Fréttablaðið - 30.11.2006, Síða 78

Norski krimmahöfundurinn Tom
Egelands á íslenska þýðingu á
markaði þessa hausts. Spennusög-
una Nótt úlfanna sem hann sendi
frá sér í fyrra þar sem lýst er her-
töku og gíslatöku flugumanna frá
Tjetsníu. Tilkynnt var á miðviku-
dag að nú yrði ráðist í að kvik-
mynda þessa sögu og væri veittur
til þess verks stórstyrkur úr Norska
kvikmyndasjóðnum, nær hundrað
miljónir íslenskra króna. Það er
sænskur leikstjóri, Kjell Sundvall,
sem leikstýrir, en hann á að baki tíu
myndir í fullri lengd og er Veiði-
mennirnir þekktust þeirra. Kjell er
um þessar mundir að vinna við
kvikmynd um Beck, hinn þekkta
sænska rannsóknarlögreglumann.
Úlfanótt kemur við kviku sam-
tímans, nú þegar þekktir gagnrýn-
endur Putins hafa verið myrtir,
bæði í Moskvu og London, fyrir að
forvitnast um vel þaggað fram-
ferði rússsneska hersins í Tjetsníu.
Útgefandi Egeland í Rússlandi
hefur hætt við að gefa verk hans út
þar í landi, en verk þessa spennu-
höfundar hafa farið víða síðari
misserin. Í viðtali við norska dag-
blaðið segir Egeland í gær að menn
verði að forðast að skoða mál þessa
stríðshrjáða lands af einsýni. Land-
ið eigi í stríði við stórveldi. Atburð-
irnir í Beslan og takan á leikhúsinu
í Moskvu blindi menn. Hann bend-
ir á að þótt Rússar kalli bardaga-
menn frá Tjetsníu hermdarverka-
menn megi til dæmis Norðmenn
minnast að það voru skæruliðarnir
sem sprengdu Rjukan-verið í stríð-
inu líka í augum Þjóðverja.
Egeland skrifar sjálfur handrit-
ið að Nótt úlfanna en framleiðslan
mun kosta nærri 200 milljónir
íslenskar.Verkið verður unnið sem
kvikmynd fyrir bíó en líka í lengri
gerð sem þáttaröð fyrir sjónvarp.
Egeland er fæddur 1959 og starfaði
sem blaðamaður áður en hann tók
til starfa í sjónvarpi. Við enda
hringsins kom út í fyrra og naut
mikilla vinsælda. Hún er nú komin
út í fjórtán löndum.
Nótt úlfanna fer
á hvíta tjaldið
Rinascente-hópurinn heldur tón-
leika annað kvöld á vegum tónlist-
arhátíðarinnar „Tónað inn í
aðventu“. Hópinn skipa þau Hall-
veig Rúnarsdóttir sópransöng-
kona, Hrólfur Sæmundsson barít-
ón og Steingrímur Þórhallsson,
organisti og listrænn stjórnandi
hópsins.
Á efnisskránni að þessu sinni
eru verk eftir Feneyjatónskáldin
Gabrieli og Girolamo Frescobaldi,
sem uppi voru á 16. og 17. öld.
Gabrieli var eitt þekktasta tón-
skáld Evrópu á þeim tíma og eitt
höfuðtónskálda á mörkum endur-
reisnar og barokks. Frescobaldi
var einnig áhrifamikill en áhrif
hans má meðal annars merkja á
tónsmíðum Johanns Sebastians
Bach. Söngverk hans eru glæsi-
leg, en gera miklar kröfur til flytj-
andans.
„Þetta er tónlist á mörk-
um endurreisnar og barr-
okk, annars vegar söng-
lög og nokkrir dúettar
en einnig hljómborðs-
lög frá þessum tíma,“
segir Hrólfur. „Við
flytjum þessa tónlist
beint úr handritunum,
milliliðalaust frá tón-
skáldi til túlk-
anda.“ Hann
áréttar
að
músík sem þessi geti skolast til í
endurritun og krefjandi sé að rýna
í handskrifaðar nóturnar en hóp-
urinn leitist við að flytja tónlistina
í sem upprunalegustu mynd.
„Steingrímur á mestan heiðurinn
að þessu, hann stúderaði í tónskóla
Vatíkansins á sínum tíma og við-
aði að sér alls konar efni eins og
þessu,“ útskýrir Hrólfur.
Steingrímur stofnaði Rinas-
cente-hópinn árið 2003 en hann
hefur frá stofnun einbeitt sér að
flutningi barokk og endurreisnar-
tónlistar beint upp úr frumhand-
ritum.
„Þetta verður mjög hugguleg
stemning,“ útskýrir Hrólfur, „tón-
leikarnir fara fram í safnaðar-
heimili Neskirkju og þar myndast
notaleg stemning.“ Þess skal einn-
ig getið að hljómburður í safnað-
arheimilinu þykir einnig afar
góður.
Tónleikar Rinascente-
hópsins hafa hingað til
fengið frábæra dóma
og góða aðsókn. Á
næsta ári hyggst hóp-
urinn ráðast í flutning á
óperu eftir Georg Frie-
drich Handel.
Tónleikahátíðinni
„Tónað inn í aðventu“ lýkur
nú á sunnudag, en hún er
árlegur viðburður í Nes-
kirkju. Tónleikarnir
hefjast klukkan 20
annað kvöld.
Barokk í Neskirkju