Fréttablaðið - 30.11.2006, Side 2

Sektir vegna umferð-
arlagabrota hækka umtalsvert á
morgun. Sektirnar geta numið allt
að 300 þúsund krónum sé ekið á
meira en 170 km hraða. Þá varða
viðurlög á brotum á reglum um
aksturs- og hvíldartíma nú sekt og
punkti eða punktum í ökuferils-
skrá.
William Thomas Möller, lög-
fræðingur hjá Umferðarstofu,
fagnar þessum breytingum og
segir hækkunum ætlað að ná
árangri í því að slá á brotafjölda.
„Þegar aðgerðir sem þessar eru
gerðar er ekki síður mikilvægt að
lögreglan haldi vöku sinni yfir
umferðalagabrotum því bestur
árangur næst ef allir vinna
saman.“
Sem dæmi um sektir vegna
aksturs yfir löglegum hámarks-
hraða má nefna að sé ekið á 46-50
km hraða þar sem hámarkshraði
er 30 km skal sektin vera 15 þús-
und krónur en 50 þúsund sé ekið á
71-75 km hraða þar sem hámarks-
hraði er 30 km. Fyrir slík brot skal
ökumaður jafnframt sviptur öku-
leyfi í þrjá mánuði.
Sé ekið á 101-110 km hraða þar
sem hámarkshraði er 90 km skal
sektarfjárhæð vera 15 þúsund
krónur, 60 þúsund krónur ef hrað-
inn er á milli 131-140 km og beita
skal 110 þúsund króna sekt og
þriggja mánaða ökuleyfissvipt-
ingu sé ökuhraðinn orðinn 161-170
km þar sem hámarkshraðinn er 90
km.
Kristín Gísladóttir sjúkraþjálfari aðstoðar við val
á réttri dýnu alla fimmtudaga á milli kl. 16 og 18.
Opið virka daga: 10-18
Reykjavík: Mörkin 4, s: 533 3500
Fylgismenn sjíaklerksins
Muqtada al-Sadrs á þingi og í rík-
isstjórn Íraks hafa dregið til baka
stuðning sinn við ríkisstjórn lands-
ins. Með þessu vilja þeir mótmæla
því að Nouri al-Maliki forsætis-
ráðherra skuli fara á fund George
W. Bush Bandaríkjaforseta í Jór-
daníu.
Fundur þeirra Bush og al-Mal-
ikis „ögrar tilfinningum írösku
þjóðarinnar og er brot á stjórnar-
skrárbundnum réttindum Íraka,“
að því er segir í yfirlýsingu frá
þrjátíu þingmönnum og fimm ráð-
herrum, sem allir eru hliðhollir
Sadr.
Bush hélt í gær rakleiðis frá
leiðtogafundi Atlantshafsbanda-
lagsins í Lettlandi til Jórdaníu þar
sem hann á fundi bæði með al-
Maliki og Abdullah Jórdaníukon-
ungi. Aðalefni fundanna er að
finna leiðir til að draga úr átökum
í Írak, átökum milli sjía og súnníta
sem hafa verið svo harðskeytt
undanfarið að margir vilja segja
að borgarastyrjöld sé skollin á í
landinu.
Stuðningsmenn Sadrs hótuðu
því fyrir fáeinum dögum að segja
sig úr stjórn landsins láti al-Mal-
iki, sem er sjálfur sjíi, verða af því
að hitta Bush að máli.
„Írakstjórn á að semja við
Öryggisráð Sameinuðu þjóðanna,
ekki við leiðtoga þess lands sem
hefur hertekið Írak,“ sagði Falih
Hassan, þingmaður úr hópi Sadrs.
Hafa sagt sig úr stjórn Íraks
Umferðarsektir hækka á morgun
Bæjarstjórn Kópavogs
ákvað samhljóma á fundi á
þriðjudag að leita heimildar
umhverfisráð-
herra fyrir
eignarnámi á
863 hektörum
lands úr
Vatnsendajörð-
inni. Samkvæmt
samkomulagi
við Þorstein
Hjaltested, land-
eiganda á
Vatnsenda, verð-
ur umsamið verð fyrir landið ekki
gert opinbert fyrr en hefur veitt
eignarnámsheimildina.
Eins og fram hefur komið í
Fréttablaðinu hindra ákvæði í
erfðaskrá Þorstein í að selja land
úr Vatnsendajörðinni beinni sölu.
Þess vegna er sú krókaleið farin að
óska eignarnámsheimildar og gera
síðan sátt í málinu. Sú sátt mun
síðan byggjast á samkomulagi sem
þegar liggur fyrir.
Staðfesta ósk
um eignarnám
Maðurinn sem fékk
hjartastopp í lögreglubíl á
laugardagskvöldið liggur enn á
gjörgæsludeild Landspítalans.
Sigurbjörn Víðir Eggertsson
aðstoðaryfirlögregluþjónn segir
að rannsókn málsins standi yfir.
Hann telur líklegt að því verði
vísað til ríkissaksóknara.
Maðurinn var gestur á
Radisson SAS Hótel Sögu í
Reykjavík á laugardagskvöldið.
Lögreglan var kölluð á hótelið
vegna óláta sem maðurinn var
með og lenti í átökum við hann.
Maðurinn var í hjartastoppi þegar
komið var með hann á lögreglu-
stöðina. Sjúkralið kom á staðinn
og lífgaði manninn við og var
hann fluttur á gjörgæsludeild.
Liggur enn á
gjörgæsludeild
Allt að sextíu
rússneskir njósnarar starfa nú í
Bretlandi, kom fram í máli Chris
Bryant, þingmanns verkalýðs-
flokksins, sem forsætisráðherr-
ann Tony Blair stýrir.
„Ég tel að sjálfstæð ríki ættu
að hafa áhyggjur af því þegar
verulega margir njósnarar starfa
í löndum þeirra,“ sagði Bryant á
málþingi um tengslin milli
Moskvu og Lundúna sem haldið
var í Westminister Hall. Bryant
sagði jafnframt að þessir
njósnarar njósni nokkurn veginn
óhindrað, því Bretar beini frekar
sjónum sínum að mögulegri ógn
frá öfgasinnuðum múslimum.
Sextíu njósna í
Bretlandi
Karl, finnst þér kínverskt betra
en íslenskt?
Reykjavíkurborg
hefur greitt 208 milljónir króna
fyrir tæplega fjögurra hektara land
í Norðlingaholti. Eigandinn var
Kjartan Gunnarsson, fráfarandi
framkvæmdastjóri Sjálfstæðis-
flokksins.
Upphæðin er í samræmi við
úrskurð matsnefndar eignarnáms-
bóta frá því í mars. Í apríl lá hins
vegar fyrir sú stefna í borgarráði að
una ekki úrskurðinum heldur skjóta
málinu til dómstóla.
„Það er í raun með ólíkindum að
taka kúvendingar í svona málum án
þess að ráðfæra sig við borgarráð.
Ég man ekki betur en að það hafi
allir í borgarráði, meðal annars
núverandi borgarstjóri, verið sam-
mála um að fara með málið fyrir
dóm,“ segir Dagur B. Eggertsson,
oddviti Samfylkingarinnar í borgar-
stjórn. „Það er augljóslega mörgum
spurningum ósvarað í þessu máli.
En eitt er víst: Það getur ekki verið
hlutverk borgarinnar að gera starfs-
lokasamning við Kjartan Gunnars-
son.“
Umleitanir um viðskiptin stóðu
lengi án árangurs. Að lokum bauð
Kjartan landið fyrir 130 milljónir
króna en borgin vildi aðeins greiða
fimmtíu milljónir. Matsnefnd eign-
arnámsbóta úrskurðaði síðan í mars
á þessu ári að greiða ætti 208 millj-
ónir króna.
Í borgarráði í apríl var lögð fram
umsögn skrifstofustjóra lögfræði-
skrifstofu borgarinnar þar sem sagt
var fullt tilefni til að skjóta málinu
til dómstóla því matið væri alltof
hátt og ekki stutt neinum áþreifan-
legum rökum, eins og sagði í umsögn
Kristbjargar Stephensen, sem nú
gegnir einnig starfi borgarritara
tímabundið.
Kristbjörg segir nú að fyrir
matsnefndinni hafi borgin nefnt 111
milljónir króna sem hámarksupp-
hæð sem síðan hafi verið greidd
Kjartani í maí sem innáborgun.
Eftir að hún hafi í sumar uppreikn-
að þessar 111 milljónir í samræmi
við nýtt lóðaútboð í Norðlingaholti
hafi aðeins munað á bilinu 20 til 30
milljónum króna á þeirri tölu og
niðurstöðu matsnefndarinnar.
Kristbjörg segist þá hafa skrifað
minnisblað til Vilhjálms Þ. Vil-
hjálmssonar borgarstjóra þar sem
fram hafi komið að hún vildi ekki
standa ein að þeirri ákvörðun að
efna til dómsmáls þegar svo lítið
bæri í milli og hætta væri á að borg-
in yrði jafnvel dæmd til að greiða
enn hærri upphæð. Borgarstjóri
hafi þá fallist á tillögu hennar um að
una niðurstöðu matsnefndarinnar.
Þessi ákvörðun var ekki kynnt borg-
arráði:
„Það hefði væntanlega verið eðli-
legt vegna stærðar málsins að kynna
borgarráði að niðurstaðan hafi orðið
önnur en leit út fyrir síðasta vor. En
það fórst einfaldlega fyrir,“ segir
Kristbjörg.
Greiða 208 milljónir
fyrir fjóra hektara
Reykjavíkurborg greiddi 208 milljónir fyrir fjóra hektara í Norðlingaholti.
Upphæðin er samkvæmt niðurstöðu matsnefnd eignarnámsbóta sem borgarráð
ákvað í vor að skjóta til dómstóla. Borgaritari segir forsendur hafa breyst.
Sjúkraflugvél var
ekki staðsett í Vestmannaeyjum á
þriðjudagskvöld þegar þurfti að
flytja alvarlega veikan mann til
Reykjavíkur. Því var þyrla
Landhelgisgæslunnar kölluð út til
að flytja manninn.
Að sögn Sigurbjarnar Daða
Dagbjartssonar hjá Landsflugi,
sem annast sjúkraflug til og frá
Vestmannaeyjum, var sjúkraflug-
vélin í viðhaldi. Hann segir það
heldur ekki hafa skipt neinu máli
þótt vélin hefði verið í Eyjum þar
sem ekki hafi verið flugfært
þaðan þegar kallið kom.
Sjúkraflugvélin
var í viðhaldi
Sérstakri fjárveitingu
upp á samtals 560 milljónir króna
er varið til að mæta rekstrarhalla
heilbrigðisstofnana samkvæmt
tillögu meirihluta fjárlaganefndar
við meðferð fjáraukalaga.
Tillagan var afgreidd úr nefndinni
í gær og er stefnt að afgreiðslu
laganna í dag. Birkir Jón Jónsson,
formaður fjárlaganefndar, segir
þetta í samræmi við fyrri
ákvarðanir ríkisstjórnarinnar. Við
meðferð frumvarpsins eftir aðra
umræðu bætast 738 milljónir við
þá 16,2 milljarða sem fjáraukalög-
in ráðgera að ríkisútgjöldin aukist
um á árinu, frá því sem kveðið
var á um í fjárlögum.
Aukning um
738 milljónir