Fréttablaðið - 13.02.2006, Side 10

10 13. febrúar 2006 MÁNUDAGUR
Skyr.is drykkurinn fæst nú með bláberjabragði – án viðbætts sykurs
Nýjung!
LÓÐAMÁL Hærra lóðaverð hefur
lítil áhrif á íbúðaverð, segir Björn
Þorri Viktorsson, formaður Félags
fasteignasala.
„Mér finnst menn gjarnan hrapa
að þeirri ályktun að lóðaverð valdi
því að fasteignaverð hafi hækk-
að,“ segir Björn Þorri. „Íbúðaverð
hefur hins vegar hækkað langt
umfram efniskostnað við bygg-
ingaframkvæmdir.“
Björn Þorri segir hærra lóða-
verð fyrst og fremst koma niður á
tekjum þeirra sem byggi íbúðirn-
ar. Hann telur að hærra lóðaverð
skýrist fyrst og fremst af því að
fólki bjóðist lán á hagstæðari kjör-
um frá bönkunum en áður auk þess
sem það fái hærra lánshlutfall af
íbúðaverðinu en áður.
Lóðaútboð í suðurhlíðum Úlf-
arsfells stendur til 16. febrúar.
Lágmarkssöluverð er sett á lóð-
irnar, 10,5 milljónir fyrir einbýl-
ishúsalóðir, ellefu milljónir fyrir
parhúsalóðir og svo mishátt verð
fyrir fjölbýlishúsalóðir eftir stærð
þeirra. Dýrasta lóðin verður seld
fyrir rúmar 182 milljónir eða
meira.
Lóðir í Norðlingaholti hækkuðu
um helming milli áranna 2004 og
2005. Til að mynda voru að með-
altali greiddar 6,7 milljónir fyrir
einbýlishúsalóðir í júní 2004 en 14
milljónir í apríl 2005. - gag
BJÖRN ÞORRI VIKTORSSON Segir íbúðaverð
hafa hækkað langt umfram byggingar-
kostnað.
Formaður Félags fasteignasala um verð á lóðum:
Lóðaverð stjórnar ekki íbúðaverði
HÁTÍÐ 112-dagurinn var haldinn
hátíðlegur á laugardag og efndu
viðbragðsaðilar til mikillar veislu
um allt land. Slökkviliðið, lögregla,
björgunarsveitir, Rauði krossinn,
Landhelgisgæslan og fleiri fylktu
liði og fóru í bíla- og tækjalest-
um um borg og bæi undir merkj-
um samvinnu og samhæfingar.
Almenningi gafst síðan kostur á
að kynnast starfseminni í opnu
húsi sem efnt var til um allt land.
Í Reykjavík lék veðurblíðan við
höfuðborgarbúa sem gátu séð til-
komumikla lest björgunartækja
aka frá Björgunarmiðstöðinni
Skógarhlíð með blikkandi ljósum
gegnum Kópavog og Garðabæ
og fylgdi þyrla Landhelgisgæsl-
unnar lestinni eftir úr lofti. Gátu
gestir og gangandi síðan skoðað
herlegheitin á tækjasýningu sem
haldin var í Skógarhlíðinni. Varð-
skipið Týr, Sæbjörg, björgunar-
skip og þyrla voru enn fremur
opin almenningi við Faxagarð í
Reykjavíkurhöfn.
Um landið allt var boðið
upp á svipaða dagskrá og virt-
ust landsmenn vera áhugasam-
ir um að kynna sér starfsemi
Neyðarlínunnar. - fgg
Dagur Neyðarlínunnar haldinn hátíðlegur:
Efnt til veislu undir
merkjum samvinnu
Á SIGLINGU Gestir og gangandi gátu fengið bátsferð með björgunarskipi og fjölmargir nýttu
sér það tækifæri. FRÉTTABLAÐIÐ / STEFÁN
RÓM, AP Ítalskur dómari hefur
vísað frá dómi málsókn trúleys-
ingja þar í landi sem vildi kæra
prest nokkurn fyrir að halda því
fram að Jesús Kristur hafi verið
til og væri sonur parsins Maríu
og Jóseps. Maður þessi heldur
því fram að rómversk-kaþólska
kirkjan hafi staðið fyrir blekk-
ingum í 2000 ár og að presturinn
hafi brotið lög með fullyrðingu
sinni.
Dómarinn í málinu hefur
hvatt saksóknara til að athuga
hvort ekki má kæra trúleysingj-
ann fyrir róg, sem á sama tíma
undirbýr að fara með málið fyrir
Mannréttindadómstól Evrópu. ■
Tilvist Jesú fyrir rétti á Ítalíu:
Málinu vísað
frá dómi
ORKUMÁL Orkuveita Reykjavíkur,
Innri-Akraneshreppur og fyrir-
tækið Stafna á milli á Akranesi
hafa gert samning um að Orku-
veitan byggi upp og reki fráveitu,
gagnveitu, hitaveitu og vatnsveitu
í landi Kross í Innri-Akranes-
hreppi.
Landið sem um ræðir er við
Leyni og í fyrri áfanga fram-
kvæmdanna er gert ráð fyrir 124
íbúðum á 24 lóðum. Í síðari áfang-
anum má síðan reikna með því að
170 til 180 íbúðir bætist við. ■
Innri-Akraneshreppur:
Samið um nýja
hitaveitu
BAGDAD, AP Myndir af breskum
hermönnum að berja ungmenni
í Írak voru sýndar í sjónvarpi í
Bretlandi og víða í Mið-Austur-
löndum í gær. Íbúar í suðurhluta
Íraks áttu vart orð til að lýsa
hneykslan sinni.
Á myndböndum sjást bresk-
ir hermenn draga nokkra unga
Íraka inn í byggingu og berja þá
með hnefum og kylfum. Heyra má
rödd hvetja hermennina áfram.
Röddin er talin vera rödd mynda-
tökumannsins, sem er sagður
vera yfirmaður í hernum. Atburð-
irnir eru sagðir hafa gerst fyrir
tveimur árum.
Myndbandið komst fyrst í hend-
ur breska dagblaðsins News of the
World, sem segist hafa kannað
áreiðanleika þess ítarlega áður
en það birti frétt um málið í gær.
Arabískar gervihnattarstöðvar á
borð við Al Djasíra og Al Arabíja,
sýndu myndbandið aftur og aftur
í gær.
Breska herlögreglan hefur
þegar hafið rannsókn á mynd-
bandinu. Martin Rutledge, tals-
maður breska hersins, segir mynd-
irnar vera „afar óþægilegar“ og
rannsókn á þeim verði hraðað.
Gordon Brown, fjármálaráð-
herra Breta, segir bresku her-
mennina hegða sér þarna með
algerlega óviðunandi hætti.
„Þeir sem bera ábyrgð á þessu
verða dregnir fyrir dóm,“ sagði
hann.
„Við þökkum guði fyrir að þetta
komi frá þeirra eigin ljósmynd-
ara. Margir telja þessar athafnir
ósköp venjulegar miðað við það
sem gerist á bak við luktar dyr,“
sagði Muhannad al-Moussaoui,
íbúi í Basra, sem er næststærsta
borgin í Írak.
„Við fordæmum alla misnotkun
og hrottamennsku,“ sagði Chris
Thomas, yfirmaður í flughernum,
en neitaði þó að veita upplýsingar
um hvaða bresku herdeildir hefðu
verið í Basra fyrir tveimur árum.
Talsmaður breska hersins
í Basra segir þó að ásakanirn-
ar beinist einungis að litlum
hluta þeirra 80 þúsund breskra
hermanna sem gegnt hafa her-
þjónustu í Írak frá árinu 2003,
þegar innrásin undir forystu
Bandaríkjanna hófst.
Um það bil átta þúsund bresk-
ir hermenn eru staddir í Írak.
Flestir þeirra eru í Basra.
gudsteinn@frettabladid.is
BRESKUR HERMAÐUR Í BASRA Um það bil átta þúsund breskir hermenn eru í Írak núna,
flestir í Basra, sem er næststærsta borg landsins. MYND/AP
HROTTALEGT Forsíða breska dagblaðsins
News of the World í gær. MYND/AP
Barsmíðar valda hneyksli
Hrottalegar barsmíðar breskra hermanna á ungmennum í Írak vekja hörð viðbrögð. Yfirmaður hermann-
anna virðist hafa tekið þær á myndband sem komst í hendur breskra blaðamanna.
SNJÓR Í NEW YORK Mikið öngþveiti ríkti í
New York í gær vegna mikillar snjókomu.
Borgarstarfsmenn voru kallaðir út til þess
að moka snjónum af Times Square.
MYND/AP
KRÓATÍA, AP Eitt virtasta vikublað
Króatíu birti í liðinni viku tólf
myndir af múgæsingarmótmæl-
um múslima vegna skopmynda
Jótlandspóstsins af Múhameð
spámanni og sagði þau vera meiri
móðgun við íslamstrú en uppruna-
legu skopteikningarnar tólf.
Myndirnar birtast undir fyr-
irsögninni „Tólf skrípamyndir af
Múhameð“ og sýna þær mótmæl-
endur í ýmsum ríkjum brenna
danska fánann og kveikja í bygg-
ingum. Segir í blaðinu að með hátt-
erni sínu séu viðkomandi virki-
lega að sýna trú sinni og sönnum
múslimum lítilsvirðingu. ■
Óvæntur liðsauki Dana:
Mótmælin
meiri móðgun