Fréttablaðið - 30.11.2006, Síða 70

nám, fróðleikur og vísindi
Grunnskólalögunum verður hugs-
anlega breytt á næsta ári. 25. nóv-
ember síðastliðinn var haldið mál-
þing á Hótel Nordica þar sem rætt
var um álitamál í endurskoðun
laganna, svo sem samfellu á milli
skólastiga, skólaskyldu og
fræðsluskyldu, einstaklingsmiðað
nám, samræmd próf og samstarf
um skólastarf. Um 250 manns
mættu á málþingið.
Að sögn Guðrúnar Ebbu Ólafs-
dóttur, formanns nefndar sem
semur frumvarp til nýrra grunn-
skólalaga, voru niðurstöðurnar á
málþinginu meðal annars þær að
reyna að líta á skólastigin þrjú,
grunnskóla-, framhaldsskóla- og
háskólastigið sem eina heild. Hún
segir niðurstöður málþingsins
vera í átt til aukins sveigjanleika,
valfrelsis, sjálfstæðis og velferð-
ar nemenda.
Ein af niðurstöðum málþings-
ins að sögn Guðrúnar Ebbu er að
breyta eigi fyrirkomulaginu á
samræmdu prófunum í tíunda
bekk því þau séu of stýrandi. Guð-
rún Ebba segir að engar ákvarðan-
ir hafi verið teknar um það hvern-
ig prófunum verður breytt.
Guðrún Ebba segir að málþing-
ið hafi verið lokapunktur í sam-
ráðsferli sem hófst hjá nefndinni í
mars. Hún segir að nefndin hafi
talað við á annað hundrað hags-
munaaðila á landinu, „Það var
mikil ánægja með þetta þing hjá
þátttakendunum. Fólki fannst gott
að fá tækifæri til að ræða þessi
mál.“ Nefndin mun meðal annars
nota þær niðurstöður sem komu
fram á málþinginu þegar hún
vinnur lagafrumvarpið um breyt-
ingar á grunnskólalögunum sem
hún á að skila menntamálaráð-
herra, Þorgerði Katrínu Gunnars-
dóttur, í lok ársins.
Grunnskólalög í endurskoðun
Fræðsluþörf í stað skólaskyldu
Skipulagi Háskóla Íslands
mun líklega verða breytt
á næsta ári. Í stað ellefu
deilda munu líklega koma
fimm til sjö skólar. Ólafur
Þ. Harðarson, prófessor í
stjórnmálafræði, er formað-
ur nefndar háskólaráðs sem
vinnur að breytingunum.
Fyrstu hugmyndir nefndarinnar
um væntanlegar breytingar voru
kynntar á háskólafundi þann sautj-
ánda nóvember síðastliðinn.
Ólafur segir að ein hugmyndin
sé að í stað þeirra ellefu deilda
sem nú eru í Háskóla Íslands komi
fimm til sjö skólar: heilbrigðisvís-
indaskóli, félagsvísindaskóli, hug-
vísindaskóli, verkfræði- og raun-
vísindaskóli, og mögulega
uppeldisvísindaskóli. Ef verður af
sameiningu Háskóla Íslands og
Kennaraháskólans, sem Ólafur
telur afar líklega, muni uppeldis-
vísindaskólinn líklega verða
byggður upp í kringum Kennara-
háskólann.
Að sögn Ólafs eru breytingarn-
ar fyrst og fremst fyrirhugaðar
vegna þess að í úttektum sem Rík-
isendurskoðun og Evrópsku
háskólasamtökin framkvæmdu
voru gerðar athugasemdir við
núverandi deildaskiptingu í skól-
anum.
Ástæðan fyrir þessum athuga-
semdum er gríðarlegur stærðar-
munur á deildum skólans. „Mun-
urinn á fjölda nemenda í deildum
skólans er mikill. Í fámennustu
deildunum eru hundrað til tvö-
hundruð nemendur en í þeim fjöl-
mennustu um 2.500. Við erum að
tala um fimmtánfaldan mun á
milli fámennustu og fjölmennustu
deildanna. Önnur ástæða er sú að
mönnum hefur þótt of mikið að
vera með ellefu deildir,“ segir
Ólafur og bætir því við að önnur
orsök breytinganna sé mikil aukn-
ing nemenda í skólanum.
Næstu skref verða þau að nefnd
háskólaráðs mun ýta undir að
þessar breytingar verði ræddar í
deildum og skorum skólans á
næstu vikum og mánuðum. „Við
viljum að það fari í gang mjög
öflug grasrótarumræða í skólan-
um um þessar hugmyndir, þannig
að háskólasamfélagið fái gott
tækifæri til að ræða þær.
Vonandi verður komin niður-
staða um breytingarnar næsta
vor,“ segir Ólafur og bætir því við
að breytingarnar séu liður í því
markmiði að efla Háskóla Íslands
til muna.
Gagngerar breytingar
á skipulagi háskólans