Fréttablaðið - 10.05.2006, Blaðsíða 48

MARKAÐURINN 10. MAÍ 2006 MIÐVIKUDAGUR
H É Ð A N O G Þ A Ð A N
JÓN ÞÓRISSON, sem fyrir ári lét af störf-
um sem aðstoðarforstjóri Íslandsbanka,
hefur gengið til liðs við
VBS fjárfestingarbanka hf.
í kjölfar þess að fjárfesting-
arfélag undir hans forystu
hefur keypt 5,5 prósenta
eignarhlut í bankanum. Hann mun
leiða fyrirtækjasvið og viðskiptaþróun
VBS og hefur hann störf hinn 2. maí
næstkomandi. Jón hefur yfir 20 ára
fjölbreytta starfsreynslu, sem almennur
bankamaður, útibússtjóri, framkvæmda-
stjóri og síðast aðstoðarforstjóri
Íslandsbanka. Einnig hefur hann setið í
fjölmörgum stjórnum innan bankakerfis
og utan. VBS er umboðsaðili Carnegie
fjárfestingarbankans á Íslandi.
Fjölmenni var á kynningu Hug-
vits á nýjustu útgáfu
GoPro-hugbúnaðarins í Salnum í
Hamraborg í Kópavogi í síðustu
viku. Hugbúnaðurinn var kynntur
á sama tíma í Noregi og Danmörku
og verður kynntur víðar á næstu
dögum og vikum.
Vinnuheiti útgáfunnar, sem
notast við IBM Workplace, er í
höfuðið á sherpanum Tenzing
Norgay, nepalska leiðsögumannin-
um sem fór fyrstur á Everest-tind
með Nýsjálendingnum Edmund
Hillary í lok maí árið 1953.
Haraldur Örn Ólafsson lýsti ferð
sinni á Everest árið 2002 og líkti
ferðinni við þróunarferli hugbún-
aðarins. Sagði hann m.a. að þróun
kerfa eins og GoPro væri viða-
mikið verkefni sem krefðist mik-
ils undirbúnings, þrautseigju og
reynslu og þannig mætti segja að
hugbúnaðurinn væri enn í fyrstu
grunnbúðum og við það að leggja
á fjallið.
Þá gerði Ólafur Daðason, fram-
kvæmdastjóri Hugvits, grein
fyrir framtíðarsýn fyrirtækisins
og lýsti þeim nýjungum í GoPro-
hugbúnaðinum sem líta mundu
dagsins ljós á næstu tveimur
árum. Á meðal nýjunga í nýju
útgáfunni er persónusniðið vinnu-
umhverfi og meiri möguleikar á
hópvinnu og fjarvinnslu en þekkst
hafa fram til þessa. Tilraunaútgáfa
af nýjustu útgáfu hugbúnaðarins
er í notkun í Stjórnarráði Íslands
og sagði Sveinn Hannesson, mark-
aðsstjóri Hugvits, að þróun kerf-
isins væri unnin í nánu samstarfi
við helstu sérfræðinga IBM á
sviði hópvinnulausna. - jab
FRÁ KYNNINGU HUGVITS Á NÝJUSTU ÚTGÁFU GOPRO-HUGBÚNAÐARINS
Haraldur Örn Ólafsson, Þóroddur Bjarnason, sölustjóri Hugvits á Íslandi, Sveinn Hannesson,
markaðsstjóri Hugvits, og Ólafur Daðason, framkvæmdastjóri Hugvits.
GoPro í grunnbúðum
F Ó L K Á F E R L I
ÁSGEIR ÁSGEIRSSON hefur tekið við
stöðu forstjóra nýs félags í eigu Marel
hf., AEW Delford Systems
Ltd. á Bretlandi. Ásgeir
hóf störf hjá Marel árið
1986 og starfaði lengst
af við vöruþróun fram
til ársins 1996. Hann var
forstöðumaður upplýsingatæknideildar
og síðar gæðamála frá 1996 til 2001.
Ásgeir varð annar af tveimur fram-
kvæmdastjórum vöruþróunar árið 2001
og gegndi því starfi til marsloka 2006.
Ásgeir lauk B.S. prófi í rafmagnsverk-
fræði frá H.Í. 1986, B.S. prófi í tölvun-
arfræði frá H.Í. 1990 og meistaragráðu
í rafmagns- og tölvuverkfræði frá
University of Washington, Seattle, 1993.
JÓN BIRGIR GUNNARSSON hefur tekið
við stöðu framkvæmdastjóra viðskipta-
þróunar AEW Delford,
Bretlandi. Jón hóf fyrst
störf hjá Marel sumarið
1996, þá í sumarstarfi, en
var fastráðinn í byrjun árs
1997. Frá 2002 hefur hann
verið ráðgjafi á Ráðgjafasviði Marel
eða þar til hann tók við starfi hjá nýju
félagi Marel í Bretlandi. Jón er með
meistarabréf í vélsmíði frá Iðnskólanum
í Reykjavík 1997 og véliðnfræði frá
Tækniskóla Íslands 1997. Hann hóf MBA
nám í HÍ haustið 2005.
SIGSTEINN P. GRÉTARSSON hefur tekið
við stöðu framkvæmdastjóra við-
skiptaþróunar Marel hf.
Sigsteinn hefur starfað
hjá Marel síðan 1997 sem
sölustjóri og ráðgjafi á
sölu og markaðssviði.
Árið 2001 flutti Sigsteinn
til Brisbane í Ástralíu við stofnun
dótturfélags Marel í Ástralíu og var
framkvæmdastjóri félagsins til 2005.
Eftir heimkomu til móðurfélagsins hefur
hann unnið að samruna og fjárfestinga-
verkefnum. Sigsteinn er með B.S. próf
í vélaverkfræði frá Bradley University,
Illinois árið 1990 og M.S. próf í vélaverk-
fræði frá University of Illinois, Urbana-
Champaign í Bandaríkjunum árið 1992.
KRISTJÁN HALLVARÐSSON hefur tekið
við stöðu framkvæmdastjóra vöruþró-
unarferlis hjá Marel hf.
Kristján hefur starfað
hjá Marel síðan 1993 við
verkefni tengd vöruþróun
á Rafbúnaðasviði og
Tækjahugbúnaðasviði.
Hann var við sölu og þjónustu hjá Marel
USA í Bandaríkjunum 1995 til 1998.
Hann var vörustjóri skurðarvélahóps
2001 til 2006. Kristján lauk B.S. prófi í
rafmagnsverkfræði frá H.Í. 1993 og M.S
í rafmagnsverkfræði frá NCSU, 1998.
RAGNHEIÐUR HALLDÓRSDÓTTIR hefur
tekið við stöðu forstöðumanns upp-
lýsingatækni- og
gæðamála hjá Marel
hf. Ragnheiður hefur
starfað hjá Marel frá
1995 við innleiðingu
gæðakerfis og verið
umsjónarmaður gæða-
mála. Þá varð hún gæðastjóri Marels
árið 2000 og hefur verið aðstoðarmaður
forstjóra í ýmsum sérverkefnum t.a.m.
stýra stefnumótun Marels. Ragnheiður
útskrifaðist með B.S. próf í vélaverk-
fræði frá HÍ 1991 og M.S. próf í rekstrar-
verkfræði frá DTU í Danmörku 1995.
Sængurverasett
handklæði
baðsloppar
Opið virka daga 11-18 • laugardaga 11-14.
Langholtsvegi 111,104 Rvk. Sími 568 7900
Annar hfRekstrarverkfræðistofan
Suðurlandsbr. 46 • Sími 568 1020 • Annar.is
a ÁrsreikningarBókhald
Skattframtöl
��������������������������������
������������������������������
���������������
�����������������������
����������������������
And
T h e M i n i s t r y f o r F o r e i g n A f f a i r s
„Business opportunities
in India“
Conference at Grand Hotel, Reykjavik on
May 11th 2006 from 8.00-10.15
08.00 – 08.15 Registration
08.15 – 08.20 Opening speech – Mrs. Þorgerður Katrín Gunnarsdóttir,
Minister of Education, Culture and Science
08.20 – 08.40 Mr. Sonjoy Chatterjee, Managing Director and CEO,
ICICI Bank UK Ltd.
08.40 – 09.00 Mr. Geir Gunnlaugsson, Chairman of Promens Ltd.
„Investing in India – Our experience“
09.00 – 09.20 Mr. SA Hasan, Managing Director, Tata Ltd., UK
09.20 – 09.40 Mr. Þorvaldur Gylfason, professor at Faculty of Economic
and Business Administration at University of Iceland
„Growing Together: India and China“.
09.40 – 10.00 Questions from audience
10.00 – 10.15 Conclusionary remarks, Mr. Sturla Sigurjónsson
Ambassador and HE Mr. Mahesh K.Sachdev Ambassador
Chairman of the meeting:
Björn Aðalsteinsson, Chairman of the Icelandic-Indian Trade Council
The meeting will be in English.
Registration: fis@fis.is
Price: 2500 ISK