiðara
sem fjallaði um hátíðartónleika
Sinfóníuhljómsveitar Íslands. Um
þann leiðara hef ég þetta að segja:
Hátíðartónleikar Sinfóníuhljóm-
sveitar Íslands eru eins konar árs-
hátíð okkar. Þeir hafa þann tilgang
að sýna tryggustu áskrifendum
okkar, velunnurum, bakhjörlum
og hljómsveitinni ásamt mökum
þakklæti okkar.
Hátíðartónleikar voru fyrst
haldnir fyrir einu ári síðan, þegar
Osmo Vänskä kom hingað fyrir
tilstilli forseta Íslands. Án atbeina
forsetans hefði hann ekki komið
til landsins. Nú tókst okkur að fá
til landsins Bryn Terfel. Hann
hefði ekki komið hingað nema
fyrir tilstilli forseta Íslands og
KB banka. Við fögnum samstarfi
við atvinnulífið því það gerir
okkur kleift að gera hluti sem við
ella hefðum aldrei getað gert.
Hverjir komu á tónleikana?
Af þeim gestum sem voru á hátíð-
artónleikunum 2004 og 2005 voru
um sexhundruð á okkar vegum.
Þar voru áskrifendur sem hald-
ið höfðu tryggð við okkur allt frá
árinu 1994 í yfirgnæfandi meiri-
hluta. Makar hljóðfæraleikara og
starfsfólk voru um eitthundrað.
Síðan komu gestir hljómsveitar-
innar sem boðnir eru á alla tón-
leika auk nokkurra velunnara
hljómsveitarinnar. Gestir KB
banka voru um þriðjungur gesta.
Ég vænti þess að enginn telji
það ósiðlegt eða óviðeigandi að
bjóða tryggum áskrifendum og
öðrum velunnurum á tónleika.
Við höldum um 60 tónleika árlega.
Þar koma fram fjölmargir heims-
frægir listamenn. Tónleikar þess-
ir eru opnir öllum eftir að áskrif-
endur hafa fengið sína miða. Þetta
eru allt tónleikar sem áskrifendur
okkar hafa keypt sig inn á. Ef við
viljum hygla þeim sérstaklega,
sem við viljum, þá verðum við að
búa til sérstaka tónleika fyrir þá.
Sá er tilgangur með hátíðartón-
leikum.
Aðeins þetta eina sinn og með
þessum hætti
Bryn Terfel gaf því miður ekki
kost nema á einum tónleikum.
Þrátt fyrir miklar annir kom hann
vegna þess að þetta voru hátíðar-
tónleikar þar sem hann var gest-
ur forseta Íslands og bjó í gesta-
bústað embættisins.
Við gátum fengið hann fyrir
rausnarskap KB banka, sem gerði
okkur það kleift fjárhagslega. Ef
þetta tvennt hefði ekki komið til
hefðu þessir tónleikar ekki átt sér
stað á Íslandi.
Tónleikunum var útvarpað um
land allt. Ríkissjónvarpinu stóð
einnig til boða, eins og endra-
nær, að sjónvarpa frá tónleikun-
um og gefa þannig landsmönnum
öllum kost á að fylgjast sjónrænt
með þeim. Þeir sáu ekki ástæðu
til fremur en þeir hafa ekki séð
ástæðu til að sjónvarpa neinu frá
tónleikum okkar, alveg sama hve
frægir listamenn komu til okkar.
Það er mikið vanmat sem ber að
harma.
Sinfóníuhljómsveit Íslands er
enginn fínn klúbbur. Ástríða fólks
á klassískri tónlist tengist ekki
efnahag þess. Áskrifendur að tón-
leikum hljómsveitarinnar koma
úr öllum stéttum samfélagsins.
Það var þetta fólk sem var stærsti
hluti áheyrenda á hátíðartónleik-
um Sinfóníuhljómsveitar Íslands
8. desember sl. Þessu fólki ásamt
hljómsveitinni vildum við gera
dagamun.
Ef Sinfóníuhljómsveit Íslands á
að fá að dafna og þrífast og þrosk-
ast verðum við að fá tækifæri til
að laða að okkur bestu listamenn
heims. Hún verður að rækja starf
sitt á sambærilegan hátt og ann-
ars staðar tíðkast. Hún má ekki
einangrast og verða að eins konar
nátttrölli á reginfjöllum. Breyttir
tímar kalla á breytt vinnubrögð.
Við eins og margar aðrar lista-
og menningarstofnanir þurfum
á samstarfi við velunnara okkar
að halda. Við þökkum því fyrir
samstarfið við embætti forseta
Íslands og myndarlegan stuðning
frá stórhuga fyrirtæki á borð
við KB banka. Tónleikarnir með
Bryn Terfel voru hljómsveitinni
mikils virði og styrktu hana í bráð
og lengd.
Höfundur er framkvæmdastjóri
Sinfóníuhljómsveitar Íslands og
stjórnarformaður Máls og menn-
ingar.
Sinfónían má ekki einangrast
UMRÆÐAN
SINFÓNÍUHLJÓM-
SVEIT ÍSLANDS
ÞRÖSTUR ÓLAFSSON
SINFÓNÍUHLJÓMSVEIT ÍSLANDS Ríkissjón-
varpið sá því miður ekki ástæðu til að sjón-
varpa tónleikunum, segir greinarhöfundur.