Fréttablaðið - 30.11.2006, Page 53

Ný húð
á aðeins
5 dögum!
ÁRANGUR Í 35 ÁR
VEGNA MEÐFERÐAR Á:
Óhreinni húð
Stækkun svitahola
Ótímabærrar öldrunar á húð
Hrukkum
Örum
Húðslits
Appelsínuhúð
Minnkandi sveigjanleika
húðar á maga, upphand-
leggjum og lærum
Ótrúlegur árangur!
Stórhöfði 17
20-60%
AFSLÁTTUR
www.markid.is sími 553 5320 Ármúla 40
P
IP
A
R

• S
ÍA
•
6
0
8
0
6
Á undanförnum árum hefur sykursýki greinst í
síauknum mæli meðal almennings. Með núverandi
lifnaðarháttum og þar með talið offituvanda í heim-
inum, má reikna með að sykursjúkum muni enn fara
fjölgandi.
Sykursýki er langvinnur sjúkdómur sem ein-
kennist af því að líkami okkar verður ófær um að
stjórna blóðsykri en sykur er eitt þeirra orkuforma
sem líkaminn nýtir sér í dagsins önn. Ákveðin
hormón, þ.m.t. insúlín sem framleitt er í briskirtli,
stjórna sykurmagni í blóði líkamans en briskirtill-
inn er lítið líffæri staðsett rétt neðan magans og
tengist bæði meltingarvegi og blóðrás. Briskirtill-
inn losar annars vegar meltingarensím út í melting-
arveginn svo við getum tekið upp þau næringarefni
sem við þurfum á að halda og hins vegar insúlín og
önnur hormón út í blóðrásina sem hjálpa líkamanum
að vinna sykur úr fæðunni.
Skipta má sykursýki í tvo aðalflokka, sykursýki
tegundir 1 og 2. Tegund 1 sykursýki getur greinst á
hvaða aldri sem er, þó er algengast að hún greinist
hjá börnum og unglingum, og einkennist af því að
briskirtill líkamans hættir að framleiða insúlín eða
framleiðir of lítið af því. Tegund 2 sykursýki hefur,
þangað til á undanförnum árum, helst greinst hjá
einstaklingum sem eru komnir yfir miðjan aldur en
vegna offituvanda er greining að færast neðar í
aldri. Þessi tegund sykursýki tengist svokölluðu in-
súlínþoli þar sem líkaminn nýtir verr það insúlín
sem til er. Briskirtillinn bregst við fyrst í stað með
því að framleiða og losa meira insúlín en smám
saman gefst hann upp og framleiðslan fer dvín-
andi.
Sterk erfðafræðileg tengsl eru við sykursýki 2 en
aðrir áhættuþættir eru aldur, ofþyngd, saga um
meðgöngusykursýki, hár blóðþrýstingur, háar blóð-
fitur o.fl. Sykursýki 1 er talin vera sjálfsofnæmis-
sjúkdómur þar sem ónæmiskerfið ræðst á og eyði-
leggur getu briskirtils til insúlínframleiðslu.
Einkenni sykursýki eru þorsti, tíð þvaglát, þreyta,
svengd og stundum megrun. Einnig getur komið fram
pirringur í fótum og sjóntruflanir. Sjúklingar sem
greinast með sykursýki 2 hafa yfirleitt aðra sjúkdóma
til staðar við greiningu, eins og hjarta- og æðasjúk-
dóma, og yfirleitt er sjúkdómurinn búinn að malla í
mun lengri tíma en hjá sjúklingum með sykursýki 1.
Meðferð við sykursýki 1 er óhjákvæmileg insú-
língjöf þar sem þessir sjúklingar framleiða ekki
nægjanlegt eigið insúlín og geta ekki lifað án þess.
Hjá sjúklingum með sykursýki 2 er fyrst reynd
megrun og líkamsrækt. Ef það gengur ekki eru gefin
lyf sem hjálpa til við stjórnun blóðsykurs og með
tímanum má reikna með að margir sjúklingar þurfi
á insúlíngjöf að halda.
Líklega verður aldrei hægt að uppræta sykursýki
en með því að vera vakandi fyrir einkennum sjúk-
dómsins og sporna við ofþyngd verður töluverður
ávinningur í baráttunni, a.m.k. gegn sykursýki af
tegund 2.
Unnið í samvinnu
við skrifstofu kennslu,
vísinda og þróunar á LSH.