Fréttablaðið - 27.02.2006, Síða 73

MÁNUDAGUR 27. febrúar 2006 29
FÓTBOLTI Brasilíski sóknarmaður-
inn Rivaldo hefur ekki enn gefið
upp á bátinn að vera valinn í lands-
liðshóp Brasilíu sem tekur þátt á
HM í Þýskalandi í sumar. Rivaldo
hefur farið á kostum með liði
Olympiakos í Grikklandi í vetur
og vonast til að sú frammistaða
veiti honum sæti í brasilíska lið-
inu.
„Sá draumur verður fjarlægari
með hverjum deginum en ég hef
ekki enn gefið upp alla von. Það
eina sem ég get gert er að leggja
mig allan fram með Olympiakos
og vona að það verði til þess að ég
geti endað landsleikjaferil minn í
Þýskalandi,“ segir Rivaldo, en
hann lék lykilhlutverk í landsliði
Brasilíu sem varð heimsmeistari
árið 2002.
„Nokkrar af mínum eftirminni-
legustu minningum á ferlinum eru
frá heimsmeistarakeppninni og
mig langar ekkert heitar en að
spila þar einu sinni enn. Ég veit að
það er langt síðan ég spilaði síðast
fyrir landsliðið en ég tel mig enn
eiga heima í 23 manna hópi liðsins.
Nú er það mitt að sanna það fyrir
þjálfaranum,“ segir Rivaldo.
- vig
Hinn brasilíski Rivaldo hefur spilað frábærlega í Grikklandi í vetur:
Ætlar sér á HM í sumar
RIVALDO Hefur verið hylltur af grískum fjölmiðlum sem besti leikmaðurinn sem nokkurn
tímann hefur leikið í grísku úrvalsdeildinni. Olympiakos er langefst í grísku deildinni og er
það ekki síst mögnuðum leik Rivaldo að þakka. NORDICPHOTOS/GETTY IMAGES
FÓTBOLTI Hinn sænski landsliðs-
þjálfari Englendinga, Sven-Göran
Eriksson, hefur hvatt enska knatt-
spyrnusambandið til þess að ráða
nýjan landsliðsþjálfara fyrir HM
en sem kunnugt er hættir hann
með liðið eftir keppnina.
„Ég held það ætti að klára þetta
mál hið fyrsta því það gæti verið
of seint eftir keppnina. England á
vináttuleik í ágúst og undankeppni
EM hefst síðan í september þannig
að tíminn er ekki mikill,“ sagði
Eriksson en hann vill ekki heyra á
það minnst að nýi þjálfarinn verði
að sniglast í kringum liðið á HM.
„Ég held að England eigi aðeins að
fara með einn þjálfara á HM en
ekki tvo. Nýja þjálfaranum er
samt velkomið að sitja í stúk-
unni.“ - hbg
Sven-Göran Eriksson:
Nýjan þjálfara
fyrir HM
SVEN-GÖRAN ERIKSSON Gefur góð ráð.
FRÉTTABLAÐIÐ/GETTY IMAGES
FRJÁLSAR Björn Margeirsson gerði
sér lítið fyrir og nældi í brons-
verðlaun í 1500 metra hlaupi á
sænska meistaramótinu í gær.
Hann varð rúmri sekúndu á eftir
fyrsta manni.
Þingeyingurinn Sigurbjörn
Árni Arngrímsson tók einnig þátt í
mótinu en hann hljóp 800 metra
hlaup á 1,52,97 sekúndum, sem er
þriðji besti tími Íslendings í grein-
inni.
Sænska meistaramótið:
Björn fékk
brons
BJÖRN OG SIGURBJÖRN ÁRNI Í fínu formi
í Sviþjóð.
FÓTBOLTI Langþráður draumur
knattspyrnumanna í Vestmanna-
eyjum fer að verða að veruleika
þar sem bæjarstjórn Vestmanna-
eyja hefur samþykkt að hefja við-
ræður við Fasteign ehf. um bygg-
ingu knattspyrnuhúss á eynni.
Verður það svokallað dúkahús
eins og má meðal annars finna í
Kaplakrika hjá meisturum FH en
Grindvíkingar ætla einnig að
byggja sams konar knattspyrnu-
hús. - hbg
Birtir til í Eyjum:
Knattspyrnu-
hús mun rísa
HANDBOLTI Fjöldi leikja fór fram í
Evrópukeppnum í handbolta í gær
þar sem Íslendingar létu til sín
taka. Í Meistaradeildinni lagði
Ciudad Real Evrópumeistara Celje
Lasko að velli með sjö mörkum,
34-27, á Spáni og veitir liðinu ekki
af forskotinu fyrir síðari leikinn,
sem fram fer á einum erfiðasta
útivelli í Evrópu. Ólafur Stefáns-
son skoraði þrjú mörk fyrir Ciu-
dad, þar af tvö úr vítum. Mirza
Dzomba fór mikinn fyrir Ciudad í
leiknum og skoraði níu mörk og
Siarhei Rutenka, fyrrum leikmað-
ur Celje, skoraði fimm mörk fyrir
Ciudad.
Jaliesky Garcia Padron er loks-
ins orðinn góður af támeiðslunum
alræmdu en hann lék á alls oddi
með liði sínu Göppingen þegar það
flengdi danska liðið GOG, 24-29, í
Danmörku í EHF-keppninni. Gar-
cia skoraði 11 mörk í öllum regn-
bogans litum. Íslendingaliðið
Lemgo var einnig á ferðinni í sömu
keppni og vann öruggan sigur á
Dynamo Astrakhan, 33-18, en allir
þessir leikir eru fyrri leikirnir í
átta liða úrslitum keppnanna. Logi
Geirsson skoraði fjögur mörk
fyrir Lemgo en Ásgeir Örn Hall-
grímsson komst ekki á blað að
þessu sinni.
Íslendingaliðð Skjern er svo
gott sem úr leik í Evrópukeppni
bikarhafa eftir fjögurra marka
tap á heimavelli, 31-35, gegn rúm-
enska liðinu Constanta. Vignir
Svavarsson skoraði fimm mörk
fyrir Skjern í leiknum en Vil-
hjálmur Halldórsson og Jón Þor-
björn Jóhannesson komust ekki á
blað.
- hbg
Evrópukeppni í handbolta:
Íslendingar í
sviðsljósinu
ÓLAFUR STEFÁNSSON Skoraði þrjú mörk í
Meistaradeildinni í gær. FRÉTTABLAÐIÐ/PJETUR