Fréttablaðið - 09.04.2006, Blaðsíða 94

9. apríl 2006 SUNNUDAGUR42
„Hægan, hægan, ég byrja nú ekki
fyrr en í haust,“ svarar Eva María
Jónsdóttir sjónvarpskona þegar
blaðamaður spyr hvort hún sé
loksins væntanleg aftur á skjáinn.
Eva hefur um árabil verið ein vin-
sælasta sjónvarpskona landsins
en undanfarna mánuði hefur hún
verið í barneignarorlofi. Þar áður
stýrði hún þáttunum Einu sinni
var... á Stöð tvö þar sem rifjaðir
voru upp merkilegir atburðir með
liðsinni þátttakenda, vitna og ann-
arra sem málunum tengdust.
Hún hefur hins vegar ákveðið
að söðla um og mun hefja störf hjá
Ríkissjónvarpinu á haustmánuð-
um. „Ég verð í Kastljósi, en ætla
að fara mér hægt til að byrja með
og verð ekki á skjánum nema einu
sinni í viku,“ segir hún. „Ég ákvað
að minnka aðeins við mig vinnu og
ætla þess í stað að hugsa mjög vel
um börnin mín.“
Eva er því komin á kunnugleg-
ar slóðir, en hún vann lengi hjá
RÚV áður en hún fór yfir á Stöð 2
og kveðst hlakka mikið til að byrja
þar aftur. „Vissulega er það
gamalkunn reynsla að vera í
beinni útsendingu, en þótt það sé
ekki nýtt fyrir mér er þetta eitt-
hvað það skemmtilegasta sem ég
geri.“ - bs
EVA MARÍA JÓNSDÓTTIR Ætlar að minnka
við sig vinnu og sinna börnunum sínum
vel. FRÉTTABLAÐIÐ/STEFÁN
Eva María aftur á RÚV
Hvað er að frétta? Allt fínt, ég er bara hæstánægður með
sigurinn í Gettu betur.
Augnlitur: Grænn.
Starf: Menntaskólanemi.
Fjölskylduhagir: Einhleypur.
Hvaðan ertu? Frá Íslandi.
Ertu hjátrúarfullur? Nei.
Uppáhaldssjónvarpsþáttur: Monty Python‘s Flying Circus.
Uppáhaldsútvarpsþáttur: Ég á mér engan uppáhaldsþátt, en
Rás 1 er ágæt.
Uppáhaldsmatur: Ég á mér engan uppáhaldsmat.
Fallegasti staður: Ég er ekki nógu víðförull til að svara því.
iPod eða geislaspilari: iPod.
Hvað er skemmtilegast? Að vinna Gettu betur.
Hvað er leiðinlegast? Að tapa í Gettu betur.
Helsti veikleiki: Ég á erfitt með að vakna á morgnana.
Helsti kostur: Því verða aðrir að svara.
Helsta afrek: Að þýða leikritið No Exit eftir Jean Paul Sartre,
sem heimspeki- og menningarfélag Menntaskólans á Akureyri
ætlar að setja upp á næstunni.
Mestu vonbrigði: Ætli það hafi ekki verið þegar ég fékk kart-
öflu í skóinn. Ég varð mjög reiður en hef lært síðan að halda
ró minni þó það gefi á bátinn.
Hver er draumurinn? Að lifa vel og lengi.
Hver er fyndnastur/fyndnust? Graham Chapman.
Á hvað trúirðu? Ég trúi ekki á neitt.
Hvað fer mest í taugarnar á þér? Ábyggilega margt, en
ekkert sem stendur upp úr.
Uppáhaldskvikmynd: A Clockwork Orange.
Uppáhaldsbók: Heimsljós eftir Laxness.
Hvað er mikilvægast? Ég held að engum hafi tekist að svara
því enn sem komið er.
HRÓSIÐ FÆR...
Þorsteinn Kragh sem hefur rekið
gufubaðið á Laugarvatni með
miklum sóma en brátt verður þar
opnuð glæsileg heilsulind fyrir
íslenska og erlenda ferðamenn.
HIN HLIÐIN ÁSGEIR BERG MATTHÍASSON, FYRIRLIÐI MA Í GETTU BETUR
Græneygð svefnpurka sem þýðir Sartre
29.11.85
„Þetta er frábært, ég er búinn að
ná því takmarki sem ég ætlaði
mér,“ segir Snorri Snorrason,
nýbakaður sigurvegari í Idol-
Stjörnuleit Stöðvar tvö. Um 116
þúsund atkvæði voru greidd í
föstudagskvöld þegar Snorri átti
kappi við Ínu Valgerði Pétursdótt-
ur, þar af hlaut Snorri um 55 pró-
sent en Ína 45. Hann er þó ekkert
hræddur við tilhugsunina um að
svo margir kunni að hafa skoðun á
honum. „Mér finnst bara frábært
að margir hafi kunnað að meta
frammistöðu mína og ekkert nema
gott um það að segja.“
Ljóst er að nokkrar breytingar
hafa þegar orðið á högum hins 28
ára gamla Snorra, sem fram að
þessu hefur starfað í söludeild
Kjötsmiðjunnar, og hann hefur
vart undan við að svara símtölum
forvitinna blaðamanna. „Ég vakn-
aði bara stjarna í morgun,“ grínast
hann með dálítið þreytulegri
röddu. Átta mánuðir eru liðnir
síðan Snorri skráði sig í Stjörnu-
leitina og þótt hann hafi unnið baki
brotnu allan þann tíma til að ná
settu marki gefst enginn tími til
hvíldar þegar sigurinn er í höfn.
Hann kveðst þó alls ekki kvíðinn,
hann hafi nú skráð sig í keppnina í
þessum tilgangi.
„Nú helli ég mér bara út í brans-
ann. Á mánudaginnn hefjast stíf
fundarhöld þar sem við leggjum
línurnar um framhaldið, gerum
samninga og bókum tónleika. Ég
hef ýmsar hugmyndir um í hvaða
áttir ég vil fara, en ég á eftir að
setjast niður með góðu fólki og
ræða það betur og við sjáum svo
hvað setur.“ Víst er að von er á
plötu frá Snorra á árinu sem Sena
gefur út og Einar Bárðarson, einn
af dómurum keppninnar, hefur
tekið að sér að vera umboðsmaður
Snorra. Hann ætti að vera í góðum
höndum því Einar hefur unnið
fyrir ýmsa af farsælustu tónlist-
armönnum landsins.
Snorri er fjölskyldumaður, á
konu og þrjá syni, og fjölskyldan
var vitaskuld viðstödd þegar hann
vann keppnina. „Það eru mikil
fagnaðarlæti á heimilinu, strák-
arnir eru í sjöunda himni og hæst-
ánægðir með pabba sinn. Ég
hlakka bara til framhaldsins.“
bergsteinn@frettabladid.is
SNORRI SNORRASON: SIGRAÐI Í IDOL-STJÖRNULEIT
Hellir sér strax út í bransann
SNORRI SNORRASON Enginn tími gefst til hvíldar, því nú þegar sigurinn er í höfn þarf að fylgja honum eftir. FRÉTTABLAÐIÐ/TEITUR
FRÉTTIR AF FÓLKI
Rokklingarnir í Jakobínarínu fá lofsamlega umsögn hjá blaðamanni
Rolling Stone, Steven Fricke, í nýjasta
hefti blaðsins. Þar segir hann að meðlimir
sveitarinn sanni að rokkið þekki engan
aldur og þrátt fyrir langt og þjált
heiti hefðu menn ekkert
að óttast. ,,Þið getið
kallað okkur Jako,“ sagði
söngvari sveitarinnar,
Gunnar Ragnarsson,
á undan einum
tónleikunum. Fricke
sér bjarta tíma fram-
undan hjá strákunum úr
Hafnarfirði og líkir þeim
við verðlaunasveitina
Arctic Monkeys. Á heimasíðu tímaritsins
er svo að finna upptökur frá þremur
lögum sveitarinnar sem sagðar eru koma
út á fyrstu smáskífunni en það er Ken
Thomas, upptökustjóri og hægri hönd
Sigur Rósar, sem stjórnar þeim.
Þrátt fyrir töluverðan bílastæðavanda sem fylgt hefur komu
ljósvakamiðlanna frá Lyng-
hálsi niður í Skaftahlið þá
lét tökulið kvikmyndarinnar
Köld slóð það ekkert á sig fá.
Starfsfólki 365 brá nokkuð
í brún þegar það kom til
vinnu á laugardeginum
en þá höfðu tveir risa-
stórir trukkar lagt undir
sig hin örfáu bílastæði.
Kvikmyndin fjallar um harðsvíræðan
blaðamann sem heldur upp á hálendi
Íslands til að rannsaka dularfullt andlát
við ónefnda virkjun. Tökuliðið lagði
ritstjórn DV undir sig mestallan daginn
og tók upp senur sem eiga að gerast á
dagblaði. Ekki mun persóna Þrastar Leó
þó vinna hjá DV heldur verður búið til
nýtt blað sem heitir því skemmtilega
nafni SB eða Síðdegisblaðið. Björn
Brynjólfur Björnsson er leikstjóri en með
annað helsta kvenhlutverkið fer Elva Ósk
Ólafsdóttir, sem neyddist til að segja
sig frá Mýrinni eftir að ljóst þótti að ekki
tækist að ljúka tökum á Kaldri slóð eins
og vonir stóðu til.
Eins og kemur fram hér til hliðar var það Snorri Snorrason sem bar sigur
úr býtum í Idol - Stjörnuleit Stððvar 2
á föstudagskvöldinu eftir harða baráttu
við Ínu Valgerði Pétursdóttur frá Húsavík.
Metþátttaka var í símakosningunni en
yfir hundrað þúsund atkvæði bárust
á meðan á atkvæðagreiðslunni stóð.
Meðal áhorfenda í Vetrargarðinum voru
Nylon-stelpurnar hans Einars Bárðar-
sonar sem sátu fyrir aftan Óskar Pál
Sveinsson og John Reid en þeir sömdu
einmitt úrslitalagið við texta Stefáns
Hilmarssonar. Þá mátti einnig sjá glitta
í Birgittu Haukdal sem studdi sveitunga
sinn frá Húsavík með ráðum og dáðum
á meðan keppninni stóð. Sögusagnir
um að Idol-keppnin fari í frí eftir þessa
þáttaröð hafa verið á sveimi þó ekkert
hafi fengist staðfest í þeim efnum
en þátttakan ætti að
hvetja menn til
dáða því það er
ljóst að spenn-
an í kringum
þessa keppni
hefur ekkert
minnkað. - fgg
550 5000
AUGLÝSINGASÍMI