Fréttablaðið - 30.03.2006, Page 49

Fréttablaðið - 30.03.2006, Page 49
FIMMTUDAGUR 30. mars 2006 49 VEITINGASTAÐURINN MÚLAKAFFI HALLARMÚLA, 108 REYKJAVÍK. Hvernig er stemn- ingin: Það er breiður hópur fólks sem heim- sækir staðinn Múlakaffi en veitingastaðurinn hefur verið starfræktur í nærri 40 ár. Þangað kemur fólk sem vill fá almenni- legan og heimilislegan mat á fínu verði. Innréttingarnar eru einfaldar og snyrtilegar þótt þær séu ekki sveipaðar neinar ævintýraljóma. Það er heldur ekki vegna innrétt- inganna sem fólk sækir staðinn heim heldur vegna matarins. Matseðillinn: Heimilislegur matur er kjörorð Múlakaffis. Boðið er upp á mikið af sjávarfangi, steiktur fisk- ur með lauksmjöri og kartöflum er til dæmis mjög vinsæll réttur. Salt- fiskur er líka á boðstólum ásamt plokkfiski og öðrum vinsælum íslenskum fiskréttum. Úrvalið er þó misjafnt frá degi til dags. Á hverjum degi er boðið upp á sex ólíka rétti, súpu, fisk- og kjötrétti. Þótt elda- mennskan sé ekki sérlega flókin eru réttirnir girnilegir, bragðgóðir og ljúffengir. Vinsælast: Það er fiskur dagsins og lambalæri með öllu tilheyrandi. Verð: Fiskur dagsins kostar 1210 krónur en lambalæri kostar 1590 krónur. Innifalið í verðinu er súpa, kaffi og salatbar. Þessa dagana standa yfir Búrg- undardagar á Vox restaurant á Nordica hóteli. Yfirmatreiðslu- maður Vox, Hákon Örvarsson, hefur mikla reynslu af franskri matargerð en þess má geta að hann hefur náð besta árangri íslenskra matreiðslumanna í erf- iðustu og mikilmetnustu keppni matreiðslumanna í heimi, Bocuse d´Or, en þar hlaut hann bronsverð- laun árið 2001. Eftir keppnina var Hákon yfirmatreiðslumaður hjá Leu Linster í Lúxemborg en sá staður státar af einni Michelin stjörnu. Aðstoðaryfirmatreiðslumaður Vox, Sigurður Gíslason, hefur ekki síður mikla reynslu en hann hefur meðal annars starfað á Le Clarifontaine í Lyon í Frakklandi og Charlie Trotters í Chicago svo einhverjir staðir séu nefndir. Saman hafa þessir snillingar sett saman spennandi matseðil þar sem Búrgundarhéraðið í Frakk- landi er í hávegum haft en matar- gerðin þar byggist að miklu leyti upp á matar- og bragðmiklum mat, en það hentar einmitt núna á þessum tíma árs. Til samstarfs við sig hafa þeir félagar valið tvo úrvals vínframleiðendur frá hér- aðinu, annars vegar Pierre André og hins vegar Chanson Pere & Fils sem er í eigu kampavínshúss- ins Bollinger. Matseðillinn kostar 5.900 kr. án víns og 10.500 kr. með víni- Búrgundardagar á Vox Heimilislegur og huggulegur BÚRGUNDAR MATSEÐILL VOX: Steinseljukrydduð grísa-terrín með dijon vinaigrette Chablis LeGrandPré 2003 Corton André Þorskhnakki með reyktum laxi og grænum linsubaunum Pernand Vergelesses Les Caradeux 1er Cru 1999 Chanson Pere & Fils. Coq au vin Hani í víni Hautes Cotes de Beaune 2003 Corton André Ostar frá Bourgogne Clos de Feves Premier Cru 1998 Chanson Pere & Fils Heit súkkulaðikaka með kryddbrauðsís Fonseca Guimaraens Vintage 1984 Fonseca. 1 dálkur 9.9.2005 15:22 Page 9

x

Fréttablaðið

Direct Links

If you want to link to this newspaper/magazine, please use these links:

Link to this newspaper/magazine: Fréttablaðið
https://timarit.is/publication/108

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.