Fréttablaðið - 12.02.2006, Page 86

12. febrúar 2006 SUNNUDAGUR46
Hvað er að frétta? Allt gott.
Augnlitur? Grænbrúnn.
Starf? Tónlistarmaður.
Fjölskylduhagir? Ég er ekkjumaður.
Missti konuna mína fyrir um það bil sex
árum.
Hvaðan ertu? Ég er innfæddur Reyk-
víkingur.
Ertu hjátrúarfullur? Nei, í raun og veru
ekki. Er frekar forlagatrúar eins og svo
margir Íslendingar.
Uppáhaldssjónvarpsþáttur? Ég á
engan uppáhaldssjónvarpsþátt.
Uppáhaldsútvarpsþáttur? Ég hlusta
ekkert á útvarp. Maður er stundum með
smá músíkeitrun.
Uppáhaldsmatur? Glóðarsteikt nauta-
lund á Ben´s Steakhouse í New York.
Fallegasti staður? Snæfellsnesið.
Hvað er skemmtilegast? Að spila með
góðum tónlistarmönnum og elska góða
konu.
Hvað er leiðinlegast? Kannski að
ganga frá böggpóstinum.
Helsti veikleiki? Þeir eru svo margir að
ég vil ekki telja þá upp.
Helsti kostur? Það væri kannski helst
mannþekkingin sem maður heldur að
maður sé búinn að koma sér upp á
langri ævi.
Helsta afrek? Ætli það sé ekki bara að
halda haus.
Mestu vonbrigði? Að missa konuna
mína of fljótt.
Hver er fyndnastur/fyndnust? Jón
Gnarr á góðum degi.
Hvað fer mest í taugarnar á
þér? Óstundvísi og hranaleg
framkoma.
Uppáhaldskvikmynd? Ég er
bíófrík, þannig að þetta er alveg
vonlaus spurning. Núna í dag
segi ég The Bunker, myndin um
síðustu daga Hitlers.
Uppáhaldsbók? Í dag er það Trúð-
urinn eftir Henrich Böll.
Hvað er mikilvægast? Það er fjölskyld-
an þegar upp er staðið.
HIN HLIÐIN MAGNÚS EIRÍKSSON TÓNLISTARMAÐUR
Mannþekkingin helsti kosturinn
HRÓSIÐ
...fær Óttar Guðnason kvik-
myndatökumaður fyrir frábæran
árangur í starfi.
Mikhaíl Gorbatsjev, fyrrum aðal-
ritari kommúnistaflokksins í Sov-
étríkjunum, er væntanlegur hingað
til lands á vegum tónleikahaldar-
ans Einars Bárðarssonar í tilefni
af 20 ára afmæli leiðtogafundar-
ins í Höfða. Verður fyrirlesturinn
sá fyrsti í röðinni Stefnumót við
leiðtoga sem Einar ætlar að standa
fyrir. Gorbatsjev kemur hingað
10. október og mun fyrirlesturinn
fjalla um stjórnun á 21. öldinni, frið
og sögulega þýðingu og minningar
frá leiðtogafundinum í Höfða.
Gorbatsjev var valinn maður
níunda áratugarins af tímaritinu
Time en hann er talinn hafa átt
einn stærstan þátt í falli járntjalds-
ins, hnignun kommúnsimsans og
að kalda stríðið leið undir lok.
Að mati margra var fundur
þeirra Reagans og Gorbatsjev
einhver merkilegasti leiðtogafund-
ur 20. aldarinnar. Það er reyndar
ekki vitað hvor hafi átt hugmynd-
ina að fundarstaðnum í Reykja-
vík því báðir vildu þeir eigna sér
heiðurinn af þeirri fyrirtaks hug-
mynd. Talið er að það hafi verið
Sovétmenn sem hefðu verið fyrri
til að setja sig í samband við rík-
isstjórn Íslands og sárnaði Banda-
ríkjamönnum það eitthvað. Gert
hefði verið samkomulag um að það
skyldi gert sameiginlega.
Það er ljóst að það er mikill
fengur að komu þessa nóbels-
verðlaunahafa svo vitnað sé til
orða Jóns Hákons Magnússonar,
sem var yfirmaður fjölmiðlamið-
stöðvarinnar á leiðtogafundinum.
„Við eigum Mikhail Gorbatsjev og
Reagan mikið að þakka að halda
þennan örlagaríka fund sem er
stærsti viðburður Íslandssög-
unnar. [...] Rétt væri að láta gera
styttu af þeim og bjóða Gorbat-
sjev að afhjúpa hana við Höfða í
október 2006.“
Gorbatsjev með fyrirlestur
REAGAN OG GORBATSJEV Hér sjást þeir á fundi í Hvíta húsinu en fundur þeirra í Höfða er
talinn marka upphafið að þiðnun milli stórveldanna. NORDIC PHOTO / GETTY IMAGES
Það var ekki við öðru að búast en
að Bart Cameron, ritstjóri tíma-
ritsins Reykjavík Grapevine, hefði
sterkar skoðanir á myndbirting-
um Jótlandspóstsins á Múhameð
spámanni og efnistökum fjölmiðla
í kjölfarið. Blaðið tæklar málið í
nýjasta tölublaði sínu með því að
birta sína eigin skopteikningu og
er ómyrkt í máli.
Á myndinni sést hvar Anders
Fogh Rasmussen, forsætisráð-
herra Dana, stendur í ræðupúlti
og biður þá sem eru, ólíkt múslim-
um, hlynntir tjáningarfrelsi um
að rétta upp hönd. Gegnt honum
standa nokkrir menn, rígsperr-
tir með útrétta hönd og minnir
það ekki lítið á nasistakveðjuna
alræmdu. Hver þeirra hefur
borða á upphandlegg sínum með
titli nokkurra dagblaða sem hafa
birt myndirnar sem Jótlandspóst-
urinn lét gera. Íslendingar eiga
sinn fulltrúa, því einn borðinn er
merktur DV.
Grapevine og DV hafa um
skeið eldað grátt silfur saman og
er ólíklegt að þetta nýjasta útspil
leiði til þess að stríðsöxin verði
grafin. -bs
Láta DV heilsa
að nasistasið
SKOPMYNDIN Í GRAPEVINE Ekki í fyrsta
sinn sem blaðið gagnrýnir DV.
25.08.45
Ólafur Jóhannesson kvikmynda-
gerðarmaður er um þessar mund-
ir að ljúka tökum á sinni nýjustu
mynd, Queen Raquel, en hún fjall-
ar um heim kynskiptinga á Fil-
ippseyjum. Þegar Ólafur leitaði
að samstarfsfólki við gerð mynd-
arinnar komst hann í kynni við
Mike Stone sem að margra mati er
helsta karate-goðsögn í sögu kvik-
myndanna. „Ég er með frábært
teymi hérna úti sem útvegar allt
við gerð myndarinnar,“ útskýrir
leikstjórinn þegar hann er kraf-
inn skýringar á kynnum þeirra
félaga. „Í gegnum þau komst ég
í kynni við Stone en hann starf-
ar við gerð myndarinnar,“ segir
Ólafur en Mike á að baki heldur
magnaða sögu.
Einkalíf hans var með skraut-
legasta móti en tuttugu ár eru liðin
síðan hann flúði sviðsljósið og sett-
ist að á eyjunni Bohol þar sem hann
íhugar, lifir á ávöxtum og æfir.
Hann var á sínum tíma lífvörður
upptökustjórans Phils Spector,
Bítilsins John Lennon og rokk-
kóngsins Elvis Presley auk þess
sem hann átti í ástarsambandi við
Priscillu Presley sem varð til þess
að rokkkóngurinn og hún skildu.
„Mike var besti vinur Bruce Lee og
eini maðurinn sem hann vildi ekki
slást við,“ segir Ólafur en Lee var
handviss um að Stone myndi ganga
frá honum. Þar að auki er hann
hálfbróðir leikkonunnar Sharon
Stone, sem lék í hinni frægu Basic
Instinct, og var nánasti samstarfs-
maður Chucks Norris.
Fjölmörg bókaforlög hafa falast
eftir því að fá kappann til að skrifa
ævisögu sína enda er ævihlaupið
hans kynngimagnað. „Hann hefur
alltaf neitað en með okkur hefur
tekist góður vinskapur og hann
hefur fallist á að segja mér sögu
sína. Finnst það tímabært,“ segir
Ólafur og ekki laust við að mik-
illar eftirvæntingar gætir í rödd
hans.
Leikstjórinn hefur talað laus-
lega við nokkur dreifingarfyrir-
tæki um myndina og þau hafa sýnt
henni áhuga. „Það er auðveldlega
hægt að selja hana í formi sjón-
varpsmyndar til Bandaríkjanna
en það finnst mér ekki spenn-
andi enda vil ég bara gera stórar
myndir fyrir áhorfendur,“ segir
leikstjórinn og bætti við að hann
væri líklegast á leiðinni næstu
daga til að taka upp efni með Mike
þar sem hann býr á eyjunni Bohol.
„Verkefnið er á rannsóknarstigi
og það er í nógu að snúast hjá mér.
Búddamunkurinn Róbert kemur
út í haust, svo Queen Raquel. Ég
verð bara að koma Mike Stone að
einhvers staðar þar á milli.“
freyrgigja@frettabladid.is
ÓLAFUR JÓHANNESSON: GERIR HEIMILDARMYND UM MIKE STONE
Stakk undan Elvis Presley
STONE OG ÓLAFUR Þessi dularfulli maður verður líklegast næsta viðfangsefni Ólafs en ævihlaup Mike Stone er æði skrautlegt en hann var
meðal annars lífvörður Elvis Presley. FRÉTTABLAÐIÐ / ÓLAFUR
���������
�� ������������������
�������� ���
�������� ���
������� ��
��������������������