Fréttablaðið - 31.03.2006, Blaðsíða 62

31. mars 2006 FÖSTUDAGUR50
opið alla laugardaga 10-14
TÚNFISKUR
SKÖTUSELUR
ÞORSKHNAKKAR
HÖRPUSKEL
1 dálkur 9.9.2005 15:17 Page 2
Fyrir ekki margt löngu sat ég inni á bóka-
safni niðri í skóla með vinkonu minni.
Allt í einu sé ég hvernig hún lamast í
andlitinu, breytist í kleinu og steypir sér
ofan í bókina sem hún hafði fyrir framan
sig. Mér þótti þetta undarlegt þar sem við
vorum meira að spjalla en lesa. Þegar ég
spurði hana hvað gengi eiginlega á, þótt-
ist hún ekki heyra í mér og hélt áfram að
lesa. Eftir stutta stund kom hún aftur upp
á yfirborðið og tók upp eðlilega hegðun
á ný. Þá sagði hún mér að þarna væri
maður sem hún hafi óvart verið með einu
sinni. Já, hún sagði óvart og var greinilega
miður sín yfir þessu öllu saman.
Við frekari umræður kom í ljós að hún
var ekki sú eina sem átti sér svona „úps“
gæja. Það er erfitt að segja til um hvað
veldur, en það er nokkuð ljóst að flestallir,
ef ekki allir, hafa sinn djöful að draga ef
svo má að orði komast.
Og í hvert sinn sem maður hittir þennan
„djöful“ vill svo óheppilega til að einhver
er með manni sem vill fá skýringar á
undarlegheitunum. Hvers vegna maður
hafi heilsað svona kjánalega, hvaðan
svitaperlurnar hafi komið sem spruttu
fram á ennið á örskotstundu eða hvers
vegna maður þóttist allt í einu vera upp-
tekinn í símanum. Ef maður getur ómögu-
lega talað í hringi og ruglað viðkomandi í
ríminu þangað til spurningin gleymist, þá
er best að útskýra og vona svo að sá hinn
sami hafi náð skilaboðunum: Ekki segja
neinum!
Einhverra hluta vegna vill stundum svo til
að þegar áfengi er haft um hönd virðist
sem sjónin versni lítið eitt. Þá finnst
manni allt í einu menn vera meira
spennandi og jafnvel öllu myndar-
legri en þeir eiga að sér að vera. Þá
virðast ótrúlegustu deithugmyndir
ekki svo slæmar og maður
veltir því fyrir sér hvers vegna
manni hafi ekki dottið
þetta í hug fyrr. Þessu
er örugglega svipað
farið frá sjónarhorni
karlmanna. Þetta
köllum við að hafa uppi
fylleríisgleraugun. Þessi
gleraugnaburður leiðir oftar en
ekki til þess að þegar maður
vaknar morguninn eftir og
opnar augun í rólegheitunum,
liggur sönnunargagnið beint
fyrir framan mann þessu til
staðfestingar. Í kjölfarið fær maður
iðulega bjánahlaupabóluna og þarf
á alvarlegri meðferð að halda. Sú
meðferð felst í neyðarfundi á heimil-
inu þar sem vinkonurnar koma og
gera grín að manni. Eftir nokkurra
klukkustunda sjokkmeðferð hjá
vinkonunum er auðveldara að
sjá grínið og taka upp þráðinn
þar sem frá var horfið.
Það er nokkuð ljóst að svona
atvik, sem flestir eiga í poka-
horninu, eru nokkuð fyndin.
Við verðum þó að líta svo á að
þau séu til þess gerð að víkka
hjá okkur sjóndeildarhringinn
og fá okkur til að hlæja. Svo
er stóra spurningin: Hver ætli
hafi hlegið svona að okkur?
REYKJAVÍKURNÆTUR HARPA PÉTURSDÓTTIR KÍKIR Í POKAHORNIN
Úps, ég er ekki hérna!
HRÓSIÐ
...fær Félag íslenskra bókaútgef-
anda og íslenskir bóksalar sem
hyggjast gefa hverju heimili í
landinu ávísun upp á þúsund
krónur í tilefni af viku bókarinnar.
Ávísunin mun gilda fyrir hvaða
íslenska bók sem er til þriðja maí.
SVÖR VIÐ VEISTU SVARIÐ
1 Ismail Haniyeh
2 Haukar og Keflavík
3 Carol von Voorst
LÁRÉTT
2 dægurs 6 í röð 8 mál 9 stansa 11 leita
að 12 röndin 14 þrá 16 ógrynni 17 veiðar-
færi 18 frjó 20 holskrúfa 21 kropp.
LÓÐRÉTT
1 ómögulegur 3 bardagi 4 alger 5 rá 7 gutla
10 keyra 13 utan 15 frumeind 16 ónn
19 kind.
LAUSN
1
6 7 8
10
13
119
12
15
16
18
21
20
17
14
19
2 3 4 5
LÁRÉTT: 2 dags, 6 fg, 8 tal, 9 æja, 11 gá,
12 rákin, 14 langa, 16 of, 17 net, 18 fræ, 20
ró, 21 nart.
LÓÐRÉTT: 1 ófær, 3 at, 4 gagnger, 5 slá, 7
gjálfra, 10 aka, 13 inn, 15 atóm, 16 ofn, 19
ær.
FRÉTTIR AF FÓLKI
Spurningakeppni fjölmiðlanna er fastur liður í páskadagskrá Rásar
2 og það er því farið að styttast í að
helstu fjölmiðlar landsins smali saman
í tveggja manna lið sínu getspakasta
fólki. Rithöfundurinn og útvarpsmaður-
inn vaski Ævar Örn Jósepsson
hefur, eins og á síðustu árum,
umsjón með keppninni en
hann segir að „and-
legt atgervi, heilindi
og hugsanlega
skófatnaður“ muni
geta skipt sköpum
þegar á hólminn er
komið. Það hefur jafnan þótt veglegt til
vinnings að tefla fram gömlum Gettu
betur keppendum í keppni þessari þó
að slíkir kónar komist síður en svo alltaf
alla leið. Fréttablaðið tapaði naumlega
fyrir Bæjarins besta á Ísafirði í fyrra þó
að Sveinn Guðmarsson, reyndur Gettu
betur keppandi og síðar dómari, hafi
keppt fyrir hönd blaðsins. Þá komust
Oddur Ástráðsson,tvöfaldur Gettu betur
sigurvegari með MR og sjálfur Illugi
Jökulsson, fyrrum Gettu betur dómari,
ekki langt í fyrra þegar þeir kepptu fyrir
Talstöðina. Sveinn er nú kominn yfir til
sjónvarpsstöðvarinnar NFS ásamt Oddi
þannig að það er enginn skortur á Gettu
betur mönnum á þeim bænum
en stöðin tekur nú þátt í keppn-
inni í fyrsta skipti.
Leikstjórinn Clint Eastwood frumsýnir síðar á árinu stríðs-
mynd sína Flags of our Fathers
sem hann tók að hluta til upp
á Íslandi í fyrra. Það fór sjálfsagt
ekki fram hjá neinum að Íslend-
ingum var smalað saman í auka-
hlutverk og þó nokkrir munu fá að njóta
sín sem slíkir. Tæmandi hlutverkaskrá
myndarinnar er birt á upplýsingavefnum
Internet Movie Database (imdb.com)
og þar kennir ýmissa grasa. Markús
Benediktsson leikur samkvæmt þessu
„dauðan hermann í trukk“, en leikarinn
Björgvin Franz Gíslason er væntanlega
með ögn bitastæðara hlutverk en hann
er sagður leika landgönguliða sem er
rekinn í gegn. Þá verður
Darri Ingólfsson þess
heiðurs aðnjótandi
að leika „deyjandi
hermann“ en Sigurdur
Hilmar Gudjonsson og
Stefán Harðarson
leika einfald-
lega „hermann
á strönd“. Þá
er þess getið
á imdb.com
að Jóhann G.
Jóhannsson leiki „liðþjálfa á strönd“ en
eftir því sem Fréttablaðið kemst næst
voru atriði með honum klippt úr mynd-
inni. -þþ
Stuðmaðurinn Valgeir Guðjónsson
og fjörfuglarnir í Baggalúti hafa
tekið höndum saman. Hópurinn
hélt nýverið í hljóðver til að taka
upp lag og samkvæmt yfirlýsingu
frá útgáfufyrirtæki Baggalúts er
þetta „graðhestaköntrípolkaslag-
ari“ sem nefndur er í höfuðið á
viskítegundinni Ballantines.
Valgeir Guðjónsson var nokkuð
brattur þegar Fréttablaðið náði
tali af honum í blíðunni sem lék
við höfuðborgarbúa. „Hef það
bara sæmilegt,“ segir Valgeir en
hann treður upp með köntrísveit
Baggalúts á „miðnæturköntrí-
sveitarhódáni“ sem haldið verður
á Nasa í kvöld en þar verða enn-
fremur nokkur lög Valgeirs flutt í
kántrýútgáfum. „Þeir höfðu sam-
band við mig og báðu mig að troða
upp sem leynigestur,“ svarar Val-
geir þegar hann er inntur eftir
þessu samstarfi. „Ég er mikill
aðdáandi Baggalúts enda alltaf
verið hrifinn af samblöndu tón-
listar og húmors,“ bætir hann við
en Stuðmenn voru landskunnir
fyrir þessa blöndu. „Ég átti lag á
lager og spurði í hálfkæringi hvort
við ættum ekki bara að drífa það í
upptökur,“ heldur hann áfram og
komst ansi fljótt að því að Baggal-
útsmenn sitja yfirleitt ekki með
hendur í skauti. „Þetta eru miklir
framkvæmdamenn og við létum
þetta verða að veruleika,“ segir
hann og kveðst glaður yfir að hafa
loksins komið þessari hugmynd
frá sér. „Við lögðum Stúdíó
Geimstein í Reykjanesbæ undir
okkur og það var einvalalið
sem stóð að
upptökun-
um,“
útskýrir
Valgeir.
Stuðmað-
urinn held-
ur vart
vatni yfir
þeim Bagga-
lútum og
þykir
augljóslega mikið til þeirra koma.
„Heimasíðan þeirra ætti að vera
skyldulesning á hverju íslensku
alþýðuheimili,“ segir hann.
Lagið er að sögn Valgeirs
nútímadrykkjuvísa fyrir karl-
menn sem konur geta sungið með.
Hann telur að þessum tegundum
laga hafi fækkað töluvert í seinni
tíð en hér áður fyrr gátu menn
varla komið saman án þess að
kyrja um áfengi og konur. „Þetta
er hálf kauðskt yrkisefni og
kveikjan að því var lag Papa um
ákveðna viskítegund,“ bætir Val-
geir við og hefur litlar skýringar á
því af hverju Íslendingar eru
hættir að syngja um Bakkus. „Ætli
menn séu ekki bara farnir að ein-
beita sér meira að drykkjunni,“
segir hann og hlær.
freyrgigja@frettabladid.is
VALGEIR GUÐJÓNSSON: SEMUR KÁNTRÍLAG MEÐ BAGGALÚTI
Nútíma drykkjuvísa
BAGGALÚTUR Hljómsveitin hefur fengið til liðs við sig Valgeir Guðjónsson og spilar nokkur
af hans þekktustu lögum á kántríkvöldi í kvöld á Nasa.
VALGEIR GUÐJÓNSSON Heldur vart vatni
yfir samstarfinu við Baggalút.
Bandaríska óskarsverðlaunaleik-
konan Jennifer Connelly leikur
aðalhlutverkið í kvikmyndinni
Slóð fiðrildanna sem verður að
stærstum hluta tekin upp hér á
landi í haust en hún er byggð á
skáldsögu Ólafs Jóhanns Ólafs-
sonar. Sænska leikkonan Liv Ull-
man leikstýrir myndinni en það
er Saga-Film sem framleiðir með
Steve Hart og bresku fyrirtæki.
Connelly var valin af því að hún
þótti henta í þetta. Hún getur
verið bæði ungleg og litið út fyrir
að vera mun eldri. „Connelly er
fantaleikkona og ég tel hana vera
eina af átta bestu leikkonum
heims,“ segir Jón Þór Hannesson
hjá Saga Film. „Hún sýndi þessu
áhuga af því þetta er sterkt kven-
hlutverk auk þess sem Liv Ull-
man var mjög hrifin af henni.“
Connelly er um þessar mundir
stödd við tökur á kvikmyndinni
The Blood Diamond þar sem hún
leikur á móti hjartaknúsaranum
Leonardo DiCaprio. Hún er um
þessar mundir með breska leikar-
anum Paul Bettany sem vafalítið
á eftir að vera áberandi á þessu
ári en hann leikur albínóann Silas
í The Da Vinci Code. Verið er að
leita að erlendum stórleikurum
sem eiga að skipa þrjú stór karl-
hlutverk og er ekki útilokað að
kærasti Connelly taki eitt þeirra
að sér.
-fgg
Heilluð af sögunni
CONNELLY Connelly ásamt Harrison Ford
en leikkonan hlaut óskarsverðlaun fyrir
frammistöðu sína í A Beautiful Mind en þar
lék hún eiginkonu stærðfræðingsins Johns
Nash. FRÉTTABLAÐIÐ / GETTY IMAGES